माओवादी मालारानी गाउँपालीका वाड नम्वर ९ गोखुङ्गामा पार्टीको बैठक सम्पन्न

सन्धिखर्क एफएम फागुन ३० अर्घाखाँची

नेकपा माओवादी केन्द्र मालारानी गाउँपालीका वाड नम्वर ९ गोखुडगामा पार्टीको बैठक सम्पन्न भएको छ । बैठकमा मन्तव्य राख्दै अखिल नेपाल शिक्षक संगठनका केन्द्रिय उपाध्यक्ष मानबहादुर पाण्डेले पार्टीले खेल्नु पर्ने भुमिका र जनप्रतिनिधीको दायित्वबारे प्रकास पार्नुभएको थियो ।

योगेन्द्र खनालको अध्यक्षता महेन्दबाबु खनालको सञ्चालनमा सम्पन्न कार्यक्रममा वाड अध्यक्ष फनबहादुर पुन लगाएतले मन्तव्य राख्नुभएको थियो । बैठकले पार्टी सदस्यता अभिलेकरण गर्ने विकास निर्माण र आगामी कार्यभारबारे विभिन्न निर्णय गरेको जनाईएको छ ।

असल अभिभावकीय कला कार्यक्रम सम्पन्न ।

श्याम घिमिरे ,अर्घाखाँची फागुन ३०

बालबालीकाहरुलाई सम्पती होईन संस्कार दिऔं भन्ने मुख्य नारा सहीत गौरी शंकर ईङ्गलिस बोर्डिङ्ग स्कुल सन्धिखर्कको आयोजनामा बुधबार अशल अभिभाबकिय कला सम्बन्धी एक दिने चेतनामुलक अभिमुखीकरण प्रशिक्षण सन्धिखर्कको सभाहलमा सम्पन्न भएको छ ।

विद्यालयका करिव पाँच सय अभिभावकको उपस्थिति रहेको कार्यक्रममा मोटिभेसनल स्पिकर तथा ट्रेनर उपेन्द्र अधिकारीले अडियो र भिडियो मार्फत प्रस्तुति दिनुभएको थियो ।

“वालवालिकालाई सम्पत्ति होइन, संस्कार दिऔँ“ भन्ने मुल नारा दिइएको कार्यक्रममा कसरी असल र सफल अभिभावक बन्न सकिन्छ वालवालिकाको स्वास्थ्य शिक्षा मानसिक शारीरिक संवेगात्मक विकासमा कसरी लाग्न सकिन्छ अभिभावकले निर्माण गर्ने पारिवारीक वातावरणीय सामाजिक र भौतिक वातावरणलाई कसरी व्यवस्थापन गर्न सकिन्छ भन्ने लगायतका विषयमा नाटक सहित प्रस्तुति गरिएको थियो ।

कार्यक्रममा सन्धिखर्क नगरपालीका उपप्रमुख ठाकुर कुमार बिक,जिल्ला शिक्षा अधिकारी लिलबहादुर राउत,नगर शिक्षा अधिकृत बलराम मिश्र, पत्रकार हिमबहादुर जिसी,श्रोतब्यक्ति युबराज भुसाल, लगायतको उपस्थिति रहेको थियो ।

कार्यक्रम बिद्यालय ब्यबस्थापन समितिका अध्यक्ष भेष बहादुर बिसीको अध्यक्षता बिद्यलायका प्रिनशिपल गणेश क्षेत्रीको स्वागत मनतब्य र शिक्षक शिब बेल्बासेको सन्चालनमा सम्पन्न भएको हो ।

एनएमबि बैंक अर्घाखाँचीको आयोजनामा वित्तीय साक्षरता कार्यक्रम सम्पन्न

मेलिना सिंह ठकुरी, फागुन ३०अर्घाखाँची

एक घर एक खाता अभियान अन्तर्गत एनएमबि बैंक अर्घाखाँची शाखा ले बुधबार पाणिनी बहुमुखी क्याम्पस सन्धिखर्क र अर्घाखाँची शिक्षा क्याम्पस बेलवाटिकामा वित्तीय साक्षरता कार्यक्रम सम्पन्न गरेको छ।

कार्यक्रममा एकसय जना भन्दा बढी विद्यार्थीहरूको सहभागिता रहेको थियो। कार्यक्रममा वित्तीय के हो बचत गर्न किन अावश्यक छ जस्ता बिषय वस्तुहरु समेटिएका थिए र कार्यक्रममा बैंकिंग क्षेत्र सम्बन्धि प्रश्न हरु सोधिएको थियो ती प्रश्नको सही जवाफ दिने विद्यार्थीलाई पुरस्कृत पनि गरिएको थियो।

कार्यक्रम डिविर शाह र ब्रान्चम्यानेजर नगेन्द्र प्रसाद पौडेलको सहजीकरणमा सम्पन्न भएको थियो।

छत्रदेव गाउँपालिकामा निशुल्क स्वास्थ्य शिविर तथा सामाजिक सुरक्षा भत्ता वितरण सम्पन्न

मधुसुधन पाण्डे छत्रदेव फागुन ३०

 

अर्घाखाँची जिल्लाको छत्रदेव गाउँपालिकाका आठवटै वडामा आज निशुल्क स्वास्थ्य शिविर तथा सामाजिक सुरक्षा भत्ता वितरण भएको छ।

छत्रदेव गाउँ कार्यपालिका कार्यलयको आयोजना तथा स्वास्थ्य शाखा छत्रदेव गाउँपालिकाको समन्वयमा आज एकैसाथ आठवटै वडामा उक्त कार्यक्रम सम्पन्न भएको हो।

निशुल्क रुपमा स्वास्थ शिविर तथा सामाजिक भत्ता वितरण हुने भनेपछि बिहानदेखि सम्बन्धित वडा कार्यलयमा जाने बृद्धबृद्धाको लर्को नै थियो।

दिउँसोको चर्को घाम र बाटोको धुलोलाई प्रवाह नगरी बृद्धबृद्धा सामाजिक सुरक्षा भत्ता लिन गएका थिए। छत्रदेव गाउँपालिकाले यसअघि पनि स्वास्थ्य शिविरसगै सामाजिक सुरक्षा भत्ता वितरण गरेको गाउपालिका प्रमुख लेखनाथ पोख्रेलले बताउनुभयो ।

 

अर्घाखाँचीमा करेन्ट लागेर १ जनाको मृत्यू

विनाेद गैरे ,फागुन,३० अर्घाखाँची

अर्घाखाँची जिल्लाको भूमिकास्थान नगरपालिका वडा नं. ६ खिल्जी हटियाका अन्दाजी ६२ वर्षका कविराज श्रेष्ठको करेन्ट लागेर मृत्यू भएको छ ।

आज विहान १०ः३० वजेको सेरोफेमा कुटमेराको घास काट्ने क्रममा हाईटेन्सन लाईनले करेन्ट लागेर उनको मृत्यू भएको हो । मृतक श्रेष्ठको सव पोष्टमार्टमको लागि अहिले जिल्ला अस्पताल सन्धिखर्क अर्घाखाँची लगिएको स्थानीय चन्द्र बस्नेतले जानाकारी दिनुभएको छ ।