माओवादी केन्द्र अर्घाखाँचीको सांगठानिक गतिविधि तीब्रता

श्याम घिमिरे फागुन २७ अर्घाखाँची

नेकपा माओवादी भुमिकास्थान वाड नम्वर २ र वाड नम्वर ४ को बैठक सम्पन्न भएको छ । कार्यक्रमा मन्तव्य राख्दै जिल्ला सहसंयोजक छमकुमारी खनाल चिनारीले पार्टीले आगामी दिनमा लिने कार्य दिशाबारे बताउनुभएको थियो ।

बैठकले पार्टी सदस्य नविकरण,जनवर्गिय संगठन पुनगठन गर्ने निर्णय गरेको छ । शिव आचार्यको अध्यक्षता,चेतन खनालको सञ्चालनमा सम्पन्न कार्यक्रममा जिल्ला सचिवालय सदस्य रुद्रमणी खनालले मन्तव्य राख्नुभएको थियो । यस्तै ४ नम्वर वाडको बैठकको विष्णु बजान्डेको अध्यक्षता,कर्ण आलेको सञ्चालन र जिल्ला सदस्य सुवासचन्द्र बजान्डेको प्रमुख आतिथ्यतामा कार्यक्रम सम्पन्न भएको थियो ।

यस्तै नेकपा माओवादी मालारानी गाउँपालीका वाड नम्वर ७ को बैठक सम्पन्न भएको छ । बैठकले पार्टी सदस्य नविकरण,जनवर्गिय संगठन पुनगठन गर्ने निर्णय गरेको छ ।

कार्यक्रममा मन्तव्य राख्दै अखिल नेपाल राष्टिय शिक्षक संगठनका केन्द्रिय उपाध्यक्ष मान बहादुर पाण्डेले पछिल्लो राजनितीक घटनाक्रम,पार्टी एकताको बारे प्रकास पार्नुभएको थियो । कार्यक्रममा मालारानी गाउँपालीका कोषाध्यक्ष नारायाण प्रसाद अर्याल सदस्यहरु मणिराम पराजुली,रुद्र भुसाल डिलबहादुर परियार लगाएतले मन्तव्य राख्नुभएको थियो ।

भेलाले मणिराम पराजुलीको अध्यक्षता १९ सदस्य कमिटी निर्माण गरेको छ । जसको उपाध्यक्ष युवराज भुसाल,सचिव रामबहादुर खड्का,सहसचिव मानबहादुर नेपाली कोषध्यक्ष सिमा भटराई लगाएतका रहनु भएको ।

Advertisement

बैधनाथ माबि मालारानी ७ बामरुकमा शुकामना आदानप्रदान तथा बिधाई कार्यक्रम सम्पन्न

श्याम घिमिरे फागुन २७ अर्घाखाँची

बैधनाथ माबि मालारानी ७ बामरुकमा शुकामना आदानप्रदान तथा बिधाई कार्यक्रम आईतबार सम्पन्न भएको छ । बिद्यालयमा अध्ययनरत कक्षा ९ का बिद्यार्थीहरुको आयोजनामा सोहि बिद्यालयबाट एसईई परीक्षा २०७४ मा सम्मीलितहुने बिद्यार्थीहरुलाई उच्च सफलताको लागी शुभकामना प्रदानगर्ने कार्यक्रम सम्पन्न भएको हो ।

कार्यक्रममा बिद्यालय ब्यबस्थापन समितिका जेष्ठ अध्यक्ष दलबहादुर भट्टराईको प्रमुख आतिथ्यता वडानम्बर ७ का वडाअध्यक्ष खड्क प्रसाद भुसाल बिद्यालयका प्रअ मानबहादुर कुवर र ब्यबस्थापन समितिका सदस्य लक्ष्मण खड्काको बिशेष आतिथ्यता रहेको थियो । कार्यक्रम कक्षा ९ का छात्र युबराज भुसालको अध्यक्षतामा र पुष्पा भुसालको सन्चालनमा सम्पन्न भएको हो ।

