राष्ट्रिय जनमोर्चाका अध्यक्ष थम्मन केसीलाई पितृ शोक

सन्धिखर्क एफएम,जेष्ठ २५ अर्घाखाँची

राष्ट्रिय जनमोर्चाका अध्यक्ष थम्मन केसीलाई पितृ शोक परेको छ । ८७ वर्षिय उहाँका पिता ओम बहादुर केसीको आज बिहान ( शुक्रबार ) ६ बजे खाँचीकोट ७ भालुखोलामा रहेको आफ्नै निवासमा निधन भएको हो । स्वर्गीय केसीको हिन्दु परम्परा अनुसार गच्छे घाटमा अन्तिम दाहसंस्कार गरिएको छ ।

छोरा थम्मनले बुवाको पार्थिव शरिरमा दागवत्ति दिनु भएको थियो । केसीको पार्थिव शरिरमा राष्ट्रिय जनमोर्चाका केन्द्रीय सदस्य यमलाल पोख्रेलले पार्टीको झण्डा ओडाएर अन्तिम श्रदाञ्जली अर्पण गर्नु भएको थियो । राष्ट्रिय जनमोर्चाका नेता सागर केसी, सन्धिखर्क नगरपालिकाका प्रमुख कमल प्रसाद भुसाल, उपप्रमुख ठाकुर कुमार विक, नेकपाका नेता रामबहादुर चौहान, लागयत राष्ट्रिय जनमोर्चाका विभिन्न तहमा रहेका नेता तथा कार्यकर्ता, पत्रकार लगायतले पार्थिव शरिरमा फुल तथा टिका अर्पण गरि अन्तिम श्रदाञ्जली व्यक्त गरेका थिए ।

शोक सभामा मन्तव्य राख्दै राष्ट्रिय जनमोर्चाका जिल्ला उपाध्यक्ष गोपाल पौडेल र सचिव वावुराम सुनारले पार्टी अध्यक्ष केसीका बुबाको योगदानको चर्चा गर्दै उहाँको निधले पार्टीलाई क्षति पुगेको बताएका थिए ।

