नरपानीको पञ्चासेमा संस्कृति समालोचना एवं दर्शन गोष्ठी शुरु

विरेन्द्र केसी  ४ चैत्र सन्धिखर्क

नेपाल प्रज्ञा प्रतिष्ठानको आयोजना तथा सुपादेउराली संरक्षण समितिको संयोजनमा नरपानीको पञ्चासेमा संस्कृति समालोचना एवं दर्शन गोष्ठी आजबाट  शुरु भएको छ । धार्मिक पर्यटकीय स्थल सुपादेउरालीमा आएका पर्यटकलाई यस क्षेत्रका विभिन्न पर्यटकीय स्थलमा भ्रमण गराउने एवं संस्कृति र दर्शनको पहिचान गर्ने उद्देश्यले दुई दिने गोष्ठी गरिएको हो ।

कार्यक्रममा प्रध्यापक डाक्टर विष्णुराज आत्रेयले लेखेको ऐतिहासिक तथा पौराणिक पृष्ठभूमिमा आधारित सोमतीर्थ र सुपादेउराली नामक उपन्यास पुस्तकको पनि विमोचन गरिएको छ । संस्कृतिको महत्व र ऐतिहासिक सम्पदाको बारेमा पुस्तकमा वर्णन गरिएको छ । परम्परागत रुपमा रहेका धर्म, संस्कृति भेषभूषा र पहिचानको जगेर्ना सहित पुराणका कथा उपन्यासमा ढालेर लेखिएको छ ।

प्रज्ञा प्रतिष्ठानका उपकुलपति प्रा. दिनेशराज पन्त, प्रा.डा. ज्ञानु पाण्डे, प्रा.डा. विष्णुराज आत्रेय, प्रा. माधवराज गौतम, प्रा. माधवराज गौतमले ऐतिहासिक प्राचिन सम्पदाको संरक्षण गरी पर्यटनको विकास हुने बताउनुभयो । गोष्ठीमा संस्कृतिको संरक्षण स्वरुप हतियार देखाएर नाच्ने सराय नाच र अन्य झाकी प्रदशन गरिएको थियो । सम्पदा र संस्कृति जोगाउनु पर्ने प्रतिष्ठानको टोलीको धारणा रहेको छ ।

कार्यक्रममा जिल्ला समन्यव समितिका उपप्रमुख रिऋि बहादुर पुलामी, सन्धिखर्क नगरपालिका प्रमुख कमलप्रसाद भुसाल, उपप्रमुख ठाकुर विक, नगरका सबै वडाअध्यक्षहरु, एमालेका वसन्तकुमार श्रेष्ठ, कांग्रेस सन्धिखर्क नगर सभापति विनोद आचार्य लगायतले पर्यटन विस्तार र पर्यटकलाई भुलाउने उपाय संस्कृति, ऐतिहासिक सम्पदा र पहिचान भएको बताउनुभयो ।

सुपादेउराली संरक्षण समितिका अध्यक्ष प्रितम थापाको अध्यक्षता, उपाध्यक्ष गोर्बद्धन थापाको स्वागत र सचिव यादव घिमिरेको सञ्चालनमा सम्पन्न कार्यक्रममा नेपाल पत्रकार महासंघका सचिव सुर्यप्रसाद भुसाल, कान्तिपुर दैनिकका उपसम्पादक वीरेन्द्र केसी, हिन्दु धार्मिक अभियान्ता नारायण खनालयतको उपस्थिति रहेको थियो । गोेष्ठीमा नरपानी, खाँचीकोट, सितापुर लगायतका गाउबाट सयौ सर्वसाधारणको उपस्थित भएका थिए ।

ठुलापोखरामा धार्मिक महोत्सव सुरू, १५ लाख दान संकलन ( फोटो फिचर)

ठुलापोखरामा धार्मिक महोत्सव सुरू, १५ लाख दान संकलन (भिडियो तथा फोटो फिचर)

घनश्याम पौडेल
सन्धिखर्क, ४ चैत्र । छत्रदेव गाउँपालिकाको ठुलापोखरामा मालिका धार्मिक महोत्सव सुरू भएको छ । नेपालको इतिहासमा प्रथम पटक वृन्दावनकै आकारमा श्री गोवद्वन प्रवर्द्धन गर्ने र द्वादश ज्योतिष लिङ्ग निर्माण गरि मालिका मन्दिर परिसरलाई धार्मिक पर्यटन क्षेत्रको रूपमा विकास गरि विश्व भरि चिनाउँने उदेश्यका साथ आयोजित मालिका धार्मिक महोत्सवको पुर्व उपप्रधानमन्त्री टोपबहादुर रायमाझीले गरे ।

