अड्गुरीमा सोलार प्यानल बितरण गरियो

माधव बेल्बासे,अर्घाखाँची १६ जेष्ठ

पाणिनी गाउपालिका वडा न ७ अड्गुरी अर्घाखाँचीले आज साबिक ५ नम्बर वडाका ३ घरधुरीलाइ एक कार्यक्रमका बिच सौर्य उर्जा सोलार प्यानल बितरण गरेको छ । पातलो बस्ती र बिधुत पु¥याउन निकै कठिन भएकोले उनिहरुलाइ सोलार बितरण गरिएको हो ।

वडा न ७ का अध्यक्ष गुनाखर अधिकारी सचीव नरेन्द्र प्रसाद पराजुली लगाएत सबै जनप्रतिनिधिहरुको उपस्थितिमा सोलार प्यानल बितरण गरिएको अध्यक्ष अधिकारिले जानकारी दिएका छन । वडा कार्यालयमा आयोजित कार्यक्रममा गरिएको सोलार बितरणले अध्यारोमा बसेका स्थानीयहरु हर्षित भएका छ्न ।

नेपाल स्वास्थ्यकर्मी संघ अर्घाखाँचीको अधिवेशन सम्पन्न -अध्यक्षमा गणेश पौडेल

सन्धिखर्क एफएम जेष्ठ१६ अर्घाखाँची

नेपाल स्वास्थ्यकर्मी संघ जिल्ला कार्य समितिको अधिवेशन सम्पन्न भएको छ । अधिवेशनले गणेश पौडेलको अध्यक्षतामा नयाँ कार्य समितिको गठन गरेको छ । अधिवेशनको नेपाली कांग्रेसका जिल्ला सभापति बिष्णु प्रसाद खनाल मुस्कानले उद्घाटन गर्नुभएको थियो ।

कार्यक्रममा स्वास्थ्यकर्मी संघका केन्द्रीय सदस्य लिला गौतम, ट्रेडयुनियन कांग्रेसका प्रदेश सचिव नन्दराम भट्टराई, यातायात मजदुर संघ पाँच नम्बर प्रदेश सदस्य आत्मसिंह घर्ती लगायतले मन्तव्य राख्नु भएको थियो । कार्यक्रम विश्वदेव न्यौपानेको अध्यक्षतामा सम्पन्न भएको हो ।

जुनियर तथा युबा रेडक्रस अर्घाखाँचीको २६ औ जिल्ला स्तरीय गोष्ठी नुवाकोटमा सुरु

श्याम घिमिरे अर्घाखाँची,१६ जेष्ठ

२६ औ जिल्ला स्तरीय जुनियर तथा युबा रेडक्रस गोष्ठी नुवाकोट माध्यमिक बिधालय भुमिका स्थान नगरपालिकाको वडा न ७ मा आज एक कार्यक्रमका बिच उद्घाटन भएको छ । उद्घाटन कार्यक्रम जिल्ला जुनियर तथा युबा समिति अर्घाखाँचीका संयोजक कमल प्रसाद घिमिरेको सभापतित्व र जिल्ला रेड्क्रस अर्घाखाँचीका सभापति शम्भु पोख्रेलको प्रमुख आतिथ्यतामा सम्पन्न भएको हो । भुमिकास्थान नगरपालिकाका नगर शिक्षा अधिकारि मणिराम पराजुली ,स्रोत ब्यक्तिहरु हरि प्रसाद भुसाल, जेदु खनाल, भुमिकास्थान नगरपालिकाका उपप्रमुख खडानन्द बेल्बासे, रेड्क्रस सोसाइटी गुल्मी शाखाका उपसभापति कृष्ण भन्डारी, नुवाकोट माबिका बिधालय ब्यावस्थापन समिति अध्यक्ष मणि पौडेल, लगाएतको आतिथ्यता रहेको थियो ।

कार्यक्रममा बोल्ने बक्ताहरुले मानव सेवा र धर्मलाई आत्मसात गरेर अगाडि बद्नु पर्नेमा जोड दिएका थिए । विद्यार्थीहरुको ब्यक्तीत्व बिकास र एच आइ भि एड्स सरसफाइ तथा रेड्क्रसको बारेमा जानकारी प्रदान गरिने कार्यक्रम रहेको आयोजकले जानाकारी दिएको छ । प्रत्येक बर्ष आयोजना हुदै आएको गोष्ठी भोली समापन गर्ने आयोजकले जनाएको छ । गोष्ठीमा जिल्लाभरका ४० बिधालयहरुको सहभागिता रहेको छ । कार्यक्रम नुवाकोट माबिका प्रधानाध्यापक पान बहादुर खत्रीको स्वागत मन्तव्य शिक्षक नायक काशिराम गैरेको सन्चालनमा सम्पन्न भएको पत्रकार माधब बेल्बासेले जानकारी दिनुभयो ।

