कांग्रेस अर्घाखाँचीले छायाँ सरकार बनाउँछ : मुस्कान

घनश्याम पौडेल
सन्धिखर्क, १९ चैत । नेपाली कांग्रेसका सभापती विष्णु प्रसाद खनाल मुस्कानले ओली नेतृत्वको सरकार संघियता फेल गराउँने खेलमा लागेको आरोप लगाएका छन्।

श्रमको सम्मान गरौ, श्रम शक्ति नै राष्ट्रिय शक्ति हो भन्ने नाराका साथ नेपाल ट्रेड युनियन कांग्रेस जिल्ला कार्य समिती अर्घाखाँचीको छैठौ जिल्ला अधिवेशनको उद्घाटन गर्दै मुस्कानले दूई कम्युनिष्ट गठबन्धनका कारण कांग्रेसले अर्घाखाँचीमा विजयी हासिल गर्न नसकेको बताउँदै पराजय भएपनी कांग्रेसले विकास निमार्णमा जनतासँग मिलेर अगाडी बढ्ने बताए ।

उनले कांग्रेस अर्घाखाँची पनी छायाँ सरकार बनाउँने तयारीमा लागेको बताएका छन्, प्रतिनिधी सभा, दुई प्रदेश सभा, एक गाउँपालिका र पराजय भएका वडाहरुमा समेत विकास निमार्णको कामको मुल्याङकन गर्नका लागी छायाँ सरकार बनाउँने तयारीमा लागेको बताए । कांग्रेस ५ वर्ष सम्म प्रतिपक्षमै बसेर सकारात्मक कामको स्वागत र गलत काम गरे कांग्रेस चेतावनी गर्ने बताएका छन ।

कांग्रेस सरकारले संविधान बनाई संविधान कार्यान्वयनको चरणमा निर्वाचन सम्पन्न गरेको अवस्थामा सरकार बाहिर कांग्रेस रहेकोले ओली सरकार अव संविधान बनेको छैन, चुनाव भएको छैन भनेर पन्छीन पाउँदैन, देशलाई समृद्ध बनाउँन अगाडी बढ्नुपर्छ, गलत गरे कांग्रेसले संघर्षका कार्यक्रम अगाडी बढाउँछ मुस्कानले भने । उनले कांग्रेस अर्घाखाँची जिल्ला देखी स्थानिय वडासम्म प्रशिक्षणको तयारीमा लागेको बताएका छन्, ।

अधिवेशनको उदघाटन सत्रमा कांग्रेसका पुर्व जिल्ला सभाापती कमलप्रसाद भुसालले नयाँ आउँने नेतृत्व सक्षम नेतृत्व चयन हुनका लागी शुभकामना व्यक्त गरे । क्षेत्रीय सभापतीहरु अच्युृत गौतम, केशवराज कुवँर, शिक्षक संघका जिल्ला अध्यक्ष यादवप्रसाद घिमिरे, ट्रेड युनियनका पुर्व अध्यक्ष गणेशबहादुर सिंह, नेपाल यातायात मजदुर संघका अध्यक्ष आत्मसिंह घर्ती, नेपाल महिला संघ जिल्ला सचिव छमा कार्की, नेपाल तरुण दलका जिल्ला अध्यक्ष नारायण खड्का, नेपाल विद्यार्थी संघका कार्यवाहक अध्यक्ष नेत्रप्रसाद मरासिनी लगाएतले श्रम गर्ने व्यक्तीको सम्मान गर्नुपर्नेमा जोड दिए, उनीहरुले श्रमीकको हक र हितमा काम गर्न नयाँ आउँने कार्यसमितीलाई आग्रह गर्दै गरिवी जनताको आयस्तरमा वृद्धि गर्ने सक्ने सक्षम नेतृत्व चयनका लागी शुभकामना व्यक्त गरे ।

कार्यक्रम नेपाल ट्रेड युनियन अर्घाखाँचीका अध्यक्ष नन्दराम भट्टराईको अध्यक्षता, सचिव गणेशराज पौडेलको सञ्चालन र उपाध्यक्ष राधा आचार्यको स्वागतमा उदघाटन सत्र सम्पन्न भएको हो । अधिवेशनले नयाँ नेतृत्व चयन गर्नेछ ।

