छापामा आजः प्रधानमन्त्री ओली आफ्नैसँग असन्तुष्ट

१५ असार, काठमाडौं । राजधानीबाट आज प्रकाशित राष्ट्रिय दैनिक पत्रिकाहरुको प्राथमिकतामा नेपाल वायु सेवा निगमले भित्र्याएको वाइड बढी र भीषण वर्षासँगै धादिङमा भएको मानवीय एवं भौतिक क्षति परेको छ ।

निगमले पहिलोपटक वाइडबडी विमान भित्र्याएको खबरलाई नयाँ पत्रिका र कारोबार दैनिकले मुख्य समाचार बनाएका छन् भने अन्य पत्रिकाहरुले पनि महत्त्वपूर्ण स्थान दिएर ‘कभरेज’ गरेका छन् ।

उत्तरी विकट खनियाबास गाउँपालिकामा बिहीबार गएको छुट्टाछुट्टै पहिरोमा दुई परिवारका ५ जनाको मृत्यु भएकोलाई पत्रपत्रिकाले विभिन्न शीर्षकमा लेखेका छन् । पहिरोले ११ जना घाइते भएका छन् भने ९ घर बगाएको छ ।

सरकारले प्रदर्शन स्थल तोकेको विषयलाई पनि पत्रपत्रिकाहरुले नछुटाइकन लेखेका छन् ।

यसका अलावा प्रधानमन्त्री आफ्नैसँग असन्तुष्ट बनेको, एकीकृत वस्ती निर्माण सुस्त बनेको, १० महिनामा २४ अर्बको चामल आयात भएकोलगायत खबरहरुले पनि आजका पत्रपत्रिकाहरुमा उत्तिकै स्थान र महत्त्व पाएका छन् ।

प्रधानमन्त्री ओली आफ्नैसँग असन्तुष्ट

संसदीय दलको नेताको हैसियतले आफूलाई जानकारी नै नदिई आफ्नै दलका सांसदको प्रस्तावमा जरुरी सार्वजनिक महत्त्वको प्रस्तावमाथि प्रतिनिधिसभामा छलफल गरेको भन्दै प्रधानमन्त्री केपी शर्मा ओलीले असन्तुष्टि पोखेका छन् ।

नेकपाका सांसद् खगराज अधिकारीले २०७५–७६ का योजना सम्पन्न गर्नुपर्ने भन्दै दर्ता गरेको जरुरी सार्वजनिक महत्त्वको प्रस्तावमाथि बिहीबार प्रतिनिधिसभामा छलफल गराएकोमा आश्चर्य व्यक्त गर्दै प्रधानमन्त्री ओलीले असन्तुष्टि जनाएका हुन् ।

मन्त्रालयगत बजेटमाथि मन्त्रीहरुले जवाफ दिने क्रम चलिरहेका बेला बिहीबार एकाएक सांसद् अधिकारी प्रस्तावक रहेको जरुरी सार्वजनिक महत्त्वको प्रस्तावमाथि छलफल गराइएको अन्नपूर्ण पोस्ट दैनिकमा खबर छ ।

एकीकृत बस्ती कार्यक्रम सुस्त

सरकारले भूकम्पपछि पहिरोको उच्च जोखिममा रहेका गाउँबस्ती स्थानान्तरण गर्न लागू गरेको एकीकृत बस्ती विकास कार्यक्रम सुस्त देखिएको छ । राष्ट्रिय पुनर्निर्माण प्राधिकरणले एक वर्षअघि यो कार्यक्रम सञ्चालन गरे पनि अहिलेसम्म कुनै पनि जोखिमपूर्ण गाउँ सुरक्षित स्थानमा सार्न सकेको छैन ।