अर्घाखाँचीमा पहिलो पटक साहित्यिक महोत्सव

अर्जुन भुसाल अर्घाखाँची जेठ २५
शुक्रबार सदरमुकाम सन्धिखर्कको शान्तिवगैचामा अवस्थित धर्मशाला साहित्यमय बन्यो । जिल्लामै पहिलो पटक आयोजना गरिएको प्रथम अर्घाखाँची साहित्य महोत्सवमा साहित्यकारहरुका कृतिहरुले अतिथि र दर्शकहरु मन्त्रमुग्ध बने । कविता, गजल, मुक्तक भावना र गीतहरुले मनोरञ्जन र भावुकता दुबै प्रदान गरे । साहित्यको भित्री गहिराइबाट निर्मित सिर्जनाहरुबाट दर्शकलाई साच्चै नै आनन्द मिल्यो ।
कृपया त्यो सातौं तलाको झ्यालबाट बाहिर नथुक्नुहोला तल सडक पेटीमा फुलेका केशहरु हातखुट्टा नभएका केहि जोर आखाँहरु दृष्टि विहिन र भोकाहरु एक गास उज्यालोको पर्खाइमा छन् । साहित्यकार अशिम सागरको यो कविताले दर्शकलाई भावुक बनायो । गरिबिको मारबाट पिल्सिएका वर्गको यथार्थतामा आधारित यो कविताबाट धेरैका आखाँ रसाए । सर्जकहरुले एकपछि एक सिर्जनाहरु पस्कदै गए ।
अरु छैन धोको यति गर्न पाउँ बतनको सिपाइ भइ मर्न पाउँ छ जन्घार चर्को चुनौतिहरुको नमानेर झर्को सधै तर्न पाउँ बतनको सिपाइ भइ मर्न पाउँ अर्का साहित्यकार बुद रानाको यो गजलले पनि दर्शकको ध्यान उत्तिकै तान्यो । उनले अर्घाखाँची जिल्लालाई आधार मानेर बनाएको गिती गजल प्रस्तुत गर्दा दर्शक दिर्घाबाट तालीको गड्गडाहट बर्सियो । कार्यक्रममा तिन ओटा पुस्तकहरु विमोचन गरियो ।
बुद्धि गैरे द्वारा लिखित कविता संग्रह माटोको सुगन्ध, देवी पन्थीको नेपाली गजलको परिवर्तित स्वरुप र दिननाथ गौतमको यमराजलाई बिन्ती पत्र नाम कृति बिमोचन भए । गैरेको पुस्तक माटोको सुगन्धमाथि संस्कृतिविद् राजेन्द्र आचार्यले टिप्पणी गरे । कार्यक्रममा जिल्लाका अग्रज साहित्यकार कुलचन्द्र मरासिनी,खिमानन्द पोख्रेल, नारायण शास्त्री र बीरेन्द्र शाहलाई सम्मान पत्र र दोसल्ला ओडाएर सम्मान गरियो ।
कार्यक्रमका प्रमुख अतिथि समेत रहेका वरिष्ठ साहित्यकार रानाले साहित्यले सधै भलो र हितका विषयलाई उठान गर्ने बताए । ‘सहित्य सधै दम शोषणको बिरुद्धमा हुन्छ’ उनले भने, साहित्यकारले सधै न्याय र समानताका विषयमा कलम चलाउनुपर्छ ।’ उनले राज्यले साहित्य क्षेत्रलाई उपेक्षा गरेको गुनासो समेत गरे । ‘अष्ट्रेलिया लगायतका केहि देशहरुमा साहित्यकारबाट राय सुझाव लिएर मात्र वजेट सार्वजनिक गर्ने चलन छ’ उनले भने, नेपालमा कुनै पनि क्षेत्रमा साहित्यकारको भूमिका देखिदैन ।’
उनले कला संगित र साहित्यमा लाग्न उमेरले नछेक्ने बताए । ‘सानो उमरेका बालबालिकाहरुले पनि यो क्षेत्रमा निकै प्रगति हासिल गरेका प्रशस्त उदाहरणहरु पेश गरे । देशको हितका लागि साझा धारणा हुनु पर्ने उनले औंल्याए । पराष्ट नीति ठिक नहुँदा राष्ट्रियता कमजोर बन्दै गएको उनको जिकिर छ ।
नेपाली गजलको परिवर्तित स्वरुपका लेखक पन्थीले साहित्यकारलाई मनोरञ्जनका लागि मात्रै प्रयोग गरिएको गुनासो गरे । ‘साहित्कारको काम मनोरञ्जन प्रदान गर्ने मात्रै हो भन्ने भ्रम छ’ उनले भने, ‘साहित्यकारले देश निर्माणमा समेत ठूलो टेवा पु¥याउन सक्छन् ।’
कार्यक्रममा जिल्ला भरका करिव ७० जना साहित्यकारहरुले आ–आफ्ना सिर्जनाहरु पस्केका थिए । कार्यक्रममा बोल्दै सन्धिखर्क नगरपालिकाका प्रमुख कमल प्रसाद भुसालले साहित्य क्षेत्रको विकासका लागि नगरपालिकाले आवश्यक वजेट विनियोजन गर्ने बताए । प्रमुख जिल्ला अधिकारी खिमराज भुसालले साहित्य क्षेत्रको विकासका लागि राज्यले आवश्यक सहयोग प्रदान गर्नुपर्ने औंल्याए ।
पत्रकार महासंघका अध्यक्ष तथा साहित्यकार हिम बहादुर जिसी लेकालीले पछिल्लो समयमा साहित्य क्षेत्रमा जिल्लाले प्रगति हासिल गर्दै गएको बताए । कार्यक्रममा राजमोका नेता भिमलाल आचार्य, अर्घाखाँची साहित्य फाउण्डेसनका संयोजक वुद्धि गैरे, साहित्यकार रुद्र ज्ञवाली, अमृत पियुस,मञ्जु घिमिरे, जेवि, दर्लामी, पत्रकार शोभाखर पन्थी, अन्तरपार्टी महिला सञ्जालकी सुशिला गैरे लगायतले मन्तव्य राख्दै साहित्य क्षेत्रको विकासमा जोड दिएका थिए ।

