सार्वजनिक विदा दिन माग गर्दै मुस्लिम संघ अर्घाखाँची ले बुझायो ज्ञापनपत्र

सन्धिखर्क जेठ  ७  नेपाल मुस्लिम संघ जिल्ला कार्य समिति अर्घाखाँचीले जिल्ला प्रशासन कार्यालय अर्घाखाँचीमा ज्ञापनपत्र बुझाएको छ । मुस्लिम समुदायलाई राज्यले दिदै आएको पर्व र सार्वजनिक विदाहरूलाई हटाएको भन्दै उनीहरूले ज्ञापनपत्र बुझाएका हुन ।

ज्ञापनपत्रमा मदरसा शिक्षालाई राष्ट्रिय मूलधारमा ल्याउनुपर्ने, राज्यका हरेक निकायमा मुस्लिम समुदायको समान प्रतिनिधित्व र आरक्षण हुनुपर्ने, कबरस्थानको उचित व्यवस्थापन हुनुपर्ने र सम्वैधानिक मुस्लिम आयोगलाई कृयाशील बनाउनुपर्ने लगायतका मागहरू रहेका छन । मुस्लिम संघका केन्द्रिय सदस्य समशेर दीन मिया, जिल्ला कार्य समितिका अध्यक्ष मुस्ताक अली, उपाध्यक्ष, सचिव र सल्लाहकार लगायतको टिमले ज्ञापनपत्र  सहायक प्रमुख जिल्ला अधिकारी शङ्कर प्रसाद भुसाललाई बुझाएको हो ।

 नेपालको कुल जनसंख्याको १० प्रतिशत भन्दा बढी मुस्लिम समुदायलाई दोस्रो दर्जाको नागरिक सम्झनु, मुस्लिम समुदायबाट सहादत प्राप्त सहिदको अपमान गर्नु, इस्लाम धर्मलम्बीप्रति अनास्था गर्दै आएको समेत गुनासो छ । मुस्लिम समुदायलाई वेवास्ता नगर्न समेत सरकारको ध्यानाकर्षण गराएको छ । केन्द्रिय समितिको निर्णय अनुसार आज देशैभर जिल्ला प्रशासन कार्यालय मार्फत सरकारलाई ज्ञापनपत्र बुझाएको जनाइएको छ । source:arghakhanchibulletin.com

संसदमा राष्ट्रपतिको सम्बोधन (लाइभ)

जेठ ७, २०७५ काठमाडौं : राष्ट्रपति विद्यादेवि भण्डारीले संसदमा सरकारको नीति तथा कार्यक्रम प्रस्तुत गरिरहेकी छन्। सरकारका तर्फबाट राष्ट्रपतिले आउँदो आर्थिक वर्षको नीति तथा कार्यक्रम संसदमा प्रस्तुत गरेकी हुन्। हेरौं लाइभ—

पार्टी एकता गरौं, अध्यक्ष पद पनि छोड्न तयार छु : थापा

पर्सा, जेठ ७ – राष्ट्रिय प्रजातन्त्र पार्टीका अध्यक्ष कमल थापाले पशुपती शम्शेर राणा र प्रकाशचन्द्र लोहनीलाई पार्टी एकता गर्न आब्हान गर्नुभएको छ ।

वीरगञ्जको होटेल सुरजमा सोमबार  पार्टीको राष्ट्रिय परिषदको बैठक उद्घाटन गर्दै अध्यक्ष थापाले प्रजातान्त्रीक शक्तिहरुबीचको एकता आवश्यक रहेको बताउनुभएको हो ।

बैठकमा अध्यक्ष थापाले फेरि पनि पशुपती शम्शेर राणा र प्रकाशचन्द्र लोहनीलाई पार्टी एकता गर्न आब्हान गर्नुभयो । ‘पार्टी एकताको शर्त अध्यक्ष पद बन्छ भने पनि आफू अध्यक्ष पदबाट राजीनामा दिन तयार छु’, अध्यक्ष थापाले भन्नुभयो ।

फरक प्रसंंगमा थापाले संविधान र प्रजातन्त्रको आवरण भित्रैबाट देशमा सर्वसत्तावाद लाद्न खोजिएको आरोप लगाउनुभयो । संविधान र प्रजातन्त्रको आडमा न्यायपालिका प्रशासन संयन्त्र र संवैधानिक अंगहरु कब्जा गर्ने नियत देखिएको थापाले बताउनुभयो । ‘न्यायपालिका कब्जा भएको छ’, अध्यक्ष थापाले भन्नुभयो, ‘प्रशासन संयन्त्रमा पचास प्रतिशत र संवैधानिक आयोगहरुमा जुन बाँकी छन ती पनि कब्जा गर्ने तयारी भइरहेको छ ।’

