सनपा १ मा जेष्ठनागरीक तथा अपाङ्ग सम्मान कार्यक्रम सम्पन्न

Image may contain: 8 people, including Kamala Khanal Bhandari and Yubraj Banjade, people sitting and indoor

श्याम घिमिरे जेष्ठ, ११ अर्घाखाँची

सन्धिखर्क नगरपालीका वडानम्बर १ को आयोजनामा ८४ बर्ष माथीका जेष्ठनागरीक तथा “ग”बर्गका अपाङ्गहरुलाई एक कार्यक्रमको आयोजनागरी सुक्रबार सम्मान गरीएको छ ।

Image may contain: 4 people, including Kamala Khanal Bhandari and Yubraj Banjade, people standing and flower

सम्मान कार्यक्रममा प्रतिनिधि सभाका सांसद टोपबहादुर रायमाझी , प्रदेश सदस्यहरु चेतनारायण आचार्य,रामजी घिमिरे,निर्मला क्षेत्री,सनपा नगरप्रमुख कमल प्रसाद भुसाल,उपप्रमुख ठाकुर कुमार बिक,प्रमुख जिल्ला अधिकारी खिमराज भुसाल,प्रमुख प्रशासकिय अधिकृत जिबन ज्ञेवाली,वडानम्बर ३ का अध्यक्ष लिलाराम गौतम,शान्ती बगैचा आधुनिकिकरणका अध्यक्ष नारायण बन्जाडे लगायतले मनतब्य राख्दै जेष्ठनागरीक र अपाङ्गता भएका ब्यक्तिहरुलाई राज्यले उचित किसीमले हेरचाहगर्नु पर्ने बताउनु भएको थियो ।

Image may contain: 5 people, including Yubraj Banjade, people smiling, indoor

कार्यक्रम वडानम्बर १ का अध्यक्ष युबराज बन्जाडेको अध्यक्षता, लक्ष्मण पराजुलीको स्वागत मनतब्य र वडासचिब अनन्तमणी पोख्रेलको सन्चालनमा सम्पन्न भएको थियो । कार्यक्रममा ३७ जना जेष्ठ नागरीक र १५ जना अपाङ्गहरुलाई सम्मान गरीएको थियो ।

Image may contain: 4 people, people sitting and people standing

Image may contain: 8 people, including Kamala Khanal Bhandari and Yubraj Banjade, people sitting and indoor

प्रदेश सरकार खारेज गर्नुपर्छ : चित्रबहादुर केसी

बुटवल  जेष्ठ ११
राष्ट्रिय जनमोर्चाका अध्यक्ष चित्रवहादुर के.सी.ले बैदेशिक ऋण अनुदानले चलेको देशमा संघीयता जस्तो महंगो प्रणली सफल हुन नसक्ने बताउनुभएको छ । विदेशबाट आउने रेमिटान्सले मात्र  अव सातवटा देशलाई धान्नै नसक्ने उहाको दावी छ ।
राष्ट्रिय जनमोर्चा रुपन्देहीको पांचौ जिल्ला सम्मेलनको आज शुक्रबार बुटवलमा उद्घाटन गर्दै नेता के.सी.ले नेपालको विशिष्ट आर्थिक तथा भूराजनीतिक अवस्थाका कारण नेपालमा संघीयता सफल नहुने बताउनुभएको हो ।

