ढिकुरामा केराउ बालिको कृषक पाठशाला दिवस तथा समापन कार्यक्रम सम्पन्न

लक्ष्मण घिमिरे अर्घाखाँची बैशाख ८

केराउ बालिको कृषक पाठशाला दिवस तथा समापन कार्यक्रम भुमिकास्थानको ढिकुरामा सम्पन्न भएको छ। जागृत फलफुल तथा तरकारी उत्पादन समुहको आयोजनामा भएको कार्यक्रममा बोल्दै प्रमुख अतिथी नगर प्रमुख रेशम थापाले कृषिमा आत्मनिर्भर बन्न सके मात्र समृद्ध समाज निर्माण हुने बताउनु भयो।

भुमिकास्थान नगरपालिकालाई समृद्ध बनाउन पनी कृषि क्षेत्रमा ठुलो फड्को मार्नुपर्ने उहाको भनाई छ। कार्यक्रममा बोल्दै विशिष्ट अतिथी वडा नम्बर ९ का अध्यक्ष नारायण खनालले खाद्यान्न र तरकारीमा ढिकुरालाई आत्मनिर्भर बनाउने तर्फ आफु लागीपरेको बताउनु भयो। कार्यक्रममा कृषि प्रसार अधिकृत थिरलाल गैरे, भुमिकास्थान नगरपापलिकाका कृषि प्रमुख अर्जुनदेव ज्ञवाली, वडा नम्बर ९ का वडा सदस्य देवी प्रसाद पोख्रेल लगायतले मन्तव्य राख्नुभएको थियो।

कार्यक्रममा कृषी प्राविधिक सहायक बलराम घिमिरेले पाठशालाको प्रतिवेदन प्रस्तुत गर्नुभएको थियो। कुलप्रसाद घिमिरेको अध्यक्षता, मिना भट्टराईको स्वागत मन्तव्य र खडानन्द घिमिरेको सन्चालनमा कार्यक्रम सम्पन्न भएको हो । कार्यक्रममा अतिथी र कृषक सदस्य गरी करिब ६० जानाको उपस्थिती रहेको थियो।

छत्रदेवमा नेपाल तरुण दल गठन , अध्यक्षमा पौडेल , इन्चार्जमा पन्थी

समान्ता विक्रम पाण्डे बैशाख ८ ,

अर्घाखाँची अर्घाखाँची छत्रदेव गाउँपालीमा आज नेपाल तरुण दल कार्य समितिको निर्माण गरीएको छ । सनिबार सम्पन्न भएको छत्रदेव गाउँपालीकामा रहेका तरुण युवा साथीहरुको सहभागितामा १५ सदस्यीय नेपाल तरुण दल छत्रदेवको गठन गरेको हो ।

नव गठित कार्य समितिको अध्यक्षमा नरेन्द्र पौडेल क्षेत्री सर्वसम्मत चयन भएका छन् । गाउँपालीकाको इन्चार्जमा ठाकुर प्रसाद पन्थी रहेका छन् । उपाध्यक्षमा तिलक प्रसाद श्रेष्ठ , सचिवमा विजय पौडेल , कोषाध्यक्षमा सन्तोष अर्याल , सह सचिवमा हरी प्रसाद पौड्ल चयन भएका छन् । त्यस्तै सदस्यहरुमा ज्ञान बहादुर पाण्डे , कृष्ण प्रसाद पौडेल ,हिमाल रायमाझी , भविश्वर पाण्डे , गोकुल श्रेष्ठ लगायत रहेका छन् ।

कार्यक्रम नोपाली काङग्रेस जिल्ला सचिव विष्णु भुसालको प्रमुख आतिथ्यतामा सम्पन्न भएको हो । त्यस्तै पूर्व पार्र्टी कोषध्यक्ष हरी बहादुर खड्का , नेपाल तरुण दल पूर्व जिल्ला अध्यक्ष पिताम्वर खनाल , बर्तमान अध्यक्ष नारायण खड्का लगायतको उपस्थिती रहेको थियो ।

कार्यक्रममा बोल्दै प्रमुख अतिथी भुसालले तरुणहरु सक्रिय भए मात्रै नेपाली काग्रेस वलियो हुने भन्दै पार्टिको निति र सिद्धान्त अनुसार अगाडि वढन आग्रह गरे । त्यसैगरि कार्यक्रममा बोल्ने अन्य बक्ताहरुले तरुण युवाहरु काग्रेसको खम्वा भएको भन्दै पार्टिलाई वलियो वनाउनका लागी लाग्न सुझाव दिएका थिए ।

नेपाल दलित संघको बृहत बैठक विपि स्मृति भवनमा सन्धिखर्कमा सम्पन्न

बिष्णु खनाल,अर्घाखाँची ८ बैशाख

नेपाल दलित संघको बृहत बैठक विपि स्मृति भवनमा सम्पन्न नेपाली कांग्रेसको भातृ संगठन नेपाल दलित संघ अर्घाखाँचीको बृहत बैठक विपि स्मृति भवन सन्धिखर्कमा आज सम्पन्न भएको छ ।

