विदेशी मेलामा सहभागिता बढाउनसके निर्यात बढ्छ – अध्यक्ष सुरेन्द्र भाइ शाक्य (अन्तर्वार्ता)

मंसिर २८, २०७७ काठमाडौं – नेपालको निर्यात व्यापार र रोजगारी सिर्जनामा महत्वपूर्ण भूमिका खेल्दै आएको नेपाली हस्तकला कोरोनाका कारण समस्यामा परेको छ । विश्वव्यापी कोरोनाका कारण हस्तकलाको निर्यात प्रभावित भएकोले हस्तकला व्यवसायीमा निराशा छाएको छ । करिब ७ खर्ब लगानी र व्यवसायी र कामदार गरी ११ लाखभन्दा बढी व्यक्ति संलग्न रहेको हस्तकला व्यवसाय पर्यटन व्यवसाय जत्तिकै प्रभावित भएको व्यवसायीले गुनासो गरेका छन् । नेपाल हस्तकला महासंघका निवर्तमान अध्यक्ष धर्मराज शाक्यका अनुसार वार्षिकरूपमा ६ अर्ब रुपैयाँ बराबरको हस्तकला निर्यात हुने गरेकोमा कोरोनाका कारण यसवर्ष निर्यात हृवात्तै घटेको छ । शाक्यका अनुसार प्रत्यक्ष निर्यात, अपत्यक्ष निर्यात र आन्तरिक खपत गरी वार्षिक करिब २० अर्ब हस्तकला कारोबार हुने गरेको थियो । तर कोरोनाका कारण आन्तरिक बजार पनि प्रायः ठप्प रहेको छ । स्वदेशी श्रम, सीप र कच्चा पदार्थमा आधारित नेपाली हस्तकला पुँजी, प्रविधि र दक्ष जनशक्ति अभावबीच गुज्रिँदै आएको छ । त्यस्तै, सरकारबाट सहयोग नहुँदा अन्तराष्ट्रिय बजारमा पर्याप्तमात्रामा प्रचारप्रसार हुन नसकेका कारण पनि अपेक्षाअनुसार निर्यात बढ्न नसकेको नेपाल हस्तकला महासंघका अध्यक्ष सुरेन्द्र भाइ शाक्यले बताउनुभएको छ ।

हस्तकला व्यवसायका समग्र समस्या समाधानका साथै कोरोनाले सिथिल भएको हस्तकलालाई पुनर्जीवन दिने उद्देश्यले नेपाल हस्तकला महासंघले समृद्धिका सम्भावना भन्ने नाराका साथ विभिन्न २५ बुँदे वार्षिक कार्यक्रमको घोषणा गर्ने भएको छ । महासंघले ४८ औं वार्षिकोत्सव तथा नवौं हस्तकला दिवसको अवसरमा आइतबार प्रवद्र्धनात्मक कार्यक्रमको घोषणा गर्न लागेको हो । यसै सन्दर्भमा नेपाल हस्तकला महासंघका अध्यक्ष सुरेन्द्र भाइ शाक्यसँग गरिएको कुराकानीः

अहिले हस्तकला व्यवसायको अवस्था कस्तो छ ?

विगतको तुलनामा अहिले कोरोनाका कारण हस्तकला व्यवसायमा धेरै असर परेको छ । हस्तकला व्यवसाय धेरै खस्किएकोले व्यवसायी अहिले निराश अवस्थामा छन्, कतिपय व्यवसायी फ्रस्ट्रेशनको अवस्थामा पुगेका छन् । अब हस्तकला व्यवसायको उत्थानका लागि कसरी जाने भन्ने विषयमा हामी छलफल गरिरहेका छौं । यस्तो अवस्थामा हस्तकला व्यवसायीलाई प्रोत्साहित गर्न सरकारले पनि केही सपोर्ट गरिदिए हुन्थ्यो ।

कोरोनाबीच पनि हस्तकलालाई निरन्तरता दिन के गर्दै हुनुहुन्छ ?

राष्ट्रिय तथा अन्तर्राष्ट्रिय व्यापारमेला गर्ने तयारी भइरहेको छ । केही समयअघि कोरोनाबीच पनि चीनको संघाइमा पनि हस्तकला व्यापारमेला आयोजना भएको थियो । नेपाली व्यवसायीहरू १४ दिनसम्म क्वारेन्टाइनमा बसेर त्यो मेलामा सहभागी हुनुभएको थियो तर मेलाको कतिको उपलब्धिपूर्ण रहृयो भन्ने फिडब्याक भने आइसकेको छैन ।

व्यापारमेला कहिले हुँदैछ ?

काठमाडांैमा आगामी वैशाख महिनामा गर्ने तयारी छ तर विदेशमा व्यापार कोरोनाका कारण कहिले हुने भन्ने निश्चित भइसकेको छैन ।

कोरोनाबीच हस्तकला निर्यातको अवस्था चाँहि कस्तो छ ?

कोरोना लकडाउन र निषेधाज्ञको समयमा त लगभग निर्यात ठप्प थियो तर लकडाउन खुला भए पनिे निर्यातमा भने सुधार हुँदै गएको छ । अहिले भने १० प्र्रतिशत जति निर्यात रहेको छ । विस्तारै ३० प्रतिशतसम्म बढ्ला कि भन्ने आशा पलाएको छ । त्यसो त कोरोनाका कारण निर्यात लागत बढेकोले निर्यात बढ्न नसकेको हो । विगतमा २ सय रुपैयाँ लाग्ने सामानमा अहिले कार्गो कम्पनीले ६ सय रुपैयाँ लिने गरेकोले व्यवसायी मर्कामा परेका छन् । 

नेपाली बजारमा चाँहि हस्तकलाको कारोबार कस्तो छ ?

नेपाली बजारमा पनि खासै छैन । सरकारले स्वदेशी वस्तुको प्रयोगमा प्रोत्साहित गरेमा नेपाली बजारमा पनि हस्तकलाको खपत धेरै बढ्न सक्छ । स्वदेशी उत्पादनलाई प्रोत्साहित गर्ने सरकारको नीति त छ तर कार्यान्वयन भएको छैन । उपभोक्तामा पनि स्वदेशी उत्पादनप्रतिको मोह बढाउन सकियो भने स्वदेशमा पनि यसको माग बढ्दै जान सक्छ ।

महासंघले यसवर्षदेखि हस्तकला प्रवद्र्धनका लागि वार्षिक कार्यक्रम नै घोषणा गर्दै छ, यस्तो कार्यक्रमले हस्तकला प्रवद्र्धनका लागि कत्तिको सहयोग पुग्ला जस्तो लाग्छ ?

हस्तकला प्रवद्र्धनमा सरकारलाई पनि झकझक्याउने उद्देश्यका साथ यस्तो कार्यक्रम ल्याइएको हो, यसले केही न केही सपोर्ट हुन्छ भन्ने लागेको छ । हस्तकला दिवसको अवसरमा हस्तकलाका नयाँ नयाँ डिजाइनको प्रदर्शनी पनि गर्ने गरिएको छ । हामी वर्षैभरि देशव्यापीरूपमा सञ्चालन गर्ने गरी समृद्धिका सम्भावना भन्ने नाराका साथ विभिन्न २५ बुँदे कार्यक्रम घोषणा गर्दैछौं । ४८ औं वार्षिकोत्सव तथा नवौं हस्तकला दिवसको अवसरमा कोरोनाबाट सिथिल हस्तकला व्यवसायलाई पुनर्जीवन प्रदान गर्ने उद्देश्यका साथ वार्षिक कार्यक्रम तय गरिएको हो । कार्यक्रमअन्तर्गत प्रचारप्रसार र अनलाइन आर्थिक पत्रकारिता प्याकेज तयार गर्ने, त्रैमासिक बुलेटिन प्रकाशन गर्ने, जिल्ला तथा वस्तुगत संघलाई प्रचारात्मक प्रवद्र्धन गर्ने, समसामयिक विषयवस्तुमा वेभिनार तथा सेमिनार आयोजना गर्ने, महिला उद्यमी मेलामार्फत महिला उद्यमीलाई संगठित गर्दै जाने, आन्तरिक बजार प्रवद्र्धन गर्न त्रैमासिकरूपमा क्रेता बिक्रेता भेला आयोजना गर्ने रहेको छ । हस्तकलासँग इन्टेरियर डिजाइनिङ समायोजन गर्ने, मूर्तरूपमा डिजाइन तथा डिस्प्ले कक्ष तयार गर्ने, कलाकार परिचयपत्र प्रदान गर्ने, अर्र्धवार्षिक कला प्रदर्शनी आयोजना गर्ने, प्रोडक्टवाइज र प्रमोसनल सर्ट डकुमेन्टरी तयार गर्ने रहेको छ । त्यस्तै, बढीभन्दा बढी वस्तुगत संघ र जिल्ला संघलाई महासंघमा आबद्ध गरी ७ वटै प्रदेशमा महासंघको प“हुच विस्तार गर्ने, सदस्य संघको सुदृढीकरणका लागि आवश्यक पहल गर्ने, हस्तकला उद्योग व्यवसायको क्षेत्रमा विद्यमान नीतिगत तथा प्रक्रियागत समस्या समाधानका लागि सरकारलगायत सम्बन्धित निकायमा पैरवी गर्दै जाने, हस्तकलामैत्री निर्यातमुखी ऐन, कानुन नीति नियम तर्जुमा र समयसापेक्ष तथा परिमार्जनका लागि सरकारसँग पहल र पैरवी गर्ने, सार्क हस्तकला विकास केन्द्र सञ्चालनका लागि पहल गर्नेलगायत रहेका छन् ।

अपेक्षाअनुसार हस्तकलाको निर्यात बढ्न नसक्नुको कारण के होला ?

मुख्य कुरा त हस्तकला निर्यात बढाउन अन्तर्राष्ट्रिय व्यापार मेलाको महŒवपूर्ण भूमिका हुन्छ तर बढी लागतका कारण सबै नेपाली व्यवसायीहरू अन्तर्राष्ट्रिय व्यापारमेलामा भाग लिनसक्ने अवस्था छैन । स्टलभाडादेखि सबै खर्च व्यवसायीले नै व्यहोर्नुपर्ने हुन्छ । दुई जना व्यवसायी अन्तर्राष्ट्रिय व्यापारमेला सहभागी हुन कम्तीमा पनि १० लाख रुपैयाँ लाग्छ, यसमा सरकारको सपोर्ट छैन । त्यसैले हस्तकलाको अपेक्षाअनुसार निर्यात बढ्न नसकेको हो । तर, विगतमा भने मेलामा जाने व्यवसायीको खर्च नेपाल सरकारले नै व्यहोर्ने गरेको थियो । अहिले केही सपोर्ट छैन । 

अन्य मुलुकको तुलनामा नेपाली हस्तकलाको लागत बढी पर्छ, अन्य मुलुकको हस्तकलासँग कसरी प्रतिस्पर्धा गरिरहनुभएको छ ?

हाम्रो हस्तकला हृयाण्डमेड भएकोले खासै प्रतिस्पर्धा छैन । हृयाण्डमेड भएकोले मेसिनबाट उत्पादित हस्तकला स्वाभाविकरूपमा केही महँगो नै हुन्छ, यस्तो कुरा हस्तकला मगाउने विदेशी क्रेतालाई पनि थाहा हुन्छ । हृयाण्डमेड भएकै कारण नेपाली हस्तकला अन्तर्राष्ट्रिय पहिचान कायम गर्न सफल भएको छ ।

नेपाली हस्तकलाको बढी माग चाँहि कहाँ छ ?

पहिले त युरोप अमेरिका, जापानतिर पनि नेपाली हस्तकलाकोे धेरै माग हुने गरेको थियो तर अहिले घटेको छ । अहिले धेरैजसो हस्तकला सामान छिमेकी मुलुक चीनमै जाने गरेको छ ।

हस्तकलाको प्रवद्र्धनका लागि हृयाण्डमेड र मेसिन मेड पनि हुनुपर्छ, नेपालमा मेसिनको पनि प्रयोग हुन थालेको छ कि ?

अहिलेसम्म मेसिनको प्रयोग भएको छैन । हातबाटै बनाउने गरिएको छ । मेसिनका लागि लागत बढी पर्छ, कालीगढ पनि धेरै चाहिन्छ । फेरि मेसिन मेड हस्तकला ह्याण्डमेड जस्तो राम्रो हुँदैन, तौल पनि घटी बढी हुनसक्छ । तथापी सानो सानो मेसिन चाहिँ नेपाली हस्तकलामा पनि प्रयोग हुनथालेको छ ।

हस्तकलाको कच्चा पदार्थ कत्तिको सहज छ ?

कुनै कच्चा पदार्थ सहज छ, कुनै छैन । काष्ठकलाका लागि काठहरू सहजरूपमा नपाइने, सुपथ मूल्यमा नपाइने समस्या छ भने ढुंगा आपूर्तिमा पनि समस्या हुने गरेको छ । आयातित कच्चा पदार्थमा धेरै कर तिर्नुपर्ने भएकोले लागत महँगो पर्न जाने समस्या छ । 

हस्तकलामा जनशक्तिको अवस्था के छ ?

