श्याम घिमिरे चैत्र २० अर्घाखाँची
भ्रष्टाचार न्यूनिकरणका लागि सूचनाको अधिकार सम्वन्धमा नागरिकलाई सचेत बनाउनु पर्छ भन्ने मान्यताका साथ अभियान सन्चालन गरेको सिआईजीले आज सूचनाको हक सम्वन्धी अभिमुखिकरण कार्यक्रम मालारानी गाउँपालिका अर्घाखाँचीको मरेङ्गमा सम्पन्न गरेको छ ।
मालारानी गाउँपालिकाको सहकार्य र सूचना तथा सुशासन अभियान, सिआईजीको आयोजनामा आयोजित कार्यक्रमका प्रमुख अतिथी तथा प्रमुख प्रशासकिय अधिकृत जनक राज पन्थीले आफनो गाउँपालिकामा रहेका सूचनाहरु प्रवाहा गर्न आफुहरु आत्तुर भएको कारण सबैजनालाई सुसूचित हुन आग्रह गर्नु भएको थियो ।
कार्यक्रमका विशिष्ट अतिथी तथा सिद्ध नेरामाविका प्रअ रुद्ध प्रसाद आचार्यले आजैका मिति देखि आफुले सूचना अधिकारी तोक्ने प्रतिबद्धता व्यक्त गर्नु भएको थियो ।
यसैगरी कार्यक्रमका अर्का विशिष्ट अतिथी तथा सुर्यथुम संयुक्त क्याम्पसका प्रमुख शालिकराम आचार्यले आफुहरुमा बिषयगत दक्षता भएपनि सुशासन प्रर्बद्धनमा सूचनाको हक सम्वन्धमा गहिराईमा धेरै कुरा आज मात्रै जानकारी भएको भन्दै आयोजक संस्थालाई धन्यवाद दिनु भएको थियो ।
कार्यक्रमका सभापति तथा वडा अध्यक्ष बालकृष्ण आर्चायले आफनो वडामा कोही पनि प्रतिपक्ष नभएको भन्दै वडा कार्यालय सँग सम्वन्धीत सूचना माग गर्न सहभागिहरुलाई आव्हान गर्नु भएको थियो ।
वडा सचिव प्रेम वहादुर पाण्डेले सन्चालन गर्नुभएको उक्त कार्यक्रमको विषयवस्तु माथि गहिराईमा सूचनाको हकका अभियन्ता तथा सिआईजी अध्यक्ष मुक्तिनाथ भुसालले सहजिकरण गर्नु भएको हो ।
करिव २५० जनाको सहभागिता रहेको उक्त कार्यक्रममा आयोजक संस्था सिआईजीले वडा कार्यालय, सिद्ध नेरामावि, सुर्यथुम संयुक्त क्याम्पस, छत्रदेव टेलिभिजन लगायतका निकाय तथा व्यक्तिहरुलाई मायाको चिनो स्वरुप सम्मान गरेको थियो र चालु आर्थीक वर्षका लागि मालारानी गाउँपालिकामा भोली अन्तिम कार्यक्रम बाँगीको आरुखोरमा हुने सिआईजीले जानकारी गराएको छ ।
Sandhikharkafm.com 