गजल

कविता न्यौपाने, अड्गुरी अर्घाखाँची

आफ्नै ठानेकाहरुले नै दिन्छ्न् चोट अचम्म लाग्छ ,

देखाएर छोडी अनेक अनेक खोट अचम्म लाग्छ

जहाँ गएनी पसिना नबगाई खान कसैलाई छैन

सोच्दछन् छ प्रदेशमा पैसाको बोट अचम्म लाग्छ

भन्न त भन्छन् ब्यक्ति हेर्नुपर्छ पार्टिलाई हैन

अनि दिन्छन पार्टी हेरेर भोट अचम्म लाग्छ

माया सद्भाव बिश्वास झन् अपरिहार्य हुन्छ

तर सम्पुर्णथोक ठान्छन् नोट अचम्म लाग्छ

कुनै पनि महत्वपूर्ण पदमा बसिसके पछाडी

नलगाई हुन्न रे महङ्गो कोट अचम्म लाग्छ ……….