चुनौती दिने प्रकाशमानले दिए देउवालाई बधाई

नेपाली कांग्रेस संसदीय दलको नेतामा निर्वाचित भएका कांग्रेस सभापति शेरबहादुर देउवालाई प्रकाशमान सिंहले आफ्नो पराजय स्वीकार गर्दै बधाई दिएका छन् भने देउवाद्वारा मत दिने सबैप्रति आभार व्यक्त गरिएको छ ।

कांग्रेस संसदीय दलको कार्यालय, सिंहदरबारमा आज सम्पन्न मतदानमा सभापति देउवा कूल ६३ मतमध्ये ४४ मत प्राप्त गरी विजयी भएका थिए भने उनका प्रतिद्वन्द्वी पार्टीका पूर्वमहामन्त्री प्रकाशमान सिंहले १९ मत प्राप्त गरे ।

चार पटक प्रधानमन्त्री भइसकेका सभापति देउवा यो निर्वाचनपछि पुनः पार्टी संसदीय दलको नेता भउका छन्, उता नेता सिंह भने पार्टीको आन्तरिक निर्वाचनमा पहिलो पटक पराजित भएका हुन् ।

कांग्रेसका संस्थापक नेता महामानव विपी कोइरालालाई आफ्नो राजनीतिक प्रेरणाको स्रोत मान्ने सभापति देउवाले विगतमा नेपाल विद्यार्थी संघको केन्द्रीय अध्यक्ष हुँदै पार्टीका विभिन्न महत्वपूर्ण जिम्मेवारी सम्हालीसकेका छन् ।

यसैगरी, कांग्रेसका संस्थापक नेता लौहपुरुष गणेशमान सिंहका सुपुत्र नेता प्रकाशमान सिंह यसअघि पार्टीको जिल्ला सभापति, केन्द्रीय उपसभापति, महामन्त्री हुँदै सरकारका उपप्रधानमन्त्री भइसकेका छन् । पार्टीको १३ औँ महाधिवेशनबाट सभापतिमा निर्वाचित देउवा यसअघि पनि संसदीय दलको नेता थिए भने नेता सिंह १३ औँ महाधिवेशनमा केन्द्रीय सदस्यमा निर्वाचित भएका थिए ।

निर्वाचनपछि सभापति देउवाले निर्वाचनमा मतदान गर्ने सबैलाई धन्यवाद दिँदै लोकतान्त्रिक पार्टीमा लोकतन्त्रको जति बढी अभ्यास ग¥यो त्यति नै लोकतन्त्र बलियो हुन्छ भन्नेमा आफूले विश्वास लिएको अभिव्यक्ति दिए ।

यस्तै, मतदानपछि कुरा गर्दै नेता सिंहले पार्टीमा नेता कार्यकर्ताले नेतृत्व परिवर्तनको चाहना गरेबमोजिम आफूले उम्मेदवारी दिएको बताउँदै मतदान गर्ने सबैलाई धन्यवाद दिए ।

निर्वाचनपछि वरिष्ठ नेता रामचन्द्र पौडेलले पनि सभापति देउवालाई बधाई तथा शुभकामना दिएका छन् । साथै, उनले नेता सिंहलाई प्रजातान्त्रिक प्रक्रियाअनुरुप निर्वाचनमा प्रतिस्पर्धा गर्नुभएको भन्दै धन्यवाद दिएका छन् ।

कूल २७५ सदस्यीय प्रतिनिधिसभामा कांग्रेसका प्रत्यक्ष निर्वाचित २३ र समानुपातिक ४० गरी ६३ जना सांसद छन् । पार्टीको संसदीय दलको विधानअनुसार संसदीय दल कार्यसमिति २६ सदस्यीय हुनेछ । संसदीय दलको नेताको निर्वाचनपछि मात्र संसदीय दल कार्यसमितिको निर्वाचन हुने सो पार्टी कार्यालयले जनाएको छ ।

राष्ट्रियसभा दलको नेता प्रतिनिधिसभाको संसदीय दलको नेताले नै तोक्ने काँग्रेस संसदीय दलको विधानमा उल्लेख छ । त्यस्तै, राष्ट्रियसभाका प्रमुख सचेतक प्रतिनिधिसभाको प्रमुख सचेतकको सिफारिशमा संसदीय दलको नेताले नै चयन गर्ने व्यवस्था रहेको छ । उनन्साठी सदस्यीय राष्ट्रियसभामा कांग्रेसका १३ सांसद छन् ।

source : ghatanarabichar

 

