हाजीरी जबाफ प्रतियोगीता तथा बिद्यार्थी सम्मान कार्यक्रम सम्पन्न

श्याम घिमिरे ,फागुन १४अर्घाखाँची

पाणीनि गाँउपालीका मैदानमा रहेको मैदान गाँउ बालसंरक्षण समितिको आयोजनामा सोमवार प्राबि,आधारभुत र माबी स्तरीय हाजीरी जबाफ प्रतियोगीता तथा एसईई २०७२।७३ मा गाबिसबाट उत्कृष्ट अंक ल्याउने बिद्यार्थीलाई सम्मान कार्यक्रम सम्पन्न भएको छ ।

पाणीनि गाउपालीकाका अध्यक्ष अच्युत गौतमको प्रमुख आतिथ्यतामा सम्पन्न कार्यक्रममा बिद्यालय श्रोत ब्यक्ति ठाकुर प्रसाद गौतम ५ नम्बर बडाअध्यक्ष जिबलाल घिमिरे,वडासचिब राजन बिष्ट,जेटिए बिनोद रायमाझी लगायतले शुभकामना मनतब्य राख्नु भएको थियो ।

कार्यक्रममा प्राबि स्तरीय हाजीरी जबाफ प्रतियोगीतामा कृष्ण माबी प्रथम,आधारभुत बिद्यालय स्तरीय हाजीरी जबाफ प्रतियोगीतामा जनता आधारभुत बिद्यालय प्रथम र माबि स्तरीय हाजीरी जबाफ प्रतियोगीतामा देउराली माबी पटौतिले प्रथम स्थान हासील गरेका थिए । त्यस्तै एसईई २०७२।७३ मा गाबिसबाट उत्कृष्ट अंक ल्याउने भिमलाल बिश्वकर्मा ,कबिता अधिकारी लगायतका बिद्यार्थीलाई सम्मान समेत गरीएको थियो ।

कार्यक्रम गणेश घिमिरेको अध्यक्षता,टेकनारायण घिमिरेको सन्चालनमा सम्पन्न भएको हो । कार्यक्रममा वडामा रहेका १३ जना अनाथ बालबालीकाहरुलाई पोसाक समेत बितरण गरीएको भिमलाल बिश्वकर्माले जानकारी दिनुभएको छ ।

Advertisement

खेतबारी बाँझै नराख्न कृषकलाई आग्रह ।

बिरेन्द्र केसी फागुन १४ सन्धिखर्क
सन्धिखर्क नगरपालिका वडा नम्बर १० का वडाध्यक्ष लक्ष्मीनारायण चुदालीले व्यावसायीक तरकारी खेतीबाट मनग्य आम्दानी गर्न सकिने भएकाले खेतबारी बाँझै नराख्न कृषकलाई अनुरोध गर्नुभएको छ । रोजगारीको लागि खाडीमुलुक जानु भन्दा युवापुस्ताले आफनै बारीमा मौसमी तथा बेमौसमी तरकारी खेती गर्नुपर्ने बताउनुभयो ।

सन्धिखर्क नगरपालिकाको व्यावसायीक तरकारी उत्पादन आयोजना अन्तरगतको मौसमी तथा बेमौसमी तरकारी खेतीको घुम्ती स्थलगत तालिमको आज बिहारमा समापन गर्दै चुदालीले कृषिमा आधुनिकीकरण गरी थोरै जग्गामा धेरै उत्पादन गरेर आम्दानी बृद्धि गर्ने काममा वडा कार्यालयले कृषकलाई भरपुर सहयोग गर्ने बताउनुभयो ।

तालिमका मुख्य प्रशिक्षक जिल्ला कृषि विकास कार्यालयका बाली संरक्षण अधिकृत नन्दलाल पाण्डेले तालिममा सिकेका कुरा व्यावहारमा उतारेर सबै कृषक व्यावसायीक बन्नुपर्ने बताउनुभयो । तालिममा ३० जना महिला कृषक हरुको सहभागी रहेको  छ ।

पाणिनी बहुमुखी क्याम्पसमा स्ववियुले प्रथम बार्षिक उत्सव मनायो ।

अभिनब चौहान, फागुन १४ सन्धिखर्क
स्ववियु पाणिनी बहुमुखी क्याम्पस सन्धिखर्कको आयोजनामा आज स्ववियुको चुनाव सम्पन्न भएको एक बर्ष पुगेको अवसरमा सम्पुर्ण बिद्यार्थीहरुलाई चकलेट बितरण तथा अबिर आदानप्रदान कार्यक्रम सम्पन्न गरेको छ ।