महोत्सवको उद्घाटन गर्दै रायमाझीले धर्म, कर्म संस्कृतिको रक्षा र विकास गर्ने उदेश्यले गरिएको महोत्सवले विकास निर्माणको लागि जागरण पर्व भएको औल्याए । उनले धार्मिक महोत्सवले जिल्ला सहित देशभरको विकासका लागि महत्त्वपूर्ण योग्दान पु¥र्याउँने बताउँदै महोत्सवहरू भईरहनुपर्छ सहयोगका लागि तयार छु रायमाझीले भने ।

अर्घाखाँची जिल्ला प्रतिनिधि सभाका सांसद समेत रहेका रायमाझीले अब जिल्लालाई समृद्ध बनाउँन ईमानदारीता, ईच्छाशक्ती, अनुशासित भएमा मात्रै समृद्ध बनाउँन सकिने बताए ।  फरक प्रसंगमा रायमाझीले अर्घाखाँचीलाई पाचँ वर्ष भित्रमा सवै वडाहरुमा पिचँ बाटो पु¥याउँने, खानेपानीको समस्या नहुँने गरी खानेपानी समस्याको समाधान गर्ने, धार्मिक पर्यटकिय स्थलहरुको प्रचारप्रसार तथा पर्यटकहरु जिल्लामा भित्रयाउँने गरी अगाडी बढेको बताउँदै ५ वर्षमा नमुना जिल्ला बनाउँने उदघोष गरे । महोत्सवका आकर्षक चर्चित धार्मिक व्यक्तीत्व भुवन गुरुको मुखार विन्दुबाट प्रवचन हुने छ ।

छत्रदेव गाउँपालिकाका अध्यक्ष लेखनाथ पोख्रेलले महोत्सवले लिएको लक्ष्य पूरा गर्नका लागि सहयोग गर्ने बताउँनुभयो । उहाँले महोत्सवलाई सम्पन्न गर्नका लागि गाउँपालिकाले सहयोग गर्ने बताउँदै गाउँपालिका भरि धार्मिक पर्यटकीय क्षेत्र बनाउँन लागीपर्ने बताए ।

प्रमुख जिल्ला अधिकारी खिमराज भुसालले धार्मिक महोत्सवले समृद्धीका खुड्किलामा अगाडि बढन कोसेढुंगा सावित हुने उल्लेख गरे ।
जिल्ला पशु सेवा कार्यालयका प्रमुख डा. लोकनाथ पौडेलले मालिकाको विकासका लागि २ लाख ६६ हजार ६ सय ६ दान गरे ।

महोत्सवको उदघाटन सत्रमा जिल्ला प्रहरी कार्यालयका प्रमुख एकनारायण कोईराला, गाउँपालिकाका प्रशासकिय अधिकृत भेषराज पन्त, कांग्रेसका जिल्ला सचिव विष्णु भुसाल, पत्रकार घनश्याम पौडेल, समाजसेवी तथा दानदाताहरू गणेशप्रसाद भट्टराई, ज्ञानप्रकाश पौडेल, नेत्रप्रसाद पाण्डे, शोभाखर बन्जाडे, दुर्गा पौडेल लगाएतले महोत्सव सफलताको शुभकामना व्यक्त गरे ।                          

धार्मिक महोत्सव मुल संरक्षण समितिका संयोजक भोला पौडेलको अध्यक्षता, वडा अध्यक्ष तथा महोत्सव संरक्षण समितिका संयोजक कमल पौडेलको स्वागत र पिताम्बर खनालको सञ्चालनमा सम्पन्न भएको हो । धार्मिक महोत्सवको सुरुको दिनमा नै करिव १५ लाख दान संकलन भएको प्रचारप्रसार समितीका संयोजक धनिश्वर पाण्डेले जानकारी दिए ।