दक्ष जनशक्तिको अभाव नै छ । यसमा पुस्तान्तरणको समस्या छ, हाम्रा छोरा नातिहरू हस्तकलाको काम नगर्ने भए । सीप अनुसारको सम्मान नपाएका कारण नयाँ पुस्तामा खासै आकर्षण छैन र पुस्तान्तरण पनि हुन सकेको छैन । यहाँ डाक्टर, पाइलट जस्तो कालीगढहरूले सम्मान पाउँदैनन् । तर, पनि पुस्तान्तरण र युवा आकर्षण बढाउन हामीले पहल गरिरहेका छौं ।

के पहल गर्नुभएको छ ?

हस्तकला महासंघले डिजाइन सेन्टरमार्फत हस्तकला तालिम प्रदान गर्दै आएको छ । हालसम्म हजारौंले तालिम लिइसकेका छन् । तर, यसमा हाम्रो एक्लो प्रयासलेमात्रै हुँदैन । सरकारको पनि सहयोग चाँहिन्छ । 

तालिम लिनेहरूले काम गरेका छ कि छैनन् ?

कुनै कुनैले गरेका छन्, ५० प्रतिशतले काम गरेका छन् । कतिपय भने हस्तकलाको तालिम लिए पनि अन्य व्यवसायमा जाने गरेका छन् ।

पुस्तान्तरणका लागि के गर्नुपर्ला ?

यसका लागि सरकारको पनि सहयोग चाहिन्छ । हस्तकला व्यवसायलाई सम्मानित व्यवसायका रुपमा स्थापित गराउनुपर्छ । 

सरकारबाट कस्तो सहयोगको अपेक्षा गर्नुभएको छ ?

हालसम्म हस्तकला नीति आएको छैन । महासंघले हस्तकला नीतिको मस्यौदा तयार गरी सरकारलाई बुझाएको धेरै वर्ष भइसक्यो तर सरकारले त्यत्तिकै दराजमा थन्क्याएर राखेको छ, कार्यान्वयनमा आउन सकेको छैन । अर्को कुरा हस्तकला व्यवसायमा दक्ष जनशक्रिको अभाव छ । दक्ष जनशक्ति उत्पादनमा जोड हस्तकलासम्वन्धि प्रशिक्षण केन्द्र स्थापना हुनुपर्छ । त्यस्तै, निर्यातलाई प्रोत्साहित गर्न निर्यात अनुदान रकम बढाउनुपर्छ । त्यसैगरी, राष्ट्रिय तथा अन्तर्राष्ट्रिय व्यापारमेलामा बढीभन्दा बढी व्यवसायीलाई सहभागी गराउने सरकारबाट सहयोग भएमा स्वदेश तथा विदेशमा पनि नेपाली हस्तकलाको माग बढ्नेछ भने रोजगारी पनि सिर्जना हुनेछ । source:ehimalayatimes

नेकपा स्थायी कमिटी बैठक आज बस्दै

मंसिर २८, काठमाण्डाै – सत्तारुढ नेपाल कम्युनिष्ट पार्टी (नेकपा)को स्थायी कमिटी बैठक आज बस्दैछ । सात दिनअघि २१ गते बसेको बैठकले सहमति खोजीका लागि भन्दै आजसम्म बैठक स्थगित गर्ने निर्णय गरे पनि यसबीचमा सहमतिको लागि खासै पहल हुन सकेको छैन ।

बरु दुवै पक्षका नेता कार्यकर्ता गुटगत भेलामा सहभागी हुँदै आएका छन् । दुवै अध्यक्षले प्रस्तुत गरेको प्रस्तावमा कार्यसूची बनाएर छलफल गर्ने या दुवैबाट साझा प्रतिवेदन बनाउने भन्नेमा अनौपचारिक छलफल भने भैरहेको नेताहरुले बताएका छन् ।

२१ गतेको बैठकमा प्रधानमन्त्री एवं पार्टी अध्यक्ष केपी शर्मा ओलीले आफूविरुद्ध प्रस्तावका नाममा अभियोगपत्र वितरण गरिएको भन्दै यसमा छलफल हुन नसक्ने भएकाले स्थायी कमिटीले विवेकपूर्ण निकास दिने सन्देशससिहतको पत्र पठाउनुभएको थियो ।

मङ्सिर १३ गतेको बैठकमा ओलीले प्रस्तुत गरेको लिखित जवाफ र त्यसअघि गएको कात्तिक २८ गतेको बैठकमा अर्का अध्यक्ष पुष्पकमल दाहाल ‘प्रचण्ड’ ले प्रस्तुत गरेको लिखित प्रस्तावबारे नेकपाका शीर्ष नेताहरुबीच विवाद हुँदै आएको छ ।

नेकपाभित्र मन्त्रिपरिषद्मा हेरफेर, राजदूत नियुक्ति, कर्णाली प्रदेशको विवाद, तराईका केही जिल्लाका कार्याकर्ताबीचको दोहोरो झडप, प्रधानमन्त्री ओलीले भारतीय गुप्तचर संस्था ‘रअ’का प्रमुख सामन्त गोयलसँग गरेको भेटवार्ता लगायतबारे विवाद उत्पन्न भएर दुई अध्यक्षबीच लिखित आरोप–प्रत्यारोपपत्र सुरु भएको हो ।

सचिवालय बैठकले समाधान गर्न नसकेपछि विवाद स्थायी कमिटी बैठकमा प्रवेश गरेको हो । स्थायी कमिटी बैठक लम्बिएका कारण गएको २५ गते बस्ने भनिएको केन्द्रीय कमिटीको बैठक आउँदो पुस ५ गतेका लागि सारिएको छ। source:ujyaaloonline

ह्रथुममा पोखरीमा डुबेर तीन बालिकाको ज्यान गयो

मंसिर २८, तेह्रथुम – तेह्रथुमको छथर गाउँपालिका वडा नम्बर ६ सुदापमा पोखरीमा डुबेर तीन जना बालिकाको ज्यान गएको छ । स्थानीय कृषक समूहले सिँचाइका लागि बनाएको प्लास्टिकको पोखरीमा पौडी खेल्ने क्रममा डुबेर तीन जना बालिकाको ज्यान गएको छथर गाउँपालिकाका अधयक्ष सन्तवीर लिम्बुले जानकारी दिनुभयो ।

वडा नम्बर ६ की कोपिला लिम्बुका छोरीहरू ७ वर्षीया रञ्जना र ५ वर्षीया रोजनी तथा देवेन्द्र लिम्बुकी आठ वर्षीया छोरी सुहानाको ज्यान गएको अध्यक्ष लिम्बुले जानकारी दिनुभयो । हिजो दिउँसो घरबाट खेल्न निस्किएका तीनै जना अबेरसम्म घर नफर्किएपछि खोजतलास गर्दा प्लास्टिक पोखरीमा डुबेको अवस्थामा शव भेटिएको उहाँले बताउनुभयो​ ।

आजदेखि उखु किसानको माइतीघरमा आन्दोलन–चारवटा चिनी मिलमा करोडौं रुपैयाँ बक्यौता

 मंसिर २८,काठमाडौं । उखु किसानले आज (आइतबार)देखि माइतीघरमा आन्दोलन थाल्ने भएका छन् । चिनी मिल सञ्चालकबाट बक्यौता रकम उठाइदिन सरकारले गरेको प्रतिबद्धता पुरा नभएको भन्दै किसानले आजदेखि काठमाडौं केन्द्रित आन्दोलनको घोषणा गरेका हुन् ।

उखु किसान संघर्ष समिति सर्लाहीका संरक्षक राकेश मिश्रले माइतिघर मण्डलाबाट निकास ननिस्किए सिंहदरबार र बालुवाटार घेराउसम्मको आन्दोलन गर्ने गरी तयारी रहेको बताउनुभयो । यसका लागि सर्लाहीबाट पाँच सयभन्दा बढी किसान काठमाडौं आएका छन् । सरकारले किसानसँग गरेको प्रतिबद्धताअनुसार एक वर्षको अवधिमा पनि बक्यौता रकम प्राप्त नभएपछि उनीहरू आन्दोलन गर्न बाध्य भएका हुन् । तिहारअघि उनीहरूले उद्योग मन्त्रीलाई भेटेका थिए र आश्वासन पाएका थिए, तर अहिलेसम्म बक्यौता रकम प्राप्त गर्न सकेका छैनन् । आन्दोलनरत उखु किसानहरूले उद्योग, वाणिज्य तथा आपूर्तिमन्त्री लेखराज भट्टलाई अल्टिमेटमसहितको स्मरणपत्र पनि बुझाएका थिए ।

मिश्रले मन्त्रालयले २०७६ पुस १८ गते उखु किसानसँग गरेको सम्झौता अझै पनि कार्यान्वयन नभएको भन्दै छिटोभन्दा छिटो भुक्तानी पाउने व्यवस्था मिलाइदिन आग्रह गर्नुभयो । मन्त्रालयको समन्वयमा उखु किसान र उद्योगीबीच जायजेथा बिक्री गरेर भए पनि किसानहरूको सम्पूर्ण बाँकी बक्यौता रकम चुक्ता गर्ने लिखित सम्झौता भएको थियो । तर, सरकारले अहिलेसम्म पनि बक्यौता रकम भुक्तानी गराउन नसकेको गुनासो किसानहरूले गरेका छन् । संरक्षक मिश्रले सरकारले नै सम्झौताअनुसार काम नगरी किसानहरूलाई नियोजित पीडा दिइरहेको बताउनुभयो ।

उखु किसानले चार वटा चिनी मिलबाट करोडौं रुपैयाँ पाउनुपर्ने छ । किसानले श्रीराम सुगर मिलबाट २६ करोड, इन्दिरा सुगर मिलबाट चार करोड ७० लाख, लुम्बिनी सुगर मिलबाट आठ करोड ४१ लाख र अन्नपूर्ण सुगर मिलबाट १७ करोड रुपयाँ पाउन बाँकी छ । 

ओली सरकारले जनतालाई झुटा आश्वासन बाँडेर भ्रम छरेको छ – काँग्रेस नेतृ भुसाल

सन्धिखर्क एफएम मंसीर २६ अर्घाखाँची – नेपाली काँग्रेस केन्द्रीय सदस्य एवं संसदीय दलकी सचेतक पुष्पा भुसालले वर्तमान केपी ओली सरकारले जनतालाई झुटा आश्वासन बाँडेर भ्रम छरेको बताउनु भएको छ । जनता कोरोनाको महामारीमा रहेको बेला सरकार सत्ताको जित हारको खेलमा रहेको उहाँको आरोप रहेको छ । अर्घाखाँचीको मालारानी गाउँपालिका– ५ बाँगी भडारमा पार्टी प्रवेश कार्यक्रमलाई सम्बोधन गर्दै नेतृ भुसालले केपी ओलीनै भ्रष्टचारको काण्डैकाण्डमा चुर्लुम्म डुबेका पार्टीका मन्त्री र नेतालाई संरक्षण गर्न लागेको आरोप लगाउदै ओलीले नै भ्रष्टचारको संरक्षकको रुपमा भूमिका खेलेको बताउनु भयो ।

दुई तिहाइको जनमतलाई कम्युनिष्टले कदर गर्दै देश र जनताको पक्षमा विकास गर्न छाडेर आफुभित्रैबाट कुर्सी तानतान गर्दै सत्ताको मोहमा डुबेको भन्दै भुसालले भ्रष्टचारको आहलमा चुर्लुम्म डुबेको सरकारबाटै लोकतन्त्र मासिने खतरा भएको समेत बताउनुभयो । नेपाल कम्युनिष्ट पाटी (नेकपा) भित्रका शीर्ष नेता नै सत्ताको कुर्सीमा लिप्त भएर प्रधानमन्त्री केपी ओली कुर्ची जोगाउन र पुष्पकमल दाहाल तथा माधव कुमार नेपाल समुह ओलीलाई हटाउने खेलमा लागेकोले उनीहरुबाट देश विकासको आशा नरहेको उहाँको भनाई रहेको छ ।

कार्यक्रममा मनतब्य राख्दै नेपाली काँग्रेस अर्घाखाँचीका पार्टी सभापति विष्णु मुस्कानले विभिन्न पार्टी परित्याग गरी काँग्रेसमा प्रवेश गरेका नवप्रवेशीलाई पार्टीमा स्वागत गर्दै उचित जिम्मेवारी दिइने बताउनुभयो ।

कार्यक्रममा काँग्रेस पूर्वसभापति एवं सन्धिखर्क नगरपालिका प्रमुख कमलप्रसाद भुसाल, नेपाली काँग्रेस संसदीयदल लुम्बिनि प्रदेश सचेतक निर्मला क्षेत्री, काँग्रेस उपसभापति शान्ता भण्डारी, क्षेत्रीय सभापति अच्युत गौतम, महाधिवेशन प्रतिनिधि केशव श्रेष्ठ, छत्रदेव गाउँपालिका अध्यक्ष लेखनाथ पोख्रेल, नेपाल दलित संघका केन्द्रीय उपाध्यक्ष लोकेन्द्र विश्वकर्मा, जिल्ला सदस्य हेमन्त बेल्वासे, सिता भुसाल, विष्णु क्षेत्री, नेत्रप्रसाद भट्टराई, मालारानी गाउँपालिका सभापति शोभाखर खनाल, तरुण दलका जिल्ला अध्यक्ष नारायण खड्का, नेविसंघका जिल्ला अध्यक्ष भरतमणि भटराई लगायतका जिल्ला स्तरीय नेताले सम्बोधन गर्नुभएको थियो ।

