डा. केसी शीतलहरप्रभावित क्षेत्रमा

रौतहट — स्वास्थ्य क्षेत्रमा सुधारको माग गर्दै १४ पटक अनशन बसेका डा. गोविन्द केसी मधेसका शीतलहर प्रभावित बिरामीको उपचारका लागि रौतहट आइपुगेका छन् । चिकित्सकसहितको उनको टोलीले गढीमाई नगरपालिका २ समनपुरको प्राथमिक स्वास्थ्य केन्द्रमा २ दिने नि:शुल्क स्वास्थ्य शिविर सुरु गरेको छ ।

शिविरको पहिलो दिन बिहीबार ३५ बिरामीको स्वास्थ्य परीक्षण गरिएको छ । डा. केसी आएको सूचना पाएपछि समनपुरका योगी साह सोनार पक्षाघातले थलिएकी ४५ वर्षीया पत्नी उर्मिलादेवी साहलाई ह्वीलचेयरमा लिएर आएका थिए । केसीले करिब १५ मिनेट समय लगाएर उर्मिलाको स्वास्थ्य परीक्षण गरेका थिए । जाडोले काम्दै गरेकी उर्मिलालाई उनले एक थान कम्बल पनि दिएका थिए ।
स्रोत: कान्तिपुर दैनिक

मुलुक सवा ९ अर्ब घाटामा

काठमाडौँ — वस्तु व्यापार अनुकूल नभएको र बाहिरबाट आउने रेमिटयान्सको वृद्धि पनि घट्दो क्रममा रहेकाले मुलुक पछिल्लो समय सवा ९ अर्ब घाटामा छ ।

गत मंसिरमा मुलुकको शोधनान्तर सवा ९ अर्ब रुपैयाँले घाटामा रहेको राष्ट्र बैंकले जनाएको हो । बाहय अवस्था सन्तुलित रूपमा अघि बढ्न नसक्नुका साथै रेमिटयान्स वृद्धिदर लगातार घटेपछि शोधनान्तर घाटामा गएको हो । पछिल्ला दुई महिनायता रेमिटयान्स वृद्धिदर ऋणात्मक छ । कात्तिकमा १.५ प्रतिशतले ऋणात्मक रहेको रेमिटयान्स वृद्धिदर मंसिरमा ०.८ प्रतिशतले ह्रास आएको छ । यसकारण मंसिरमा शोधनान्तर स्थिति ९ अर्ब २७ करोड रुपैयाँले घाटामा गएको हो । अघिल्लो वर्षको सोही अवधिमा शोधनान्तर २८ अर्ब ७८ करोडले बचतमा थियो ।
आयातमा उच्च वृद्धि र वैदेशिक रोजगारीबाट प्राप्त रेमिटयान्स आप्रवाहमा कमी आएकाले चालु खाता र शोधनान्तर घाटामा रहेको राष्ट्र बैंकले जनाएको छ । बुधबार सार्वजनिक चालु आर्थिक वर्षको पाँच महिनाको समग्र आर्थिकतथा वित्तीय स्थितिमा यस्तो उल्लेख छ ।

Continue reading

संसद्, सरकार र राष्ट्रिय सभा तीनवटैलाई बाटो खुला

काठमाडौँ — सरकारले प्रदेश प्रमुखको नाम सिफारिस गरेलगत्तै बुधबार साँझ निर्वाचन आयोगले पनि प्रदेशसभा समानुपातिकमा विजयी सांसदको नाम घोषणा गरेकाले प्रदेशसभा, प्रदेश सरकार गठन र राष्ट्रिय सभा निर्वाचनको गाँठो फुकेको छ ।

प्रदेशसभा समानुपातिकका लागि दलहरूले बन्द सूचीमा पेस गरेका उम्मेदवारलाई आयोगले निर्वाचित भएको घोषणा गरेको हो । प्रदेश प्रमुख नतोकिएकै कारण लामो समयदेखि आयोगले घोषणा गर्न नसकी रोकेर राखेको थियो । प्रदेशसभा समानुपातिकमा सातवटै प्रदेशमा गरी २ सय २० सांसद निर्वाचित भएका छन् ।

निर्वाचन परिणाम घोषणाको सात दिनभित्र प्रदेश प्रमुखलाई परिणाम बुझाउनुपर्ने संवैधानिक बाध्यता छ । तर प्रदेश प्रमुखको टुंगो नलागेकाले प्राविधिक काम सके पनि आयोगले परिणाम घोषणा गर्न पाएको थिएन । आयोग प्रवक्ता नवराज ढकालका अनुसार प्रदेशसभामा समानुपातिकतर्फबाट निर्वाचितको नाम प्रदेश प्रमुखसमक्ष पठाउने, प्रमाणपत्र दिने र सम्बन्धित दललाई जानकारी गराएर आयोगले नामावली राजपत्रमा प्रकाशित गराउनेछ । निर्वाचित सांसदलाई शुक्रबार आयोग कार्यालयमा प्रमाणपत्र दिने कार्यक्रम छ ।