स्वर्गिय कुलानन्द बन्जाडेको १२ औं स्मृति दिवस मनाईयो

श्याम घिमिरे अर्घाखाँची १६ जेष्ठ
भुमिकास्थान नगरपालीका वडानम्बर दुई ढाकाबाङ अमलाचौर निबासी स्वर्गिय कुलानन्द बन्जाडेको १२ औं स्मृति दिवस तथा पुरस्कार बितरण कार्यक्रम बुधबार सम्पन्न भएको छ । स्वर्गिय कुलानन्द बन्जाडे स्मृति प्रतिष्ठानको आयोजनामा सम्पन्न कार्यक्रम प्रतिष्ठानका अध्यक्ष बुद्धिबहादुर थापाको अध्यक्षता,कमल प्रसाद खनालको स्वागत मनतब्य र चन्द्रबहादुर केसीको सन्चालनमा सम्पन्न भएको हो ।

बन्जाडेको प्रतिमामा माल्यार्पणगरी सुरु भएको कार्यक्रममा मनतब्य राख्ने बक्ताहरुले भद्र,नम्रता,शालिनता र सदैब अरूको भलो चिताउने ब्यक्ति बन्जाडेलाई समाजले कहिल्यै नर्बिसने भन्दै स्वर्गिय बन्जाडेले देखाएको बाटोमा हिडेमा एउटा असल नागरीक बन्न सकिने बताउनु भयो । यसरी मनतब्य राख्नेहरुमा बिश्व माबि ढाकाबाङका पुर्ब प्रअ खड्क बहादुर थापा, बिद्यालय ब्यबस्थापन समितिका अध्यक्ष बाबुराम खनाल,प्रअ जुमलाल खनाल,बालशिक्षा माबिका शिक्षक लक्ष्मण खनाल लगायतले मनतब्य राख्नु भएको हो ।

कार्यक्रममा भमिकास्थान नगरपालीका वडानम्बर दुई भित्रका बिद्यालयहरुबाट अन्तीम परीक्षामा उत्कृष्ट अंक ल्याउने बिभिन्न १४ बिद्यालयका एकएक जना छात्रछात्रा हरुलाई पुरस्कार समेत बितरण गरीएको हो । त्यस्तै भुनपा भित्रका आधारभुत बिद्यालयबाट उतकृष्ट अंक ल्याउने एकजना छात्रालाई पनि पुरस्कार प्रदान गरीएको कमला बन्जाडेले जानकारी दिनु भयो ।

१३ खर्ब १५ अर्बकाे बजेट : कुन शीर्षकमा कति ?

काठमाडौं, जेठ १५ – सरकारले आउँदो आर्थिक वर्ष २०७५/०७६ को लागि १३ खर्ब १५ अर्ब रुपैयाँको बजेट ल्याएको छ । बजेटमा ८ प्रतिशतको आर्थिक वृद्धिदरको लक्ष्य लिइएको छ । बजेट कार्यान्वयनबाट ५ लाख जनाले रोजगारी पाउने र मूल्यवृद्धि ५ प्रतिशतमा सीमित हुने उल्लेख छ ।