प्राधिकरणका अनुसार भूकम्प प्रभावित १८ जिल्लाका २ सय ८६ गाउँका ३ हजार ९ सय ७५ घरपरिवार पहिरोको उच्च जोखिममा रहेकाले सुरक्षित स्थानमा सार्नुपर्ने अवस्था छ । सार्नुपर्ने घरपरिवारमध्ये विभिन्न जिल्लाका ६ सय ४८ घरपरिवारलाई एकीकृत बस्तीमा ल्याउने प्रक्रिया थालिएको छ भने ९ सय १८ घरपरिवारले आफंैले अन्यत्र जग्गा खोज्न प्रतिपरिवार २ लाख रुपैयाँका दरले सरकारबाट रकम बुझिसकेका छन् । २ हजार ४ सय ९ घरपरिवारले कुनै अनुदान वा सहायता रकम पाएका छैनन् भने उनीहरूलाई अन्यत्र स्थानान्तरण गर्न कुनै प्रक्रियासमेत नथालिएको अन्नपूर्णमा खबर छ ।

प्राधिकरणले भूकम्पपीडितलाई जग्गा उपलब्ध गराउन ३८ करोड ११ लाख रुपैयाँ जिल्लामा निकासा गरिसकेको छ । पीडितलाई जग्गा उपलब्ध गराउन र एकीकृत बस्ती विकासका लागि प्राधिकरणले चालु आवमा ६१ करोड १८ लाख रुपैयाँ विनियोजन गरेको छ।

प्राधिकरणले सञ्चालनमा ल्याएका कुनै पनि एकीकृत बस्ती अहिलेसम्म पूर्ण रूपमा तयार भएका छैनन् भने पहिरोको उच्च जोखिममा रहे पनि सरकार सञ्चालित एकीकृत बस्तीमा पीडितहरू पनि खासै आकर्षित छैनन् ।

नेकपाले स्थानीय तहमा पनि संसदीय दल बनाउँदै

नेपाल कम्युनिस्ट पार्टी (नेकपा) ले स्थानीय तहमा पनि पार्टी संसदीय दल बनाउने भएको छ ।

केन्द्र र प्रदेशमा संसदीय दल बनाइसकेको नेकपाले नयाँ संविधानअनुसार प्रदेश र स्थानीय तहमा पनि सरकार गठन भएको भन्दै सबै तहमा संसदीय दल सञ्चालन गर्न लागेको नयाँ पत्रिका दैनिकमा खबर छ ।

यसैबीच स्थानीय तहका जनप्रतिनिधिलाई भने पार्टीको लगाम लगाइने भएको छ ।

निगम डुबाउने चर्चित दुई काण्डः धमिजा र लाउडा

०५० सालमा गिरिजाप्रसाद कोइराला नेतृत्वको सरकारले बेलायती मूलका व्यापारी दिनेश धमिजालाई युरोपका लागि निगमको जनरल सेल्स एजेन्ट नियुक्त गरेको घटना धमिजा काण्डका नामले चर्चित छ । सार्वजनिक खरिद नियमविपरीत टेन्डर गरिएको उक्त सम्झौताबाट निगमले झन्डै ४० करोड घाटा व्यहोरेको थियो ।

०५७ मा निगम र अस्ट्रेलियाको लाउडा एयरबीच सम्झौता गरियो ।जुन लाउडाको जहाज निगमलाई भाडामा दिने सम्झौता थियो । निगमसँग आफ्नै जहाज रहेको, चाइना साउथवेस्टर्नसँग भाडामा लिने सम्झौता भइसकेको अवस्थामा थप जहाज नचाहिने भन्दै संसदमै हंगामा भयो । यो काण्डबाट निगमले झण्डै दुई अर्ब नोक्सान ब्यहोर्यो ।

विश्व सम्पदा क्षेत्र खतराको सूचीबाट हट्यो

विश्व सम्पदा सूचीको खतराको सूचीमा राख्ने प्रस्ताव खारेज भएको छ । युनेस्कोले बहराइनमा जारी ४२ औं साधारणसभाले खतरामा नराख्ने निर्णय गरेको हो ।

भूकम्पलगत्तै सन् २०१५ देखि २०१७ सम्म लगातार विश्व सम्पदा सूचीमा सूचीकृत हनुमानढोका दरबारलगायत ७ वटा क्षेत्रलाई खतराको सूचीमा राख्ने चेतावनी दिएको थियो ।

नेपाल समाचारपत्रका अनुसार हाल सम्पदाहरुको पनुर्निर्माण सन्तोषजनक रहेको जनाउँदै सन् २०१८ देखि खतराको सूचीमा नराख्ने जनाएको हो ।

