अभिनव चौहान,फागुन २२ सन्धिखर्क
पाणिनी बहुमुखी क्याम्पसका स्ववियु सभापति लक्ष्मण खड्काले आज आफ्नो २४ औं जन्म उत्सवको अवसर पारी सन्धिखर्कमा रहेको सुस्त मनस्थिति भएका बालबालिकाले पढ्दै आएको श्री निर्मल नवज्योति सुस्त मन स्थिति बिद्यालयमा एक कार्यक्रमका बीच विद्यार्थीलाई शैक्षिक सामग्री हस्तान्तरण गरेका छन ।
कार्यक्रममा मन्तव्य राख्दै खड्काले प्रकृतिले ठगेका बालबालिकालाई हौसला स्वरुप आफुले एउटा सहयोग गरेको बताउनु भएको थियोे । हाम्रो समाजमा अझै पनि यस्ता बालबालिकालाई उचित सम्मान गर्न नसकेको , हेलाको दृष्टिकोणले हेर्ने र यो बिद्यालय सबै तिर बाट ओझेलमा परेको हुँदा यस्ता बिद्यालय र बालबालिकालाई सबैले आ आफ्नो ठाउँबाट सक्दो सहयोग गर्नु पर्नेको कुरामा जोड दिनु भएको थियोे ।
त्यस्तै प्र.अ. कमला भुसालको आजको कार्यक्रम एउटा उदाहरणीय भएको बताउदै खड्कालाई जन्म दिनको शुभकामना समेत दिनु भएको थियो । उक्त बिद्यालयमा अध्यान गर्ने १३ जना विद्यार्थीलाई एक एक थान कापी पेन्सिल र कटर बितरण गरिएको कार्यक्रममा माधब खनाल , गणेश श्रेष्ठ , पुष्पा अधिकारी अभिनव चौहान र धिरनराज आचार्य उपस्थिति रहेको थियो । कार्यक्रम सुदिप खनालले सञ्चालनमा सम्पन्न भएको हो ।
Sandhikharkafm.com 