दाङमा बस दुर्घटना : एकजनाको मृत्यु, ३२ जना घाइते

unn.prixa.net

दाङ – दाङको पहरुवामा यात्रुवाहक बस दुर्घटना हुँदा एक जनाको ज्यान गएको छ भने ३२ जना घाइते भएका छन् ।

दुर्घटनामा भारतीय नागरिक मोहम्मद मुर्वीको ज्यान गएको वडा प्रहरी कार्यालय लमहीले जनाएको छ ।

घाइते मध्ये ९ जनालाई लमहीमा प्रारम्भिक उपचारपछि नेपालगञ्ज लगिएको छ । अन्य २३ जनाको लमहीमा उपचार भइरहेको छ । घाइतेमध्ये ९ जनाको अवस्था गम्भीर रहेको प्रहरीले जनाएको छ ।

जनकपुरबाट नेपालगञ्ज तर्फ जाँदै गरेको ना ५ ख १८२९ न को यात्रुबाहक बस बिहान साढे ६ बजे राप्ती गाउँपालिका वडा नं ५ को पहरुवामा दुर्घटनामा परेको हो .। बस तीव्र गतिमा भएको र चालक निदाएकोले गाडी सडकबाट खोलामा खसेको दुर्घटनामा घाइते हुनु भएकी दैलेख नयाँ बजारकी आयुष्मा थापाले जानकारी दिनुभयो ।

source:ujyaaloonline

ढुंगाले किचेर सडकमा काम गरिरहेका दुई महिलाको मृत्यु

बझाङ – चैनपुर ताक्लाकोट सडक खण्डमा काम गर्ने २ जना मजदुर महिलाको मृत्यु भएको छ । मृत्यु हुनेका तल्कोट गाँउपालिका ३ बस्ने २८ वर्षीया जुनकिरी चदार र ४५ वर्षीया निरा रोकाया रहेको जिल्ला प्रहरी कार्यालयले बझाङले जनाएको छ ।

तल्कोट गाँउपालिका ३ को जिपजिपमा जाली भर्ने काम गरिरहेका बेला माथिबाट ढुङ्गा खसेर किच्दा दुवैको ज्यान गएको हो । source:ujyaaloonline

श्रीमानले गरे श्रीमतीको हत्या

भक्तपुर – बञ्चरोले हानेर श्रीमतीको हत्या गरी श्रीमान फरार भएका छन् ।

विहिबार राति चाँगुनारायण नगरपालिका –७ खरिपाटी वागेश्वरीमा भोजपुर चरनदीका उमेश माझीले आफ्नै श्रीमती २८ वर्षीया सलेना माझीको टाउकोमा बञ्चरोले हानेर फरार भएको प्रहरीले जानकारी दिएको छ ।

महानगरीय प्रहरी परिषर भक्तपुरका प्रहरी उपरीक्षक हिमालय कुमार श्रेष्ठका अनुसार स्थानीय राममाया कार्कीको घरमा डेरामा बस्दै आएका माझीले श्रीमतीसँगको झगडामा टाउकोमा बञ्चरोले हानेका हुन् ।

बञ्चरो प्रहारबाट घाइते भएकी सलेनाको उपचारको क्रममा न्यूरो अस्पताल बाँसबारीमा मृत्यु भएको हो ।  फरार माझीको खोजी कार्य भैरहेको प्रहारीले जनाएको छ ।

source:ujyaaloonline