फोब्सले सार्बजनिक गर्यो विश्वका धनि व्यक्तिहरुको सुची-नेपालका बिनोद चौधरी कति नम्बरमा परे हेर्नुहोस।

सन्धिखर्क एफएम, अन्तरास्ट्रिय न्युज ब्यूरो:

फोब्स पत्रिकाले हरेक वर्ष विश्वका धनाड्यहरुको सुची सार्बजनिक गर्ने गर्दछ त्यसै अनुरुप यो वर्ष पनि २०१८ को विश्व का धनि व्यक्तिहरु लिस्ट बाहिर ल्याएको छ। जसमा इन्डियन ब्यापारी मुकेश अम्बानी १९ नम्बर मा परेका छन् भने नेपालका बिनोद चौधरी १५६१ नम्बर मा परेका छन्, उनको जम्मा सम्पत्ति १.५२ बिलियन डलर छ। फोब्सले २०१८ को लागि सार्बजनिक गरेको धनाड्यहरुको सुचीबाट केहि विवरण यस प्रकार छ।
२० – ज्याक मा, जम्मा सम्पत्ती ३९ बिलियन डलर
१९ – मुकेश अम्बानी, जम्मा सम्पत्ती ४०.१ बिलियन डलर
१८ – फ़्रनचोइस बेटरकोर्ट मेयेर्स, जम्मा सम्पत्ती ४२.२ बिलियन डलर
१७ – मा हुअतेङ्ग, जम्मा सम्पत्ती ४५.३ बिलियन डलर
१६ – एलिस वल्टोन, जम्मा सम्पत्ती ४६ बिलियन डलर
१५ – रोब वल्टोन, जम्मा सम्पत्ती ४६.२ बिलियन डलर
१४ – जिम वल्टोन, जम्मा सम्पत्ती ४६.४ बिलियन डलर
१३ – सेर्गेइ ब्रिन, जम्मा सम्पत्ती ५७.५ बिलियन डलर
१२ – लारी पेज, जम्मा सम्पत्ती ४८.८ बिलियन डलर
११ – माइकल ब्लूमबर्ग , जम्मा सम्पत्ती ५० बिलियन डलर
१० – लरी एलिसन, जम्मा सम्पत्ती ५८.५ बिलियन डलर

त्यसैगरी नम्बर ५ मा फेसबुकका मालिक मार्क जुकरबर्ग परेका छन्, उनको जम्मा सम्पत्ति ७१ बिलियन डलर छ।

टप ३ धनि मध्य तेस्रो नम्बरमा वारेन बफेट परेका छन् उनि अमेरिकन ब्यापारी अनि सेयर लगानी कर्ता हुन्, उनको जम्मा सम्पत्ति ८४ बिलियन डलर छ।

दोस्रो नम्बरमा परेका छन् माइक्रोसफ्ट मा मालिक बिल गेट्स, उनको जम्मा सम्पत्ति ९० बिलियन डलर छ।

त्यसैगरी बिश्व को सबैभन्दा धनि व्यक्तिमा अमेजोन का मालिक जेफ बेजोस परेका छन् , उनको जम्मा सम्पत्ति ११२ बिलियन डलर छ।

वडा अध्यक्षले राति गाउँमा कुखुरा चोरेपछि…

फागुन २६, २०७४ कालिकोट

जिल्लाको सान्नी त्रिवेणी गाउँपालिका- ९ का वडा अध्यक्ष दुर्गाबहादुर केसी र वडा सदस्य रामबहादुर केसीले स्थानीयको कुखुरा चोरेर खाएको आरोप लागेकाे छ। गत फागुन ६ गते राति वडा अध्यक्ष र वडा सदस्य मिलेर स्थानीय अर्जुन खत्रीको कुखुरा चोरेर खाएको आरोप लागेकाे हाे।

६ फागुन राति वडा अध्यक्ष र वडा सदस्यले कुखुरा चोरेर खाएको स्थानीयले थाहा पाएपछि अहिले उनीहरू गाउँ छाडेर भागेको सुरक्षाका कारणले नाम नबताउँने सर्तमा एकजना स्थानीयले थाहाखबरलाई बताए। ‘वडा अध्यक्ष र सदस्यले कुखुरा चोरेर भागेका छन्।’ उनले भने, ‘गाउँमा सबैले कुखुरा चोरेको थाहा पाएपछि उनीहरू भागेका हुन्।’ वडा अध्यक्ष र सदस्यले कुखुरा चोरेर खाएको गाउँमा अहिले राजीनामा माग गर्दै स्थानीयले प्रेस विज्ञप्ति निकालेर गाउँमा टाँससमेत गरेका छन्।

स्थानीयले निकालेको विज्ञप्तिमा भनिएको छ, ‘जनताको जिउधनको सुरक्षा गर्ने जनप्रतिनिधिहरूले कुखुरा चोरेर खाएको प्रमाणित भएको छ उनीहरूले  नैतिकताका आधारमा राजीमाना दिनुपर्छ।’