यहि बैशाख २९ गते हुने पाँचौ जिल्ला अधिवेशनलाई भव्य र सभ्य रुपमा सम्पन्न गर्नका लागि बैठकको आयोजना गरिएको हो । बैठकले अधिवेशन सम्पन्न गर्नका विभिन्न १० वटा समितिको गठन समेत गरेको छ । लोेकेन्द्र विश्वकर्माको संयोजकत्वमा अतिथी व्यवस्थापन, राम बहादुर परियारको संयोजनमा आर्थिक समिति, बाशुदेव विश्वकर्मा संयोजकत्वमा प्रचार प्रसार, कमल सुनारको संयोजकत्वमा मेश व्यवस्थापन, कमल बहादुर विश्वकर्माको संयोजकत्वमा प्रतिनिधी व्यवस्थापन, चुमाकला विश्वकर्मा संयोजनमा आवास व्यवस्थापन समितिको जिम्मेवारी तोकिएको छ ।

यस्तै देवराज परियारलाई ब्याज ब्यानर, रमेश सुनारलाई यातायात, ज्ञान बहादुर विश्वकर्मालाई मञ्च व्यवस्थापन र मदन नेपालीलाई सास्कृतिक कार्यक्रमको जिम्मा दिईएको छ । बैठक नेपाल दलित संघका जिल्ला सभापति मनिराम परियारको अध्यक्षता र संघका उप–सभापति पृतम दलितको संचालनमा सम्पन्न भएको थियो ।

कांग्रेस पाणिनीको बैठक दुर्गाफाटमा सम्पन्न

घनश्याम पौडेल, अर्घाखाँची ८ बैशाख

कांग्रेस पाणिनीको बैठक नेपाली कांग्रेस पाणिनी गाउँपालिकाको बैंठक गाउँपालिकाको केन्द्र दुर्गाफाटमा सम्पन्न भएको छ । बैठकले कांग्रेस केन्द्रीय समितीले संसदीय दलको प्रमूख सचेतकमा कांग्रेस केन्द्रीय सदस्य तथा प्रतिनिधी सभा सदस्य पुष्पा भुसाललाई मनोनयन गरेकोमा बधाई सहित धन्यवाद ज्ञापन गरेको छ ।

त्यस्तै पार्टी सुदृणिकरणका लागी श्यामनाथ कश्यपको संयोजकत्वमा २१ सदस्यीय समितीको चयन गरेको छ । गाउँपालिकालाई समृद्ध बनाउँन कांग्रेसको महत्वपुर्ण भुमिका हुनका लागी विकास निमार्णका कामहरु चुरुस्त दुरुस्त र हरेक कार्यमा मुल्याङकन समितीले गर्ने संयोजक कश्यपले बताउँनुभयो ।

गाउँपालिका संयोजक विष्णुप्रसाद अर्यालको अध्यक्षतामा बसेको बैठकमा क्षेत्रीय सभापती अच्यूत गौतम, शिक्षक संघका अध्यक्ष यादवप्रसाद घिमिरे, वडा सभापती, वडा अध्यक्षहरुको उपस्थित रहेको पत्रकार घनश्याम पौडेलले जानकारी दिनुभएको छ ।

पाणिनी गाउँपालिमा आँखा शिविर सम्पन्न ६०० भन्दाबढीको निशुल्क आँखा जाच ।

घनश्याम पौडेलले, अर्घाखाँची ८ बैशाख

जिल्ला आँखा अस्पताल अर्घाखाँची र पाणिनी गाउँपालिकाको संयुक्त आयोजनामा आँखा शिविर सम्पन्न भएको छ । ६०० जनाको निशुल्क आँखा जाच र ४३ जनाको अप्रेसन गरिएको आँखा अस्पताल अर्घाखाँचीका प्रमुख डसागर घिमिरेले जानकारी दिए ।

३६ सयँ रुपैयाको ट्याक्सी रिजर्भ गरेर आँखा जचाउँन पालीबाट ६९ वर्षिय चन्द्रबहादुर नेपाली आए । एउँटा आँखाको अप्रेसन गरिसकेका नेपालीले दाईने आँखाको अप्रिसन निशुल्क गरे । आँखाको निशुल्क अप्रेसन गर्न पाउँदा उनी अत्यन्तै खुसी हुदैँ ३६ सय भाडा लागेपनी आँखाले अव राम्रोसँग देख्ने विश्वास व्यक्त गरे ।

गरिव मान्छेले गाडि चढ्न त के खाजा खान पनी पैसा छैन, खिदिमका रामबहादुर नेपाली भन्छन्, निशुल्क आँखा जाचँ हुन्छ भनेर २ घण्टा हिडेर आएको हुँ, मेरो कोही पनी छैंन, निशुल्क जाचँ गर्न पाउँदा अत्यन्तै खुसी छु, बाहिर जान परेको भए २० हजार खर्च ऋण नै खोज्नुपर्दथ्यो । उनीहरु जस्तै करिव ७ सयँ जनाले निशुल्क आँखा जाच गराए ।

आँखा जाचँको अवलोकन गरेका गाउँपालिका अध्यक्ष अच्यूत गौतमले स्वास्थ्य सुधारको लागी सुरुवाती भएको बताउँदै आउँदा दिनमा पनी निशुल्क शिविर सञ्चालन गर्दै जाने बताए । उनले उपचार बाट बञ्चीत कसैलाई पनी नगराउँन र भम्रण खर्च वापतको १० लाख पनी क्यान्सर, मृगौला लगाएत सामाजिक काममा लगाउँने निर्णय गाउँपालिकाले गरेको  छ ।