अमर सुनार
दैलेख, चैत १० – दैलेखको चामुण्डा बिन्द्रासैनी नगरपालिका–४, चिमेगाउँमा आफ्नै श्रीमतीको गुप्ताङ्गमा पाइपले घोचेर घाइते बनाएका छन् । घटानापछि उनलाई प्रहरीले पक्राउ गरेको छ ।.jpg)
शुक्रबार दिउँसो रक्सी खाएर घरमा आएका चामुण्डा बिन्द्रासैनी नगरपालिका–४ का सूर्यबहादुर राउतले श्रीमती डम्बरकुमारी राउतलाई गुप्ताङ्गमा पाइपले घोचेर घाइते बनाएको प्रहरीले जनाएको छ । घरमा कोही नभएको मौकामा उनिहरुविच विवाद भएको थियो । त्यसपछि उनले डम्बरकुमारीलाई कुट्दै आगो फुक्न प्रयोग गरिने पाइपको ढुङ्ग्रीले गुप्ताङ्गमा घोचेर गम्भीर घाइते बनाएको प्रहरीले जनाएको छ ।
व्यापारको सिलसिलामा अहिले भैरबी गाउँपालिका–४, गडाजिउला बस्दै आएका ४० वर्षीय सूर्यबहादुर रावतले ३६ वर्षीया श्रीमती डम्बरकुमारी रावतलाई गडाजिउलामा यातना र दुव्र्यवहार गरेको कारण कारवाहीका लागि हिरासतमा राखिएको दैलेखका प्रहरी इञ्चार्ज प्रहरी नायव उपरीक्षक सरोज पौडेलले जानकारी दिनुभयो ।
स्थानीय शिक्षिका ललिता थापाको पहलमा पीडित महिलालाई घटनास्थलबाट उद्धार गरी गएराति नै दैलेख जिल्ला अस्पताल पु¥याइएको छ । उपचारमा संलग्न स्त्रीरोग विशेषज्ञ डाक्टर निरन्जन पन्तका अनुसार योनीको बाहिरी सतहदेखि ४ इञ्च भित्र पाठेघरमा कडा घाउ लागेको छ ।
प्रारम्भिक उपचारपछि रगत बग्न रोकिएको र दुखाई पनि धेरै कम भइसकेको बताए पनि पीडित महिला ओछ्यानबाट उठ्न सक्नुभएको छैन । माइतीमा कोही नभएकोले अस्पतालमा आफैले किन्नै पर्ने २–४ सयको औषधि पनि डम्बरकुमारीले किन्न सक्नुभएको छैन । उहाँको स्याहार सुसार पनि अस्पतालकै कर्मचारी गरिहेका छन् ।
पीडित महिलालाई धेरै पहिलेदेखि पासविक यातना दिने गरेको खुलेको कारण घरेलु हिंसा, यातना र ज्यान मार्ने उद्योगसम्मको मुद्दा चलाउने तयारी भएको प्रहरी नायव उपरीक्षक पौडेलले बताउनुभयो ।
२० वर्षअघि विवाह गरेका डम्बरकुमारी र सूर्यबहादुरबाट २ छोरा र २ छोरी छन् । १८ वर्षको ठूलो छोरा काठमाडौंमा आफन्तकोमा बसेर ११ कक्षा पढ्दै छन् । श्रीमानले घरमा निरन्तर श्रीमतीलाई निरन्तर कुटपिट गरिरहने भएकोले बाँकी ३ जना ११, ९ र ७ वर्षको बच्चाहरुको पढाई राम्रो हुन नसकेको छिमेकीहरुले बताएका छन् ।
source: ujayalloonline
Sandhikharkafm.com 