घटनाबारे थाहा छैन : वडा अध्यक्ष खुकुरा चोरी खाएको आरोप स्थानीयले लगाएका विषयमा तपाईंको धारणा के हो भनेर वडा अध्यक्ष केसीलाई सम्पर्क गर्दा केसीले आफूलाई त्यस विषयमा थाहा नभएको र आफू सदरमुकाममा रहेको वडा जान बाटोमा हिँड्दै गरेको बताए।

‘कुखुरा चोरेको आरोप कसले लगायो थाहा भएन।’ उनले भने, ‘अहिले म गाउँमा जाँदै छु। बुझेर तपाईंलाई खबर गरौँला।’ वडा अध्यक्षले कुखुरा चोरी खाएको विषयमा गाउँपालिकामा कुनै जानकारी नभएको गाउँपालिका अध्यक्ष डम्बरबहादुर शाहीले बताए। ‘वडा अध्यक्षका विषयमा गाउँपालिकामा कुनै जानकारी छैन’ उनले भने।  वडा अध्यक्ष केसी नेपाली कांग्रेसका तर्फबाट विजयी जनप्रतिनिधि हुन्।

kkkk_2KodsX7AkX

Source: thahakhabar

 

नेपालको लगातार तेस्रो हार, अफगानिस्तानसँग ६ विकेटले पराजित

काठमाडौं, फागुन २६ – विश्वकप छनोट क्रिकेटको आफ्नो तेस्रो खेलमा नेपाल अफगानिस्तानसँग ६ विकेटले हारेको छ ।

जिम्बावेको बुलावायोस्थित एथ्लेटिक क्लबको मैदानमा टस जितेर ब्याटिङ रोजेका नेपालले ४९.५ ओभरमा सबै विकेट गुमाउँदै १ सय ९४ रन बनाएको थियो ।

१ सय ९५ रनको विजयी लक्ष्यका साथ जवाफी ब्याटिङमा उत्रिएको अफगानिस्तानले ३८.४ अाेभरमा ४ विकेट गुमाउँदै लक्ष्य भेटायाे । अफगानिस्तानका लागि नजिबुल्लाह जदरनले नटअाउट रहँदै सर्वाधिक ५२ रन बनाए । त्यस्तै रहमत शाहले ४६, माेहम्मद नाबीले ३४, जावेद अहमादीले २६ रन बनाए । त्यस्तै रसिद खानले २१ रनकाे याेगदान दिए । समिउल्लाह शेनवारी नटअाउट रहँदै ८ रन बनाए ।

नेपालका दिपेन्द्रसिंह ऐरीले २ विकेट तथा सन्दीप लामिछाने र करण केसीले १/१ विकेट लिए ।

तीन खेलमा पराजित भएको अफगानिस्तान आजको खेल जित्दै सुपर सिक्समा पुग्ने सम्भावना कायमै राखेको छ ।

आजको हारपछि नेपालको सुपर सिक्समा जाने सम्भावना निकै कठिन बनेको छ । हङकङसँग एक खेल खेल्न बाँकी रहेको नेपालले हङकङलाई भारी अन्तरले हराउन सके मात्र सुपर सिक्समा पुग्नेछ । यदि हङकङले नेपाललाई जितेमा हङकङ नै सुपर सिक्समा जानेछ भने नेपालले झिनो अन्तरमा हराएमा अफगानिस्तान सुपर सिक्समा जानेछ ।

टस जितेर ब्याटिङ गरेकाे नेपालकाे ब्याटिङ समस्या अाज पनि देखियाे । नेपालका ओपनर ब्याट्सम्यान अनिलकुमार साहलाई चौथो ओभरको अन्तिम बलमा मुजीवर रहमानले एलबीडब्ल्यू आउट गरे ।

त्यसपछि क्रिजमा आएका कप्तान पारस खडकाले उत्कृष्ट ब्याटिङ गर्दै ८८ बलमा १० चौका र एक छक्कासहित ७५ रन बनाएका थिए । उनलाई मोहम्मद नाबीको बलमा समिउल्लाह शेनवारीले क्याचआउट गरेका हुन् ।

ओपनर ब्याट्सम्यान ज्ञानेन्द्र मल्लले ६९ बलमा दुई चौकासहित २३ रन बनाएर आउट भए । उनलाई अफगानिस्तानका कप्तान राशिद खानले एलबीडब्ल्यू आउट गरेका हुन् ।

चौथो विकेटका रुपमा रोहितकुमार पौडेल एक रनमै आउट भए । उनलाई मोहम्मद नाबीको बलमा शराफउद्दीन अश्रफले पौडेललाई क्याच आउट गरेका हुन् ।