कार्यक्रममा मनतब्य राख्दै स्ववियु सभापति लक्ष्मण खड्काले आफ्नो एक बर्षे कार्यकाल सुखद एवं सफल रहेको बताउनु भएको थियो । उहाँले अबका दिनमा पाणीनि क्याम्पसलाई नेपालकै नमुना क्याम्पस बनाउने प्रतिबद्धता गर्नु भयो । क्याम्पसमा धेरै सुधार भैसकेको र अझै पनि सुधारकै क्रममा रहेको हुँदा सबै विद्यार्थीहरुले आफ्ना समस्या तथा क्याम्पसमा भौतिक सुधार गर्नु पर्ने कुराहरूलाई सुझाव पेटिकामा राखिदिएर स्ववियुलाई सहयोग गर्नु पर्ने कुरामा जोड दिनु भएको थियो ।

कार्यक्रममा स्ववियु उपसभापति सिर्जन भुसाल , कुलराज बन्जाडे , अनिषा शाही ठकुरी लगाएका विद्यार्थी नेताहरूको उपस्थिति रहेको थियो ।

गाई मार्ने एक जना पक्राउ

प्रेमनारायण आचार्य

अर्घाखाँची, फागुन १४ – अर्घाखाँचीको भूमिकास्थान नगरपालिकामा गाई मारेको अभियोगमा एक जनालाई प्रहरीले पक्राउ गरेको छ ।

भूमिकास्थान नगरपालिका वडा नम्बर २ को भाटेकापोखरामा ३ वटा गाइलाई कुटपिट गरी मारेको भन्दै स्थानीय ५३ वर्षीय यमबहादुर खत्रीलाई प्रहरीले पक्राउ गरेको हो ।

भाटेकापोखरा निवासी  वलदेव भाटकोे २ वटा गाई र यमबहादुर खत्रीको १ वटा गरी ३ वटा गाईको शंकास्पद अवस्थामा मृत्यु भएको थियो ।

प्रहरी कार्यालयमा गाई मरेको जानकारी प्राप्त हुनासाथ गएको प्रहरी टोलील हेर्दा यमबहादुरको गाईलाई खाल्टो खनी पुरेको र वलदेवको गोठमा २ वटा गाईहरु मरेको अवस्थामा फेला परेको जिल्ला प्रहरी कार्यालयका प्रहरी निरीक्षक प्रदिप डिसीले बताउनु भयो ।

गाईको शरीरमा चोटपट्क देखिएकाले गाईको मृत्यु स्वभाविक नभई कुटपिट गरी मारेको देखिएकोले यमबहादुर खत्रीलाई पक्राउ गरी आवश्यक अनुसन्धान भई रहेको प्रहरीले जनाएको छ ।

नेविसंघ अर्घाखाँचीको सन्धिखर्कमा बैठक सम्पन्न

गोपाल भट्टराई फागुन,१४ अर्घाखाँची

नेबिसंघ अर्घाखाँचीले आसन्न चैतको २ र ३ गते सन्धिखर्कमा जिल्ला स्तरीय प्रशिक्षण कार्यक्रम संचालन गर्ने भएको छ । कांग्रेस निकटको बिद्यार्थी संगठन नेविसंघ जिल्ला समिति अर्घाखाँचीको आज सन्धिखर्कमा सम्पन्न बैठकले यस्तो निर्णय गर्दै जिल्लाका बिभिन्न पालिकामा सांगठनिक कार्यक्रम गर्ने निणर्य गरेको पनि जानाइएको छ ।

नेबिसंघका कार्यबाहक जिल्ला अधयक्ष नेत्र मरासिनिको अध्यक्षता र उपाध्यक्ष सुरज रायमाझीको संचालनमा सम्पन्न बैठकले जिल्ला स्तरिय प्रशिक्षणको तयारी स्वरुप यहि फागुन १९ गते छत्रदेव र सन्धिखर्क,फागुन २४ गते पाणिनी र भुमिकास्थान र फागुन २६ गते मालारानी गाउंपालिकामा समिति गठन गर्ने गरि भेला सम्पन्न गर्ने निर्णय गरेको लक्ष्मण घिमिरेले जानकारी दिनुभएको छ ।