                  तस्विर तथा भिडियो घनश्याम पौडेल 

Image may contain: 7 people, crowd and outdoorImage may contain: 13 people, outdoorImage may contain: 10 people, people smiling, crowd and outdoorImage may contain: 11 people, people sittingImage may contain: 8 people, people standing, crowd and outdoorImage may contain: 10 people, crowd and outdoorImage may contain: 5 people, people smiling, crowd and outdoorImage may contain: 9 people, people standing and outdoorImage may contain: 8 people, people standing, crowd and outdoorImage may contain: 5 people, people standing and outdoorImage may contain: 2 people, outdoorImage may contain: 6 people, people smiling, people standing, crowd and outdoorImage may contain: 4 people, people smiling, people sittingImage may contain: 7 people, crowd and outdoorImage may contain: 8 people, crowd and outdoorImage may contain: 5 people, crowd and outdoorImage may contain: 7 people, crowd and outdoorImage may contain: 12 people, including Indramani Paudel, people sitting and outdoor

एक दिवसीय युवा परामर्शको तयारी पुरा ।

श्याम घिमिरे सन्धिखर्क चैत्र ४
जिल्ला सदरमुकाम सन्धिखर्कमा सोमबार सन्चालन हुने एक दिवसीय युवा परामर्श कार्यक्रमको सबै तयारी पुरा भएको जिल्ला युबा समिती अर्घाखाँचीका अध्यक्ष लिलबहादुर बिकले जानकारी दिनुभएको छ ।

जिल्ला युबा समिती अर्घाखाँची, सन्धिखर्क नगरपालीकाको कार्यालय सन्धिखर्क तथा जिल्लामा क्रियाशील राजनैतिक दलका युबा संघ संगठन एवं सामाजिक संघ संस्थाहरूको सहकार्यमा राष्ट्रिय युवा परिषदका उपाध्यक्ष माधव ढुंगेलको प्रमुख आतिथ्यता मनोक्रान्ति अभियानका बरिष्ठ प्रशिक्षक योगी नवराज छम र बिज्ञान तथा प्रबिधि बिज्ञ खिम पन्थी द्वारा सकारात्मक सोंचको विकास,आत्मनिर्भरता, उच्च शिक्षाको सम्भावना र अवसर विषयमा युवा परामर्श सेबा कार्यक्रम संचालन हुदैछ ।

jila-ubasangal.jpg
कार्यक्रमले युवाहरुलाई सकरात्मक सोचको बिकास गर्न फाईदा पुग्ने बिश्वास लिएको परामर्श कार्यक्रम ब्यवस्थापन समितिका संयोजक कबिराम खनालले बताउनु भयो । समितीले यस अघिपनि युवाहरुलाई बिभिन्न सिपमुलक तालिम तथा बिभिन्न क्रियाकलप सञ्चालन गर्दै आएको समितिका सदस्य प्रदिप नेपालीले जानकारी दिनुभयो । कार्यक्रम सोमबार बिहान ठिक ११ बजेबाट सन्धिखर्कको सभागृहमा सन्चालन हुदैछ ।

लालबाबु पण्डितलाई साह्रै मनपर्छ ‘सुन साइँली‍’ गीत \

काठमाडौं : स‌ंघीय मामिला तथा सामान्य प्रशासनमन्त्री लालबाबु पण्डितले अघिल्लो कार्यकालमा डीभी र पीआरवाला कर्मचारीलाई कारबाही गर्ने सिलसिलामा पूर्वप्रधानमन्त्री डा.बाबुराम भट्टराईसँग चर्काचर्की परेको बताएका छन्।

मन्त्री क्वार्टरमा आफूलाई भेट्न आएका कलाकारसँग कुरा गर्दै पण्डितले भने, ‘भट्टराईजीले मेरो मान्छेको पर्दा रोक्ने भन्नुभयो। मैले नीतिअनुसार कसैलाई छोड्दिन भनेँ। देश लुट्न कसैलाई दिन्नँ भनेँ।’ एकै समयमा दुई वा दुई भन्दा बढी देशको नागरिक हुने कुरा मान्य नहुने उनले बताए।

