निबृत्त राष्ट्रसेबक समाज नेपाल सन्धिखर्कको भेला सम्पन्न-अध्यक्षमा भुसाल चयन

श्याम घिमिरे,अर्घाखाँची २२ जेष्ठ

निबृत्त राष्ट्रसेबक समाज नेपाल जिल्ला कार्यसमिति अर्घाखाँचीको आयोजनामा सोमबार जिल्लाको सन्धिखर्क नगरपालीकामा भेला सम्पन्न भएको छ । जिबनको उर्बर एवं सिर्जनशिल समयलाई राष्ट्रसेवाको काममा ब्यतित गरि सेवा निबृत्त भएपछि आफ्नो अनुभव र दक्षताले भरिएको बाँकी समयलाई समेत सदुपयोग गरि समाज र राष्ट्रसेवामा योगदान पु¥याउने उद्देश्यले खोलिएको समाजको भेलाले सुर्यप्रसाद भुसालको अध्यक्षतामा ९ सदस्यीय कार्यसमितिको निर्बिराध चयन गरेको छ । जसको उपाध्यक्षमा ढुण्डीराज न्यौपाने,सचिब बिश्वराज भुसाल,कोषाध्यक्ष साबीत्रा पिसी,सहसचिब डिलबहादुर अधिकारी चयन हुनु भएको छ ।

त्यस्तै सदस्यहरुमा नारायण खत्री,ठाकुर प्रसाद ढकाल,झबिलाल आचार्य र गोमाखर खनाल लाई चयन गरेको छ । त्यस्तै भेलाले चुरामणी भुसाल,पोमनारायण पौडेल,जिबादेब भुसाल,धर्मराज बन्जाडेर लिला गौतमलाई जिल्ला प्रतिनिधिमा चयन गरेको छ भने मिना बिसी र कमलप्रसाद पोख्रेललाई नगरसमितिमा मनोनित समेत गरेको छ ।

भेलाले हरीप्रसाद भुसाल,गणपति भुसाल,माया भुसाल,धुब्र्रराज शर्मा र खिमानन्द खनाललाई सल्लाहकार समितिमा चयन समेत गरेको छ । समाजका केन्द्रीय सहअध्यक्ष पिताम्बर बन्जाडेको प्रमुख आतिथ्यतामा सम्पन्न भेलामा केन्द्रीय महासचिब बिष्णुप्रसाद बस्याल,केन्द्रयि सदस्य बिष्णुप्रसाद आचार्य,केन्द्रीय प्रतिनिधि पुष्पा न्यौपाने, धर्मराज बन्जाडे लगायतले शुभकामना मनतब्य राख्नु भएको हो । भेलामा राज्यकोषबाट पेन्सन पाउने प्रध्यापक ,शिक्षक ,निजामती कर्मचारी ,सेना ,प्रहरी,शसत्र प्रहरी न्यायसेवा तथा बिभिन्न संघ संस्थाका अबकास प्राप्त ब्यक्तिहरुको उपस्थीति रहेको थियो ।

भेला जिल्ला अध्यक्ष बलदेब भसालको अध्यक्षता भिमबहादुर केसीको स्वागत मनतब्य र भिमलाल आचार्यको सन्चालनमा सम्पन्न भएको हो ।

 

प्लास्टिक जन्य फाेहर नियन्त्रणमा बिद्यार्थीहरूकाे भुमिका बिषयक बक्तृत्वकला सम्पन्न

हिम जिसी लेकाली,अर्घाखाँची २२ जेष्ठ

जिल्ला वन कार्यालय अर्घाखाँचीकाे अायाेजना,जिल्ला समन्वय समिति काे समन्वयमा मंगलबार वातावरण दिबस सदरमुकाम सन्धिखर्कमा मनाईयकाे छ । उक्त अबसरमा सन्धिखर्क स्थित विभिन्न बिद्यालयका बिद्यार्थी हरू बिच प्लास्टिक जन्य फाेहर नियन्त्रणमा बिद्यार्थीहरूकाे भुमिका बिषयक बक्तृत्वकला सम्पन्न भएकाे छ । सम्पन्न प्रतियाेगितामा युवाबर्स जनता रविचित्र माबिका छात्रा शन्देस वाग्ले प्रथम,ग्रीन बोर्डिङ्ग स्कुल चुत्राबेशिकी छात्रा सुभेच्छा खनाल द्वितीय ,भगवती माबी सन्खेटारिका छात्र हेमराज अधिकारी तृतिय र मदरल्यान्ड इङ्ग्लिस बोर्डिङ्ग स्कुलका छात्र विशाल पन्थिले सान्त्वना स्थान प्राप्त गरेका छन । बिजयी बिध्यार्थिलाइ नगद सहित प्रमाणपत्र प्रदान गरियको थियो !प्रतियोगितामा सात बिध्यालयका चौध जना बिध्यार्थिहरु सहभागी थिय ।