पितृशोकमा परेका ‘माननीय’लाई विकासकै चिन्ता

 मुक्तिनाथ भुसाल ,फागुन २१ अर्घाखाँची

माओवादी केन्द्रका नेता संघीय संसदका सदस्य तथा पूर्वउपप्रधानमन्त्री टोपबहादुर रायमाझी पितृशोकमा पर्नुभएको छ । उहाँका बाबु बिनबहादुर रायमाझीको गत साता बुधबार निधन भएपछि यतिबेला सांसद रायमाझी बाबुको क्रियाकर्ममा हुनुहुन्छ । शोकमा पर्नुका साथै पित्रृको क्रियाकर्म सम्पन्न नभएकै कारण उहाँ हिजो सांसदको रुपमा सपथ खान संसदभवनमा समेत उपस्थित हुन सक्नुभएन ।

बाबुको देहान्तका दिन सुन्यता नियाल्दै बलिन्द्रधारा आँशु बगाउनुभएका माननीय रायमाझीको घरमा सान्त्वना दिन आउने शुभचिन्तकको भीड लागिरहेको छ । छैठौँ दिन पुग्दै गर्दा उहाँले खुलेर जिल्लाको विकासका बारेमा कुराकानी गर्नुभयो ।

जिल्लामा विमानस्थलका लागि शिलान्याश गरिएको लामो समय बित्दा पनि मिल्न नसकेका प्रक्रियाहरु यसैसाता सबै मिलिसकेको कारण अब कामले गति लिने उहाँले जानकारी दिनुभयो । यसैगरी जिल्लाको चाक्ला, सिद्धारा, धानखोला हुँदै भालुवाङसम्मको सडक अनि उपल्लोपोखरा, भुमिकास्थान, पिपलनेटा हुँदै गोखुङा र अमराईदेखि जुकेनासम्मको सडक मर्मत ग्राभेलको कार्य पनि यसपालिको प्रगतिका रुपमा स्मरण गर्नुभएको थियो ।

यस विषयमा जिल्ला प्राविधिक कार्यालय अर्घाखाँचीका प्रमुख इन्जिीनीयर श्याममणि काप्लेसँग थप जिज्ञासा राख्दा माथि उल्लेखित तीनवटा सडकमा जम्मा ३० किलोमिटर लम्बाईमा आवश्यकीय सबै कार्य पुरा गरिने जानकारी उहाँले दिनुभयो ।

नेकपा माओवादी केन्द्रको स्थायी समिति सदस्य र केन्द्रिय सचिवसमेत रहिसक्नु भएका टोपबहादुर रायमाझी नेकपा माओवादी केन्द्रको दोस्रो पुस्ताका प्रभावशाली नेतामध्ये एक मानिनुहुन्छ । करिव १२वर्षे भूमिगत र दुईवर्षे बन्दी जीवन बिताउनुभएका रायमाझी पूर्वप्रधानमन्त्री डा. बाबुराम भट्टराईले नयाँ शक्ति नेपाल नखोल्दासम्म वहाँका विश्वासपात्रका रुपमा चिनिनुहुन्थ्यो । झलनाथ खनाल नेतृत्वको सरकारमा भौतिक योजना तथा निर्माणमन्त्री बन्नुभएका रायमाझी डा. भट्टराई नेतृत्वको सरकारमा स्थानीय विकास तथा भुमिसुधार मन्त्री र शान्ति तथा पुनर्निर्माण मन्त्रीको जिम्मेवारी सम्हाल्नुभएको थियो ।

केपी ओली नेतृत्वको सरकारमा उपप्रधान तथा उर्जामन्त्री बन्नुभए

का रायमाझी ०७० को निर्वाचनपश्चात माओवादी केन्द्रको स्थायी समिति केन्द्रिय हेडक्वाटर सदस्य, पार्टीको केन्द्रिय सचिव तथा संसदीय दलको उपनेता समेत बन्नुभएको थियो । २०६४ सालको संविधानसभा निर्वाचनबाट लगातार विजयी हुँदै आउनुभएका वहाँ हाल माओवादीतर्फबाट प्रत्यक्षमा निर्वाचित हुने जिल्लाका एक मात्र विजयी प्रतिनिधिसभा सदस्य हुनुहुन्छ ।

किन आउँदैछन् पाकिस्तानी प्रधानमन्त्री नेपाल ?