पार्टी प्रवेश कार्यक्रममा नेकपा र राष्ट्रिय जनमोर्चाबाट झण्डै डेढजर्दन काँग्रेसमा प्रवेश गरेको प्रचार विभाग प्रमुख माधव पौडेलले बताउनुभयो । कार्यक्रम बाँगीका सभापति मणिराम खनालको अध्यक्षता, विष्णु क्षेत्रीको स्वागत मनतब्य र सचिव नारायणप्रसाद भुसालको सञ्चालनमा सम्पन्न भएको थियो ।

१६ बर्षपछी लालपर्जा पाँउदा स्थानिय हर्षीत

श्याम घिमिरे, मंसीर २६ अर्घाखाँची -छत्रदेब गाउँपालीका वडा नं. २ र ४ का स्थानीय बासिन्दाहरुले १६ वर्षपछि हातमा जग्गाधनि प्रमाण पुर्जा प्राप्त गरेका छन् । विशेष नापि कार्यालय अर्घाखाँचीले डिजिटल प्रविधीबाट तयार गरेको नक्सा सुक्रबार एक कार्यक्रमको आयोजनागरी वितरण सुरु गरेको हो । सशस्त्र द्धन्द्धको समयमा २०६१ सालमा सदरमुकाम सन्धिखर्कमा आक्रमण हुदा जलेर लालपुर्जा नष्ट भएपछि जिल्लानै नक्सा विहीन बनेको थियो । देश शान्ति प्रकृयामा गईसकेपछि विशेष नापी कार्यालयको टोलीले पुनः नापी गरी जग्गाधनी प्रमाण पुर्जा वितरण गर्न सुरु गरेको बिशेष नापी कार्यालय अर्घाखाँचीका प्रमुख खिमबहादुर रानाले बताउनु भयो ।

पुर्जा बितरण कार्यक्रममा मनतब्य राख्दै नेपाल सरकारका पुर्बउपप्रधानमन्त्री एवं संघिय सांसद टोपबहादुर रायमाझीले कृषि र पर्यटन क्षेत्रको बिकासकालागी लालपुर्जाको उपयोग गर्नुपर्ने भन्दै समृद्ध र सुखी अर्घाखाँची बनाउने अभियान शुरु भईसकेकोले बिकास निर्माणले जिल्लामा तिब्र गति लिएको बताउनु भयो । रायमाझीले डिजिटल माध्यमबाट नापनक्सा गरेका जग्गाधनी प्रमाणपत्रले बैंकमा धितो राख्न सहज हुने बताउनु भयो । उहाँले जिल्लाका अन्य ठाउँमा पनि क्रमश जग्गाधनि प्रमाणपत्र वितरण गर्ने बताउनुभयो ।


प्रतिनिधि सभासदस्य पुष्पा भुसालले डिजिटल प्रविधिबाट जग्गा नाँपजाच गर्ने कार्यलाई तीव्र गतिमा अगाडी बढाउन आग्रह गर्नुभयो । भुसालले जिल्लामा हुने हरेक विकास निर्माणमा काममा पक्षविपक्ष बनेर विदाद गर्न नहुनेमा जोड दिनुभयो ।

कार्यक्रममा राष्ट्रिय सभा सदस्य चन्द्र बहादुर खड्का उज्ज्वल, प्रदेश सभा सदस्य चेतनारायण आचार्य, निर्मला क्षेत्री, जिल्ला समन्वय समिति प्रमुख पिताम्बर शर्मा भुसाल, सन्धिखर्क नगरपालिका प्रमुख, कमल प्रसाद भुसाल, छत्रदेव गाउँपालिका अध्यक्ष लेखनाथ पोख्रेल, प्रमुख जिल्ला अधिकारी बिष्णु पौडेल, छत्रदेव गाउँपालिका उपाध्यक्ष तुल्सादेवी श्रेष्ठ, नेपाली कांग्रेस जिल्ला उपसभापति शान्ता भण्डारी, नेकपा छत्रदेव अध्यक्ष रामलाल पराजुली, पत्रकार महासंघ लुम्बिनि प्रदेश सदस्य अशोक खनाल,प्रेमनारायण आचार्य,नबिन केसी लगायतले मन्तव्य राख्दै कोरोना महामारीको समयमा पनि फिल्डमा कर्मचारी खटाएर जनताको काम गरेको भन्दै धन्यवाद प्रकट गर्नुभएको थियो । बक्ताहरुले जिल्लामा नक्सा नहुदाँ स्थानीयले ठुलो सास्ती खेप्नु परेकोले यो अभियानबाट ठुलो राहत मिलेको समेत बताउनु भएको हो ।

छत्रदेव गाउँपालिकाको वार्ड नंं २ बल्कोटमा ६ सय ५० घरधुरी र वडा नम्वर ४ केरुङ्गाका एक हजार एक सय ८६ जग्गा धनी दर्ता प्रमाणपुर्जा बितरण गर्न सुरु गरेको बिशेष नापी कार्यलय अर्घाखाँचीका प्रमुख नापी अधिकृत खिम रानाले बताउनु भयो । कार्यक्रम विशेष नापी कार्यालय अर्घाखाँची प्रमुख खिम बहादुर रानाको अध्यक्षता र माधव अर्यालको सञ्चालनमा सम्पन्न भएको हो । १६ बर्षपछी पुर्जा प्राप्त गरेपछी स्थानियहरु हर्षीत समेत भएका छन ।


विवेकशील साझा पार्टी एकताको खुसीयालीमा सन्धिखर्कमा दिप प्रज्वलन

मंसिर २६ अर्घाखाँची – विवेकशील साझा पार्टी एकताको खुसीयालीमा आज सन्धिखर्कमा दिप प्रज्वलन गरिएको छ ।साझा युवा संगठनको आयोजनामा आज साँझ सन्धिखर्क शान्ती बंगैचामा दिप प्रज्वलन गरिएको हो ।पार्टीका नेता हरिप्रसाद भुसाल, सुरज भुसाल, रविन शाह, अशोक आचार्य, मोहन पुरी लगायतका नेताहरुको उपस्थितीमा दिप प्रज्वलन गरिएको हो । रविन्द्र मिश्रको अध्यक्षतामा रहेको साझा पार्टी र मिलन पाण्डेको नेतृत्वमा रहेको विवेकशील नेपाली दललले यही २४ गते भर्चुअल रुपमा पार्टी एकताको घोषणा गरेका थिए ।एकताको खुसीयालीमा आज अर्घाखाँची सहित देशभर एकसाथ दिप प्रज्वलन सहित विविध कार्यक्रमहरु भैरहेका छन् ।

सुक्रबार अर्घाखाँचीमा १७ जनाले कोरोना संक्रमणलाई जिते, अब ४१ जना आईसोलेशनमा

श्याम घिमिरे ,मंसीर २६ अर्घाखाँची -अर्घाखाँचीमा एकैदिन १७ जना कोरोना संक्रमीत निको भएर डिस्चार्ज भएका छन । सुक्रबार जिल्लाको सन्धिखर्क नगरपालीकाबाट १४ जना,मालारानी गाउँपालीकाबाट १ जना र छत्रदेब गाउँपालीकाबाट २ जना गरी एकैपटक १७ जनाले कोरोनालाई जितेर डिस्चार्ज भएको जिल्ला प्रशासन कार्यालय अर्घाखाँचीले जनाएको छ । कुल ६९२ संक्रमितमध्ये हालसम्म जिल्लामा कोरोना संक्रमणबाट मुक्त हुनेको संख्या ६३९ पुगेको छ ।

अहिले जिल्लाको सन्धिखर्क नगरपालीकामा ३६ जना, भुमिकास्थान नगरपालीकामा १ जना,मालारानी गाउँपालीकामा १ जना र छत्रदेब गाउँपालीकामा ३ जना गरी जम्मा ४१ जना सक्रिय संक्रमितहरु आईसोलेशनमा रहेका छन । भने जिल्लाका अन्य २ पालीकामा सक्रिय संक्रमितको संख्या शुन्य रहेको जिल्ला प्रशासन कार्यालय अर्घाखाँचीका सहायक प्रजिअ बिनोद खनालले जानकारी दिनुभएको छ । संक्रमणका कारण हालसम्म १ जनाको आत्महत्या सहित १२ जनाको भने ज्यान गईसकेको छ ।

कृष्ण बहादुर सुनारद्बारा बुवाआमाको सम्झनामा अक्षयकोषकाे स्थापना

गाेपाल भट्टराई मंसिर २६ – भुमिकास्थान नगरकार्यपालिका सदस्य कृष्ण बहादुर सुनारले बाबुुआमाको सम्झनामा अक्षयकोष स्थापना गर्नुुभएको छ । आफु अध्यक्ष रहेको स्थानिय बिरेन्द्र आधारभुत विद्यालयमा स्वर्गिय बुवाको आज १० औं दिनको पूण्य तिथि पारेर बुवा हर्क बहादुर सुनार र आमा उमकला सुनारको सम्झना र सम्मान स्वरुप १ लाख १ हजार १ सय १ रुपैंयाको अक्षयकोष स्थापना गर्नुुभएको हो ।

राष्ट्रिय जनमोर्चाका नेता समेत रहनुभएका एक मात्र छोरा कृष्णले स्वर्गिय बाबुुआमाको सम्मान स्वरुप स्थापना गरेको कोषमा हर्क बहादुरको छोरी चित्रकला सुनारले ४ हजार १ सय १ र नातीनी सरिता सुनारले ५ हजार १ सय १ रुपैंया थप गरि १ लाख १० हजार ३ सय ३ रुपैंया पुराइएको छ । आफु अध्यक्ष भएदेखि नै विद्यालयको शैक्षिक एवम् भौतिक सुधार गर्न लागिपरेको,सबैले साथ दिइरहेको अवस्थामा पढ्न चाहने तर आर्थिक अवस्था कमजोर भएका विद्यार्थिलाई पठनपाठनमा टेवा पुगोस् भनेर बाबुुआमाको स्मृति र सम्मानमा अक्षयकोष स्थापना गरिएको उहाँले बताउनुभएको छ ।

अक्षयकोष स्थापना तथा विद्यार्थिलाई शैक्षिक सामाग्री बितरण गर्न आयोजना गरिएको कार्यक्रममा नगर प्रमुख रेसम थापा,उप–प्रमुख खडानन्द वेल्वासे,नगर प्रवक्ता बाबुराम पन्थी,प्रमुख प्रशासकिय अधिकृत लिला राउत,वडा नम्बर १० का अध्यक्ष खगिश्वर पन्थी,राष्ट्रिय जनमोर्चाका नेता सागर के.सी.,झविलाल थापा,शिक्षक सुभाषचन्द्र बन्जाडे, शिक्षक गाेबिन्द केसि, रेडियोकर्मी हरी प्रसाद भुसाल लगायतले मन्तव्य राख्दै कृष्ण सुनार र उहाँको परिवारले गरेको प्रशंसनिय कार्यले समृद्ध राष्ट्र निर्माणमा ठुलो टेवा पुग्ने बताउनुभएको छ ।

यसैविच कृष्ण सुनारको परिवारले शैक्षिक क्षेत्रमा गरेको सहयोगबाट प्रभावित भएर नगर प्रमुख रेसम थापाले पनि सहयोगको घोषणा गर्नुभएको छ । आफ्ना स्वर्गिय हजुरबुवा जुद्धबिर थापा क्षेत्री र स्वर्गिय हजुरआमा तिलकला थापा क्षेत्रीको सम्झनामा १९ हजार ९ सय ९९ सय रुपैंया सहयोग गर्ने घोषणा गर्नुभएको हो ।

राष्ट्रिय जनमोर्चा पाणिनी गाउँ समितिको आयोजनामा मैदानमा प्रशिक्षण भेला सम्पन्न

गोपाल भट्टराई मंसिर २६ – राष्ट्रिय जनमोर्चाका जिल्ला अध्यक्ष थम्मन के.सी.ले नेपालमा संघीयताबारे सुरुमा देखिएका भ्रमहरु साफ भएको दाबी गर्नुभएको छ । देश र जनताको कल्याणका लागि जतिसक्दो छिटो संघियता खारेज नभए देश र जनताले अझबढि दुःख झेल्नुपर्ने अध्यक्ष के.सी. भनाइ छ । राष्ट्रिय जनमोर्चा पाणिनी गाउँ समितिको आयोजनामा आज मैदानमा आयोजित प्रशिक्षण भेलालाई सम्बोधन गर्दै उहाँले यस्तो बताउनुभएको हो । सिंहदरबारको अधिकार टोलस्तरमा पु¥याउने दाबी गर्दै बोकाइएको संघियता कार्यान्वयनमा आएपछि सिंह मात्रै गाउँमा छिरेको अधिकार झन टाढिएको अनुभुती भएको अध्यक्ष के.सी.ले सुनाउनुभयो ।