कार्यक्रमका प्रमुख अतिथी जिल्ला समन्वय समिती अर्घाखाँचीका प्रमुख पिताम्बर शर्माले बाताबरण संरक्षणमा सबैले योगदान दिनुपर्ने बताउनु भयो । कार्यक्रममा मन्तब्य राख्दै प्रमुख जिल्ला अधिकारी खिमराज भुसालले स्वच्छ बाताबरण सबैका लागि अपरिहार्य रहेको बताउनु भयो । त्यसै गरि कार्यक्रममा जिल्ला समन्वय समितिका उपप्रमुख रिशी पुलामी ,पत्रकार महासङ्घका जिल्ला सभापती हिम लेकाली,मदरल्याण्ड इङ्ग्लिस बोडिङ्ग स्कुलका प्रीन्सिपल विशाल पन्थी लगायतले मन्तब्य राख्दै बाताबरण संरक्षण गर्नु सबैको दायित्तो भयकोमा जोड दियका थिय । कार्यक्रम बन कार्यलयका निमित्त कार्यलय प्रमुख रुद्रप्रसाद ग्यावलिको अध्यक्षता,सहायक बन अधिकृत टेकनारायण चौधरिको स्वागत र सहायक बन अधिकृत शिला पोख्रेलको सन्चालनमा सम्पन्न भयको थियो ।

क्याम्पस सुधारको माग गर्दै पाणिनी क्याम्पसमा ज्ञापनपत्र

सन्धिखर्क एफएम,जेष्ठ २२ अर्घाखाँची
सन्धिखर्क, २२ जेठ । स्वतन्त्र विद्यार्थी युनियन पाणिनी बहुमुखी क्याम्पसले २१ बँुदे क्याम्पस सुधारको माग गर्दै क्यापसलाई ज्ञापनपत्र बुझाएको छ ।

मंगलबार क्याम्पसका प्रध्यापकहरुलाई जानकारी गराउँदै क्याम्पसमा अध्यापन गराउँने दोहोरो सुविधा लिएका प्रध्यापकको छानविन गरी कार्वाही, क्याम्पस समयमा क्याम्पसमा प्रध्यापकहरु रहन माग, विद्यार्थीको बढी लिएको शुल्क फिर्ता, प्रत्येक विद्यार्थीलाई ३/३ वटा पुस्तकको व्यवस्था, क्याम्पसलाई सफा सुग्गर, कम्युटरको उचित व्यवस्थापन, इ हाजिरीको व्यवस्था, क्याम्पसका हरेक खर्चहरु पारदर्शी बनाई स्ववियुलाई जानकारी गराउँने, प्रशासन, लेखा र पुस्कालय ८ बजे खोल्ने गरी कार्यान्वयन गर्नुपर्ने लगाएत २१ बुँदे माग सहित ज्ञापनपत्र बुझाएको स्ववियु कोषाध्यक्ष घनश्याम पौडेलले जानकारी दिए ।

कार्यक्रम स्ववियु सभापति लक्ष्मण खड्काको अध्यक्षता, उपाध्यक्ष श्रृजन भुसालको स्वागत, सचिव वर्जना खनालको सञ्चालनमा सम्पन्न कार्यक्रममा सहसचिव कुलराज बन्जाडेले पनि मन्तव्य राखे ।

ज्ञापन पत्र बुझदै प्रध्यापक बुद्धि भुसालले स्ववियुको ज्ञापन पत्र क्याम्पस प्रमुखलाई जानकारी गराउँने बताउँदै विद्यार्थीका माग क्याम्पसले पुरा गर्ने बताए ।

बिश्व बातावरण दिबसको अबसरमा सन्धिखर्क टुडिखेलमा सरसफाइ कार्यक्रम सम्पन्न

गोपाल भट्टराई,अर्घाखाँची जेष्ठ २२

४५ औं विश्व बातावरण दिवस तथा १९ औं राष्ट्रिय सरसफाइ सप्ताहकाको अवसरमा मंगलबार बिहान सन्धिखर्क टुडिखेलमा बृहत सरसफाई कार्यक्रम गरिएको छ । जिल्ला खानेपानी सरसफाइ स्वच्छता समन्वय समिति अर्घाखाँची,जिल्ला बन कार्यालय अर्घाखाँची र प्रकाश सचेतन समुह प्राग को संयुक्त अयोजनामा सन्धिखर्क टुडिखेलमा रहेका पलाष्टिक जन्य र अन्य फोहोरलाई ब्यबस्थापन गरि सरसफाई गरिएको हो ।