बजेटका मुख्य बुँदा

  • प्रदेशलाई ६३ अर्ब १३ करोड ५५ लाख र स्थानीय तहलाई १ खर्ब ९ अर्ब ८४ करोड ५६ लाख ।
  • प्रधानमन्त्री रोजगार कार्यक्रम सुरु गर्ने ।
  • देशभित्र रोजगारी सिर्जना गरी नेपालीलाई वैदेशिक रोजगारीमा जान नपर्ने अवस्था बनाउन प्रधानमन्त्री रोजगार कार्यक्रम सुरु गरिने ।
  • समान कामको लागि समान ज्यालाको नीति लागू गरिने ।
  • शैक्षिक प्रमाणपत्रको धितोमा ५ प्रतिशत ब्याज अनुदानमा ७ लाख रुपैयाँसम्म ऋण उपलब्ध गराइने ।
  • विदेशबाट फर्केका युवाहरुको सीप प्रमाणीकरण गरी त्यस्ता युवाहरुलाई सम्बन्धित व्यवसाय सञ्चालन गर्न १० लाख रुपैयाँसम्म ऋण दिने ।
  • गर्भावस्थादेखि नै प्रसुति सुरक्षा सेवा पुर्याइने ।
  • दुई वर्षभित्र सबै वडाहरुमा न्यूनतम एक स्वास्थ्य संस्था स्थापना गरिने ।
  • सबै स्थानीय तहमा कम्तीमा एक डाक्टरको सेवा सुनिश्चित गरिने ।
  • नागरिक आरोग्य कार्यक्रम सञ्चालन गरिने ।
  • बालबालिकालाई विद्यालय ल्याऔं, टिकाऔं र सिकाऔं अभियान सञ्चालन गरिने ।
  • मदन भण्डारी विज्ञान तथा प्रविधि प्रतिष्ठान स्थापना गरिने ।
  • सबै प्रदेशहरुमा न्यूनतम एक प्रदेश स्तरीय रंगशाला बनाउने ।
  • हरेक प्रदेशमा एक जेष्ठ नागरिक आरोग्य आश्रम सञ्चालन गरिने ।
  • ७० वर्षभन्दा माथिका सबै जेष्ठ नागरिकलाई एकलाख रुपैयाँसम्मको स्वास्थ्य बीमा शुल्क सरकारले ब्यहोर्ने ।
  • एक वर्षभित्र हरेक नेपालीको बैंक खाता ।
  • प्रधानमन्त्री कृषि आधुनिकीकरण परियोजनालाई विस्तार गरिने ।
  • सबै स्थानीय तहमा कृषि ज्ञान केन्द्र स्थापना गरिने ।
  • साना किसानले तत्कालीन साझा सहकारी संस्थाहरुबाट लिएको सबै ऋण मिनाह गरिने ।
  • हरेक स्थानीय तहमा सहकारी संस्थाहरुमार्फत शुपथ मूल्य पसल खोल्ने ।
  • दुई वर्षमा २० लाख पर्यटक भित्र्याउने गरी ‘भिजिट नेपाल २०२०’ अभियान सञ्चालन गरिने ।
  • पहिले देश, अनि विदेशको भावना अनुसार आन्तरिक पर्यटन प्रवद्र्धन अभियान चलाइने ।
  • आर्थिक वर्ष २०७५/०७६ लाई राष्ट्रिय सरसफाई अभियान वर्षको रुपमा मनाइने ।
  • वि.सं. २०७५ –२०८५ लाई उर्जा दशकको रुपमा मनाइने ।
  • हरेक प्रदेशलाई एक अन्तर्राष्ट्रिय व्यापारिक नाकासँग जोड्ने ।
  • तराई–मधेश सडक पूर्वाधार विशेष कार्यक्रम सञ्चालन गर्ने ।
  • आगामी आर्थिक वर्षमा मेची – महाकाली विद्युतीय रेलमार्गको काँकडभिट्टा–बर्दिबास, बुटवल–गड्डाचौकी र मेची–महाकाली–काठमाडौं लिंकमार्गको सम्भाव्यता अध्ययन र डीपीआर तयार गर्ने । वीरगञ्ज–काठमाडौं, बर्दिबास–सिमरा र रसुवागडी–काठमाडौं–पोखरा रेलमार्ग निर्माणको डीपीआर तयार गरी निर्माण काम सुरु गर्ने ।
  • कोशी, गण्डकी र कर्णाली नदीमा जलमार्ग यातायात सञ्चालनको लागि सम्भाव्यता अध्ययन सम्पन्न गर्ने ।
  • स्थानीय पूर्वाधार विकास साझेदारी कार्यक्रम सञ्चालन गरिने ।
  • तीन वर्षभित्र सम्भाव्य सबै ठाउँमा झोलुंगे पूल निर्माण सम्पन्न गर्ने ।
  • भ्रष्टाचारलाई निषेध गर्दै भ्रष्टाचारजन्य क्रियाकलापमा शून्य सहनशिलताको नीति अबलम्बन गर्ने ।
  • घर घरमा मानवअधिकार कार्यक्रमलाई जनस्तरमा कार्यान्वयनमा ल्याइने ।
  • नेपाली सेनाको बंकरदेखि ब्यारेक कार्यक्रमलाई निरन्तरता ।
  • पाँच वर्षभित्र सबै नागरिकलाई राष्ट्रिय परिचयपत्र वितरण गर्ने ।
  • सरकारलाई सुझाव दिन थिङ्क ट्यांकको व्यवस्था गर्ने ।
  • कर्मचारीको महंगीभक्ता बढाएर प्रतिमहिना २ हजार बनाउने ।
  • शिक्षा र स्वास्थ्य सेवको कर खारेज ।
  • एकहजार सीसीभन्दा माथिका चारपाँग्रे गाडी र एकसय ५० सीसीभन्दा माथि क्षमताका मोटरसाइकलहरुमा अन्तःशुल्क बृद्धि ।
  • मदिरा तथा सूर्तिजन्य पदार्थमा अन्तःशुल्क बृद्धि ।
  • व्यक्तिगत आयकरमा १०, २० र ३० प्रतिशतका दर कायम ।
  • २० लाख रुपैयाँभन्दा बढीको करयोग्य आयमा २० प्रतिशत अतिरिक्त कर लगाइने । source:ujyaaloonline