जिल्ला स्तरीय अनुशिक्षण गोष्ठी सम्पन्न

रुद्रमणि भुसाल,बैशाख ३१ अर्घाखाँची

किसानका लागि उन्नत वीउ विजन कार्यक्रम अन्तरगत बजारिकरण सम्बन्धमा स्थानिय प्रतिनिधि र सरोकारवाला निकायबिच जिल्ला स्तरीय अनुशिक्षण गोष्ठी उद्योग बाणिज्य संघको कार्यालयमा सम्पन्न भएको छ । कृषि उद्यम केन्द्र अर्घाखाँची ,उद्योग बाणिज्य संघको आयोजना र नेपाल सरकार कृषि बिकासका लागि अन्तराष्टिय कोषको आर्थिक सहयोगमा कार्यक्रम सम्पन्न भएको हो ।

कार्यक्रममा सन्धिखर्क नगरपालिकाका प्रमुख कमल प्रसाद भुसमलले अर्घाखाँची जिल्ला दुध , मासु , अन्डा र बिभन्न जातका उन्नत जनतको बिउ उत्पादन गर्नमा केयुबिकेले महत्वपुर्ण भुमिको खेलेकोमा धन्यबाद दिनु भएको छ । जिल्लामा उत्पादन भएको बस्तुलाई गुणस्तररुपमा आम नागरिकमाज पुयाउन सबैलाई आग्रह गनु भएको थियो ।

कार्यक्रममा उपप्रमुख ठाकुर बिक , जिल्ला पसुसेवा कार्यालयका प्रमुख डा लोकनाथ पौडेल , केयुबिकेका कृषक सल्लहाकार बाबुराम चुदाली राजु शर्मा लगायतले मनतब्य राख्नु भएको थियो । कार्यक्रममा सन्धिखर्क नगरपालिकाका १२ ओटै वडाका वडा अध्यक्षहरुको सहभाथिता रहेको थियो ।

कार्यक्रम  उद्योबाणिज्य संघका बरिष्ठ उपाध्यक्ष अशोक कुमार श्रेष्ठको अध्यक्षता र  महासचिब नेत्र प्रसाद भुसालको संचालन सम्पन्न भएको हो ।

बलकोटमा प्राथमिक स्वास्थ्यकेन्द्रको अनुगमन सम्पन्न।

हिम जिसी लेकाली बैशाख ३१  अर्घाखाँची

जिल्ला स्वास्थ्य कार्यालय, अर्घाखाँची अन्तर्गत निशुल्क स्वास्थ्यसेवा अनुगमन समितिको संयोजक तथा जिल्ला समन्वय समितिका प्रमुख पिताम्बर शर्मा भुसालको संयोजकत्वमा छत्रदेव गाउँ पालिका २ मा रहेको बलकोट प्राथमिक स्वास्थ्य केन्द्रमा आज अनुगमन सम्पन्न भएको छ ।

जिल्लामा रहेका स्वास्थ्यचौकी तथा प्राथमिक स्वास्थ्यचौकीको अवस्थाबारे जानकारी लिने र त्यस संस्थाका सुधार गर्नुपर्ने पक्षहरूबारे जानकारी लिने उद्देश्यले यस समितिले बेलाबेला अनुगमन गर्दै आएको छ । अनुगमनको क्रममा समितिका प्रमुख पिताम्बर शर्माले सबल पक्षहरूको बारे प्रशन्सा गर्दै सुधार गर्नुपर्ने पक्षहरू बारे औल्याउनुभयो ।

विषयवस्तुमा प्रकाश पार्दै जिल्ला स्वास्थ्य कार्यालय अनुगमन समितिका संयोजक गणेशराज पौडेलले स्वास्थ्यस्थितिबारे जानकारी लिनुभयो । राज्यले जनतालाई ७० प्रकारका औषधि निशुल्क वितरण गर्ने भनेपनि पछिल्लोपटक जिल्लाका स्वास्थ्यसन्स्थाहरूमा अत्यावश्यक औषधिको अभाव खट्किएको बताइन्छ ।

औषधिको अभावको कारणबारे बलकोट प्राथमिक स्वास्थ्य संस्था व्यवस्थापन समिति अध्यक्ष छत्रदेव २ का वडाअध्यक्ष राजेश कुमार पन्थीले गाउँपालिकालाई स्वास्थ्य क्षेत्रको जिम्मा प्रदान गरिएपछी प्रयाप्त औषधि खरिदका लागि बजेट नहुदा समस्या परेको बताउनुभयो ।

दैनिक ५० भन्दा बढीले सेवा प्राप्त गरिरहेको स्वास्थ्यकेन्द्रमा आकस्मिक सेवासमेत सन्चालन गर्न सके छत्रदेव गाउपालिका स्वास्थ्यक्षेत्रमा अब्बल हुने डा. सागर पोख्रेलले बताउनुभयो ।

अनुगमनमा डा. अर्पण पोख्रेल, डा. प्रकाश भट्टराई, नेपाली काङ्ग्रेसका जिल्ला सचिव विष्णुप्रसाद भुसाल, छत्रदेव वडा नम्बर २ का सदस्य तोमलाल रिजाल र नेपाल पत्रकार महासङघका अध्यक्ष तथा अनुगमन समितिका सदस्य हिम लेकालीको समेत उपस्थिती रहेको थियो ।