अर्घाखाँचीमा मनाइयो महिनावारी स्वच्छता दिवसः अशुद्धको रुपमा विभेद गर्नु हुदैँन

अर्घाखाँचीमा मनाइयो महिनावारी स्वच्छता दिवसः अशुद्धको रुपमा विभेद गर्नु हुदैँन

घनश्याम पौडेल,सन्धिखर्क, १४ जेठ

महिनावारी हुनुलाई अशुद्ध वा अछूतको रुपमा विभेद गरिनु नराम्रो भएको एक कार्यक्रमका वक्ताहरुले बताएका छन् । अर्घाखाँची जिल्लाको पाणिनी बहुमुखी क्याम्पसमा ‘अति भयो, महिनावारी सबै सीमाहरू तोडौं’ भन्ने नाराका साथ छैठौं बिश्व महिनावारी स्वच्छता दिवसको अवसरमा आयोजित कार्यक्रममा प्रकाश सचेतन समुह प्रागका अध्यक्ष बाबुराम शर्माले ‘महिनावारी स्वभाविक शारीरिक प्रक्रिया हो, महिलाहरुका लागि यो विशिष्ट अवस्था हो, ‘यो बेला महिलाहरुको स्वास्थ्य र सरसफाइको उचित हेरचाह गर्नुपर्छ, अशुद्ध भएको भनी विभेद गर्ने होइन ।’

कानूनी हिसाबले सबैखाले विभेदलाई सामाजिक अपराधका हिसाबले राज्यले नै घोषणा गरिसकेको बताउँदै प्रागका कार्यकारी निर्देशक प्रेमनारायण गैरेले हरेक नागरिकलाई यसबारे जागरुक बनाउन व्यापक जनचेतना फैलाउनुपर्ने बताए । उनले ‘समाजका कूरीति, अन्धविश्वास र विभेदलाई हटाउन व्यापक जनचेतना जगाउनुपर्छ, हामीले जिल्लाका विभिन्न ठाउँमा दिवस मनाएका छौं, यसबाट नागरिक जागरुक बनाउन सहयोग पुग्ने अपेक्षा लिएका छौं गैरेले भने ।

नेपाली समाजका सबैखाले विभेदहरुको अन्त्यका संस्कार वा चालचलनका नाममा हुने जातीय, लैंिगक, सामाजिक, साँस्कृतिक विभेदहरुको अन्त्यका लागि सबै एकताबद्ध भएर लाग्नुपर्नेमा कार्यक्रममा सहभागी विद्यार्थीहरुले जोड दिए ।कार्यक्रममा सरसफाई अधिकृत सुमन ढुंगानाले महिनावारी सम्बन्धी जनचेतना फैलाउने सचेतना मुलक सामाग्री भिडियो मार्फत विद्यार्थीलाई देखाए । जिल्लामा पहिलोपटक कार्यक्रम मनाईएको हो ।

अर्घाखाँचीमा आर्थिक गणना कार्यले तिब्रता पायो ।


श्याम घिमिरे अर्घाखाँची १४ जेष्ठ
प्रथम राष्ट्रिय आर्थिक गणना–२०७५ बैशाख १ गतेबाट देशभर शुरु भएको छ । केन्द्र, प्रदेश तथा स्थानीय तहसम्म योजना तर्जुमा र नीति निर्माण गर्न , आधारभूत आर्थिक तथ्यांक उपलब्ध गराउन, मुलुकको राष्ट्रिय लेखा प्रणालीको सुदृढीकरण गर्न आर्थिक गणना गर्न लागिएको केन्द्रीय तथ्यांक विभागले जनाएको थियो । यसबाट सम्बन्धित क्षेत्रका उद्योगी, व्यवसायी, लगानीकर्ता र प्राज्ञिक अनुसन्धानकर्ता तथा अन्य तथ्यांक प्रयोगकर्तालाई व्यवसाय समृद्धिका लागि नीति तथा योजना तर्जुमा गर्न एवं अध्ययन अनुसन्धानका लागि आवश्यक पर्ने आधारभूत तथ्यांक उपलव्ध हुने विश्वास समेत गरिएको छ । आर्थिक गणनालाई सफलताका साथ सम्पन्न गर्नका लागि विभागले ७७ जिल्लामा गत चैत १ गतेदेखि ४ महिनाका लागि जिल्ला आर्थिक गणना कार्यालय स्थापना गरिसकेको छ । केन्द्रीय तथ्यांक विभागका अनुसार यही जेष्ठ ३१ गतेसम्म गणना सकिने छ ।