८दिनसम्म चल्ने साधारणसभामा बुधबार नेपालले खतराको सूचीमा राख्ने चेतावनी फिर्ता लिन आग्रह गरेको थियो । नेपाल पक्ष राष्ट्रले नेपालले उपत्यकाका सम्पदा क्षेत्रको संरचना पुनर्निर्माणमा प्रगति गरेको जनाउँदै खतराको सूचीमा राख्ने युनेस्कोको निर्णय फिर्ता लिन अपिल गरेको थियो ।

१० महिनामा २४ अर्बको चामल आयात


सरकारले राष्ट्रिय धान दिवस मनाउन थालेको १५ वर्ष भयो । हरेक वर्ष असार १५ गते धान दिवस मनाए पनि धान उत्पादन वृद्धि नहुँदा वार्षिक अर्बौं रुपैयाँको चामल आयात हुँदै आएको नागरिकमा खबर छ ।

सरकारले चामललगायतका खाद्यवस्तु आयात प्रतिस्थापन गरी खाद्यान्नमा आत्मनिर्भर बन्ने घोषणा गरे पनि चालू आर्थिक वर्ष ०७४–७५ मा साढे २४ अर्ब रुपैयाँको चामल आयात भएको छ । गत वैशाखसम्म चीन, भारत, थाइल्यान्ड, जापान, इटलीलगायतका मुलुकबाट २४ अर्ब ४९ करोड ८० लाखको चामल आयात भएको भन्सार विभागले जनाएको छ ।

सरकारले कृषि क्षेत्र लगानी गरेअनुसार उत्पादन वृद्धि नहुँदा खाद्यान्नमा विदेशीको भर पर्नुपरेको हो । यहाँ खपत हुने खाद्यान्न उत्पादन नभएपछि चामलसहित मकै, गहुँ, कोदो, फापरलगायत भान्सामा दैनिक प्रयोग हुने ३६ अर्ब ३४ करोड ८४ लाख रुपैयाँका अनाज आयात भएको छ ।

कृषि, भूमिव्यवस्था तथा सहकारी मन्त्रालयले धान उत्पादन बढाउन विभिन्न कार्यक्रम सञ्चालन गरे पनि प्रतिफल कमजोर छ । मौमसका आधारमा धान कति फल्छ भन्ने निर्धारण हुन्छ ।

चालू आर्थिक वर्ष ०७४–७५मा ५१ लाख ५१ हजार मेट्रिक टन धान उत्पादन भएको छ । जुन गत आवको भन्दा ७९ हजार मेट्रिक टन थोरै हो । मौसम राम्रो हुँदा गत आव ०७३–७४ मा ५२ लाख ३० हजार टन धान उत्पादन भएको थियो ।

Source: Onlinekhabar

आज धान दिवस, मन्त्रीले खेत रोप्ने

१५ असार, काठमाडौं । अाज असार १५ अर्थात् धान दिवस । विभिन्न कार्यक्रम गरेर देशभर मनाइँदैछ ।

कृषिको परनिर्भरता कम गर्न र किसानलाई हौसला पुर्याउन धान दिवस मनाउने गरिएको हो ।

नेपाल कृषि अनुसन्धान परिषद् (नार्क) को सिफारिसमा ०६१ साल मंसिर २९ गतेको मन्त्रिस्तरीय निर्णयबाट असार १५ गतेलाई धान दिवसका रुपमा मनाउने निर्णय गरेको थियो । त्यसयता हरेक वर्ष यो दिवस सरकारी तहबाट नै मनाउने गरिएको छ ।

कृषि प्रधान देश भएकाले नेपालका अधिकांश मानिसको पेसा खेतीपाती हो । किसान वर्षभरका लागि छाक जुटाउन यो महिनामा खेतीमा व्यस्त हुन्छन् । आजका दिन असारे भाकामा लोकदोहोरी गाउँदै छुपुछुपु हिलोमा धान रोपिन्छ । ‘छुपु र छुपु हिलोमा धान रोपेर छोडौँला, बनाई कुलो लगाई पानी आएर गोडौँला’ जस्ता लोक लयका गीत गाएर खेतमै रमाइलो पनि गरिन्छ ।