शिक्षा उत्पादनमुखी र बैज्ञानिक किसिमको हुने गरि शिक्षा निति बनाउन स्थानिय तहलाई सरोकारवालाहरुको आग्रह ।

गोपाल भट्टराई चैत्र १९ अर्घाखाँची

अबको शिक्षा उत्पादनमुखी,प्राबिधिक र बैज्ञानिक किसिमको हुने गरि शिक्षा निति बनाउन स्थानिय तहलाई सरोकारवालाहरुले सुझाब दिएका छन् ।

मुलुकको नयां संरचाना अनुसार माध्यमिक तह सम्मको शिक्षा संचालनको सम्पूर्ण जिम्मेवारी स्थानिय सरकारलाई दिएको सन्दर्भमा हिजोका दिनमा शैक्षिक क्षेत्रमा देखिएका समस्या समाधान गर्दै सम्पूर्ण पक्षबाट बैज्ञानीक ऐन र निति बनाई शिक्षा संचालन गर्नुपर्ने उनिहरुको सुझाव रहेको छ ।

सन्धिखर्क नगरले तयार पारेको नगर शिक्षा ऐन तथा शिक्षा नियमावली २०७४ को मस्यौदा माथी सुझाव संकलन गर्न आयोजित अन्तरक्रिया कार्यक्रमका सहभागिहरुले यस्तो सुझाव दिंदै स्थानिय सरकारले संचालन गर्ने शिक्षा स्थानिय भुगोल,संस्कृति,बिभिन्न बर्गिय परिवेश,स्थानिय आवस्यकतालाई समेट्ने र शैक्षिक बेरोजगारको अन्त्य गर्दै राष्ट्रको समृद्धिमा टेवा पुर्याउने शिक्षा नै आजको आबस्यकता भएकोले सोही अनुसार शिक्षा निति बनाएर अगाडि बढ्न सन्धिखर्क नगरलाई सुझाव दिएका छन् ।

सन्धिखर्क नगर प्रमुख कमल प्रसाद भुसालको अध्यक्षता,प्रशासकिय कार्यकारी अधिकृत रमेश गौतमको स्वागत तथा बिषय प्रवेश र नगर शिक्षा अधिकृत बलराम मिश्रको संचालनमा सम्पन्न कार्यक्रममा जिल्ला शिक्षा अधिकारी लिल बहादुर राउत क्षत्री,अधिबक्ता जगन्नाथ भुसाल,सम्पूर्ण शिक्षक संगठन र प्र.अ.को तर्फबाट अर्घा रजस्थल मा.वि.का प्र.अ.शालिकराम भुसाल,ब्याबसन प्रदेश ५ का उपाध्यक्ष श्रीकृष्ण भुसाल,पत्रकार महासंघ अर्घाखाँचीका उपाध्यक्ष गणेश खनाल र सम्पूर्ण बिद्यार्थी संगठनको तर्फबाट अखिल छैठौंका जिल्ला अध्यक्ष गोपाल प्रसाद भट्टराईले नगर शिक्षा ऐन तथा नियमावली माथी सुझाव सहित आ–आफ्नो मन्तव्य राख्नुभएको थियो ।

विपन्न मुसहर समुदायलाई घर हस्तान्तरण

नवलपरासी, चैत १९ – नवलपरासीको बर्दघाट नगरपालिकामा रहेको विपन्न मुसहर बस्तिमा घर निर्माण गरी हस्तान्तरण गरिएको छ  । नगरपालिकाको  वडा नम्बर – ५ स्थित जितपुर डण्डा खोलामा बस्दै आएका १० घर विपन्न मुसहर समुदायलाई घर हस्तान्तरण गरिएको हो । नेपाल विद्युत प्राधिकरण भरतपुर, बर्दघाट २ सय २० केभीए प्रसारण लाइनको आर्थिक सहयोगमा आयोजना प्रभावित विपन्न समुदायलाई घर हस्तान्तरण गरिएको हो । ३० लाख रुपैयाँको लागतमा एसके निर्माण सेवाले  घर निर्माण गरी  हस्तान्तरण गरिएको निर्माण सेवाका डाइरेक्टर बिक्रम पाण्डेले बताउनुभयो। ४ महिना लगाएर  यो बस्ति तयार  गरिएको हो। बस्तिमा सामुहिक शौचालय तीनवटा र एउटा धारा पनि जडान गरिएको पाण्डेले बताउनुभयो । घर निर्माण गरेसँगै १० घर परिवारका ६० जना लाभान्वित भएका छन् । यस अघि जिर्ण अवस्थामा रहेका कच्चि घरमा बस्दै आएकोमा नया“ घर प्राप्त गर्दा स्थानीय  खुसी भएका छन् । ‘धेरै समस्या थियो, बर्खामा पानीले गर्दा बस्नै सकिँदैन थियो, नया“ घर पाएका छौँ निकै खुसी लागेको छ ’ स्थानीय बुद्ध मुसहरले भन्नुभयो ।