यसैबिच अर्घाखाँची जिल्लामा पनी तिब्ररुपमा अभियान अगाडी बढेको तथ्यांक अधिकृत महेश बोहराले जानकारी दिनु भएको छ । आईतबार सम्म जम्मा पेपर बेसमा ५ हजार ९ सय ८६ वटा फर्म भरीएको त्यस्तै ई सेन्सस् बाट १ सय रजिष्ट्रड मध्ये ६९ वटा फर्म कम्पीलेट भएको केन्द्रीय सुपरीबेक्षक गणेश प्रसाद मरासीनिले जानकार िदिनु भएको छ ।

यसैक्रममा जिल्ला आर्थिक समन्वय समितिको बैठक आज सम्पन्न भएको छ । जिल्ला आर्थिक गणना संयोजक एवं प्रमुख जिल्ला अधिकारी खिमराज भुसालको अध्यक्षतामा सम्पन्न बैठकले आर्थिक गणना कार्य सम्पन्न गर्ने निर्णय गर्नुका साथै प्रगति बिबरणको बारेमा जानकारी समेत गराईएको कार्यालयले जनाएको छ । यसअघि गणना कार्यको तिब्ररुपमा अनुगमन समेत गरीएको खबरमा जनाईएको छ ।

 

देशमा शान्ती सुरक्षा कायम गर्न पर्यटकिय स्थलहरुको महत्वपुर्ण भुमिका रहन्छ –प्रजिअ भुसाल

Image may contain: 4 people, including Mukti Nath Bhusal and Achyut Gautam, people standing and outdoor
श्याम घिमिरे अर्घाखाँची जेष्ठ १४
अर्घाखाँची जिल्लाका प्रमुख जिल्ला अधिकारी खिमराज भुसालले मुलुकमा दिगो शान्ती सुरक्षा कायम राख्न धार्मीक,सांस्कृतिक तथा पर्यटकिय स्थलहरुको महत्वपुर्ण भुमिका रहने बताउनु भएको छ । जिल्लाको धार्मिक एवं पर्यटकिय स्थल दुर्बाशेश्वर गुफ्फामा सन्चालीत सप्ताहको समापन कार्यक्रममा प्रमुख अतिथिको रुपमा मनतब्य राख्दै प्रजिअ भुसालले यस्तो बताउनु भएको हो । गुफ्फाको उचित रुपमा संरक्षण र प्रचारप्रसार गर्न सकेमा जिल्लामा आन्तरीक तथा बाह्य पर्यटकहरु भित्राउन सहज हुने भन्दै भुसालले यसको संरक्षण गर्न सबै लाग्नुपर्ने कुरामा जोड दिनु भएको थियो ।

कार्यक्रममा पाणीनि गाँउपालीका प्रमुख अच्युत गौतम,नेकपाका प्रतिनिधि जिबनारायण कोईराला,जिल्ला बन कार्यालयका प्रमुख दिपक ज्ञेवाली,जिल्ला प्रहरी कार्यालयका निमित्त प्रमुख प्रदिप कुमार डिसी,सिआईजि अध्यक्ष तथा पत्रकार मुक्तिनाथ भुसाल लगायतले मनतब्य राख्दै जिल्लाको बिकास निर्माणमा धार्मिक स्थलहरुको महत्वपुर्ण भुमिका रहेकाले यसलाई राज्यले उचित ध्यान दिनु पर्ने बताउनु भएको थियो । कार्यक्रम कुुशलानन्द सरास्वतीको अध्यक्षता र गुफ्फा ब्यबस्थापन समितिका अध्यक्ष ढुण्डीराज भट्टको सन्चालनमा सम्पन्न भएको हो ।

अस्पतालको फार्मेसीले मेडिकलको सिन्डिकेड तोडियो

अर्घाखाँचीमा अस्पतालको फार्मेसीले मेडिकलको सिन्डिकेड तोडियो

प्रेमनारायण आचार्य अर्घाखाँची १४ जेष्ठ

  जिल्ला स्वास्थय कार्यलय अर्घाखाँचीले सन्धिखर्क अस्पताल फामेर्सीको सुभारम्भ गरे पछि मेडिकलहरुको सिन्डीकेट तोडिने भएको छ । । विरामीहरुले बाहिर मेडिकल तथा क्लिनीकहरुमा गएर महंगोमा किन्नु पर्ने औषधी सुलभ मुल्यमा अस्पतालको हाता भित्रै पाइने भएको छ । एमआरपि मुल्यको ५ प्रतिशत छुटमा अस्पतालको हाता भित्रै औषधी पाइने भएपछि स्थानीयलाइ फाइदा हुने भएको छ ।