पाँचौ विकेटको रुपमा दिपेन्द्रसिंह ऐरी ४१ बलमा ३ चौका र १ छक्का हान्दै ३२ रन बनाएर रसीद खानको बलमा आउट भएका हुन् ।

नेपालको छैटौं र सातौं विकेटको रुपमा आरिफ सेख र सोमपाल कामी आउट भए ।  ३६ बलमा ३ चौकासहित २३ रन बनाएका आरिफ आउट भए लगत्तै सोमपाल कामी पनि ९ रनमा आउट भए । उनीहरु दुबैजनालाई मोहम्मद नाबीले आउट गरेका हुन ।

अाठाैं विकेटकाे रुपमा करण केसी ६ रनमा अाउट भए । सन्दीप लामिछाने र ललित राजवंशी शून्य रनमा नै अाउट भए ।

विकेट पतन : नेपाल

१–१३(अनिलकुमार साह, ३.६), २–१०५(ज्ञानेन्द्र मल्ल, २५.६), ३–१११(पारस खड्का, २८.५), ४–१२३(रोहितकुमार पौडेल, ३२.४), ५–१४९(दिपेन्द्रसिंह ऐरी, ३७.४), ६–१७९(आरिफ शेख, ४४.४), ७–१७९(सोमपाल कामी, ४४.५), ८–१९३(करण केसी, ४८.३), ९–१९४(सन्दीप लामिछाने, ४८.६), १०–१९४(ललित राजवंशी, ४९.५)

विकेट पतन : अफगानिस्तान

१–२८(रसिद खान, ५.२), २–९३(जावेद अहमादी, २२.१), ३–१११(रहमत शाह, २५.२), ४–१५०(३३.६, मोहम्मद नाबी)

source:ujyaaloonline

रामकुमार क्षेत्री द्वारा आभार तथा कृतज्ञता प्रकट

रिर्पोटस क्लब नेपालका केन्द्रिय सदस्य ५ नम्बर प्रदेश प्रमुख तथा अर्घाखाँचीका अध्यक्ष रामकुमार क्षेत्रीले एक प्रेष बक्तब्य जारी गर्दै आफ्नो आमाको उपचारसगै मुत्यु भएको १३ ओ दिनसम्म समबेदना दिनुहुने र प्रत्यक्ष अप्रत्यक्ष सहयोग गर्ने इस्टमित्र तथा मानुभावहरुलाई हार्दिक आभार एवं धन्यबाद दिनु भयको छ ।

मालारानी ५ बागी बरमकोट निबासी उहाको आमा अम्बिका क्षेत्रीको ८६ बर्षको उमेरमा फागुन १५ गते निधन भएको थियो ।

नेपाल विद्यार्थी संघ क्षेत्र नम्बर २ को क्षेत्रिय समिती विस्तार

लक्ष्मण घिमिरे फागुन २६ अर्घाखाँची

नेपाल विद्यार्थी संघ क्षेत्र नम्बर २ को क्षेत्रिय समिती विस्तार भएको छ। शर्मिला आचार्यको अध्यक्षतामा ९ सदस्यीय समिती चयन गरिएको छ। जस्को उपाध्यक्षमा तुलसीराम पौडेल र धर्मराज बेल्बासे रहनु भएको छ।

त्यस्तै सचिबमा चोपलाल बिक, सहसचिव माधब खनाल, कोषाध्यक्ष सावित्रा दर्लामी, सदस्यहरुमा केशब पान्डे, गिता बेल्बासे,सुरज घिमिरे र रमेश घिमिरे रहनु भएको छ।

कार्यक्रममा मन्तव्य राख्दै प्रमुख अतिथी ने वि संघका पुर्व सभापती एवं नेपाली कंग्रेसका महाधिवेशन प्रतिनिधी कृष्ण खनालले नेपाली कंग्रेसको हरेक सुखदुखमा ने वि संघले साथ दिएको भन्दै विद्यार्थीका क्रियाकलापमा ध्यान दिन आग्रह गर्नुभयो।

विशिष्ट अथिती ने वि संघका जिल्ला सभापती युवराज पान्डेले ने वि संघ सँधै विद्यार्थीको बिचमै रहेको र अझै सशक्त भएर विद्यार्थीका हकहितको लागि समर्पित हुने बताउनु भयो।

कार्यक्रममा उपाध्यक्ष द्वय नेत्र मरासिनी, सुरज रायमाझी, पाणिनि बहुमुखीका स्व वि यु कोषाध्यक्ष घनश्याम पौडेल लगायतले मन्तव्य राख्नु भएको थियो। कार्यक्रम क्षेत्र नम्बर २ का क्षेत्रिय अध्यक्ष शर्मिला आचार्यको सभापतित्व,सन्धिखर्क नगर कमिटीका अध्यक्ष भरत भट्टराईको स्वागत मन्तव्य र जिल्ला सदस्य लक्ष्मण घिमिरेको संचालनमा सम्पन्न भएको हो।