उहांले केन्द्रमा थोरै अधिकार राखेर स्थानीय तहलाई धेरै अधिकार दिएर संघीय प्रदेश खारेज गर्नुपर्ने बताउनुभयो ।  केन्द्र र स्थानीय तहलाई जोड्न सानो प्रशासनिक इकाई बनाई देशको राजनीतिक चुस्तताकायम गर्नुपर्नेमा जोड दिनुभयो ।
संघीयताको आडमा तराईबाट हिमाल र पहाडलाई अलग गराउने षडेयन्त्र भैरहेको दावी गर्दै अध्यक्ष केसीले सचेत हुन सबैलाई आग्रह गर्नुभयो ।
उहाले विचार र कार्यक्रम मिलेपछि गरिएको तत्कालिन एमाले र माओवादीको एकतालाई राष्ट्रिय जनमोर्चाले स्वागत गरेको बताउनुभयो । दुई पार्टीको एकता पूंजीबादी प्रणालीको एकता भएकाले यो कम्युनष्टको पक्षमा नभएको समेत दावी गर्दै नेता केसिले संसदीय प्रणलीबाट साम्यवाद आउन नसक्ने बताउनुभयो ।
पूर्व उपप्रधानमन्त्री समेत रहनुभएका नेता केसिले यातायातमा भएको सिण्डीकेट हटाएर सरकारले राम्रो काम गरेकोमा धन्यबाद दिंदै अब सत्तामा रहेका ठुला भ्रष्टाचारी र तस्करीहरुलाई जनताले देख्नेगरी कारवाही गर्नु सुझाव समेत दिनुभयो ।
उहांले नेपालको जल, जमिन, जंगललाई भारतले होल्ड गरेर आफ्नो अनुकुलमा राख्न खाजेको उल्लेख गर्दै विभिन्न समयमा भारतसंग भएका असमान सन्धि सम्झौता नेपालको पक्षमा नभएको सवै भारतको पक्षमा भएको बताउनुभयो ।
यसैविच
राष्ट्रिय जनमोर्चा रुपन्देहीको पांचौ जिल्ला सम्मेलन शुक्रबारदेखि बुटवलमान सुरु भएको छ । संविधान कार्यान्वयन र संघीयता खारेजीको निम्ती हाम्रो अभियान, राष्ट्रियता र जनतन्त्रको पक्षमा पांचौ सम्मेलन भन्ने नाराका साथ सम्मनेल सुरु भएको छ । दुई दिनसम्म चल्ने सम्मेलनले नयां नेतृन्व चयन गर्ने छ । सम्मेलनको राष्ट्रिय जनमोर्चाका अध्यक्ष चित्रबहादुर केसीले उद््घाटन गर्नुभयो ।

रुपन्देही अध्यक्ष बद्रे आलमको अध्यक्षता र सचिव दिपक पौडेलको सञ्चालनमा भएको कार्यक्रममा राष्ट्रिय जनमोर्चाका कार्यकारी अध्यक्ष रश्मीराज नेपाली, जनमोर्चा कपलिवस्तुका अध्यक्ष दधिराम आचार्य, पाल्पाका अध्यक्ष विशाल दर्लामी, नव गठित नेकपाका तजेन्द्र केसी, नेकपाका शरद ओली, नेकपा मालेका पुरन केसी, नेपाली कांगे्रसका फणिन्द्र शर्मा, अखिल छैठौ रुपन्देही अध्यक्ष सरोजमान सिंह, रक्तिम परिवारका दिलिप रसाली लगायतले बोलेका थिए ।
उद्घाटन सत्रपछि बन्द सत्रमा आर्थिक, राजनीतिक, सांगठानिक प्रतिवेदन माथि छलफल सहित पासगरी नयां नेतृत्व चयन गरिने सचिव दीपक पौडेलले जानकारी गराउनुभयो ।

source:elogonnews.com

साहित्तिक भित्ते पत्रिका कुसुम दर्पणको चौथो लोकार्पण

बिष्णु खनाल जेष्ठ ११ अर्घाखाँची

सन्धिखर्क नगरपालिका वार्ड नं. ८ मा रहेको माउण्टेन ईङ्गिलस बोर्डिङ्ग स्कुलले साहित्तिक  भित्रे पत्रिका कुसुम दर्पणको सुक्रबार चौथो लोकार्पण गरेको छ । विद्यालय व्यवस्थापन समितिका सदस्य सुमन के.सी.को अध्यक्षतामा भएको लोकार्पण कार्यक्रममा स्कुलका प्रिन्सिपल बावुराम पौडेल, शिक्षक कमल प्रसाद भुसाल, शिक्षिका राधा के.सी.लगायतले मन्तव्य राख्नुभएको थियो । कार्यक्रममा राम प्रसाद भुसाल, मधु कुवर, प्रमुख गैरे, सपना भुसाल, शान्ता केसी, विद्यार्थी लगायतको उपस्थिति रहेको थियो । कार्यक्रम शिक्षक लुम बहादुर थापाको संचालनमा सम्पन्न भएको हो ।

