ब्लड क्यानसरको उपचारमा आर्थिक अभाव भएकी रोमा सुनारलाइ आर्थिक सहयोग

प्रेमनारायण आचार्य ,अर्घाखाँची २५ बैशाख

ब्लड क्यानसरको उपचारमा आर्थिक अभाव भएकी अर्घाखाँचीको पाणिनि गाँउपालिका वाड नम्वर २ पोखराथोककी रोमा सुनारलाइ आर्थिक सहयोग प्रदान गरिएको छ ।

रोजगारीको सिलसिलामा कतारमा रहेका छत्रदेव गाँउपालिका ४ का हरिबहादुर बिकले उपचारमा सहयोग होस भनेर पठाएको ५५ हजार पाँच सय ११ रुपैया प्रदान गरिएको हो । हरिबहादुरका बुबा खुमबहादुर बिकले बिरामी रोमाका भाइ विनोद सुनारलाइ नगद ५५ हजार पाँच सय ११ रुपैया हस्तान्तरण गर्नु भयो ।

दलित र गरिब परिबारकी १३ बर्षिय रोमाको पाँच महिना देखि भरतपुर क्यानसर अस्पतालमा उपचार भैरहेको छ । उपचारको लागि धेरै पैसो चाहिने तर आर्थिक अभावले उपचारमा समस्या उत्पन्न भएको उनका भाइ विनोदले बताए । उनले भने सबैले सहयोग गरेमा दिदिलाइ बचाउन सकिन्थ्यो

निबृत राष्ट्रसेवक समाज नेपाल भुमेकास्थान नगरपालिकाको बैठक सम्पन्न

सहयोगी बि. सि .अर्घाखाँची ,बैशाख २४

निबृत रास्ट्र्सेबक समाज नेपाल भुमेकास्थान नगरपालिकाको बैठक सम्पन्न भएको छ । समाजका अध्यक्ष राजेन्द्र कुमार शर्माको अध्यक्षता र सचिब चन्द्र प्रसाद श्रेष्ठको संचालनमा सम्पन्न बैठकमा जिल्ला समितिका कोषाध्यक्ष बिष्णु प्रसाद भुसाल ,सहसचिव दुर्गा प्रसाद पौडेल ,आजिबन सदस्यद्वय जीव नारायण खनाल ,सहयोगी बि. सि. समेतले जिबनको उर्बर एबं सिर्जनशिल समय रास्ट्र सेवामा समर्पण गरि सेवाबाट निबृत भएपछिको अनुभव र दक्षताले भरिएको बाँकी समयलाई समेत सदुपयोग गरि आफ्नो हक अधिकार शुनिश्वित गर्दै रास्ट्र समाज योगदान पुर्‍याउन सबै सेवा निबृत लाई अनुरोध गर्नु भएको थियो ।

कार्यक्रममा सो पालिका भित्रका २० जना आजिबन सदस्य हरुलाई उपस्थित अतिथी द्वारा प्रमाणपत्र ,अबिर प्रदान गरिएको थियो। कार्यक्रममा समितिका पदाधिकारी तथा अन्य महानुभावहरुको सहभागिता रहेको थियो। बैठक भुमेकास्थान नगरपालिकाको प्रस्ताबिक सदरमुकाम पोखेडाँडामा सम्पन्न भएको थियो।

हिसां न्युनिकरणका लागी अभिमुखीकरण कार्यक्रम सम्पन्न

नबिन केसी ,अर्घाखाँची २४बैशाख
समाजमा हुने लैङ्गिक हिसां तथा महिला हिसां न्युनिकरणका लागी सबै सरोकार वालाहरु एक जुट भएर लागनु पर्नेमा सरोकारवालाले जोड दिएका छन ।

मालारानी गाउँपालिकाले सोमबार आयोजना गरेको हिसां न्युनिकरणका लागी अभिमुखीकरण कार्यक्रम्मा बोल्दै पालिका अध्यक्ष बालकृष्ण आचार्यले समाजमा हुने हिसां न्युनिकरणका लागी दिउसोमा मदिरा बिक्री बितरण गर्न रोक लगाएको बताएका छन । समाजमाहुने हिसां न्युनिकरणको लागी सबै एक जुट भएर लाग्न समेत आचार्यले सबैलाई आग्रह गरेका छन ।

ईलाका प्रहरी कार्यालयका प्रहरी निरीक्षक गंम्बीर सिहं थापाले समाजका हिसां गर्नेहरुलाई कानुनी कारबाही गर्ने र घटना भएमा प्रहरी जानकारी गराउन समेत आग्रह गरेका थिए ।

कार्यक्रम्मा गाउँपालिका उपाध्यक्ष प्रमिला क्षेत्री , जनार्दन खनाल ,सालिकराम आचार्य , नेत्र खनालले मालारानी गाउँपालिकालाई सबै खाले हिसांबाट मुक्त पालिका बनाउनु पर्ने जोड दिएको थियो ।

कार्यक्रम्मा मालारानी गाउँपालिकाका महिला जनप्रतिनीधी तथा अगुवा महिलाहरुले समाजमा हुने हिसांको बिरोध गर्ने प्रतिबद्धता जनाएका छन । कार्यक्रम प्राबिधीक प्रमुख हरिशचन्द पाण्डेको सञ्चालनमा सम्पन्न भएको पत्रकार नबिन के.सीले खबर पठाएका छन ।