राष्ट्रको समृद्धीको लागी प्रतिपक्षमा बसेरपनी राम्रो काम गर्नु पर्छ –कांग्रेस सचेतक क्षेत्री

श्याम घिमिरे,अर्घाखाँची २८ वैशाख

नेपाली कांग्रेस पाँच नम्वर प्रदेश संसदिय दलकी सचेतक निर्मला क्षेत्रीले राष्ट्रको समृद्धीको लागी प्रतिपक्षमा बसेरपनी राम्रो काम गर्नु पर्ने बताउनु भएको छ । उहाँले सत्ता पक्ष दलहरुले प्रमुख प्रतिपक्ष दल कांग्रेसलाई कमजोर बनाउन नसक्ने नसक्ने भन्दै प्रतिपक्ष दललाई पेल्न खोजे कांग्रेस सहेर नबस्ने चेतावनी दिनु भएको छ ।

रिपोर्टर्स क्लव नेपाल अर्घाखाँचीले सुक्रबार सन्धिखर्कमा गरेको सम्मान कार्यक्रमलाई सम्वोधन गर्दै उहाँले कांग्रेसले सशक्त प्रतिपक्षको भूमिका निर्वाह गर्ने बताउनु भयो । सबैखाले राजनीतिक परिवर्तनहरुमा नेपाली कांग्रेसको महत्वपुर्ण भुमिका रहेकोले त्यो भूमिकालाई सत्ता पक्षले चाहेर पनि अवमुल्यन गर्न नसक्ने बताउनु भयो । उहाँले जिल्लाको समग्र विकासका लागि सबैको एकता हुनुपर्ने बताउनुदै मुलुकका परिवर्तनकारी आन्दोलनहरुलाई सफल तुल्याउन पत्रकारहरुले खेलेको भूमिकाको जति प्रशंसा गरे पनि नपुग्ने बताउनु भयो ।

कार्यक्रममा मनतब्य राख्दै जिल्ला समन्वय समितिका प्रमुख पिताम्वर भुसालले आफ्नो नैतिकतालाई आत्मसाथ गर्दे अगाडी बढ्नु पर्ने भन्दै स्थानीय तहका कामलाई पारदर्शी बनाउन जिससले निरन्तर अनुगमन गर्ने बताउनु भयो । उहाँले निर्वाचनमा भोट नदिएकै कारण, सिफारिस नदिने, अन्य काममा पनि दुःख दिने गरेका गुनासाहरु आउने गरेको भन्दै त्यस्ता जनप्रतिनिधिहरुलाई कारवाहीको दायरामा ल्याउने बताउनु भयो ।

त्यस्तै सन्धिखर्क नगरपालिकाका उपप्रमुख ठाकुर कुमार विकले नगरपालिकाले नागरिकले प्रत्यक्ष अनुभूति गर्ने ढंगले कामहरु गरिरहेको बताउनु भयो । उहाँले गलत नगरे कसै संग पनि डराउन नपर्ने भन्दै पत्रकारलाई सचेत भएर कलम चलाउन आग्रह गर्नु भयो ।

मालारानी गाँउपालीकाका अध्यक्ष बालकृष्ण आचार्यले सहकारीको माध्यमबाट जिल्लालाई बिकास निर्माणको गतीमा अगाडी बढाउनु पर्ने भन्दै सबैलाई एकताबद्ध भएर काममा अगाडी बढ्न आग्रह समेत गर्नु भएको थियो ।

पत्रकार महासंघका अध्यक्ष हिम बहादुर जिसी लेकालीले जिल्लाका पत्रकारहरुमा आपसी एकता रहेको भन्दै समृद्धिको अभियानलाई सफल तुल्यान पत्रकारहरुका कमल निरन्तर चलिरहने बताउनु भयो ।

पत्रकार महासंघका पाँच नम्वर प्रदेश सदस्य अशोक खनालले पत्रकारहरुले एनजिओ सञ्चालन गरेर अपारदर्शी ढंगले कामहरु गरेको भन्दै त्यस्लाई निरुत्साहित गर्न पत्रकार महासंघले उचित कदम चाल्नु पर्ने बताउनु भयो ।

कार्यक्रममा जिल्लाबाट विभिन्न पदमा निर्वाचित भएका पत्रकारहरुलाई सम्मान समेत गरिएको थियो । यसरी सम्मानित हुनेहरुमा पत्रकार महासंघ पाँच नम्वर प्रदेश सदस्यमा जिल्लाबाट निर्वाचित हुनुहुने शोभाखर पन्थी, प्रेमनारायण आचार्य,र अशोक खनाललाई क्लवले सम्मान गरेको थियो । यस्तै बानको प्रदेश सदस्यमा निर्वाचित श्याम घिमिरे, पर्यटन पत्रकार मञ्चका प्रदेश संयोजक जितेन्द्र खत्री, क्रान्तिकारी पत्रकार संगठनका केन्द्रीय सदस्यमा निर्वाचित अनिल नेपालीलाई सम्मान गरिएको थियो ।

कार्यक्रम क्लवका अध्यक्ष रामकुमार क्षेत्रीको अध्यक्षता, बिरेन्द्र केसीको स्वागत मन्तव्य र गणेश खनालको सञ्चालनमा सम्पन्न भएको थियो ।

मोदीको नागरिक अभिनन्दन सुरु (लाइभ)

२८ बैशाख २०७५, शुक्रबार

निबृत राष्ट्रसेबक समाज नेपाल छत्रदेब गाउँपालिकाको अधिबेशन सम्पन्न

सहयोगी बिसी, अर्घाखाँची २८ बैशाख

निबृत राष्ट्रसेबक समाज नेपाल छत्रदेब गाउँपालिकाको अधिबेशन बिहिबार सम्पन्न भएको छ । समाजका केन्द्रिय महासचिव बिष्णु प्रसाद बस्यालको प्रमुख आतिथ्यमा सम्पन्न अधिबेशनले कृष्ण पंथिको अध्यक्षतामा ११ सदस्यीय छत्रदेब गाउँपालिका स्तरिय समितीको चयन गरेको छ ।

जसको उपाध्यक्षमा सफिता शाह ,सचिबमा मुकुन्द ज्ञवाली ,कोषाध्यक्षमा उमानाथ पाण्डे र सहसचिव सुमित्रा सेन रहनु भएको छ । त्यसैगरी सदस्यहरुमा शोभाखर न्यौपाने ,रबिलाल पंथी ,गोकर्ण राज भट्टराई ,छबिलाल खनाल रहनु भएको छ । अधिबेशनले आगामी जिल्ला अधिबेशनको निम्ति पालिका बाट चक्रपाणी खनाल र बुद्धि सापकोटा लाई जिल्ला प्रतिनिधिमा पठाउने निर्णय गरेको छ ।

अधिबेशनमा केन्द्रिय महासचिव बिष्णु प्रसाद बस्याल ,केन्द्रिय सदस्य बिष्णु प्रसाद आचार्य र जिल्ला कोषाध्यक्ष बिष्णु प्रसाद भुसाल लगायतले बधाई तथा शुभकामना मन्तब्य ब्यक्त गर्नु भएको थियो ।