राष्ट्रिय जनमोर्चा पाणिनी–५ मैदानका अध्यक्ष निमिराज भट्टराईको अध्यक्षता,उपाध्यक्ष हेमनाथ खनालको स्वागत मन्तव्य र सचिव मिना कोइरालाको सन्चालनमा सम्पन्न कार्यक्रममा राजमो जिल्ला उपाध्यक्ष गोपाल पौडेल,पाणिनि इन्चार्ज गोविन्द वि.सी.,नेत्रृ सावित्रा घिमिरे,मुल प्रवाह अखिल भारत नेपाली एकता समाजका प्रतिनिधि नारायण न्यौपाने,अखिल नेपाल युवक संघका प्रतिनिधि यादव थापा लगायतले सहभागिलाई प्रशिक्षण दिंदै राष्ट्र र जनताको हितमा सम्झौताहिन संघर्ष गर्दै आएको पार्टी राजमो मात्रै भएको बताउनुभएको छ । सत्तास्वार्थका कारण बोल्ने एउटा अर्को गर्ने दलहरुले जनतालाई सधै झुक्काएकोले अब जनता सचेत बन्नुपर्नेमा उहाँहरुको जोड छ ।

छत्रदेव २ र ४ मा जग्गाधनी प्रमाणपत्र वितरण

बिष्णु खनाल मंसिर २६ – अर्घाखाँची जिल्लाको छत्रदेव गाउँपालिका वडा नं. २ र ४ मा विशेष नापी कार्यालय अर्घाखाँचीद्धारा डिजिटल प्रविधिबाट नाप नक्सा भएका जग्गाधनि प्रमाणपत्र वितरण कार्यक्रम सम्पन्न भएको छ । छत्रदेवको वडा नं. २ बल्कोट र वडा नं.४ केरुंगामा डिजिटल प्रविधिबाट नापनक्सा गरिएका जग्गाधनि प्रमाणपत्र वितरण गर्दै पुर्व उपप्रधानमन्त्री एवम् प्रतिनिधिसभा सदस्य टोप बहादुर रायमाझीले जिल्लाका अन्य ठाउँमा पनि क्रमश जग्गाधनि प्रमाणपत्र वितरण गर्ने बताउनुभयो ।

उहाँले डिजिटल माध्यमबाट नापनक्सा गरेका जग्गाधनी प्रमाणपत्रले बैंकमा धितो राख्न सहज हुने बताउनुभयो । उहाँले अर्घाखाँची जिल्लामा विकासले क्रमश गति लिदैं गएको बताउनुभयो । यस्तै प्रतिनिधि सभासदस्य पुष्पा भुसालले डिजिटल प्रविधिबाट जग्गा नाँपजाच गर्ने कार्यलाई तीव्र गतिमा अगाडी बढाउन आग्रह गर्नुभयो ।

जिल्लामा हुने हरेक विकास निर्माणमा काममा पक्ष र विपक्ष बनेर वादविदाद गर्नु नहुने बताउनु भयो । कार्यक्रममा राष्ट्रिय सभा सदस्य चन्द्र बहादुर खड्का, प्रदेश सभा सदस्य चेतनारायण आचार्य, निर्मला क्षेत्री, जिल्ला समन्वय समिति प्रमुख पिताम्बर शर्मा भुसाल, सन्धिखर्क नगरपालिका प्रमुख, कमल प्रसाद भुसाल, छत्रदेव गाउँपालिका अध्यक्ष लेखनाथ पोख्रेल, प्रमुख जिल्ला अधिकारी बिष्णु पौडेल, छत्रदेव गाउँपालिका उपाध्यक्ष तुल्सादेवी श्रेष्ठ, नेपाली कांग्रेस जिल्ला उपसभापति शान्ता भण्डारी, नेकपा छत्रदेव अध्यक्ष रामलाल पराजुली, पत्रकार महासंघ लुम्बिनि प्रदेश सदस्य अशोक खनाल, प्रेमनारायण आचार्य, नविन केसी लगायतले मन्तव्य राख्दै कोरोना भाइरसका बावजुत पनि फिल्डमा कर्मचारी खटाएर जनताको काम गरेका भन्दै धन्यवाद प्रकट गरेका थिए ।

कार्यक्रममा आज एक सय भन्दा बढि लालपुर्जा वितरण गरिएको थियो । केरुंगामा एक हजार १ सय ३५ र बल्कोटमा ६ सय २५ लालपुर्जा वितरण गरिने विशेष नापी कार्यालय अर्घाखाँचीका प्रमुख खिम बहादुर रानाले जानकारी दिनुभयो । कार्यक्रम विशेष नापी कार्यालय अर्घाखाँची प्रमुख खिम बहादुर रानाको अध्यक्षता र माधव अर्यालको सञ्चालनमा सम्पन्न भएको हो ।

शान्ति माबि बाँगीमा कम्प्यूटर ईन्जिनियरिङ तर्फका अभिभाबकहरुको भेला तथा अन्तरक्रिया सम्पन्न

श्याम घिमिरेमंसीर २६ अर्घाखाँची – शान्ति माध्यमिक बिद्यालय मालारानी ५ बाँगीमा कक्षा १० मा अध्ययनरत कम्प्यूटर ईन्जिनियरिङ तर्फका अभिभाबकहरुको भेला तथा अन्तरक्रिया कार्यक्रम बिहिबार बिद्यालयमा सम्पन्न भएको छ । बिद्यालयका प्रअ मानबहादुर पाण्डेको अध्यक्षता र प्राबिधिक धारका प्रमुख जिबन खनालको सञ्चालन एवं प्रस्तुतिकरणमा सम्पन्न कार्यक्रममा वडाअध्यक्ष शोभाखर भुसाल, बिद्यालयका सहायक प्रअ माधब प्रसाद पन्थी,तारा भुसाल लगायतको आतिथ्यता रहेको थियो ।

कार्यक्रममा मनतब्य राख्दै वडाअध्यक्ष शोभाखर भुसालले कोरोना भाईरस महामारीका बिच बिद्यालयले गरेका शिक्षण सिकाई क्रियाकलाप,कबिता र नृत्य प्रतियोगीता लगायतका गतिबिधिहरुको मुक्त कण्ठले प्रसंशा गर्नुभयो । यस्तै बिद्यालयका प्रअ पाण्डेले अभिभाबकहरुबाट आएका जिज्ञासा,बिद्यालयका आगामी रणनिति,अभिभाबकको दायीत्व र भुमिकाको कारेमा प्रष्ट पार्नुभएको थियो ।

भेलामा अभिभाबकको तर्फबाट हरीबहादुर चौहान,कृष्णप्रसाद भुसाल,तारा खनाल,भूपनारायण भुसाल,तामलाल भुसाल लगायतले मनतब्य राख्नु भएको प्रअ मानबहादुर पाण्डेले जानकारी दिनुभयो । बिद्यालयले कम्प्यूटर ईन्जिनियरिङ बिषयको पठन पाठन सुरु गरेसंगै आफ्ना हरेक गतिबिधिहरुलाई तिब्ररुपमा अगाडी बढाउदै आईरहेको छ ।

अर्घाखाँचीमा बिहिवार थप ९ जनामा कोरोना संक्रमण , संक्रमितको संख्या ६९२ पुग्यो , अब ५८ जना आईसोलेशनमा

श्याम घिमिरेमंसीर २५ अर्घाखाँची – अर्घाखाँचीमा कोरोना संक्रमितको संख्या ६९२ पुगेको छ । बिहिबार सन्धिखर्क नगरपालीकामा ६ जना र छत्रदेव गाउँपालीकामा ३ जना गरी ९ जनामा कोरोना संक्रमण पुष्टी भएसंगै जिल्लामा कोरोनाबाट संक्रमित हुनेको संख्या ६९२ पुगेको छ । संक्रमितमध्ये हालसम्म ६२२ जना डिस्चार्ज भएका छन । अब जिल्लामा ५८ जना सक्रिय संक्रमितहरु आइसोलेसनमा रहेका छन् ।

जसमा सन्धिखर्क नगरपालीकामा ५० जना, भुमिकास्थान नगरपालीकामा १ जना, मालारानी गाउँपालीकामा २ जना र छत्रदेबमा ५ गरी जम्मा ५८ जना आइसोलेसनमा रहेको जिल्ला प्रशासन कार्यालय अर्घाखाँचीका सहायक प्रजिअ बिनोद खनालले जानकारी दिनुभएको छ । संक्रमणका कारण हालसम्म १ जनाको आत्महत्या सहित १२ जनाको भने ज्यान गईसकेको छ ।

हामी प्रति सेवा ग्राहिहरुको बिश्वास बढेको छ : कार्यालय प्रमुख रास्कोटी

बिगत ३ बर्ष देखि  कार्यालय प्रमुखको जिम्मेवारी समाल्दै आउनु भएका नेपाल बिद्युत प्राधिकरण अर्घाखाँचीका कार्यालय प्रमुख बिरमान रास्कोटीले आफु कार्यालय प्रमुख भएसंगै बिद्युत बिस्तार र यसको संरचनामा व्यापक परीबर्तन भएको बिस्वास व्यक्त गर्नुभएको छ । रास्कोटीले कर्मचारीहरु जुनसुकै ठाउँमा बसे पनि आफ्नो कर्म गर्ने र सेवा ग्राहीहरुको मनोभावना अनुसार काम गर्ने कुरामा जोडपनि दिनुभएको छ । तर पनि  गृह जिल्लामा बसेर काम गर्दा फरक अनुभूत हुने र सेवा ग्राहीहरुको माया बढी पाए जस्तो लागेको उहाँको भोगाई रहेको छ । जिल्लाको पाणिनी गाउँपालिका पोखराथोकका स्थानीय बासीन्दा समेत रहनुभएका रास्कोटीको आगमन संगै जिल्लामा केही समय यता बिद्युत कार्यालयबाट प्रबाह हुने सेवा तथा विद्युतको गुणस्तरमा सुधार भएको समेत देखिएको छ । यि र यस्तै बिषयमा केन्द्रित रहेर पत्रकार श्याम घिमिरेले गरेको संक्षिप्त कुराकानी ।

तपाई अर्घाखाँचीमा कार्यालय प्रमुख भएको कति भयो ? गृह जिल्लामा बसेर काम गर्न कत्तीको सहजता पाउनु भयो ?

यस कार्यालयमा २०७४ भाद्र  १६ गते देखि हाल सम्म कार्यालय प्रमुखको रुपमा निरन्तर कार्यरत छु । हामी कर्मचारीहरु जुनसुकै ठाउँमा बसे पनि आफ्नो कर्म गर्ने हो सेवा ग्राहीहरुको मनोभावना अनुसार काम गर्दछौं तर पनि  गृह जिल्लामा बसेर काम गर्दा फरक अनुभूत हुने रहेछ , आफ्नोपन बढी भएर होला सेवा ग्राहीहरुको माया बढी पाए जस्तो लाग्दछ ।

तिन बर्षको अबधिमा जनताले देख्ने गरी बिद्युत क्षेत्रको बिकासमा के के काम गर्नु भयो ? तपाईहरुले गरेको कामप्रति उपभोक्ताहरु कत्तीको सन्तुष्ट हुनुहुन्छ ?

तीन बर्षको अबधिमा सेवा ग्राहीहरुले अनुभूत गर्न सक्ने साथै अनुभूत गर्न नसक्ने तर कार्यलयको प्रमुख सुधारको रुपमा उल्लेख्य रुपमा काम भएको छ जस्तै:

  • ६० भन्दा बढी वितरण ट्रान्सफर्मरहरु जडान गरि करिब १०,००० /०० ग्राहक संख्यामा वृद्धि भएको छ ( खास गरि पाणिनी गाउँ पालिका ०२,०४,०५,०६ र शितगंगाको अधिकांश स्थानहरुमा पच्छिलो समयमा विद्युतीकरण भएको छ )  ।
  • ५५ भन्दा बढी ३३/०.४ के.भी. को ट्रान्सफर्मरहरुलाई ११/०.४ के.भी. बाट बदली गरिएको छ, जसको कारणले  वितरण प्रणालीमा सुधार आई ग्राहकहरुले भरपर्दो  बिद्युत उपभोग गर्न पाउनु भएको छ ( साबिक धारापानी, खन,खनदह, बाँगीको आंशिक, खांचीकोट, नरपानी, पालि अड्गुरी, मैदान, खिदिमको केहि भाग, र हालै सीतापुर र ठाडाको केहि भाग ) ।
  • सहज कार्यालय संचालन गर्नको लागि कार्यालयको नो-लाईट युनिट थप गरिएको छ पाणिनी गाउपालिका र हालै मात्र मालारानी गाउपालिकामा ।
  •  २०७४ असारमा १७/४४ मा रहेको चुहावट प्रतिशत २०७७ असारमा ५/५३ प्रतिशत कायम हुन् सफल भएको छ ।
  • आ.ब. २०७३/०७४ असारमा बार्षिक बिद्युत महशुल संकलन रु. ८ करोड ३७ लाख  भएकोमा आ.ब. २०७५/०७६ असारमा रु. २७ करोड ६० लाख,   Covid-१९ प्रभावित आ.ब. २०७६/०७७ असारमा रु. २६ करोड ३८ लाख र आ.ब. २०७७/०७८ को मंसिर  २५ गते सम्ममा रु.  १२ करोड ३२ लाख संकलन भएको छ ।
  • यो अवधिमा करिब यस कार्यालयको नियमित बजेटबाट करिब ७००० काठको पोललाई फलामे पोलबाट बिस्थापित गरिएको छ ।

कुनै पनि कार्यालयको सेवा प्रवाहमा सत प्रतिशत सन्तुस्टी हुदैन यदी यसो भयो भने कार्यालयको काममा गतिशिलता हुदैन , सन्तुस्टी भन्ने कुरा मापन गर्नसकिदैन अनुभूत गर्ने कुरा हो, हामीले सिमित साधनहरुको श्रोतको बाबजुद हामीले अधिकतम प्रयास गरेका छौ । मलाई हामी प्रति सेवा ग्राहिहरुको बिश्वास बढेको अनुभूत हुन्छ  ।

जिल्लामा बिद्युत संरचना कस्तो छ ? संरचनालाई व्यवस्थीत बनाउन के गर्दे हुनुहुन्छ ?