यसवर्ष सरकारले काठमाडौंको दक्षिणकालीमा धान दिवसको आयोजना गरेको छ । ‘धान उत्पादनमा वृद्धि: राष्ट्रको समृद्धि’ दिवसको नारा छ ।

धान नेपालको प्रमुख खाद्यान्न बाली हो । धानको उत्पादन बढ्दा कूल गार्हस्थ्य उत्पादनमा वृद्धि हुन्छ । कृषि क्षेत्रबाट प्राप्त कूल गार्हस्थ्य उत्पादनमध्ये धानको योगदान १२ प्रतिशत छ । राष्ट्रिय उत्पादन (जीडीपी) मा कृषि क्षेत्रको योगदान भने ३३ प्रतिशत छ ।

मन्त्रीले खेत रोप्ने

धान दिवसको अवसरमा विभिन्न स्थानमा कार्यक्रमहरुको आयोजना गरिएको छ । कार्यक्रममा कृषि मन्त्रीदेखि रक्षामन्त्री सम्मले धान रोप्दैछन् ।

कृषि, भूमि व्यवस्थापन तथा सहकारी मन्त्रीले कपिलवस्तुको तिलौराकोट दरबारको पूर्वी गेट अगाडि धान रोप्दैछन् । त्यहाँका राजा शुद्धोधनले सुनको हलोले जोतेर पहिलोपटक धान खेती शुरु गरेको किंवदन्ती छ । त्यसैसँग जोडेर त्यहाँ आयोजना गरिएको महोत्सवमा मन्त्री खनालले धान रोप्न लागेका हुन् ।

उपप्रधान तथा रक्षामन्त्री ईश्वर पोखरेल पनि आज धान रोपाइँमा सहभागी हुँदैछन् । युवा संघ र वाईसियलको संयुक्त आयोजनामा बूढानीलकण्ठमा आयोजना गरिएको कार्यक्रममा पोखरेलले धान रोप्न लागेका हुन् ।

लालबाबु पण्डितले पनि काठमाडौंको बौद्धमा आयोजना गरेको धान रोपाइँ कार्यक्रममा सरिक भएर धान रोप्ने बताइएको छ ।

यसैबीच, आजको दिनलाई दही चिउरा खाने दिनका रुपमा पनि लिइन्छ । आजको दिन दही चिउरा खानु संस्कृति नै बनेको छ ।

Source: Onlnekhabar

यातायातमा सहज बन्दै अर्घाखाँची,प्रदेशसरकार बाट सडकमा मात्रै १ अर्ब

शोभाखर पन्थी ,अर्घाखाँची-असार ०९
३ दशक पहिले सम्म डोकोमा कपिलवस्तु बाट नुन तेल बोकेर दैनिक जिबीको पार्जन गर्दै आएका अर्घाखाँचीका बासीन्दाले अहिले घरबाटै गाडि चडेर यात्रागर्न थालेका छन् । २०४३ सालमा पहिलो पटक सदरमुकाम सन्धिखर्कमा मोटर आएकोमा अहिले गाउँ गाउँमा गाडिको सुबिधा पुगेकोछ । टोलटोलमा पुगेका कच्ची सडकले यहाँका बासीन्दाको यात्रालाई सहज बनाएको छ । हिउँदमा यात्राको लागि सहज भएपनि बर्षादको समयमा भने बिकट ग्रामिण क्षेत्रमा यातायात संचालनमा थुप्रै चुनौती थिए ।

प्रदेश सभाले पहिलो पटक ल्याएको बजेट पछि भने यहाँका बासीन्दा स्तरीय सडकमा यात्रा गर्न पाउनेमा ढुक्क छन् । प्रदेश सरकारले अर्घाखाँची जिल्लामा सडक निर्माण र स्तरोन्नतीमा करीब १ अर्ब रुपैयाँ बिनीयोजन गरेको छ । जुन रकम जिल्लाको निम्ति पर्याप्त भएको स्थानीयको बुझाई छ । स्थानीय बासीन्दा जिल्लामा आउने बजेट लाई प्रभावकारी रुपमा कार्यान्वयन गराई जिल्लालाई नमुना जिल्लाको रुपमा बिकास गर्ने तयारीमा छन् ।