आज बिहान गरिएको सरसफाई पछि को प्रवचन कार्यक्रममा जिल्ला समन्वय समिति प्रमुख पिताम्बर शर्मा,सन्धिखर्क नगर प्रमख कमल प्रसाद भसाल, उपप्रमुख ठाकुर कुमार विक , प्राग अर्घाखाँचीका प्रेम गैरे,पत्रकार महासंघ प्रदेश ५ का सदस्य शोभाखर पन्थी लगायतले मन्तव्य राख्दै पछिल्लो समय बिग्रदो बातावरणले मानवजातिको जनजिवन संकट बन्दै गएकोमा चिन्ता ब्यक्त गर्दै सबै मिलेर वातावरण जोगाउनुपर्नेमा जोड दिनुभएको छ । स्वच्छ बातावरण र सरसफाई मानव जिवनका महत्वपुर्ण बिषय भएकोले यसको कार्यान्वयनमा खेलवाड गर्न नहुने उहांहरुको भनाई छ ।

बातावरण प्रदुषण युक्त साधनको प्रयोगमा कमी,सरसफाई,बृक्षारोपण,पानीका महानको संरक्षण गर्न जस्ता कुरा नै बातावरण संरक्षणका प्रमुख आधार भएकोले सबैले हातेमालो गर्दै यि कार्यलाई अगाडि बढाउनुपर्नेमा जोड दिनुभएको हो ।

प्राग अर्घाखाँचीका भविश्वर पौडेलको संचालनमा सम्पन्न सरसफाई कार्यक्रममा बिभिन्न वडाका जनप्रतिनिधि,सरसफाईको क्षेत्रमा काम गर्ने संघ संस्थाका प्रतिनिधि,संचारकर्मी एवम् बजारबासीको समेत सहभागिता रहेको थियो . यसपाली विश्व वातावरण दिवस प्लाष्टिक प्रदुषण निर्मुल गरौ, सके पुनः प्रयोग गरौ, नसके वहिस्कार गरौ भन्ने नाराका साथ र “ दिगो विकासको मुख्य आधार, स्वच्छ खानेपानी र स्वस्थकर बानी व्यहार, भन्ने मुल नाराका साथ राष्ट्रिय सरसफाइ सप्ताह मनाउने अभियानको उद्घाटन स्वरुप टुडिखेलमा रहेका प्लाष्टिक लगायत अन्य फोहोर हटाइ सरसफाई गरिएको आयोजकले जनाएको छ । मंगलबारदेखि जेठ २८ गते सम्म जिल्लाभर सरसफाई सम्बन्धि बिभिन कार्यक्रम गर्ने तय भएको आयोजकले जनाएको छ ।

२०७५ जेष्ठ २६ गते सन्खिर्कमा उद्योग बाणीज्य संघ अर्घाखाँचीको सातौं साधारण सभा तथा पाँचौं अधिबेशन हुने

श्याम घिमिरे अर्घाखाँची,२२ जेष्ठ

यही जेष्ठ २६ गते सन्खिर्कमा सम्पन्न हुन गईरहेको उद्योग बाणीज्य संघ अर्घाखाँचीको सातौं साधारण सभा तथा पाँचौं अधिबेशनको पुर्ब सन्ध्यामा मंगलबार उद्योग बाणीज्य संघ अर्घाखाँचीको आयोजनामा सन्धिखर्कमा पत्रकार सम्मेलनको आयोजनागरी अधिबेसन सम्बन्धी कार्यक्रमहरुको बारेमा जानकारी गराईएको छ ।

पत्रकार भेटघाट कार्यक्रममा मनतब्य राख्दै अर्घाखाँची उद्योग बाणीज्य संघका अध्यक्ष कृष्णप्रसाद श्रेष्ठले अधिबेसनकोलागी जिल्लाका करबि १ हजार भन्दा बढी ब्यबसायीहरुलाई पत्रचार गरीएको, भन्दै अधिबेसनलाई भब्यरुपमा सफल बनाउन सबैलाई आग्रह गर्नुभयो । साथै अधिबेसनको सिलसीलामा २६ गते बिहान ८ बजेदेखी सन्धिखर्क १ को कुडुलेफाट नजिकै गौतमबुद्ध सामुदायीक मुटु अस्पतालको सहयोगमा निशुल्क स्वास्थ्य शिबिर आयोजना गरीएको पनि अध्यक्ष श्रेष्ठले जानकारी दिनु भएको हो ।