पाँच प्रतिशत छुटमा अस्पताल भित्रै औषधी पाइने भएपछि औषधी पशलेहरुको सिन्डीकेट पनि तोडिने भएको छ । अस्पताल फार्मेसीको सुभारम्भ गर्दै सन्धिखर्क नगरपालिकाका प्रमुख कमल प्रसाद भुसालले सन्धिखर्क अस्पतालमा पाइने निशुल्क औषधीको ब्यबस्था गर्न नगरपालिका तयार रहेको बताउनु भयो । उहाले मानिसको स्वास्थयमाथी खेलवाड नगर्ने र औषधीको लागि बजेट कमी भएमा नगरपालिकालाइ थाहा दिनु पर्ने र औषधीको लागि प्रयाप्त बजेट नगरपालिकाले छुट्टाउने बताउनु भयो ।

कार्यक्रममा नगर उप प्रमुख ठाकुरकुमार बिक ,सहायक प्रमुख जिल्ला अधिकारी शंकर भुसाल, अस्पतालका प्रमुख डाक्टर जगन्नाथ तिवारी, सन्धिखर्क नगरपालिकाका प्रमुख प्रसासकिय अधिकृत जीबन ज्ञवाली, जिल्ला अस्पतालका प्रमुख डाक्टर जगनाथ तिबारि, अस्पताल विकास समितका पुर्ब अध्यक्ष रामबहादुर चौहान, पत्रकार महासंघका अध्यक्ष हिमबहादुर जिसि, स्वास्थ्य विमा कार्यक्रमका संयोजक खगराज पोख्रेल लगाएतले मन्तब्य राख्नु भएको थियो । कार्यक्रम अस्पताल विकास समितिका अध्यक्ष उमेश घिमिरेको अध्यक्षता र गणेश पौडेलको सञ्चालनमा सम्पन्न भएको हो ।

नयाँ एफएमकोे पाँचौ वार्षिक उत्सव सम्पन्न

Image may contain: 4 people, including Lekali Him and Thakur Kumar BK, people standing

सन्धिखर्क एफएम जेष्ठ १४ अर्घाखाँची

नयाँ मिडिया प्रांलीद्धारा संचालित नयाँ एफ एम ८७.६ मेगाहर्जले आइतबार पाँचौ वर्ष पार गरी छैँठौँमा वर्षमा प्रवेस गरेको छ । पाँचौ वार्षिकोत्सवको अवसरमा अर्घाखाँची जिल्ला सदरमुकाम सन्धिखर्कमा रहेको निर्मल नवज्योति सुस्त मनस्थितिका विरामीहरुलाइ झुल बितरण गरेको छ । जिल्ला सदरमुकाम सन्धिखर्कमा रहेको निर्मल नवज्योती सुस्त मनस्थिति विद्यालयमा रहेका विद्यार्थिहरुको लागि झुल वितरण गरिएको हो ।

Image may contain: 7 people, people smiling, people standing and outdoor

२०७० जेठ १३ गतेबाट प्रशारण शुरु गरेको नयाँ एफ एमले हरेक वर्ष स्थापना दिवस मनाउने गरेको छ । त्यस्तै स्थापना दिवसको अवसरमा रेडियोले उत्कृष्ठ पत्रकारिता पुरस्कार समेत प्रदान गरेको छ । नेपाल पत्रकार महासंघका पाँच नं प्रदेश सदस्य शोभाखर पन्थीलाइ नगद पुरस्कार सहित उत्कृष्ठ पत्रकारिता पुरस्कार प्रदान गरिएको हो ।

Image may contain: 5 people, including Lekali Him, people smiling, people sitting
कार्यक्रम सन्धिखर्क नगरपालीकाका उप प्रमुख ठाकुर कुमार विकको प्रमुख आतिथ्यता , प्रमुख जिल्ला अधिकारी खिमराज भुसाल , निमित्त प्रहरी प्रमुख प्रदिप कुमार डिसी , नेपाल प्रत्रकार महासंघका जिल्ला अध्यक्ष हिम ब जिसी लेकाली , जिल्लामा रहेका सम्पूर्ण रेडियोका प्रमुख , जिल्लामा रहेका संचारकर्मि , निर्मल नवज्योती सुस्त मनस्थिति विद्यालयकी प्रअ कमला भुसाल लगायतको आतिथ्यता रहेको थियो कार्यक्रममा बोल्दै सनपा उप प्रमुख ठाकुर कुमार विकले एफएमले गरेको यो कार्य एकदमै प्रशंसा योग्य रहेको भन्दै शुकामना ब्यक्त गरेका थिए ।

कार्यक्रम रेडियोका स्टेसन म्यानेजर हरी प्रसाद भुसालको अध्यक्षता , सहायक स्टेसन म्यानेजर माधव बेल्वासेको स्वागत मनतब्य र विक्रम पाण्डेको संचालनमा सम्पन्न भएको थियो । नया एफएमलाई हाम्रो तर्फबाट पनि शुभकामना दिन चाहान्छौ ।

Image may contain: 4 people, including Thakur Kumar BK, people sitting