अर्जुन भुसाल फागुन,२२ अर्घाखाँची
नेकपा एमालेको जिल्ला कमिटी वैठक सम्पन्न भएको छ । नेकपा एमालेका जिल्ला कमिटी अध्यक्ष तथा प्रदेश सांसद चेतनारायण आचार्यको अध्यक्षतामा सम्पन्न वैठकमा केन्द्रीय सदस्य तथा जिल्ला इन्चार्ज नजिर मियाँको प्रमुख आतिथ्यता रहेको थियो ।
वैठकले निर्वाचनको समिक्षा गरेको छ । वैठकले नगरपालिका गाउँपालिका र वडालाई वैठक बसि संठनलाई चुस्त बनाउन निर्देशन गर्ने निर्णय गरेको छ । पार्टी संगठित सदस्यतालाई चैत्र मसान्त भित्र अनिवार्य नविकरण गर्नु पर्ने निर्णय गरेको छ ।
प्रदेश सभाका सांसद र स्थानीय तहका जनप्रतिनिधहरुलाई विकास निर्माण कार्यमा परिचालन गर्न पार्टी इन्चार्ज निजर मियाको संयोजकत्वमा सात सदस्यीय जनप्रतिनिधि परिचालन कमिटी गठन गरेको छ । सदस्यहरुमा नरेन्द्र कुमार क्षेत्री, पिताम्वर भुसाल, पवित्रा पौडेल, वुद्धि बहादुर रायमाझी, जनार्दन खनाल रहनु भएको छ ।
यस्तै वैठकले नेकपा माओवादी केन्द्रका नेता तथा प्रतिनिधि सभाका सांसद टोपबहादुर रायमाझीका वुवा विनबहादुर रायमाझीको निधन प्रति दुःख व्यक्त गर्दै शोकाकुल परिवारजनमा समवेदन प्रकट गरेको छ । यस्तै नेकपा एमालेका जिल्ला कमिटी सचिवालय सदस्य जीवन चौहान, उहाँका बुबा र जिल्ला किमटी सदस्य झविन सुनामकी आमाको निधन प्रति दुःख प्रकट गर्दै शोक व्यक्त गरेका छ ।
वैठकमा नेकपा प्रदेश सांसद तथा पाँच नम्वर प्रदेश सदस्य रामजीप्रसाद घिमिरे, पाँच नम्वर प्रदेश सदस्य नरेन्द्र कुमार क्षेत्री, पवित्रा पौडेल, केन्द्रीय स्कुल विभागका सदस्य वुद्धिबहादुर रायमाझी, पूर्व राष्ट्रिय प्रतिनिधि परिषद् सदस्य कुटमदिन अलिको आतिथ्यता रहेको थियो । वैठकको सञ्चालन जिल्ला कमिटी सचिव राम बहादुर चौहानले गर्नु भएको एमाले प्रचार विभाग प्रमुख भोजबहादुर गन्धर्वले जानकारी दिनु भएको छ ।
Sandhikharkafm.com 