नवौ राष्ट्रपति रनिङशिल्ड अर्घाखाँचीमा सुरु, खेलकुदसँगै विकास निर्माण रायमाझी

घनश्याम पौडेल,सन्धिखर्क  २८ चैत ।

पुर्व उपप्रधानमन्त्री टोपबहादुर रायमाझीले विकास निमार्णका कामजस्तै खेलाडीहरुका लागी खेलकुद महत्वपुर्ण रहेको बताएका छन । अर्घाखाँची जिल्लाको सदरमुकाम सन्धिखर्कमा सुरु भएको नवौ राष्ट्रपति रनिङशिल्ड प्रतियोगीताको उद्घाटन गर्दै रायमाझीले नेपालको शिर राख्नमा खेलकुद पनी महत्वपुर्ण रहेको बताएका छन् ।

उनले अर्घाखाँची जिल्लाको विकासका लागी कसरी विकास गर्न सकिन्छ, भनेर योजना बनाईरहेको बताए । स्थानिय तहको संरचना सँगै भौतिक पुर्वाधार निमार्णका कामहरु सँगै विकास निमार्णका कामहरु अगाडी बढाउँनुपर्ने अवस्थामा बजेट पुर्ण कार्यान्वयनका लागी स्थानिय तहले धेरै ध्यान हुनुपर्नेमा जोड दिए । उनले जिल्लामा अर्घाभगवती विमानस्थल निमार्णको काम सुरु गर्न सफल भएको, सवै वडाहरुमा सड्क पुगेकोमा डबल कटिङ्गका काम सुरु, खानेपानी, शिक्षा स्वास्थ्यको कहीँ पनी अभाव नहुनेगरी पाचँ वर्षसम्ममा अर्घाखाँचीलाई नमुना जिल्ला बनाएरै छोड्ने दावी गरे ।

प्रदेश सभा सदस्य चेतनारायण आचार्यले स्वास्थ्य स्वस्थ भएमा मात्रै मानिस धेरै बाच्ने हुनाले स्वास्थ्यका लागी खेलकुद महत्वपुर्ण हुनेमा जोड दिए । उनले अर्घाखाँची धार्मिक, पर्यटकिय, कृषि र पशुपालनले सम्भावना बोकेको जिल्ला भएकाले प्रदेशबाट सक्ने विकासमा ध्यान दिने बताए ।

जिल्ला समन्वय समितीका प्रम्ख पिताम्बर शर्मा भुसाल, सन्धिखर्क नगरपालिकाका नगरप्रमुख कमलप्रसाद भुसाल, प्रमुख जिल्ला अधिकारी खिमराज भुसाल, राजनितिक दलको तर्फबाट नेकपा एमालेका जिल्ला सचिव रामबहादुर चौहान, पत्रकार महासंघका अध्यक्ष हिमबहादुर जिसी लगाएतले खेलकुद सफलताको शुभकामना व्यक्त गरे । खेलकुद उद्घाटन सत्र सकिएलगत्तै वर्षाका कारण खेलकुद प्रतियोगितालाई असर गरेको छ । खेलकुद कार्यक्रम उद्घाटन सत्र जिल्ला खेलकुद विकास समितीका अध्यक्ष सिद्धीप्रसाद भुसालको अध्यक्षता, शिव बेल्वासेको सञ्चालन र नरेन्द्र बस्नेतको स्वागतमा सम्पन्न भएको हो ।

शिल्ड, ट्रफी, मेडल र प्रमाणपत्र सहित प्रथमलाई १५ हजार, द्धितियलाई १२ हजार र तृतियलाई ९ हजार नगद पुरस्कार रहेको छ । १००, २००, ८००, १५०० मिटरको छात्र र छात्रा दौड, हाइजम्प, लङजम्प, त्रिपलजम्प, सटपट, कवट्टी, भलिवल छात्र र छात्राको हुनेछ । खेलमा जिल्लाभरका सवै स्थानिय तहका विभिन्न विद्यालयको सहभागिता रहेको छ ।

Advertisement

जनता आधारभुत बिद्यालय सन्धिखर्क ८ ले कक्षा १ देखी तल प्ले ग्रुप,नर्सरी र एल.के.जी.तहका कक्षा संचालन गर्ने

गोपाल प्रसाद भट्टराई चैत्र  २८ अर्घाखाँची

जनता आधारभुत बिद्यालय सन्धिखर्क ८ नेपालीचौर किमडांडाले कक्षा १ देखी तल प्ले ग्रुप,नर्सरी र एल.के.जी.तहका कक्षा संचालन गर्ने भएको छ ।

प्रत्येक बर्ष बिद्यार्थीदरमा आउने कमिका कारण स्कुल संचालनमै कठिनाई आएपछि यसै शैक्षिक शत्रदेखी अंग्रेजी र नेपाली दुवै माध्यमबाट पढाई संचालन गर्ने निर्णय गरेको बिद्यालयले शिक्षाको गुणस्तरमा बृद्धि गर्न कक्षा १ देखी तल तिन तहका अतिरिक्त कक्षा संचालन गर्न लागिएको बिद्यालय ब्यबस्थापन समिति अध्यक्ष शिव प्रसाद पोख्रेलले जानकारी दिनुभएको छ ।