source:ujyaaloonline

अपराधिलाई कडा सजायको माग गर्दै प्रशासन मार्फत गृहमन्त्रीलाई ध्यानाकर्षण

घनश्याम पौडेल
सन्धिखर्क, १८ चैत । अन्तर पार्टी महिला सञ्जाल जिल्ला कार्य समिती अर्घाखाँचीले जिल्ला प्रशासन कार्यालय र जिल्ला प्रहरी कार्यालयमा ध्यानाकर्षण गराएका छन्, । जिल्ला अध्यक्ष शुसिला गैरे, पुर्व जिल्ला अध्यक्ष शान्ता भण्डारी, जिल्ला सचिव छमकुमारी खनाल चिनारी लगाएतका महिलाहरुले बुझाएको ध्यानाकर्षणमा २१ औ शताव्दीमा पनि बोक्सीको नाममा महिला माथी क्रुर यातना दिनेका काम गलत भएको बताउँदै फागुन २४ गते कैलालीको घोडाघोडी नगरपालिका ५ मा २० वर्षे राधा चौधरीलाई बोक्सीको आरोप लगाई चरण यातना दिएर मरणासम्म पु¥याउँदा पनी सम्बन्धीत निकाएको ध्यान नगएकोले ध्यानाकर्षण गराएको छ ।

त्यस्तै पर्साको पटेर्वा सुनौली नगरपालिका ५ मा ८ वर्षकी बालिका सामूहिक बलात्कारको शिकार भएकी बालीका अस्पतालको वेडमा छटपटाई रहेकी छिन, उता धनुषामा पनि १९ वर्षिय स्नेया यादवको आफ्नै बावुद्धारा चरम यातना दिई हत्या गरिएकोमा यस्ता घटनाले आधा आकास र आधा धरती ओगटेका महिला समुदायलाई लज्जित तुल्याएको छ, यसमा मानव अधिकार विरोधी हिंसाका घटना रोक्न कानूनमा प्रयाप्त व्यवस्था गरी अपराधिलाई कडा भन्दा कडा सजाय दिनु पर्दछ भने समाजमा विद्यमान विकृति, विसंगति, अन्धविश्वास, अशिक्षा र पछौटेपन अन्त्य हुन जरुरी रहेको भन्दै ध्यानाकर्षण गराएको हो ।

जिल्ला प्रशासन कार्यालय अर्घाखाँची मार्फत गृह मन्त्रीलाई गराएको ध्यानाकर्षणमा सवै घटनामा संलग्न सवै दोषीहरुलाई कुनै पनि वाहानामा उन्मुखी नदिई कार्वाही गर्न माग अन्तरपार्टी महिला सञ्जाल अर्घाखाँचीले गरेको छ । ध्यानाकर्षण पत्र बुझदै सहायक प्रमुख जिल्ला अधिकारी शङकर भुसालले र्गहमन्त्री समक्ष ध्यानाकर्षण पत्र पठाउँने बताए ।

मैदान स्वास्थ्य चौकीको उद्घाटन गर्दै रायमाझीले भने सरकार आउँने जाने भईरहन्छ

घनश्याम पौडेल
अर्घाखाँची, १९ चैत । पुर्वउपप्रधान मन्त्री टोपबहादुर रायमाझीले सरकार आउँने जाने भईरहेको छ र भईरहन्छन पनी । तर सरकार परिवर्तन भईरहे पनी हामी सवै राजनितिक दलहरु, जनताहरु, राष्ट्रसेवक कर्मचारी सवै मिलेर देशलाई समृद्ध बनाउँनुको विकल्प नरहेको बताएका छन्, ।