सन्धिखर्क–८ नेपालीचौरले अंग्रेजी र नेपाली दुवै माध्यमबाट पढाइ संचालन गर्ने

गोपाल प्रसाद भट्टराई ,फागुन २७ अर्घाखाँची

जनता आधारभुत बिद्यालय सन्धिखर्क–८ नेपालीचौर अर्घाखाँचीले अंग्रेजी र नेपाली दुवै माध्यमबाट पढाइ संचालन गर्ने भएको छ ।

स.न.पा.८ किमडांडामा अबस्थित आधारभुत बिद्यालयहरुमा प्रत्येक बर्ष बिद्यार्थीदर घट्दै जांदा स्कुल संचालनमै कठिनाई देखिएपछि पढाइमा गुणस्तर प्रदान गर्दै बिद्यार्थी सहभागिता बढाउन र ब्यबस्थित रुपमा बिद्यालय संचालन गर्न दुवै माध्यमबाट पढाइ सुरु गर्न थालेको हो ।

किमडाँडामा बिद्यालय क्षेत्रभित्र बाक्लो मानव बस्तीका बावजुदपनि सामुदायिक बिद्यालयमा पढ्ने बिद्यार्थी दर घट्न थालेपछि सन्धिखर्क ८ का वडा अध्यक्ष इश्वरी प्रसाद भुसालको संयोजकत्वमा शिक्षामा गुणस्तर बृद्धि गर्न यस क्षेत्रमा समिति नै गठन गरेर अभियान थालिएको छ ।

सोही अभियान अन्तरगत आईतबार जनाता आधारभुत बिद्यालय नेपालीचौरमा अभिभावक,शिक्षक र नेतृत्वदायी सरोकारवाला संग गरिएको अन्तरक्रियात्मक बैठकले आगामी शैक्षिक सत्रदेखी अंग्रेजी र नेपाली दुवै माध्यममा पढाई संचालन गर्ने निर्णय गरेको हो ।

बिद्यालय ब्यबस्थापन समिति अध्यक्ष शिव प्रसाद पोख्रेलको अध्यक्षता,सन्धिखर्क ८ का वडा अध्यक्ष एवम् शिक्षामा गुणस्तर बृद्धि संयोजन समिति अध्यक्ष इश्वरी प्रसाद भुसालको बिशेष आतिथ्यता,प्र.अ.शुभद्रा मरासिनीको स्वागत मन्तव्य र शिक्षक कमल गैरेको संचालनमा सम्पन्न अन्तरक्रियात्मक बैठकमा किमडाँडाका अगुवा समाजसेवी,शिक्षा प्रेमी र अभिभावकहरुको उल्लेख्य सहभागितामा ब्यापक छलफल गरिएको हो ।

नगरपालिका स्तरिय कृषि समस्या पहिचान तथा समाधान सम्बन्धि योजना तर्जुमा गोष्ठी सम्पन्न

प्रेमनारायण आचार्य, फागुन २७ अर्घाखाँची

सन्धिखर्क नगरपालिकाको आयोजनामा नगरपालिका स्तरिय कृषि समस्या पहिचान तथा समाधान सम्बन्धि योजना तर्जुमा गोष्ठी आईतबार सम्पन्न भएको छ ।

स्थानीय जातको संरक्षण उन्नत जातको बिस्तार, नगरको कृषि ब्यबसायीकरणको आधार भन्ने नाराका साथ कसरि सन्धिखर्कलाइ कृषिमा आत्म निर्भर बनाइ ब्यबसायीकरण तर्फ अगाडी बनाउन सकिन्छ भन्ने बिषयमा छलफल भएको थियो ।