बिद्यालय ब्यबस्थापन समिति,शिक्षक, अभिभावक र स्थानिय शैक्षिक शुभचिन्तकहरुको आज सम्पन्न त्रिपक्षिय बैठकले बिद्यालयको शैक्षिक गुणस्तरमा सुधार ल्याई दिगो र ब्यबस्थित रुपमा स्कुल संचालन गर्न यसरी अतिरिक्त कक्षा संचालन गर्ने निर्णय गरेको बिद्यालयकी प्र.अ.शुभद्रा मरासिनिले जानकारी दिनुभएको छ ।

बैठकले जनता आधारभुत बिद्यालयमा यस बर्षदेखी कक्षा १ देखी ३ सम्म नेपाली बिषय बाहेक अन्य सबै बिषय अंग्रेजी माध्यमबाट पढाउने निर्णय समेत गरेको पत्रकार गोपाल प्रसाद भट्टराईले जानकारी दिनुभएको छ ।

यसैबिच उक्त बिद्यालयले आजै शैक्षिक शत्र २०७४ को बार्षिक परिक्षाको परिक्षाफल प्रकाशन,पुरस्कार तथा छात्रबृति बितरण समेत सम्पन्न गरेको छ । जसमा बिशाल मुखिया कक्षा ३ स्कुल प्रथम,प्रशंसा पोख्रेल कक्षा १ स्कुल द्धितिय र अप्सरा राना कक्षा ३ स्कुल तृतिय हुनुभएको छ ।

बिद्यालय ब्यबस्थापन समितिका अध्यक्ष शिव प्रसाद पोख्रेलको अध्यक्षता,अभिभावक गोपाल प्रसाद भट्टराईको स्वागत मन्तव्य र शिक्षक कमल प्रसाद गैरेको संचालनमा सम्पन्न भएको पुरस्कार बितरण कार्यक्रममा बिद्यालय स्रोत ब्यक्ति युवराज भुसाल,स्थानिय शिक्षा प्रेमी धर्मराज बन्जाडे,पिताम्बर बन्जाडे,रामचन्द्र पोख्रेल,चन्द्र प्रसाद बन्जाडे,रिषि पोख्रेल,गोविन्द पोख्रेल लगायतको बिषेश आतिथ्यता रहेको शिक्षिका इन्दिरा आचार्यले जानकारी दिनुभएको छ ।

धौलागिरी बोर्डिङको वार्षिक परीक्षाफल तथा ११ अौ वार्षिकोत्सब सम्पन्न

मधुसुधन पाण्डे चैत २८ छत्रदेव

अर्घाखाँची जिल्लाको छत्रदेव गाउँपालिका वडा न ८ मा रहेको धौलागिरी ईङलिस बोर्डिङ स्कुलको वार्षिक परीक्षाफल प्रकाशन तथा एघारौं वार्षिकोत्सब सम्पन्न भएको छ।

निजि तथा आवसिय बिद्यालय अर्गनाइजेसन प्यावसन अर्घाखाँचीका कोषाध्यक्ष तथा मालिका ईङ्लिस बोर्डिङ स्कुलका संस्थापक धनिश्वर पाण्डेको प्रमुख अतिथ्यताबाट सुरु भएको कार्यक्रममा, बिद्यालयका सेयर सदस्यहरु शिक्षक,समाजसेवी,पत्रकार लगायत स्थानीयको उपस्थिति रहेको थियो ।

कार्यक्रममा खड्क ताम्राकार,मिना बञ्जाडे,चेतनारायण सुनार,बिद्यार्थी ऊ प्रकाश पाण्डे तथा निर्जला पौडेल लगायतले मन्तव्य राख्नुभएको थियो।

कार्यक्रममा बोल्दै प्रमुख अतिथि धनिश्वर पाण्डेले निजि बिद्यालय भनेको अङ्ग्रेजी भाषा सिक्ने पहिलो आधार भएको बताउनुभयो साथै उहाले छात्रवृत्तिको लोभमा परेर सामुदायिक बिद्यालयमा गएर भर्ना गर्नुभन्दा उचित शिक्षा दिन निजी बिद्यालय नै उत्तम हुने कुरामा जोड दिनुभयो।कार्यक्रममा बोल्दै बोर्डिङका प्रिन्सिपल काशीराम पाण्डेले भौतिक संरचनाको बाबजुद पनि आफुहरुले बिद्यार्थीहरुलाई उपयुुक्त शिक्षा प्रदान गरेको बताउनुभयो।

कार्यक्रम बिद्यालय व्यवस्थापन समितिका अध्यक्ष नारायण प्रसाद शर्मा भुसालको अध्यक्षता शिक्षक शर्मिला श्रेष्ठको स्वागत मन्तव्य तथा शिक्षक हुमबहादुर सुनारको स्वागत गित तथा शिक्षक नन्दप्रसाद पन्थीको सञ्चालनमा सम्पन्न भएको हो।