अर्घाखाँची जिल्ला क्षेत्र नं.१ प्रदेश सभाका सदस्य चेतनारायण आचार्यले पूर्वाधार बिकासको मेरुदण्डको रुपमा रहेको सडक निर्माण लाई आफुहरुले पहिलो प्राथमिकतामा राखेको बताए । उनले खानेपानी,सिंचाई,कृषि,स्वास्थ्य,शिक्षा,पर्यटन लाई समेत प्राथमिकतामा राखेर बजेट बिनीयोजन गराउन सफल भएको बताउँदै रोजगार मुलक कामलाई पहिलो प्राथमिकतामा राखेर अघि बढेको दाबी गरे । बिनीयोजित बजेट अनुसार रिडी, बल्कोट, माडीचौर ,सुलिचौर सडकमा १ करोड ८४ लाख,केरुङ्गा,पिप्ली,धरम्पानी,¥याले,सिमिचौर सडकमा १ करोड २६ लाख,च्यानडाँडा ,खनदह,डाँडा कटेरी सडकमा ३ करोड २४ लाख,सन्धिखर्क,मसुरपाटा,राईखन्ने,बामरुक,भुमेकास्थान सडकमा १ करोड १० लाख,तम्घास,सन्धिखर्क,प्युठान सडकमा ४ करोड,बिहार,डिभर्ना,जोगिमारे,बडाचौर,मुसामारे,चौरी सडकमा १ करोड ३१ लाख ६० हजार,खगडी ,दुन्दु्रक,बल्कोट,राङ्गवास,गुल्मी सडकमा १ करोड ३१ लाख ६० हजार,ढोबाट,अल्गाटारी,सातबिसे,भेंडिराख्ने सडकमा १ करोड ३१ लाख ६० हजार,सन्धिखर्क ,गाँजरी,हिले,भेंडिराख्ने,आल्सामारी,गुफा,सुख्ल,गुल्मी सडकमा १ करोड ३१ लाख ६० हजार,बिहार,रामपथ,मखात,खन,खनदह सडकमा १ करोड ३१ लाख ६० हजार,दमार,राज्मे,ओखटे,गोखुङ्गा सडकमा १ करोड ३१ लाख ६० हजार,नेटाखर्क,चेक्मी,सुन्दरपोखरा,अमिले,गर्छा,दारेगौडा सडकमा १ करोड ३१ लाख ६० हजार,ढुङ्गाडे,ठुलाखर्क,काफल ठँुटा,पजिङ्खोला,दोबाटा, गोखुङ्गा सडकमा १ करोड ८१ लाख ६० हजार,भालुवाङ्ग,नुवाकोट,पकले,गुनाथुम,गुफा,खरबाङ्ग सडकमा १ करोड ३१ लाख ६० हजार,सन्धिखर्क,आटेकासाँगु,खन,खनदह सडकमा २ करोड,डिभर्ना जरेखोला,ठुलापोखरा,छत्रगञ्ज,मोडेल चौर,सिमिचौर सडकमा २ करोड,खरज्याङ्ग,ठुलाखर्क,दुन्द्रुक,महपोखरी,चौवा,मिल्मीले,चिदीपानी,चौरी सडकमा ५० लाख,देउराली,बामरुक,बाजाखर्क सडकमा ५० लाख, गच्छे,ढिकुरा,लामाताल,भालुबाङ्ग सडकमा ७ करोड ८४ लाख,पटौटी,खरज्याङ्ग,तम्घास सडकमा ७ करोड ७५ लाख,भन्ज्याङ्ग,धातिबाङ्ग,नेटा सडकमा १ करोड ३१ लाख ६० हजार,दुर्गा,फर्सवा,देबलचौर सडकमा ५० लाख,देउराली ,दर्नेटा सडकमा ५० लाख,घुम्ती,पाल्पा सडकमा २ करोड ९१ लाख, निगाली,नेटा,सुबर्णखाल,बुढीचौर,दक्सुपाटा,पद्मे,जुकेना सडकमा ५० लाख,ठाडा,जुकेना सडकमा ५१ लाख,चाक्ला,जुकेना,जलुके,ऐरावती,दर्वाङ्ग,बरौला सडकमा १ करोड २६ लाख,नरपानी,खाँची,ढिकुरा,पोख्रेडाँडा,पकले,हिले,भेंडीराख्ने सडकमा २ करोड,सन्धिखर्क,नुवाकोट,खिल्जी,असुरकोट ,प्युठान सडकमा २ करोड ९१ लाख,सन्धिखर्क,पकले,धारापानी,ढाकाबाङ्ग,राज्मे सडकमा ९९ लाख,सोही ठाउँको साउनेखोला पुल निर्माणमा ५५ लाख र रामपुर,पाल्पा,छहरा,सन्धिखर्क,प्युठान,रोल्पा,रुकुम,कपुरकोट सडकमा ५ करोड लगायतको रकम रहेको छ ।