पुष्प घलान

काठमाडौं, फागुन २१ – प्रधानमन्त्री केपी शर्मा ओलीलाई बधाई दिन भन्दै पाकिस्तानका प्रधानमन्त्री शाहीद खाकान अब्बासी सोमबार नेपाल आउँदै हुनुहुन्छ । उहाँको स्वागतका लागि काठमाडौंका सडकमा पाकिस्तान र नेपालका झण्डा राखेर झकिझकाउ पारिएको छ ।

विश्वका शक्ति राष्ट्रहरु धु्रविकरण भईरहेको अवस्थामा चीनतर्फ नजिकिएको पाकिस्तानका प्रधानमन्त्री अब्बासीको नेपाल भ्रमणलाई अर्थपूर्ण रुपमा हेरिएको छ । औपचारिक रुपमा बधाइ दिन भनिएपनि अब्बासीको दुई दिने नेपाल भ्रमणको मुख्य उदेश्य सार्क शिखर सम्मेलन भएको बुझाइ छ ।

पाकिस्तानको राजधानी इस्लामावादमा सन् २०१८ नोभेम्बर ९ र १० गतेका लागि १९ औँ सार्क शिखर सम्मेलन गर्ने मिति तय भएको थियो । तर भारत प्रशासित जम्मुकाश्मिरको उरी भन्ने ठाउँमा विद्रोही समूहले आक्रमण गरेर १७ जना भारतीय सैनिकको हत्या गरेपछि दुई देशबीचको सम्बन्ध तनावपूर्ण भयो ।

भारतले पाकिस्तानबाट आएका विद्रोहीले आक्रमण गरेको भन्दै पाकिस्तान विरुद्ध ‘सर्जिकल स्ट्राईक’ पनि गर्‍यो । त्यस अवधिमा दुवै देशका सैनिक र गैरसैनिक गरी दर्जनौको ज्यान गयो ।

दक्षिण एशियामा परमाणु बम रहेका शक्तिशाली राष्ट्र भारत र पाकिस्तानको विवादले उग्र रुप लिंदै गएपछि निर्धारित समयमा सार्क सम्मेलन हुन सकेन । भारतसहित बंगलादेश, अफगानिस्तान र भुटानले पाकिस्तानमा हुने सार्क शिखर सम्मेलनमा सहभागी हुन नसक्ने जानकारी गराएपछि १९ औँ सार्क शिखर सम्मेलन अनिश्चित छ ।

वर्णानुक्रमका आधारमा सार्कको अध्यक्षता गर्ने व्यवस्था अनुसार हाल नेपालले सार्कको अध्यक्षता गरिरहेको छ । नेपालले सार्कको शिखर सम्मेलन गर्ने वातावरण बनाउन आग्रह गरे पनि पाकिस्तानमा नै गर्नुपर्छ वा अन्यत्र सारेर गर्ने भन्ने बारेमा आफ्नो धारणा बाहिर ल्याएको छैन ।

२०७१ मंसिर १० र ११ गते काठमाडौँमा सम्पन्न १८ औँ शिखर सम्मेलनमा नेपालका तत्कालीन प्रधानमन्त्री सुशील कोइरालाले दुवै देशका प्रधानमन्त्रीको हात मिलाएर सम्बन्ध सुधारको प्रयास गर्नु भएको थियो । नेपालको त्यो नेतृत्वदायी भूमिका र मध्यस्थताकर्ताको महसुस गर्दै अब्बासी नेपाल आउन लागेको परराष्ट्रविदहरुको भनाई छ ।

यस्तै, संयुक्त राष्ट्रसंघको जागिरका लागि गएको ९ महिनाभन्दा अघि लुम्बिनीबाट बेपत्ता भएका पाकिस्तानी सेनाका सेवानिवृत कर्णेल मोहम्मद हबीब अझैसम्म बेपत्ता छन् ।  पाकिस्तानले भारतीय खुफिया एजेन्सी ‘रअ’ ले हबिबको अपहरण गरेको आरोप लगाएको छ ।

यो पनि पढ्नुहोस – दुई महिना बितिसक्दा पनि भेटिएनन् पाकिस्तानी पूर्व कर्णेल

कर्णेल हबिबको परिवारले यस विषयमा नेपालस्थित परराष्ट्र मन्त्रालयमा उजुरी गरे पनि अहिलेसम्म उनको पत्तो लागेको छैन । यस विषयमा पनि अब्बासीले जिज्ञासा राख्ने अनुमान गरिएको छ ।

सार्क सक्रिय होला ?