काँग्रेस अर्घाखाँची द्धारा शोक सभा सम्पन्न

बिष्णु खनाल चैत २८ अर्घाखाँची

नेपाली कांग्रेसका केन्द्रीय सदस्य तथा पुर्व गृहमन्त्री स्वर्गीय खुम बहादुर खड्काको १३ औं दिनको पुण्य तिथिमा आज विपिस्मृति भवन सन्धिखर्कमा शोक सभा सम्पन्न भएको छ ।

नेपाली कांग्रेस जिल्ला कार्य समिति अर्घाखाँचीको आयोजनामा सञ्चालन भएको शोकसभामा मन्तव्य राख्दै पार्टी सभापति विष्णु प्रसाद खनाल मुस्कानले खड्काको पार्थिव शरिर नरहे पनि उहाँले पार्टीमा पु¥याएको योगदान अतुलनिय रहेको बताउनु भयो । उहाँले स्वर्गीय खड्काले देखाएको बाटोमा अगाडी बढ्न सके मात्र उहाँप्रति सच्चा श्रद्धाञ्जली प्रकट हुने उल्लेख गर्नुभयो ।

कार्यक्रममा उपसभापति शान्ता भण्डारी, सचिव विष्णु भुसाल, महाधिवेसन प्रतिनिधि लेखनाथ पोख्रेल, सदस्य संगीता बेल्वासे, महिला संघ क्षेत्रीय सभापति जिमा अर्याल, पुर्व पार्टी सचिव बावुराम पौडेल, तरुण दलका अध्यक्ष नारायण खड्का, नेवि संघका कार्यवाहक अध्यक्ष नेत्र मरासिनी, टे«ड युनियन कांग्रेसका अध्यक्ष सुमन्त बस्याल, यातायात मजदुर संघका आत्मासिंह घर्ती लगायतले शोक मन्तव्य राख्दै स्वर्गीय खड्काप्रति श्रद्धासुमन अर्पण गर्नुभएको थियो । कार्यक्रम पार्टी सचिव छविलाल पौडेलको सञ्चालनमा सम्पन्न भएको हो

 

अर्घाखाँचीमा बैशाख १ गतेबाट आर्थिक गणना हुने

 

श्याम घिमिरे चैत्र २८ अर्घाखाँची

जिल्ला आर्थिक गणना कार्यालय अर्घाखाँचीको आयोजनामा आर्थिक गणना कार्यक्रम बारे सरोकारवाला पक्षलाई जानकारी दिने उद्धेश्यले बुधबार जिल्ला स्तरीय गोष्ठी सन्धिखर्कमा सम्पन्न गरेको छ ।

कार्यालयका आर्थिक गणना अधिकृत महेश प्रसाद बोहराले वैसाख १ गतेबाट आर्थिक गणना सुरु गरिने बताउनु भयो । उहाँले राष्ट्रिय योजना आयोग केन्द्रीय तथ्यांक बिभाग अन्र्तगत कार्यालयले देशै भर पहिलो पटक आर्थिक गणना सुरु गर्न लागीएको पनी जानकारी दिनु भयो ।

चैत्र १ गते बाट सन्धिखर्कमा कार्यालय स्थापना गरेर गणनाको प्रक्रिया अघि बढाइएको र २०७५ को असार मसान्त सम्म कार्यालयले जिल्लाको आर्थिक अवस्थाका बारेमा सबै तथ्यांक संकलन गर्ने कार्यालयका सुपरिवेक्षक गणेश मरासिनीले बताउनु भयो । आर्थिक गणनाका लागि २७ जना गणकहरु नियुक्ती समेत गरीएको छ ।

जिल्लाका उद्योगी, व्यापारी, कृषि समुह, फर्म,कृषक समुह , संघसंस्थाहरु, वित्तिय संस्था , सहकारी, विद्यालयहरु, हस्पिटल, सञ्चार माध्यम लगायतका निकायको आर्थिक तथ्यांक तयार पारिने कार्यालयले जनाएको छ । कार्यक्रमले देशको अर्थतन्त्रको अवस्था उजागर हुने विश्वास लिएको अधिकृत बोहोराले बताउनु भयो ।

कार्यक्रममा जिल्ला समन्वय समितिका अध्यक्ष पिताम्बर शर्मा भुसाल,उपाध्यक्ष रीषि बहादुर पुलामी,सन्धिखर्क नगर प्रमुख कमल भुसाल,उपप्रमुख ठाकुर बिक,प्रमुख जिल्ला अधिकारी खिमराज भुसाल,नेकपा एमालेका उपाध्यक्ष जिबनारायण कोईराला, नेपाली काँग्रेसका सभापति बिष्णुप्रसाद खनाल मुस्कान,राजमोका केन्द्रीय सल्लाहकार यमलाल पोख्रेल,उद्योग बाणीज्य संघका अध्यक्ष कृष्ण प्रसाद श्रेष्ठ,पत्रकार महासंघका अध्यक्ष हिम जिसी लेकाली लगायलले मनतब्य राख्दैे आर्थिक गणना अभियानलाई सक्दो सहयोग गर्ने पतिवद्धता समेत जनाउनु भएको थियो ।