हामीले अर्घाखाँची जिल्लाको अधिकांश क्षेत्रमा बिद्युत सेवा प्रवाह गर्दछौ  । प्राबिधिक हिसाबले हाम्रो वितरण प्रणाली संरचना नाजुक छ  । हामीले हाम्रो कार्यालयको नियमित बजेट र सिमित साधनहरुको अधिकतम प्रयोग बाट उल्लेख्य सुधारहरु गरेका छौ (३३/०.४ के.भी. वितरण ट्रान्सफर्मरहरुलाई बदली गर्न ११ के.भी लाईन विस्तारकार्य) । यस कार्यालयको सेवाक्षेत्र भित्र विभन्न आयोजनाहरुले वितरण प्रणाली सुधारको लागि काम गर्दै छन तर सबै आयोजहरुको हाल सम्म कार्य सम्पन्न हुन बाँकी छ  ।

बेलाबेलामा लाईन आउने र जाने गरीरहन्छ खास के कारणले गर्दा यस्तो समस्या आईरहन्छ ?  यसलाई समाधान गर्न के गर्दे हुनुहुन्छ ? कहिले देखी यस्तो समस्या हट्छ ?

मैले अघिनै पनि भनी सके यहाँ वितरण प्रणालीमा व्यापक सुधार हुन् आबश्यक छ । यस कार्यालयको सेवा क्षेत्र भित्रका आयोजनाहरु सम्पन्न भए पछि समस्या हट्छ । तत्कालको बिद्युत अनियमित समस्या समाधान भनेको निर्माणाधीन  ३३/११ के.भी.  सबस्टेशन आयोजनाहरु (ठाडा,हंसपुर, दुर्गाफाँट) समयमै सम्पन्न भई सुचारु हुनु नै हो । दिर्घकालिन समाधानको रुपमा जसरि सडक हाईवे हुन्छ त्यसरीनै बिद्युत हाईवेको रुपमा १३२ के.भी. लाईन को सबस्टेशन फुदवाङमा सम्पन्न भई संचालनमा आएपछि समस्या हट्छ ।

जिल्लाका बिभिन्न स्थानहरुमा बिजुलीको तार,पोल र ट्रान्सफर्महरु अव्यबस्थीतरुपमा गाडीएको भनेर उपभोक्ताले गुनासो गरीरहनुहुन्छ , किन यसलाई व्यवस्थीत गर्न सक्नुभएन ?

हाम्रो जस्तो अल्पविकसित देशमा हरेक क्षेत्रमा आफ्नो काम मात्रै देखाउने चलन, छ विकास गर्ने नाऊमा विना समन्वय काम भएको छ । यस कार्यालय अन्तर्गतका बिभिन्न स्थानहरुमा ग्राहक स्वयम लगानीमा समेत विद्युतीकरण भएको पाईन्छ जसको कारणले प्राबिधिक हिसाबले पूर्ण रुपमा ठिक नभएका वितरण प्रणालीहरु पनि बिगतमा चार्ज गर्नु परेको छ, हामीले सिमित स्रोत र साधनका बाबजुद क्रमिक रुपमा सुधार गरि रहेका छौ । मैलेअघि पनि भने समन्वयको व्यापक अभाब छ, जसको कारण बजार क्षेत्रमा अनि ग्रामिण स्तरमा पनि सडक विस्तारका क्रममा ब्यापक रुपमा हाम्रो संरचनालाई असर हुने गरि कार्यहरु भएको छ ।

भौगोलीक रुपमा कामगर्न जिल्लामा कत्तीको सहजता छ ? हाल ग्राहकले कस्तो र कसरी सेबा प्राप्त गरीरहेका छन ?

भौगोलिक हिसाबले बर्ष भरि नचल्ने बाटो, सवारी साधनहरुको अभाबका कारण यस जिल्लामा काम गर्न असहज नै छ । कार्यालयले प्रदान गर्ने सेवाको लागि मूल कार्यालयबाहेक पनि अन्य ५ स्थन बाट सेवा प्रदान गरेका छौ : सन्धिखर्क बजार नो-लाईट तथा महशुल काउन्टर, ठाडा नो-लाईट तथा महशुल काउन्टर, पोखराथोक नो-लाईट , बल्कोट नो-लाईट र मालारानी नो- लाईट ।

कार्यालयमा जनशक्तीको अबस्था कस्तो छ ? कर्मचारी बिचको सहकार्य र समन्वय कसरी गर्नु भएको छ  ?

हाल कार्यालयमा सेवा ग्राहिहरुको संख्या करिब ३६ हजार पुगेको छ । जसरि सेवाग्राहीहरुको संख्या बढेको छ त्यही अनुपातमा कर्मचारी संख्या नभएको कारण सेवा प्रवाहमा कहिले काहिँ समस्या आउने गरेको छ । सहज रुपमा नियमित कार्य सम्पादन गर्ने वातावरण मिलाईएको छ । उपलब्ध श्रोत र साधनको उच्चतम प्रयोग तथा सम्पूर्ण फाँट प्रमुख कर्मचारी साथीहरु र अन्य सम्पूर्ण कर्मचारीहरुलाई अलि बढी जिम्मेवार बनाईएपछि  राम्रो प्रतिफल आउने विश्वास लागेको छ ।

आर्थिक रुपमा बिपन्न जनता र अन्य बर्गलाई कार्यालयबाट के कस्ता सहुलियतका कार्यहरु भएका छन ?

आ.ब. २०७५/०७६ तथा २०७६/०७७ मा रु. ५० लाखको बजेटबाट करिब २ हजार ग्राहकमा निशुल्क मिटर जडान तथा अति बिपन्नलाई सर्भिस केबुल तथा पोलतार समेत विस्तार कार्यहरु भएका छन । यो आ.ब. मा पनि रु. २५ लाखको अति विपन्न तथा सांस्कृतिक महत्वका सम्पदाहरुमा निशुल्क मिटर जडान कार्यक्रम स्वीकृत भई प्राप्त भएको छ , निकट भबिस्यमानै यो कार्यक्रम सबैलाई जानकारी हुने गरि संचालन गर्नेछौ । यहाँलाई यहीँबाट सबैलाई जानकारी हुने गरि सुचना सम्प्रेषण गरिदिनुहुन समेत अनुरोध गर्दछु ।

कार्यालयले मिटर जडान लगायतका कामहरुमा  ढिलासुस्ती गरेको र समयमा काम नगरीदिएको भन्ने आरोप पनि तपाईहरुमाथी बेलाबेलामा आउने गर्छ अहिले के छ ?

खै मलाई यो आरोप निराधार लाग्दछ , म कार्यालय प्रमुख भए पछि यो समस्या छैन हामिसंग ५०/६० सिंगल फेज मिटर जहिले पनि मौज्दात हुन्छ । सिंगल फेजको हकमा आबेदन स्वीकृत भएको १ दिन देखि ७ दिन सम्म स्थान विशेष हेरेर जडान भएको छ, जसको लागि हाम्रो ठाउँठाउँमा भएको युनिट मार्फत कार्य हुने गर्दछ । तर थ्रीफेज मिटरको हकमा आबेदन स्वीकृत भए पछि प्रादेशिक कार्यालयबाट ल्याउनु पर्ने र टि ओ डी मिटरको आबेदन स्वीकृत भए पछि प्रादेशिक कार्यालय हुँदै केन्द्रिय कार्यालय समेत गएर सफ्टवेयर राख्नु पर्ने हुन्छ , जसको लागि सवारी साधन आभाबको कारण पटक-पटक प्रादेशिक कार्यालय तथा केन्द्रिय कार्यालयमा जान समय लाग्ने भएकोले केहि समय लाग्ने गर्दछ ।

बिश्व कैंकको सहयोगमा सोलार ग्रिड प्रोजेक्टले जिल्लाका बिभिन्न क्षेत्रहरुमा पोल गाड्ने र कालो तार बिच्छाउने कार्य गर्दे छ  ? यसको बारेमा तपाईलाई कत्तीको जानकारी छ ? जानकारी छ भने केके काम भैरहेको छ बताईदिनुसन

नेपाल सरकारले आ.ब. २०७६/०७७ मा तोकेको ४१ पूर्ण विद्युतीकरण जिल्लामा यस अर्घाखाँची जिल्ला पनि पर्दछ । सोहि अनुरुप यस कार्यालयले कार्यक्रमहरु संचालन गर्दै आएको छ । त्यसै गरि यस कार्यलयको कार्य क्षेत्र भित्र सोलार ग्रिड एण्ड इनर्जी इफिसियन्सी आयोजनाले एच.टि. एल.टि. लाईन निर्माण गर्ने कार्य गरेको छ । तर उक्त आयोजनाकोले गरेको काम सन्तोष जनक छैन र समन्वय पनि नगरीनै काम गरेको छ, यसको विषयमा प्रोजेक्ट म्यानेजरलाई पटक-पटक जानकारी गराएका छौ ।

अन्त्यमा केही भन्न चाहानुहुन्छ ?

खास मैले भन्नु पर्ने त्यस्तो केहि छैन , आम ग्राहक महानुभावहरुलाई केहि गुनासो भएमा यस कार्यलयमा जानकारी गराईदिनुहुन अनुरोध छ  । समय अनि सम्बादको लागि यहाँलाई धन्यबाद छ ।

रेडियो शितगंगाका अध्यक्ष शर्मा द्धारा ह्यिल चियर र शौक्षिक सामाग्री बितरण

अराज बेल्बासे मंसिर २५ सितगंगा – रेडियो शितगंगाका अध्यक्ष नारायण शर्माले शितगंगा नगरपालिका ६ का ७७ बर्षिय रुद्र बहादेर दर्जी लाइ ह्लिल चियर बितरण गर्नु भएको छ । अपाङ्गता भएका ब्यक्ति लाई अध्यक्ष शर्माले घरमै पुगेर ह्यिल चियर बितरण गर्नु भएको हो । शितगंगा नगरपालिका ६ का वडा अध्यक्ष रिषि रेस्मी तथा अध्यक्ष शर्माले संयुक्त रुपमा ह्युल चियर बितरण गर्नु भएको हो । यस्तै सर्माले शितगंगा नगरपालिका ६ मा रहेको शिद्धार्थ आधारभुत बिद्यालयको बिद्यार्थीहरुलाइ शौक्षिक सामाग्री बितरण गर्नु भएको छ । बिद्यार्थीहरुको पढाइ प्रतिको आकर्षण बढोस भन्दै सम्पुर्ण बिद्यार्थीहरुलाइ कापि तथा कलम बितरण गर्नु भएकमे हो ।

आफुले समेत अध्ययन गरेको बिद्यालयका बिद्यार्थीलाई शौक्षिक सामाग्री बितरण गर्न पाउँदा खुशी लागेको शर्माले बताउनु भयो । यस्तै वडा अध्यक्ष रिषि रेस्मीले वडाले समेत ह्यिल चियर बितरण गरेको बताउदै छुट भएका वृद्धको लागि सहयोग गरेकोमा शर्मालाइ धन्यवाद दिनु भयो । साथै आफ्नै गाँउको बिद्यालयका बिद्यार्थीमा गरेको सहयोगले सबैमा सकारात्मक सन्देशसमेत प्रवाह भएको बताउदै दुरदराजका बिद्यालयमा कसैको नजर जपरे पनि सहयोगखबोकेर आएकोमा आभार ब्यक्त गर्दै वडाले समेत गुणस्तरिय शिक्षामा सधै तत्पर रहेको बताउन भयो । शौक्षिक सामाग्री बिद्यालयका ब्यवस्थापन समिति अध्यक्ष भिम बहादुर बिक प्रध्यानाध्यापक जीवन शर्मा लगायतको उपस्थितमा बिद्यार्थीहरुलाइ बितरण गरिको थियो ।