अर्घाखाँची जिल्लाको पाणिनी गाउँपालिका ५ मैदानमा नवनिर्मित स्वास्थ्य चौकी भवनको उद्घाटन गर्दै रायमाझीले सिंहदरवारको अधिकार गाउँगाउँमा आएको बताउँदै अव गाउँमा राम्रो स्वास्थ्य, शिक्षा, यातायात, प्रशस्त खानेपानी लगाएत गाउँलाई समृद्ध बनाउँन आवश्यक पर्ने विकास निमार्णका योजनाहरु अगाडी ल्याउँन लागीपर्ने बताउँदै स्थानिय सरकार अन्र्तगतका वडाहरुमा आवश्यक पर्ने पुर्वाधार निमार्णमा ध्यान जाने बताएका छन्, ।

अर्घाखाँची प्रतिनिधी सभाका सासंद समेत रहेका रायमाझीले केन्द्र, प्रदेश, स्थानिय तह र जनतासँग समन्वय गरेर मात्रै विकासका कामहरु अगाडी बढाउँने बताए ।  सरकार अव शुसासन, शान्ती र समृद्धीको अभियानमा अगाडी बढेको बताउँदै ठेकेदारले जिम्मा लिएका काम छिटो गनुपर्छ, अन्यथा हामी अव काम राम्रो नगर्नेलाई कार्वाही गर्छौ रायमाझीले भने ।

प्रदेश सासंद रामजीप्रसाद घिमिरेले जनताले धेरै अपेक्षा लिएका छन्, पहिला पुर्वाधार विकास सँगसँगै अन्य विकासका कामहरु पनी अगाडी बढ्दै छन्, सवै एकजुट भएर मिले मात्र जिल्लालाई समृद्ध बनाउँन सकिने बताएका छन्, । मैदानका बासीन्दा समेत रहेका घिमिरेले मैदानमा स्वास्थ्य चौकीको लागी बजेट पार्न सहयोग गर्ने छवीन्द्र बेल्वासेलाई स्मरण गर्दै जसले काम गर्छ, उसको सम्मान गनुपर्छ, जनताका आकाक्षाहरु पुरा गर्छौ उनले भने ।

पाणिनी गाउँपालिका अध्यक्ष अच्यूत गौतमले गाउँपालिकाले विकासमा फड्को मार्दै छ, समृद्ध गाउँपालिका बनाउँनका लागी सवैसँग सहकार्य गरेर अगाडी बढ्ने बताए । प्रमुख जिल्ला अधिकारी खिमराज भुसालले सरकारले दिएको बजेट सदुपयोग गरी विकास निमार्णका कामहरु अगाडी बढेमा जिल्ला छिट्टै विकासमा नमुना बन्ने बताए । पत्रकार महासंघ अर्घाखाँचीका प्रतिनिधी घनश्याम पौडेलले मैदानमा उद्घाटन भएको स्वास्थ्य चौकीमा औषधी अभाव नहुनका लागी गाउँपालिकाको विशेष ध्यान जानुपर्ने बताए ।

एक करोड ७६ लाखको लागतमा निमार्ण भएको स्वास्थय चौकी सालझण्डी धोरपाटन सड्कसँग जोडिएको छ । स्वास्थ्य चौकीले एक्सरे, एम्वुलेन्स, २४ घण्टे प्रसुति सेवा पनी अगाडी बढाउँने लक्ष्य लिएको स्वास्थ्य चौकी इन्चार्ज जगदिनश घिमिरेले बताए । चौकीलाई नमुना बनाउँन केन्द्र, प्रदेश र स्थानिय तहको विशेष ध्यान जान उनले अनुरोध गरे । कार्यक्रम पाणिनी ५ मैदानका वडा अध्यक्ष जीवलाल घिमिरेको अध्यक्षता, वडा सचिव राजनकुमार विष्टको स्वागत र स्वास्थ्य चौकी इन्चार्ज जगदिश घिमिरेको सञ्चालनमा सम्पन्न भएको हो ।