मुलुक संघीय संरचनामा गएपछि खटाइएका प्रदेशमा जान नमान्ने कर्मचारीलाई कारबाही थाल्ने उनले बताए। ‘काठमाडौं बसेर काम ठग्नेलाई चाँडै ठेगान लगाउँछु’, उनले भने, प्रधानमन्त्रीज्यूले के गर्नुपर्छ, गर्नुस् भन्नुभएको छ।’ काम गर्न अल्छी गर्ने वा नसक्नेलाई अब ‘बाइबाइ’ गर्ने योजना रहेको पण्डितले सुनाए। पहिलोपटक मन्त्री हुँदा युवालाई स्वदेश फर्काउँछु भनेको स्मरण गर्दै उनले अझै पनि त्यो सोच परिवर्तन नभएको बताए। ‘विदेश जाने सोचमा रहेकाहरू देशमै केही गर्नुस् न!’,

उनले भने, ‘वातावरण बनाउने काम म गर्छु।’ विदेशमा रहेका युवालाई बिस्तारै फर्काउने वातावरण बनाउने उनले बताए। आफूले मुलुकलाई फोर्न नभई जोड्न पहल गरिरहेको बताए। ‘म मधेशमा जन्मिएको हुँ तर पहिले नेपाली हुँ त्यसपछि अरु’, पण्डितले भने। भूकम्प गएका बेला दिनरात नभनी प्रभावितस्थल पुगेको उनले बताए। एक व्यक्ति वा परिवारकाे हित–अहित हेर्नेभन्दा पनि समाज र राष्ट्रका लागि सोचौँ’, मन्त्री पण्डितले भने ‘एकअर्कालाई हाेच्याउने र तल पार्ने काम नगरौँ ।’

उनले झण्डै एक महिना वातावरण मन्त्रालयमा बस्दा प्रदूषण नियन्त्रणका लागि पहल गरेको दाबी गरे। प्रदूषणका नमुना स‌ंकलन गर्न क्यामेरा बोकेर ठाउँठाउँ पुगेको उनले दाबी गरे। प्लास्टिकका झोला बन्द गर्न काम गरिरहेकै बेला अहिले मन्त्रालय फेरिएको मन्त्री पण्डितको भनाइ छ। समाज परिवर्तनका निम्ति योगदान दिएर पनि कतिपय नेपाली कलाकार मारमा परेको आफूले जानकारी पाएको उनले बताए। मन्त्रालय फरक भए पनि कलाकारको हितका लागि आवाज उठाउने उनको भनाइ छ।

नेपाली कलाक्षेत्रमा पनि सुधार हुँदै गएकोमा उनले खुशी व्यक्त गरे। ‘२०४८ पछि हलमा पुगेर सिनेमा हेरेको छैन। कहिलेकाहीँ ‘प्रिमियर सो’मा जान्छु। फुर्सद भएको बेला युट्युब र सीडीमा हेर्छु, तर’, उनले भने, ‘नेपाली  कलाकार र सङ्गीतकर्मीलाई माया गर्छु।’ ‘सुन साइँली‍… भन्ने गीतले साह्रै मन छुने पण्डितले बताए। ‘रमाउने समय त ४० भित्रै हो। त्यही बेलामा रमाउन नपाए खै कहिले रमाउने?’ मन्त्री पण्डितले प्रश्न गरे।
source:thahakhabar.com

आठ वर्षीय बालकको हत्या

शैलेन्द्र महतो

धनुषा, चैत ४ – धनुषाको कमला नगरपालिकामा एक बालकको हत्या भएको छ । कमला नगरपालिका – ८ बस्ने प्रमोद साहको ८ वर्षका छोरा रमण साहको हत्या भएको हो । बालकको शव आइतबार बिहान गाउँ नजिकै कुलोमा हत्या गरेर फालिएको अवस्थामा फेला परेको हो ।

शनिबार साँझदेखि एकाएक घरबाट वेपत्ता भएका बालक रमणको शव आइतबार बिहान स्थानीय बासिन्दाले कुलोको पानीमा तैरिरहेको देखेपछि प्रहरीलाई खबर गरेका थिए ।  मृत बालकको शरिरमा घाउ चोट र डाम भेटिएकोले हत्या गरेर नै फालिएको हुन सक्ने धनुषाका प्रहरी उपरीक्षक चक्रबहादुर सिंहले बताउनुभयो ।

बालकको शवलाई पोष्टमार्टमको लागि जनकपुर अञ्चल अस्पतालमा लगिएको र घटना विषयमा थप अनुसन्धान भइरहेको उपरीक्षक सिंहले जानकारी दिनुभयो ।

source:ujyaaloonline