देशमा भ्रष्टाचार बढेकोले जनता सरकारप्रति रुष्ट भएका बनेका हुन : अध्यक्ष केसी

श्याम घिमिरे,मंसीर २५ अर्घाखाँची – राष्ट्रिय जनमोर्चा अर्घाखाँची जिल्ला अध्यक्ष थम्मन केसीले देशमा भ्रष्टाचार बढेकोले जनता सरकारप्रति रुष्ट भएको र प्रतिगामी शक्ति सल्बलाएको बताउनुभएको छ । बिहिबार अर्घाखाँचीको सदरमुकाम सन्धिखर्कमा राजमोले आयोजना गरेको विरोध सभालाई सम्बोधन गर्दे अध्यक्ष केसीले सरकार भ्रष्टाचारीहरुको संरक्षक बनेको बताउनुभयोे । राजतन्त्रको अन्त्य भए पछि जनताले सुसाशन होला भन्ने आशा गरेर बर्तमान सरकारलाई बहुमत दिएको बताउँदै अध्यक्ष केसीले सरकारले त्यसो गर्न नसक्दा जनताको भरोसा तोडेको बताउनु भयो ।

सरकारको भ्रष्ट क्रियाकलापको कारण राजावादीहरु पुनः सल्बलाउन थालेको भन्दै केसीले राजतन्त्र पुनःस्थापित हुनै नसक्के कुराको ठकुवा समेत गर्नुभयो । अध्यक्ष केसीले दलहरु आन्तरिक खिचलोमा फसेका कारण देशको राष्ट्रियता कमजोर भएको भन्दै केसीले संघीयताका कारण आन्दोलनका उपलब्धीहरु गणतन्त्र र धर्मनिरपेक्षता खतरामा परेको दाबि गर्नुभयो ।

कार्यक्रममा मनतब्य राख्दै राजमो जिल्ला सचिब बाबुराम पन्थी सुनारले संघीयताको अन्त्यविना देश सम्बृद्ध हुन नसक्ने भन्दै संघीयताको खारेजीनै अहिलेको पहिलो आबश्यकता भएको बताउनुभयोे । ‘गणतन्त्र, धर्मनिरपेक्षता र राष्ट्रियताको रक्षा गरौं, संघीयता र भ्रष्टाचारको विरुद्ध संघर्ष गरौं भन्ने मूल नाराका साथ आयोजित विरोध सभामा राजमोका स्थानिय नेता तथा कार्यकर्ताहरुको उल्लेखनिय सहभागीता रहेको थियो ।

प्रेस पास नवीकरण अब जिल्ला हुलाकबाटै

मंसिर २४, काठमाडौं ।  देशभर कार्यरत सञ्चारकर्मीहरुको प्रेस प्रतिनिधि प्रमाणपत्र तथा अनलाइन नवीकरण अबदेखि जिल्लास्थित हुलाक कार्यालयहरुबाटै हुने भएको छ । 

केन्द्रबाट प्रवाह भइआएको सेवालाई सहज र सरल बनाउने उद्देश्यले सरकारले जिल्ला हुलाक कार्यालयलाई यस्तो अधिकार प्रत्यायोजन गरेको हो । सञ्चार तथा सूचना प्रविधि मन्त्रालयले (मन्त्रिस्तरीय निर्णयमार्फत) ७७ वटै जिल्लामा रहेका हुलाक कार्यालय र हुलाक निर्देशनालयबाट प्रेस प्रतिनिधि प्रमाणपत्र तथा अनलाइन नवीकरण गर्न सकिने व्यवस्था गरेको हो । 

सञ्चार तथा सूचना प्रविधि मन्त्रालयमा आज आयोजित पत्रकार सम्मेलनमा मन्त्री पार्वत गुरुङले प्रेस पास लिन काठमाडौँ नै धाउनुपर्ने बाध्यात्मक अवस्थाको अन्त्य गर्दै सम्बन्धित जिल्लाबाटै प्रेस प्रतिनिधि प्रमाणपत्र तथा अनलाइन नवीकरण गर्ने गरी अधिकार प्रत्यायोजन गरिएको बताउनुभयो । “परिचयपत्र नवीकरणकै लागि पत्रकारले ठूलो आर्थिक व्ययभार व्यहोर्नुपर्ने, प्रेस पास लिने झण्झटिलो व्यवस्था, काठमाडौँ आउनुपर्ने, लामो लाइन बस्नुपर्ने, तत्काल परिचय पत्र नपाउने, पत्रकार महासङ्घलाई गुहार्नुपर्ने अवस्थालाई अन्त्य गर्न मन्त्रिस्तरीय निर्णयबाट ७७ जिल्लाका हुलाक कार्यालय र हुलाक निर्देशनालयबाट प्रेस प्रनिनिधि प्रमाणपत्र नवीकरण गर्न सकिने व्यवस्था गरिएको छ,” उहाँले भन्नुभयो । 

सम्बन्धित जिल्लाका हुलाक कार्यालयबाट प्रेस पास नवीकरण हुने व्यवस्था सँगसँगै नयाँ परिचयपत्र लिने पत्रकारका लागि पनि आवश्यक कागजपत्र सम्बन्धित जिल्लामा पेश गर्न सकिने व्यवस्था भएको छ । 

प्रेस पास नवीकरण गर्न सूचना तथा प्रसारण विभागमा ठूलो भीड लाग्दै आएको छ । प्रेस पास लिन तथा नवीकरण गर्न पत्रकारले विभागमा कोठाकोठा चाहार्दै घण्टौं बिताउर्नुे अवस्थाको यो व्यवस्थाले अन्त्य गर्नेछ । यसबाट विभागको कार्यबोझ घट्ने निश्चित छ भने निष्क्रिय प्रायः रहेका हुलाक कार्यालयहरुले जिम्मेवारी पाएका छन् । 

लामो समयसम्म पत्रकारितामा सक्रिय भएका तर विविध कारणले प्रेस प्रतिनिधि परिचयपत्र लिन नसकेका, अपाङ्गता जस्ता कारणले सूचना विभागसम्मको पुहँच नभएका पत्रकारलाई सहजै जिल्लाबाटै सेवा उपलब्ध हुने भएपछि निरन्तर कार्यक्षेत्रमा लाग्न चाहने सञ्चारकर्मीलाई बेरोकटोक काम गर्ने अवसर मिल्नेछ । यसले उनीहरुको मनोबल बढ्न गई अन्ततः समाचार प्रवाहमा गुणस्तरीयता आउने अपेक्षा गर्न सकिन्छ । 

नयाँ परियचपत्रका लागि पनि जिल्लाबाटै आवेदन दिने व्यवस्था मिलाउने प्रतिबद्धता सरकारबाट आउनु प्रशंसनीय छ । 

नेपाल पत्रकार महासङ्घले पनि सम्बन्धित जिल्लाबाटै प्रेस प्रतिनिधि परिचयपत्र नवीकरण गर्ने व्यवस्था मिलाउन सरकारको ध्यानाकर्षण गराउँदै आएको थियो । नेपाल पत्रकार महासङ्घले सम्बन्धित जिल्लाबाटै प्रेस पास तथा अनलाइन नवीकरण गर्न सकिने सरकारको निर्णयको स्वागत गरेको छ । महासङ्घका महासचिव रमेश विष्टले रासससँग कुराकानी गर्दैै सङ्घीय शासन प्रणालीमा अधिकारलाई विकेन्द्रीत गर्ने सिद्धान्तको कार्यान्वयन सञ्चार मन्त्रालयबाट भएको बताउनुभयो । “सञ्चार क्षेत्रमा सङ्घीयता त्यति धेरै अनुभूति गर्न पाइएको थिएन, यो निर्णयले अधिकार जिल्लातहमा विस्तार भएको छ । अब सेवा सहज हुन्छ,” उहाँले भन्नुभयो – “नीतिगरुपमा निर्णय भएको छ । यसलाई सरलीकृत गर्न पत्रकारका तर्फबाट पनि योगदान आवश्यक छ । सरकारको निर्णयको प्रभावकारी कार्यान्वयन गर्न पत्रकार महासङ्घ र सरकारले संयुक्तरुपमा अनुगमन गर्नुपर्छ ।”

सरकारको निर्णय कार्यान्वयनमा आउने जटिलतालाई हल गर्दै जानुपर्नेमा उहाँले जोड दिनुभयो । 

दुर्गमका पत्रकार उत्साहित

जिल्लाबाटै प्रेस पास नवीकरण गर्न व्यवस्थाले दुर्गम क्षेत्रमा रहेर पत्रकारिता गर्दै आएका पत्रकार उत्साहित बनेका छन् । नयाँ प्रेस पास लिन तथा नवीकरणका लागि राजधानी आउनुपर्ने अवस्था हुँदा अधिकाँश पत्रकारले प्रेस पास नै नलिई काम गर्दैआएका थिए । प्रेस पास लिएकाले निर्धारित समयमै नवीकरण गर्न सकेका थिएनन् । 

नेपाल पत्रकार महासङ्घ डोल्पाका संस्थापक अध्यक्ष विष्णुबहादुर बुढा जिल्लाबाटै प्रेस पास नवीकरण गर्न सकिने सरकारको निर्णयबाट दुर्गमका पत्रकारमा उत्साह थपेको बताउनुहुन्छ ।

महासङ्घमार्फत दुर्गमका पत्रकारले सम्बन्धित जिल्लाबाटै प्रेस पास नवीकरणको माग गर्दै आएका थिए । “हामीले लामो समयदेखि प्रत्येक फोरममा जिल्लाबाटै प्रेस पासको व्यवस्था हुनुपर्ने माग गर्दै आएका थियौँ,” उहाँले भन्नुभयो – “सरकारले ढिलै भए पनि जिल्ला हुलाक कार्यालयबाट प्रेस पास नवीकरण गर्ने व्यवस्था मिलाएको छ । हामी अत्यन्त खुशी भएका छौँ, सरकारलाई धन्यवाद दिन चाहन्छौँ ।”

प्रेस पास नवीकरणका लागि राजधानी नै आउनुपर्ने बाध्यात्मक अवस्था हुँदा आफ्नो प्रेस पास चार पटकसम्म नवीकरण गर्न नपाएको उहाँको भनाइ छ । “प्रेस पास नवीकरणका लागि तोकिएको समयमै काठमाडौँ जानुपर्ने अवस्था थियो, केही पत्रकारले प्रेस पास लिए पनि नियमित नवीकरण गर्न सकेका थिएनन्,” उहाँले भन्नुभयो – “अब प्रेस पास लिने तथा नियमित नवीकरण गर्नेको संख्या बढ्ने निश्चित छ ।” गतवर्ष प्रेस काउन्सिल नेपालको टोली डोल्पा आउँदा पनि आफूहरुले जिल्लाबाटै प्रेस पास नवीकरण गर्ने व्यवस्था मिलाइदिन आग्रह गरेको बुढाले स्मरण गर्नुभयो । 

विभागले चालु आवको प्रथम चौमासिकमा ६७८ नयाँ प्रेस प्रतिनिधि प्रमाणपत्र तथा परिचयपत्र जारी गरेको तथ्याँक छ । यही अवधिमा एक हजार २२० प्रमाणपत्र नवीकरण भए । यसैगरी स्वतन्त्र प्रेस पास चार, विदेशी पत्रकार प्रेस पास पाँच र अध्यक्ष÷प्रकाशक परिचयपत्र ४५ वटा जारी भएका छन् । सोही अवधिमा १६० वटा नयाँ अनलाइन दर्ता र १५१ अनलाइन नवीकरण गरिएको विभागले जनाएको छ । यस्तै १३ वटा पत्रिका स्थायी दर्ता सिफारिश र ५९ वटा पत्रिका अस्थायी दर्ता सिफारिश भएका छन् । रासस

फुटेको विवेकशील र साझा फेरि एक भएर बन्यो ‘विवेकशील साझा’

मंसिर २४,काठमाडौं : विवेकशील नेपाली दल र साझा पार्टी पुन: एकीकरण भएर विवेकशील साझा पार्टी  बनेको छ। दुई पार्टीको एकता घोषणा भने फेसबुक लाइभमा आएर गरिएको हो। विवेकशील साझाको केन्द्रीय अध्यक्षमा यसअघिका साझा पार्टीका रवीन्द्र मिश्र र संयोजकमा यस अघिका विवेकशील मिलन पाण्डे बनेका छन्। नयाँ बनेको पार्टीको २६ सदस्यीय सचिवालय तथा १ सय ३० जनाको केन्द्रीय समिति बनेको छ । समितिमा दुवै पार्टीका बराबर सदस्य रहनेछन्।  

गएको निर्वाचनमा अस्वभाविक हार बेहोरेपछि यी दुई पार्टीले एकीकरणको विषयमा छलफल अघि बढाएका थिए। अध्यक्ष मिश्रले गत निर्वाचनको मत परिणाम र जनचाहनाअनुसार पार्टी एक भएको बताए। संयोजक पाण्डे विवेकशील साझा पार्टी बैकल्पिक शक्ति बन्न र लोकतन्त्रको रक्षाका लागि तयार भएर आएको बताए।  एकीकृत पार्टीको एकता महाधिवेशन ६ महिनाभित्र गर्ने बताइएको छ।  
 