यसैगरी बहुप्रतिष्ठित सालझण्डी सन्धिखर्क ढोरपाटन सडकमा केन्द्रिय सरकार बाट २३ करोड,भुकम्प पुननिर्माण प्राधिकरण अन्तरगत धारापानी,उपल्लापोखरा,ढाकाबाङ्ग,गोखुङ्गामा २४ करोड तथा चाक्ला,सिद्धारा सडकमा २४ करोड रुपैयाँ बिनीयोजन भएको छ ।

जिल्लामा सडकको संख्या बढाउने भन्दा पनि भएका सडकलाई स्तरोन्नती गर्दै केहि बर्ष भित्रमा सबै वार्डमा पुग्ने सडक पिच गर्ने तयारीमा जुटेको सांसद आचार्यले बताए । उनले भरी गाडी ल्याएर खालीगाडी पठाउनु पर्ने बाध्यताको अन्त्यको लागि व्यबसायीक र आधुनिक कृषिमा जोड दिने बताए ।

भक्तपुर असार ९: २०७४ सालमा भएको माध्यमिक शिक्षा परीक्षा एसईईको नतिजा सार्वजनिक भएको छ ।

परीक्षा नियन्त्रण कार्यालय भक्तपुरका अनुसार परीक्षामा ४ लाख ५१ हजार ५ सय ३२ सहभागी भएकोमा २४ हजार २ सय ३४ जनाले ‘ए प्लस’ ग्रेड अर्थात ३ दशमलव ६५ भन्दामाथि ४ सम्म जीपीए ल्याएका छन् ।

यस्तै ग्रेड ‘ए’ अर्थात जीपीए ३ दशमलव २५ देखि ३ दशमलव ६० सम्म ल्याउने ४६ हजार १ सय ३० जना छन् भने ‘बी प्लस’ ग्रेड अर्थात जीपीए २ दशमलव ८५ देखि ३ दशमलव २० सम्म ल्याउने विद्यार्थीको संख्या ३९ हजार ३७ जना रहेको परीक्षा नियन्त्रण कार्यालयले जनाएको छ ।

यसैगरी ‘बी’ ग्रेड अर्थात २ दशमलव २५ देखि २ दशमलव ८० सम्म जीपीए ल्याउने ७० हजार ५ सय १२ जना र ‘सी प्लस’ ग्रेड अर्थात २ दशमलव ०५ देखि २ दशमलव ४० सम्म जीपीए ल्याउने ६१ हजार ८ सय ७० जना रहेको कार्यालयले जनाएको छ ।

सी ग्रेड अर्थात जीपीए १ दशमलव ६५ देखि २ सम्म ल्याउने १ लाख १ हजार ४३ जना र डी प्लस ग्रेड अर्थात जीपीए १ दशमलव २५ देखि १ दशमलव ६० सम्म ल्याउने ३५ हजार ५ सय ८४ जना छन् । कार्यालयका अनुसार ५८ हजार ६ सय ८८ जनाले डी ग्रेड अर्थात ० दशमलव ८५ देखि १ दशमलव २० सम्म जीपीए ल्याएका छन् ।