कार्यक्रममा सन्धिखर्क नगरपालिकाका प्रमुख कमल प्रसाद भुसाल, उपप्रमुख ठाकुर कुमार बिक, प्रमुख प्रशासकीय अधिकृत रमेश गौतम, वडा अध्यक्षहरु युवराज बन्जाडे, मोतीजंग रायमाझि, लिला गौतम, कृष्ण प्रसाद श्रेष्ठ, राजेन्द्र भुसाल, कृष्ण आचार्य, देवबहादुर रायमाझि, लक्ष्मीनारायण चुँदाली, धु्रब आचार्य, सदस्यहरु बिष्णु प्रसाद भुसाल, देवी थापा, बाबुराम बस्याल , पशु विकास शाखा प्रमुख राधा पाण्डे, स्वास्थ्य विभाग प्रमुख पुर्ण पराजुली लगायतले मन्तब्य राख्नु भएको थियो ।

कार्यक्रम सन्धिखर्क नगरपालिकाको कार्यलयका कृषि विकास शाखा प्रमुख नन्दलाल पाण्डेको अध्यक्षता र प्राबिधिक राजेन्द्र भटराइको सञ्चालनमा सम्पन्न भएको हो ।

भ्रष्ट्राचारमुक्त नगरपालीका बनाउने नगर प्रमुख थापाको प्रतिबद्धता ।

श्याम घिमिरे फागुन २७ अर्घाखाँची
भुमिकास्थान नगरपालीकाका प्रमुख रेशम थापाले आफ्नो नगरपालीकालाई भ्रष्ट्राचारमुक्त नगरपालीका बनाउने प्रतिबद्धता ब्यक्त गर्नु भएको छ ।

नगरपालीकाको प्रथम नगरपालीका स्थापना तथा प्रबचन प्रर्दशन कार्यक्रममा मनतब्य राख्दै प्रमुख थापाले यस्तो बताउनु भएको हो ।

उहाँले पालीकामा बिकास निर्माण का साथै शिक्षा,स्वास्थ्य,पर्यटन, खेलकुद,मनोरञ्जन,उद्योग निर्माण लगायतका बिभिन्न शिर्षकहरुमा करीब ३७ करोड भन्दाबढी रकम बिनियोजन भएको र उक्त पालीकामा करीब ७० प्रतिशत योजना सम्झौता भएपनी भुक्तानी दिन ढिला भएको भन्दै प्रमुख थापाले बिकास निर्माणको कामका सबैको सहयोग र समर्थन अपरीहार्य रहेको बताउनु भएको थियो ।

त्यस्तै कार्यक्रममा नगर उपप्रमुख खडानन्द बेल्बासेले आफुहरु देशकै नमुना नगरपालीका बनाउने गरी काममा लागेको हुनाले सबैको सहयोगको आबश्यकता रहेको बताउनु भएको थियो ।
त्यस्तै कार्यक्रममा मनतब्य राख्दै नगरका प्रमुख प्रशासकिय अधिकृत डिल्लीराज बेल्बासेले नगरलाई नमुना बनाउन बिज्ञहरुको समुह बोलाई गुणात्मक हिसाबले डिजाईनगरी बिकास निर्माणमा अगाडी बढ्नुपर्ने धारणा राख्नु भएको थियो ।

कार्यक्रममा एमालेका जिल्ला उपसचिब प्रेमनारायण गैरे, नेकाका नगर सभापती अशोक कुमार श्रेष्ठ,राजमोका जिल्ला नेता कबिराम खनाल,बिबेकशिल साझा पार्टीका जिल्ला अध्यक्ष हरी प्रसाद भुसाल, नगरसभा सदस्य शिब बन्जाडे,कार्यपालीका सदस्य खगेश्वर पन्थी,नेपाल पत्रकार महासंघ जिल्ला अध्यक्ष हिमबहादुर जिसी,स्वास्थ्य बिमा कर्मचारी रामचन्द्र ढुगांना लगायतले दिबस पुर्ण सफलताको कामना ब्यक्त गर्नु भएको थियो । कार्यक्रम हरीशचन्द्र भुसालको स्वागत मनतब्य र मणीराम पराजुलीको सन्चालनमा सम्पन्न भएको थियो ।