अहिले दक्षिण एशियाली साझा फोरम सार्क निष्कृय छ । उरी आक्रमणपछि भारतले पाकिस्तानलाई पाखा लगाउन खोज्दा सार्क सम्मेलन अनिश्चित छ ।

यस्तो बेलामा पाकिस्तानी प्रधानमन्त्री अब्बासीको नेपाल भ्रमण केवल ओलीलाई बधाइ दिने कार्यमा मात्रै सीमित नरही सार्कलाई सक्रिय बनाउने बारेमा पनि नेपाल र पाकिस्तानबीच सार्थक कुराकानी गरे भने यो दक्षिण एशियाकै लागि फलदायी भ्रमण हुन सक्ने देखिन्छ ।

तर भारतले पाकिस्तानमा हुने सार्क शिखर सम्मेलनमा भाग नलिने प्रष्ट जनाईसकेको छ । यस अवस्थमा सार्क शिखर सम्मेलन पाकिस्तानमै गर्ने कि अरु देशमा गर्ने भन्ने बहस पनि एकातिर छ । यदि अर्काे देशमा हुने भए अंग्रेजी अल्फाबेटका आधारमा हुने सार्ककको नियम अनुसार श्रीलंकामा हुनेछ । भारत पाकिस्तान नजाने र पाकिस्तानले अर्काे देशमा नजाने अडान लिए सार्ककको अस्तित्व नै खतरामा पर्न सक्नेछ ।

विगतमा पनि दुई देशको सम्बन्धलाई सुधार गर्न मध्यस्थताको भूमिका निर्वाह गरेको नेपालबाट अब्बासीले पनि त्यसैको निरन्तरता खोजेको हुन सक्छ ।

नेपाल भारतको सम्बन्ध

नेपाल र भारतबीच भौगोलिक, सामाजिक, सांस्कृतिक, प्राकृतिक, आर्थिक र राजनीतिक सम्बन्ध रहेको छ । दुई देशबीचको सम्बन्धमा कहिलेकाहीँ खटपट भएपनि जनस्तरबाटै जोडिएको ‘रोटीबेटी’को सम्बन्धले मजबुत बनाउने गरेको छ ।

पूर्व, पश्चिम र दक्षिण गरी तीन दिशाबाट नेपालसँग सीमा जोडिएको भारतसँग भौगोलिक सम्बन्ध पनि उतिकै निकटता रहेको छ । युगौंदेखिको दुई देशबीचको सम्बन्धलाई पाकिस्तानी प्रधानमन्त्री अब्बासीको भ्रमणले खासै असर पर्ने देखिंदैन ।

भौगोलिक रुपमा पनि टाढा रहेको र धार्मिक, साँस्कृतिक रुपमा पनि कम सम्बन्ध जोडिएकाले अब्बासीको नेपाल भ्रभणले भारतसँगको सम्बन्धमा फरक पर्ने देखिदैन ।

तैपनि पाकिस्तान र भारतबीचको कटुता सम्बन्ध रहेको अवस्थमा अब्बासीको नेपाल भ्रमणले भारतको मनमा चिसो भने पस्न सक्छ । मित्रतापूर्ण सम्बन्ध रहेको नेपालसँग शत्रुतापूर्ण सम्बन्ध रहेको पाकिस्तानको उच्चस्तरीय भेटवार्ताले भारत झस्कने ठाउँ भने देखिन्छ ।

बधाई दिन प्रधानमन्त्री आएको संभवत पहिलो

नेपाल र पाकिस्तानबीच यसअघि पनि उच्चस्तरीय भेटवार्ता भएका छन् । तर प्रधानमन्त्रीलाई बधाई दिन भन्दै पाकिस्तानी प्रधानमन्त्री नेपाल आएको संभवत पहिलो पटक हो ।

पाकिस्तानी प्रधानमन्त्री अब्बासी नेपालको निमन्त्रणामा नभई आफ्नै इच्छामा आउन लाग्नु भएको हो । भ्रमण टोलीमा विदेशमन्त्री खवाजा मोहम्मद असिफ, परराष्ट्र सचिव तेहिमना जान्जुआ, परराष्ट्र प्रवक्ता डा. मोहम्मद फैसललगायत एक दर्जन उच्च अधिकारी रहनेछन् ।

आफ्नै विमानबाट आउन लागेका पाकिस्तानी प्रधानमन्त्रीले नेपाली समकक्षी केपी ओलीसँग सोमबारे  रात्री भोजसहित औपचारिक वार्ता गर्दै हुनुहुन्छ । त्यसपछि मंगलबार बिहान राष्ट्रिपति विद्यादेवी भण्डारीसँग भेटवार्ता गरी स्वदेश फर्कने कार्यक्रम रहेको छ ।