यसअघि एकीकरण भएर पनि फुटेका यी दुई पार्टीको अहिले एकीकरण प्रक्रियामा असन्तुष्ट विवेकशीलकी उपाध्यक्ष अजिता राईसहित १३ जना केन्द्रीय सदस्य एकीकरणमा सामेल भएनन्।  उनीहरुले विगतमा भएको मतभेदको विषयमा पूर्णरूपमा छलफल नगरी एकीकरणमा जान नहुने बताएका थिए।  तल्लो तहमा रहेका संगठन समायोजनको काम भने दुई महिनाभित्र सक्ने सम्झौता भएको छ।  

कोरोना संक्रमणका कारण धारापानीका एक पुरुषको निधन

श्याम घिमिरे मंसीर २४ अर्घाखाँची -अर्घाखाँची जिल्लाको भुमिकास्थान नगरपालिका वडानं. ४ धारापानीका एक पुरुषको कोरोना संक्रमणबाट निधन भएको छ । बुटवल स्थित लुम्बिनी प्रादेशिक अस्पतालद्धारा सन्चालीत कोरोना बिशेष अस्थायी अस्पतालमा उपचारको क्रममा मंगलबार राती साढे ९ बजे निधन भएको अस्पतालले जनाएको छ । अस्पतालले जारी गरेको प्रेस बिज्ञप्ती अनुसार ४० वर्षीय ति पुरुषको कोरोना संक्रमणका कारण निधन भएको हो ।

उनलाई मंसिर १७ गते ज्वरो र स्वासप्रश्वासमा समस्या देखिएपछि लुम्बिनी प्रादेशिक अस्पताल बुटबलमा भर्ना गरिएको थियो । उनको १७ गते कोरोना जाँचगर्दा कोरोना रिपोर्ट पोजेटिभ देखिएको अस्पतालले जनाएको छ । यो संगै अर्घाखाँचीमा कोरोना संक्रमणका कारण हालसम्म १ जनाको आत्महत्या सहित १२ जनाको ज्यान गईसकेको छ ।

जिल्लामा कोरोना संक्रमितको संख्या ६८३ पुगेको छ । संक्रमित मध्ये हालसम्म ६२२ जनाले डिस्चार्ज भएका छन । अब जिल्लामा ४९ जना सक्रिय संक्रमित आइसोलेसनमा रहेका छन् ।

काँग्रेस अर्घाखाँचीद्धारा क्रियाशिल सदस्यता वितरण र नवीकरण कार्य सम्पन्न,आजै सानेपामा बुझाईने

श्याम घिमिरे मंसीर २४ अर्घाखाँची -नेपाली काँग्रेस अर्घाखाँचीले पार्टीको १४ औं महाधिवेशनकोलागी क्रियाशिल सदस्यता वितरण र नवीकरण कार्य सम्पन्न गरेको छ । जिल्लाभरबाट झण्डै १२ हजार क्रियाशिल सदस्यता बितरण र नविकरण गरीएको काँग्रेस जिल्ला सभापति बिष्णु मुस्कानले जानकारी दिनुभयो ।

कुनै बिवाद बिना सदस्यता बितरण र नविकरण कार्य सम्पन्न भई आजै (बुधबार) काँग्रेस केन्द्रीय कार्यालय सानेपामा पार्टीका जिल्ला सचिब बिष्णु भुसालले हस्तान्तरण गर्ने कार्यक्रम रहेको समेत मुस्कानले बताउनुभयो । यो संगै १४ औं महाधिवेशनकोलागी क्रियाशिल सदस्यता वितरण र नवीकरण गर्ने अर्घाखाँची जिल्ला पहिलो जिल्ला भएको मुस्कानको भनाई रहेको छ ।

यसैबिच सभापति मुस्कानले सदस्यता वितरण कार्यमा सहयोग पु¥याउने वडासभापति ,पालिका सभापति तथा संयोजक,प्रदेश सभापति ,पदाधिकारी एवं जिल्ला समितिका पदाधीकारी ,कार्यालय सचिब,कम्प्युटर अपरेटर लगायत सम्बद्ध सबैलाई धन्यवाद ज्ञापन समेत प्रदान गर्नुभएको छ । क्रियाशिल सदस्यताको विवरण विहिवारदेखी पार्टीको वेबसाईटमा हेर्न सकिने काँग्रेसले जनाएको छ ।

पार्टी विधानले तोकेको कार्यविधि बमोजिम क्रियाशील सदस्यता वितरण र नवीकरण गरीएको काँग्रेस उपसभापति शान्ता भण्डारीले जानकारी दिनुभएको छ । काँग्रेसले १४ महाधिबेशन आगामी फागुनमा ७ मा गर्ने निर्णय गरेको छ ।

निशुल्क जग्गा उपलब्ध गराउने भट्टराई परीवारलाई राजमोद्धारा धन्यवाद ज्ञापन

श्याम घिमिरे ,मंसीर २४ अर्घाखाँची -अर्घाखाँची जिल्लाको सन्धिखर्क नगरपालीका वडानं.४ वाङलामा वडा कार्यालय भवन निर्माण गर्न निःशुल्क जग्गा उपलब्ध गराउने राष्ट्रिय जनमोर्चाका नेता शिद्धिप्रसाद भट्टराईलाई राष्ट्रिय जनमोर्चा ४ नं.वडासमितिले धन्यवाद ज्ञापन गरेको छ । अखिल नेपाल टे«ड युनियन महासंघ (अन्टुक) का जिल्ला अध्यक्ष एवं सामाजीक व्यक्तित्व समेत रहनुभएका भट्टराईले वार्ड नं. ४ को वडा कार्यालय भवन निर्माणको लागि करीब ८ लाख मूल्य बराबरको १ रोपनी जग्गा निशुल्क प्रदान गर्नुभएको हो ।

जग्गा प्रदान गरि सामाजिक कार्यमा योगदान पु¥याएको भन्दै उहाँ र उहाँको परिवारले पार्टीलाई गौरवको अनुभूती गराउनुका साथै आम नागरिकलाई पे्ररणा जगाएको भन्दै राष्ट्रिय जनमोर्चाले धन्यवाद ज्ञापन गरेको हो । राजमो ४ नं.वडाका का.वा. अध्यक्ष बुद्धिबहादुर रेश्मीले मंगलवार एक प्रेस विज्ञप्ती जारी गर्दै जग्गा प्रदान गर्ने शिद्धि भट्टराई र उहाँको सिंगो परीवारलाई प्रशंसा सहित धन्यवाद दिनुभएको हो ।

सन्धिखर्क नगरपालिका वडानं. ४ माझहटियामा रहेको सन्धिखर्क तम्घास मोटरबाटोसंग जोडिएको उक्त जग्गा भट्टराईले आफ्नी ममतामयी माता स्व.भिमकला भट्टराईको स्मृतिमा निशुल्क प्रदान गर्नुभएको हो । भट्टराईको यस उच्च प्रकारको कार्यमा साथ सहयोग र पे्ररणा दिने जिवन संगिनीहरु वेलकुमारी भट्टराइ, मिनिकला भट्टराई, छोराबुहारीहरु हुतराज भट्टराइ, रामजी भट्टराइ, लक्ष्मी भट्टराइ,सुन्दरा भट्टराइ लगायत सम्पुर्ण परीवारजनप्रति राष्ट्रिय जनमोर्चा धन्यवाद ज्ञापन प्रकट गर्दछ बिज्ञप्तीमा भनिएको छ ।

बेलायतमा कोरोना विरुद्धको खोप दिन सुरु, ९० वर्षकी महिला पहिलो प्रयोगकर्ता

 मंसिर २३, काठमाण्डाै – बेलायतमा कोराना विरुद्धको खोप दिन सुरु गरिएको छ । फाइजर बायोटेक कम्पनीले बनाएको खोप ९० वर्षकी महिलालाई दिएर सुरुवात गरिएको बीबीसीले जनाएको छ । पहिलो खोप लगाउनुभएकी ९० वर्षीया महिला मार्गरेट केननले आफू कोरोना विरुद्धको खोप लगाउने पहिलो भाग्यमानी हुन पाएकोमा गर्व लागेको बताउनुभएको छ ।

फाइजर कम्पनीले बनाएको यो खोप उमेर ढल्किएका र कोरोनाको उच्च जोखिममा रहेका व्यक्तिलाई दिइने छ । यो खोप लाखौँ जनामा प्रयोग हुने बीबीसीले जनाएको छ । कोरोना विरुद्धको खोप आम नागरिकमा प्रयोगको गर्न दिनेमा बेलायत पहिलो देश बनेको छ ।

सगरमाथाकाे नयाँ उचाइ ८८४८.८६ मिटर

मंसिर २३, काठमाण्डाै – सगरमाथाकाे नयाँ उचाइ ८८४८.८६ मिटर कायम भएकाे छ । मङ्गलबार नेपाल र चीन बीचकाे संयुक्त बैठकमा परराष्ट्रमन्त्री प्रदीप ज्ञवाली र चिनियाँ विदेशमन्त्री वाङ यीको सहभागितामा दुई देशको संयुक्त भर्चुअल समारोहमार्फत सगरमाथाको नयाँ उचाइ सार्वजनिक गरिएको हो । नेपालले आफ्नै साधन, स्रोत र जनशक्ति प्रयोग गरी पहिलो पटक मापन गरिएको सगरमाथाको नयाँ उचाइ सार्वजनिक गरेकाे हो । दुई वर्ष अघिदेखिको सर्वेक्षणबाट प्राप्त विवरण चीनका समकक्षी प्राविधिक तथा निर्देशक समिति तहमा छलफल भइ सगरमाथाको उचाइ सार्वजनिक गरिएकाे हाे । चीनका राष्ट्रपति सी चिनफिङ गएकाे वर्ष नेपाल भ्रमणमा आएको बेला सगरमाथाको उचाइ संयुक्त रूपमा घोषणा गर्ने सहमति भएको थियो । आधुनिक तथा परम्परागत दुवै विधि अवलम्बन गरी सगरमाथाको उचाइ मापन गरिएको हो ।

यसअघि भारतले सन् १९५४ मा सगरमाथाको उचाइ मापन गरेको हो । त्यतिबेलाको मापनमा प्राप्त उचाइ आठ हजार आठ सय ४८ मिटरलाई नेपालले मान्यता दिएको छ । सन् १९९९ मा अमेरिकाले र सन् २००५ मा चीनले सगरमाथाको उचाइ मापन गरेका थिए ।अमेरिकाको मापनमा आठ हजार ८५० मिटर उचाइ निस्किएको थियो भने चीनले गरेको मापनमा आठ हजार ८४४ मिटर थियो । चीनले गरेको मापनमा हिउँलाई घटाएर चट्टान भागको मात्र उचाइ लिइएको थियो । यसपटक हिउँ सतहसहित सगरमाथाको मापन गरिएको हो ।  source:ujyaaloonline

अर्घाखाँचीमा कोरोना संक्रमितको संख्या ६८२ यथावत,आज शितगंगाबाट ३ जना डिस्चार्ज, अब ४९ जना आईसोलेशनमा

श्याम घिमिरे मंशिर २२ अर्घाखाँची – अर्घाखाँचीमा कोरोना संक्रमितको संख्या ६८२ यथावत रहेको । यसअघि आईतबार सन्धिखर्क नगरपालीकामा एकैपटक १५ जनामा कोरोना संक्रमण पुष्टी भएसंगै जिल्लामा कोरोनाबाट संक्रमित हुनेको संख्या ६८२ पुगेको हो । यस्तै पछिल्लो २४ घण्टामा शितगंगा नगरपालीकाबाट ३ जना डिस्चार्ज भएसंगै हालसम्म ६२२ जना डिस्चार्ज भएका छन । अब जिल्लामा ४९ जना सक्रिय संक्रमितहरु आइसोलेसनमा रहेका छन् ।

जसमा सन्धिखर्क नगरपालीकामा ४४ जना, भुमिकास्थान नगरपालीकामा १ जना, मालारानी गाउँपालीकामा २ जना र छत्रदेबमा २ गरी जम्मा ४९ जना आइसोलेसनमा रहेको जिल्ला प्रशासन कार्यालय अर्घाखाँचीका सहायक प्रजिअ बिक्रम थापाले जानकारी दिनुभएको छ । संक्रमणका कारण हालसम्म १ जनाको आत्महत्या सहित ११ जनाको भने ज्यान गईसकेको छ ।

कर्मचारीमा कोरोना संक्रमण देखीएपछि मालपोत कार्यालय अर्घाखाँची बन्द

श्याम घिमिरे,मंसीर २२ अर्घाखाँची -मालपोत कार्यालय अर्घाखाँचीमा कार्यरत एकजना कर्मचारीमा कोरोना संक्रमण देखिएपछि कार्यालयको नियमित सेवा बन्द भएको छ । मालपोत कार्यालय अर्घाखाँचीमा कार्यरत एकजना कर्मचारीमा कोरोना पोजेटिभ देखिएको र अन्य कर्मचारीहरुसमेत जोखीममा रहेको भन्दै मंसिर २९ गते सम्मको लागी कार्यालयबाट प्रबाह हुने नियमित सेवाहरु बन्द गरिएको मालपोत कार्यालय अर्घाखाँचीका प्रमुख ताराप्रसाद पोख्रेलले जानकारी दिनुभयो । संक्रमित कर्मचारीको आईतबार पिसिआर परिक्षण गराउदा कोरोना पोजेटिभ देखिएको कार्यालयले जनाएको छ ।

