बिक्रम पाण्डे समानता,अर्घाखाँची १७ जेष्ठ
अर्घाखाँचीमा प्रथम अर्घाखाँची साहित्यिक महोत्सव २०७५ हुने भएको छ । जिल्लाको साहित्य माहोललाई देश तथा अन्तराष्ट्रिय क्षेत्रमा पुर्याउने , जिल्लाको कला र संस्कृतिको संरक्षण गर्ने उद्देश्यले महोत्सव गर्न लागिएको आयोजकले जनाएको छ । अर्घाखाँची फाउण्डेसन नेपालको आयोजनामा यहि जेष्ठ २६ गते सनिबार को दिन महोत्सव हुन लागेको हो । महोत्सवमा जिल्ला बाहिर रहेका १५ जना साहित्यिक श्रष्टा र जिल्ला भित्रका ५० जना साहित्यिक श्रष्टाहरुको सहभागिता सहित आफ्ना सृजनाहरु वाचन गरीने छ । महोत्सवमा प्रवासमा रहेको साहित्य श्रष्टाहरुको पनि साहित्य सिर्जना वाचन गरीने भएको छ ।
महोत्सवमा श्रष्टाहरुलाई सम्मान समेत गरीने आयोजकले बताएको छ । महोत्सवमा अर्घाखाँची जिल्ला जन्मेर काठमाडौमा बसी निरन्तर साहित्य क्षेत्रमा कलम चलाउँदै आउनु भएका बिभिन्न श्रष्टाहरुको साथै हाल जिल्लामा बसोवास गर्ने करीव ४ दर्जन साहित्य श्रष्टाहरले रचना बाचन गर्ने छन् । सोही दिन वाचन भएका साहित्य सिर्जनाहरु संकलन गरी स्मारीका निकाल्ने समेत बताइएको छ । अर्घाखाँची जिल्ला साहित्य , संगीत , सस्कृति र कलामा उर्वर भूमि मानिन्छ ।
श्याम घिमिरे अर्घाखाँची,जेष्ठ १७
Sandhikharkafm.com 