जनता आधारभुत बिद्यालयमा एक दिने योगा प्रशिक्षण कार्यक्रम सम्पन्न

शालिक पोख्रेल,अर्घाखाँची जेष्ठ ११

विद्यार्थीहरुको सर्वा्िङ्गण बिकास लाई मध्यनजर गर्दै जनता आधारभुत बिद्यालय नेपालीचौर स.न.पा.८ किमडाँडाको आयोजनामा सुक्रबार एक दिने योगा प्रशिक्षण कार्यक्रम सम्पन्न भएको छ । बिद्यालयको अतिरिक्त कृयाकलाप अन्तर्गत गरिएको प्रशिक्षण कार्यक्रममा ५० जना बिद्यालयका छात्र,छात्रा र उत्तिकै मात्रामा स्थानियको सहभागिता रहेको थियो ।

योगा प्रशिक्षण कार्यक्रममा पंतन्जली योगका जिल्ला संस्थापक अध्यक्ष तथा योगा प्रशिक्षक पिताम्बर बन्जाडेले विशेष सहजीकरण गर्दै प्रारम्भिक योगा बारे प्रशिक्षण दिनुभएको बिद्यालयका प्रधानध्यापक कमल प्रसाद गैरेले बताउनुभयो । प्रशिक्षण कार्यक्रम बिद्यालय ब्यबस्थापन समिती अध्यक्ष शिबप्रसाद पोख्रेलको अध्यक्षता , प्रशिक्षक पिताम्बर बन्जाडेको प्रमुख आतिथ्यता, र शिक्षक सुशील पोख्रेलको संचालमा सम्पन्न भएको हो  ।

सन्धिखर्क नगरपालिका वार्ड नं. २ को आयोजनामा हाजिरी जवाफ प्रतियोगीता सम्पन्न

सन्धिखर्क एफएम,जेष्ठ ११अर्घाखाँची

सन्धिखर्क नगरपालिका वार्ड नं. २ को वडा कार्यलयको आयोजनामा नगरपालिका स्तरीय हाजिरी जवाफ प्रतियोगीता कार्यक्रम सम्पन्न भएको छ । १३ विद्यालयको सहभागिता रहेको प्रतियोगीतामा गौरीशंकर ईङ्गिलस बोर्डिङ्ग स्कुल प्रथम, ज्ञानप्रकाश माध्यमिक विद्यालय सल्लिकोट द्धितिय र अर्घाखाँची आवसिय माध्यमिक विद्यालय तृतिय भएका छन् ।

वार्ड २ का वडाध्यक्ष मोतिजंग रायमाझीको अध्यक्षतामा सम्पन्न कार्यक्रममा सन्धिखर्क नगरपालिका प्रमुख कमल प्रसाद भुसाल, उप प्रमुख ठाकुर कुमार बि.क. लगायतको उपस्थिति रहेको थियो । कार्यक्रम स्रोत व्यक्ति युवराज भुसाल र शिक्षक बोमलाल खत्रीको संचालनमा सम्पन्न भएको हो । प्रतियोगीतामा प्रथम, द्धितिय र तृतिय हुने स्कुललाई नगद र प्रमाणपत्रले सम्मान गरिएको गौरीशंकर ईङ्गिलस बोर्डिङ्ग स्कुलका प्रिन्सिपल गणेश क्षेत्रीले जानाकारी दिनुभयो ।