तत्कालिन माओवादी र एमालेबीचको पार्टी एकीकरण पछिको घटनाक्रम र  मुख्य नेताहरुको अभिव्यक्ति सुन्दा मुलुकले शान्ति र स्थायित्व पाउनेमा आशंका रहेको थापाले बताउनु्भयो । source:ujyaaloonline

 

अनुगमन समितिको बैठक सम्पन्न

हिम जिसी लेकाली,अर्घाखाँची ७ जेष्ठ

विद्युतीय आम सन्चारमाध्यमलाई वितरण गरिने लोककल्याणकारी विज्ञापन वितरणसम्बन्धी कार्यविधिअनुसार जिल्ला हुलाक कार्यालयका प्रमुख रामजीप्रसाद मरासिनीको संयोजकत्वमा अनुगमन समितिको बैठक सन्धिखर्कमा सम्पन्न भएको छ ।

बैठकले जिल्लामा रहेका अनुमतिप्राप्त रेडियो एफएम, टेलिभिजनहरूलाई राज्यले प्रदान गर्ने लोककल्याणकारी विज्ञापन प्रसारण गरे नगरेको अनुगमन गरी मन्त्रालयमा सिफारिस गर्ने निर्णय गरेको छ । अनुगमन समितिले यही जेठ १५ गतेसम्म अन्तिम म्याद रहेकोले जिल्लाका सञ्चार माध्यमको बारेमा अनुगमन निरिक्षण गरि मन्त्रालयमा सिफारिस गर्ने बताएको छ ।

समितिमा जिल्ला हुलाक कार्यालय प्रमुख रामजीप्रसाद मरासिनी संयोजक, जिल्ला प्रशासन कार्यालयका प्रतिनिधि लक्ष्मी घिमिरे सदस्य, पत्रकार महासंघका प्रतिनिधि हिम लेकाली सदस्य र हुलाक कार्यालयका डिल्लीराज भुसाल सदस्य सचिव रहनुभएको छ ।

कृर्षि र पशुपालन लाई पहिलो प्राथमिकता – नगरप्रमुख भुसाल

सुर्य भुसाल अर्घाखाँची ७ जेष्ठ

सन्धिखर्क नगरपालिका का नगरप्रमुख कमल प्रसाद भुसालले कृर्षि र पशुपालन लाई पहिलो प्राथमिकता दिएर किषानहरुको स्तर उन्नति गर्ने बताउनु भएको छ ।सन्धिखर्क नगरपालिका पशु सेबा शाखा अर्घाखाँची को सहभातात्मक परिचय कार्यक्रम को उदघाटन गर्दै नगरप्रमुख भुसालले भष्टचार मुक्त नगरपालिका बनाउनका लागि अाफुले पहल गरेको र अाफुलाई साथ दिन अाम नागरिक लाई अाग्रह गर्नु भयो ।उहाले पशुपालन बाख्रा बितरण कुखुरा बितरण बङगुर पालन हासपालन गाई पालन बाट नगरपालिका भित्र का किषानहरु अात्मनिर्भर बन्नेको बताउनु भयो ।

कार्यक्रममा सन्धिखर्क नगरपालिका का उपप्रमुख ठाकुर कुमार बिकले कृर्षि पशु क्षेत्र को बिकाश बिना अन्य बिकाशको कल्पना गर्न नसकिने बताउनु भयो ।कार्यक्रममा सन्धिखर्क नगरपालिका का प्रमुख प्रसासकिय अधिकृत जिबन ज्ञवालि पशु शाखा प्रमुख राधा पान्डे लगाएतले मन्तब्य राख्नु भएको थियो । कार्यक्रम मा वार्ड अध्यक्ष किषान हरुको सहभागी ता रहेको थियो । साथै कृर्षक हरुलाई दुधका भाडा अर्थात कन्टिनर समेत बितरण गरिएको छ।कन्टिनर नगरपालिका को अनुदानमा बितरण गरिएको नगरप्रमुख कमल प्रसाद भुसालले जानकारी दिनु भयो ।