प्रधानमन्त्री कार्यलयका अनुसार अब्बासीको भ्रमण ‘कूटनीतिक च्यानल’मार्फत तय भएको हो । नेपाल र पाकिस्तानवीचको सम्बन्ध सार्क फोरममा मात्रै नभई आर्थिक र सामाजिक क्षेत्रमा पनि छ ।

भारत र पाकिस्तानवीच क्रिकेट म्याच हुँदा नेपाली दर्शकहरुले प्रायः पाकिस्तानी टोलीको सपोर्ट गर्ने गर्छन् । त्यसैगरी भारतले नेपालमाथि नाकाबन्दी लगाएका बेला पाकिस्तानीहरुले नेपालको पक्षमा सहानुभूति प्रकट गरेका थिए ।create_thumb.jpg

यसले पनि नेपाल र पाकिस्तानबीचको सम्बन्ध कूटनीतिक मात्रै नभएर भावनात्मक रहेको स्पष्ट हुन्छ ।

source : ujyaaloonline

संसदको पहिलो बैठकको यस्तो छ कार्यसूची

फागुन २१, २०७४ काठमाडौं 

संघीय संसदको पहिलो बैठक सोमबार बस्दैछ। संघीय संसद भवन नयाँ बानेश्वरमा दिउँसो ४ बजे प्रतिनिधिसभा र राष्ट्रियसभाको छुट्टाछुट्टै बैठक बस्न लागेको हो। प्रतिनिधिसभा बैठकमा जेष्ठ सदस्यका हैसियतमा सभामुख महन्थ ठाकुरले राष्ट्रपतिबाट संसद बैठक आव्हान भएको पत्र पढेर सुनाउनेछन्।

त्यस्तै राष्ट्रपतिबाट प्रधानमन्त्रीको नियुक्ति र प्रधानमन्त्रीले मन्त्रीहरु नियुक्त गरेको बारे पनि सदनलाई औपचारिक जानकारी गराइने कार्यसूची रहेको संसद सचिवालयले जनाएको छ। बैठकबाट प्रतिनिधिसभा अन्तरिम कार्यविधि पारित गरिने सचिवालयका प्रवक्ता डाक्टर भरतराज गौतमले जानकारी दिए।

उनका अनुसार बैठकले प्रतिनिधिसभाको सभामुखको निर्वाचनको मिति तोक्नेछ। सभामुखको निर्वाचन फागुन २६ गते गर्ने तयारी छ। सोमबार नै बस्ने राष्ट्रियसभा बैठकले पनि राष्ट्रियसभा अन्तरिम कार्यविधि पारित गर्नेछ। साथै राष्ट्रियसभा अध्यक्षको निर्वाचनको मिति तोक्ने कार्यसूची रहेको जानकारी सचिवालयका प्रवक्ता गौतमले गराए।

19021866_10215697654617237_1518208114_n_zLfoFOaHoI.jpgराष्ट्रियसभा अध्यक्षको निर्वाचन फागुन ३० गते गर्ने तयारी छ। प्रतिनिधिसभा र राष्ट्रियसभाका सदस्यहरुले आइतबार पद तथा गोपनियताको सपथ ग्रहण गरेका थिए।
source : thahakhabar

संसदीय दलको नेतामा देउवा निर्वाचित

फागुन २१, २०७४ काठमाडौं :

नेपाली कांग्रेस संसदीय दलको नेतामा सभापति समेत रहेका शेरबहादुर देउवा निर्वाचित भएका छन्। सोमबार बिहान नेपाली कांग्रेस संसदीय दलको कार्यालय सिंहदरबारमा भएको निर्वाचनमा देउवाले प्रतिस्पर्धी प्रकाशमान सिंहलाई पराजित गरेका हुन्।

sher-bahadur-deuba-123-12_sFxWddXcYz.JPGसंसदीय दलको नेताका लागि भएको चुनावमा देउवाले ४४ मत प्राप्त गरे भने उनका प्रतिस्पर्धी सिंहले १९ मत मात्र प्राप्त गरेको निर्वाचन समितिका संयोजक चीनकाजी श्रेष्ठले जानकारी दिए। नेपाली कांग्रेसको संसदीय दलमा ६३ सदस्य रहेका छन्। सिंह नेपाली कांग्रेसको पौडेल समूहबाट संसदीय दलको नेतामा उम्मेदवार बनेका थिए।