एक्जाम्टेडतर्फ २५ हजार १ सय ३८ जना सहभागि भएकोमा २ जनाले ए ग्रेड, १९ जनाले बी प्लस ग्रेड, १ सय ७७ जनाले बी ग्रेड ल्याएका छन् । यस्तै ७ सय २ जनाले सी प्लस, ५ हजार ८ सय ९५ जनाले सी ग्रेड, ६ हजार ५ सय २७ जनाले डी प्लस र ३ हजार १ सय ८ जनाले डी ग्रेड ल्याएको परीक्षा नियन्त्रण कार्यालयले जनाएको छ ।

नतिजा ग्रेडिङ प्रणाली अनुसार सार्वजनिक भएको छ । नतिजा हेर्न मोबाइलमा एसईई टाइप गरी एक स्पेस दिएर आफ्नो सिम्बल नम्बर लेखेर ३५५६६ मा एसएमएस गर्नु पर्ने छ । आइभीआरतर्फ नेपाल टेलिकमबाट १६०० मा फोन गरी नतिजा सुन्न सकिन्छ।

एसर्इर्इको नतिजा शिक्षा मन्त्रालयको वेबसाइट moe.gov.np, शिक्षा विभाग सानोठिमी भक्तपुरको doe.gov.np, परीक्षा नियन्‍त्रक कार्यालय सानोठिमी भक्तपुरको neb.gov.np  मा हेर्न सकिन्छ। नेपाल टेलिकमको वेबसाइट see.ntc.net.np र एनसेलको वेबसाइट ncell.axita.com मा पनि नतिजा हेर्न सकिन्छ।  source:ujyaaloonline

विकलाङ्गमित्र समूहको आयोजनामा भुमिकास्थान नगरपालिका ४ मा अभिमुखीकरण कार्यक्रम सम्पन्न

IMG_1553
श्याम घिमिरे ,असार ९ अर्घाखाँची
विकलाङ्गमित्र समूह, अपाङ्गबाल अस्पताल तथा पुनःस्थापना केन्द्र HRDC बनेपा द्धारा संचालित सक्षम परियोजनाको आयोजना र सिविएम को आर्थिक सहयोगमा भुमिाकस्थान नगरपालीका वडानम्बर ४ मा सुक्रबार अपाङ्गता व्यवस्थापन सम्बन्धी अभिमुखीकरण कार्यक्रम सम्पन्न भएको छ ।

भुमिकास्थान नगरपालिका वडा नं ४ का अध्यक्ष बावुराम सुनारको प्रमुख आतिथ्यतामा सम्पन्न कार्यक्रममा स्थानिय जनप्रतिनिधि , विद्यालयका प्रअ, विद्यालय व्यवस्थापन समिती अध्यक्ष धारापानि प्रहरीचौकीका प्रमुख, स्थानिय समाजसेवि, शिक्षक, महिला स्वास्थ्य स्वयम्सेविका लगायत ३५ जनाको उपस्थितिमा रहेको थियो ।
कार्यक्रममा मनतब्य राख्दै प्रमुख अतिथि सुनारले कार्यक्रम नयाँ जिवन उपयोगी र सान्र्दभिक रहेको बताउनु भयो । उहाँले संस्थाले गरेका कामको प्रशंसा गर्दै यस क्षेत्रमा आफुले सक्दो सहयोग गर्ने प्रतिबद्धता समेत ब्यक्त गर्नु भयो ।
कार्यक्रमका संस्थाका अध्यक्ष लेखनाथ आचार्यले संस्थाको परिचय,अपाङ्गता हुने कारण,रोकथाम, उपचार पद्धती,अपाङ्गता भएका बालबालिकाको शिक्षामा पहुच

बृद्धिकालागी संविधानमा उल्लेखित व्यवस्थाको बारेका प्रस्तुतीकरण गर्नु भएको हो । कार्यक्रम सक्षम परियोजना अर्घाखाचीका प्रमुख लेखनाथ आचार्यको अध्यक्षता रक्षा पाण्डेको संचालन र नारायण खनालको स्वागत मन्तव्यमा सम्पन्न भएको हो ।