प्रदेश प्रमुखले शपथ लिएलगत्तै आयोगले निर्वाचितको नामावली बुझाउने तयारी गरेको छ । सरकारबाट सिफारिस भएकालाई राष्ट्रपतिले नियुक्ति गरी शपथ गराउनुपर्ने प्रावधान छ । नियुक्ति र शपथ दुई दिनभित्र गर्ने तयारी छ । आउँदो ७ गते राष्ट्रिय सभाका मतदाताको सूची प्रकाशित गर्नुपर्नेछ । त्यो सूची प्रकाशित गर्ने मितिअगावै निर्वाचन परिणाम प्रदेश प्रमुखलाई बुझाउने वातावरण मिलाउन आयोगले अनुरोध गरेको छ । राष्ट्रिय सभाको निर्वाचनका लागि प्रदेश सांसदहरू पनि मतदाता हुन्छन् । आयोगको कार्यतालिकाअनुसार माघ १० गते राष्ट्रिय सभाको उम्मेदवारी दर्ता गर्ने कार्यक्रम छ । चुनाव २४ गते हुनेछ ।
अब कहिले के हुन्छ ?
प्रदेशसभा सांसदको नामावली ७ दिनभित्र
राष्ट्रिय सभा निर्वाचन २० दिनभित्र
प्रदेशसभा पहिलो अधिवेशन २० दिनभित्र
मुख्यमन्त्री र प्रदेश सरकार ३० दिनभित्र
सभामुख र उपसभामुख अधिवेशनको १५ दिनभित्र
मुख्यमन्त्रीले विश्वासको मत लिने नियुक्तिको ३० दिनभित्र

 

स्रोत: कान्तिपुर दैनिक

सन्धिखर्क एफएम ८९.८ मेगाहर्जकाे माघ १ गतेबाट बिधिवत रूपमा उद्घाटन

सन्धिखर्क एफएम ८९.८ मेगाहर्जकाे माघ १ गतेबाट बिधिवत रूपमा उद्घाटन

सन्धिखर्क अर्घाखाँची

संस्कृति मनाेरञ्जन र स्वाभिमानकाे मुलमन्त्र, सुचना र सञ्चारकाे बिकासमा रेडियो सन्धिखर्क भन्ने मुलनारा सहित स्थापित भएकाे सन्धिखर्क एफएम ८९.८ मेगाहर्जकाे २०७४ साल माघ १ गतेबाट बिधिवत रूपमा सन्धिखर्क नगरपालिकाका उपप्रमुख ठाकुर कुमार बिक “किसाेरकाे” प्रमुख अातिथ्यतामा सम्पन्न भयाे। साथमा सनपा वडानम्वर १ र २ वडा अध्यक्ष युबराज बन्जाडे र माेतिजंग रायमाझी एवं नेपाल पत्रकार महासंघका अध्यक्ष हिमबहादुर जिसि लेकालि लगायत अन्य सहकर्मी पत्रकार साथि लगायत अन्य महानुभाबहरूकाे उपस्थितिमा शुभारम्भ भयाे।

सन्धिखर्क अर्घाखाँची: सन्धिखर्क एफएम ८९.८ मेगाहर्जकाे माघ १ गतेबाट बिधिवत रूपमा उद्घाटन गर्दै सन्धिखर्क नगरपालिका उपप्रमुख ठाकुर कुमार बिक किसाेरकाे। साथमा सनपा वडानम्वर १ र २ वडा अध्यक्ष युबराज बन्जाडे र माेतिजंग रायमाझी एवं नेपाल पत्रकार महासंघका अध्यक्ष हिमबहादुर जिसि लेकालि लगायत अन्य सहकर्मी पत्रकार साथीहरु।

हार्दिक निमन्त्रणा

हार्दिक निमन्त्रणा

 

माघ १ गते माघे सक्रान्तिको दिन रेडियो सन्धिखर्क ८९. ८ मेघाहर्जको उद्घाटन कार्यक्रम राखिएको हुदा सम्पूर्ण सुभचिन्तकहरुमा उपस्थितिको लागि अनुरोध गरिन्छ।

स्थान: रेडियो भएको भबन भक्तिटोला सन्धिखर्क (शिवालय मन्दिरको अगाडी )