जनज्योति माबिमा बिद्यालय व्यवस्थापन समितिको अध्यक्षमा बन्जाडे चयन


श्याम घिमिरे ,मंसिर २१ अर्घाखाँची -सन्धिखर्क नगरपालिका २ चुत्राबेसीमा रहेको जनज्योति माध्यमिक बिद्यालयमा बिद्यालय ब्यबस्थापन समितिको गठन भएको छ । आईतवार बिद्यालयमा बसेको भेलाले सन्धिखर्क २ चुत्राबेसि निवासि स्थानिय बुद्धिजीवी हुमप्रसाद बन्जाडेलाई बिद्यालय व्यवस्थापन समितिको अध्यक्षमा चयन गरेको हो ।

समितिको सदस्यहरूमा कमलप्रसाद घिमिरे ,बेदुराम भुसाल,मुना सिंह ठकुरी ,यमकला रायमाझी ,गोमा भुसाल , पदेन सदस्यमा वडाअध्यक्ष मोतिजंग रायमाझी र सदस्य सचिवमा बिद्यालयका प्रअ पशुपति भुसाल चयन हुनुभएको बिद्यालयले जनाएको छ । शिक्षक प्रतिनिधि भने आउन बाँकी रहेको छ । सन्धिखर्क नगर शिक्षा प्रमुख तथा बिद्यालय व्यवस्थापन समिति गठन समितिका संयोजक उपसचिब युगल नारायण बस्सेलको संयोजनमा समिति गठन कार्य सम्पन्न भएको हो ।

महिलामाथि भइरहेका हत्या, हिंसा, बलात्कार जस्ता जघन्य अपराध रोक्नुपर्ने माग राख्दै अनेमसंघ अर्घाखाँचीले प्रजिअलाई ज्ञापनपत्र बुझायो

श्याम घिमिरे, मंसीर २२ अर्घाखाँची – महिलामाथि भइरहेका हत्या, हिंसा, बलात्कार जस्ता जघन्य अपराध तत्कालै रोक्नुपर्ने तथा महिलाहरूलाई समान अधिकार दिएर सामाजिक समानता कायम गर्नुपर्ने मागका साथ राष्ट्रिय जनमोर्चा निकट अखिल नेपाल महिला संघ अर्घाखाँचीले आईतवार प्रमुख जिल्ला अधिकारी बिष्णु पौडेललाई ज्ञापनपत्र बुझाएको छ । केन्द्रीय स्तरको कार्यक्रम अनुसार जिल्ला प्रशासन कार्यालयमा पुगी ज्ञापनपत्र बुझाइएको अखिल नेपाल महिला संघ अर्घाखाँची अध्यक्ष सकुन्तला रानाले जानकारी दिनुभयो ।

ज्ञापनपत्र बुझाउन अखिल नेपाल महिला संघकी केन्द्रीय महासचिब तथा अर्घाखाँची जिल्ला अध्यक्ष सकुन्तला राना, जिल्ला सचिब कल्पना पोख्रेल, उषा पुन, साबित्रा दमासे, राधा आचायर्, सिता गैरे लगायतको प्रतिनिधि मण्डल जिल्ला प्रशासन कार्यालयमा गएको हो । ज्ञापनपत्र बुझदै प्रजिअ पौडेलले महिलाहरुमाथी भईरहेका सबैखाले अपराधहरुलाई रोक्न आफुहरु लागी परीरहेको बताउनु भयो पौडेलले महिलाहरुका जायज मागहरुलाई राज्यले पनि सम्बोधन गर्नेमा जोड दिनुभयो ।

वडा कार्यालय भवन बनाउन निशुल्क जग्गा दान


सन्धिखर्क एफएम ,मंसीर २० अर्घाखाँची -सन्धिखर्क नगरपालिका वडा नम्वर ४ को वडा कार्यालय भवन निर्माणकालागि स्थानीय शिद्धि प्रसाद भट्टराईले निशुल्क जग्गा दान दिनु हुने भएको छ । वाङलाको हटियामा रहेको जग्गा दिएपछि वडा कार्यलय भवन निर्माण हुने भएको हो ।

उक्त स्थानको सन्धिखर्क नगरपालिकाका नगरप्रमुख कमल प्रसाद भुसाल, उप प्रमुख ठाकुर कुमार बिक, सन्धिखर्क नगरपालिकाका वडा नम्वर ३ का वडनअध्यक्ष तथा नगर प्रबक्ता लिलाराम गौतम, सन्धिखर्क ४ का वडाअध्यक्ष कृष्ण प्रसाद श्रेष्ठ, सदस्य उमेश अधिकारी, नगरपालिकाका प्राविधिकहरु हरी बोहोरा, नारायण पोख्रेल, नेपाल पत्रकार महासंघका प्रदेश सदस्य प्रेमनारायण आचार्य, स्थानिय वावु खड्का लगायतले स्थलगत अवलोकन गरेका हुन ।

वडाको बिच भागमा पर्ने जग्गा उपलब्ध गराएकोमा नगर प्रमुख कमल प्रसाद भुसाल र उपप्रमुख ठाकुर कुमार बिकले जग्गादाता लाई धन्यवाद दिनु भएको छ । जग्गादाता सिद्धिप्रसाद भट्टराई राष्ट्रिय जनमोर्चाका जिल्ला स्तरका नेता हुनुहुन्छ भने उहाँका कान्छो छोरा रामजी भट्टराई सिंचाई विकास डिभिजन कार्यलय अर्घाखाँचीमा कार्यरत हुनुहुन्छ । सामाजिक उत्तरदायित्वको भावनालाई प्रमाणित गर्न पाउँदा आफूलाई निकै खुशी लागेको जग्गा दाता भट्टराईको प्रतिक्रिया रहेको छ ।

अर्घाखाँची आइतवार थप १५ जनामा कोरोना संक्रमण ,९ जना डिस्चार्ज, अब ५२ जना आईसोलेशनमा

श्याम घिमिरे ,मंसीर २२ अर्घाखाँची -अर्घाखाँचीमा कोरोना संक्रमितको संख्या ६८२ पुगेको छ । आईतबार सन्धिखर्क नगरपालीकामा एकैपटक १५ जनामा कोरोना संक्रमण पुष्टी भएसंगै जिल्लामा कोरोनाबाट संक्रमित हुनेको संख्या ६८२ पुगेको छ । यस्तै पछिल्लो २४ घण्टामा सन्धिखर्क नगरपालीकाबाट ९ जना डिस्चार्ज भएसंगै हालसम्म डिस्चार्ज हुनेको संख्या ६१९ पुगेको छ ।

अब जिल्लामा ५२ जना सक्रिय संक्रमितहरु आइसोलेसनमा रहेका छन् । जसमा सन्धिखर्क नगरपालीकामा ४४ जना,शितगंगामा ३ जना ,भुमिकास्थान नगरपालीकामा १ जना, मालारानी गाउँपालीकामा २ जना र छत्रदेबमा २ गरी जम्मा ५२ जना आइसोलेसनमा रहेको जिल्ला प्रशासन कार्यालय अर्घाखाँचीका सहायक प्रजिअ बिनोद खनालले जानकारी दिनुभएको छ । संक्रमणका कारण हालसम्म १ जनाको आत्महत्या सहित ११ जनाको भने ज्यान गईसकेको छ ।

सन्धिखर्क १० मा महिला हिंसा र कानूनी प्राबधान सम्बन्धि तालिम शुरु

प्रेमनारायण आचार्य सन्धिखर्क २० मंसीर – अर्घाखाँचीको सन्धिखर्क नगरपालिका वडा नम्वर १० मा महिला हिंसा र कानूनी प्राबधान सम्बन्धि चार दिने तालिम आज देखि शुरु भएको छ । महिला सञ्जाल सन्धिखर्क १० को आयोजना र वडा नम्वर १० को आर्थिक सहयोगमा शुरु भएको तालिममा वडा भित्रका महिलाहरुको सहभागिता रहेको छ ।

महिला सञ्जालकी अध्यक्ष मिश्रा आचार्यको अध्यक्षतामा शुरु भएको तालिमको उद्धाटन समारोहमा सन्धिखर्क नगरपालिका वडा नम्वर १० का वडा सदस्य चमकला भुसाल, शान्ता नेपाली, नेपाल पत्रकार महासंघका प्रदेश सदस्य प्रेमनारायण आचार्य लगायतले मन्तब्य राख्नु भएको थियो । तालिमको सहजीकरण अधिबक्ताहरु केवी भुसाल , विजय केसी र नारायण खत्रीले गर्नु भएको छ । कार्यक्रम महिला सञ्जालकी अध्यक्ष मिश्रा आचार्यको अध्यक्षता, सचिव कमला पराजुलीको सञ्चालन र सहसचिव हिरा खनालको स्वागत मन्तब्यमा सम्पन्न भएको हो ।

नरपानीमा “वातावरण र पर्यटनबीचको अन्र्तसम्बन्ध” विषयक अन्र्तक्रिया कार्यक्रम सम्पन्न, पर्यटन प्रवद्र्धन गर्न वातावरणको संरक्षण गर्नु पर्नेमा बक्ताहरुको जोड

सन्धिखर्क एफएम ,मंसीर २१ अर्घाखाँची – अर्घाखाँची जिल्लाको सन्धिखर्क नगरपालीका वडानम्वर ६ नरपानीमा “वातावरण र पर्यटनबीचको अन्र्तसम्बन्ध” विषयक अन्र्तक्रिया कार्यक्रम सुक्रवार सम्पन्न भएको छ । खाँचीकोट–नरपानी वातावरण सरोकार समूहले आयोजना गरेको सन्धिखर्क नगरस्तरीय सर्वदलीय र सर्वपक्षीय अन्तरक्रिया कार्यक्रममा प्रमुख अतिथिको रुपमा मनतब्य राख्दै सन्धिखर्क नगरपालिकाका नगरप्रमुख कमल प्रसाद भुसालले नरपानी–खाँचीकोट क्षेत्र सहित अर्घाखाँची जिल्लालाई पर्यटकीय गन्तव्यका रुपमा विकास गर्न जिल्लाका सबै शक्ति मिलेर अघि बढ्नु पर्ने बताउनु भयो । उहाँले पछिल्लो समय पर्यटन प्रवद्र्धन बिकासको क्षेत्रमा नगरले गम्भीरता पुर्बक कामगरीरहको भन्दै नगर क्षेत्र भित्रका पर्यटन पुर्वाधारहरुको बिकासमा नगरपालीका सधैब हातेमालो गरी अघि बढ्ने प्रतिबद्धता समेत जनाउनु भयो ।

कार्यक्रममा मनतब्य राख्दै नेपाली काँग्रेस सन्धिखर्क नगर सभापति विनोद आचार्यले वातावरण चिन्ताको विषय भएको हुँदा आवश्यकताले बनेका प्राकृतिक सम्पदाहरुको संरक्षण गर्नु पर्ने बताउनु भयो । उहाँले नरपानीमा चुनढुङ्गा उत्खनन् बन्द भए जस्तै खाँचीकोटमा पनि बन्द गरेर सबै शक्ति पर्यटन प्रर्वद्धनमा लाग्नु पर्नेमा जोड दिनु भयो ।

राष्ट्रिय जनमोर्चाका नगर अध्यक्ष कमल प्रसाद घिमिरेले खाँचीकोटको समेत चुनढुङ्ग उत्खनन् बन्द गरेर वातावरण संरक्षण गर्दै अर्घाखाँचीको नरपानी र खाँचीकोट क्षेत्रलाई पर्यटकीय गन्तव्यका रुपमा विकास गर्ने आफ्नो पार्टीको घोषित नीति र निर्णयनै भएकोले सबै राजनैतिक शक्तिलाई सोही दिशामा लाग्न अनुरोध गर्नु भयो ।

सन्धिखर्क नगरपालिका वडानं.६ नरपानीका वडाअध्यक्ष कृष्ण आचार्यले नरपानीले चुनढुङ्गा उत्खनन् बिर्सिसकेकोले खाँचीकोटले पनि सधंैको लागि उत्खनन् त्यागेर पर्यटन उद्योगको विकासमा हातमालो गर्नु पर्ने बताउँनु भयो ।

सन्धिखर्क नगरपालिका वडानं.७ का वडासदस्य विष्णु प्रसाद भुसालले चुनढुङ्गा उत्खनन् गरेपनि बन्द गरेपनि एकमतले गर्नु पर्ने बताउँनु भयो ।

आदर्श मा.वि. खाँचीकोटका प्र.अ. डिल्लीराज थापाले खाँचीकोटमा चुनढुङ्गा उत्खनन् गर्दा इआएका मापदण्डहरु पुरा नगरिएको र नियमनकारी निकायबाट अनुगमन समेत नभएको बताउँनु भयो ।
सोही बिद्यालयका शिक्षक गणेश थापाले टाठाबाठालाई नबोल्ने बनाएपछि इआईए लागू गर्ने नपर्ने रहेछ भन्दै गुनासो गर्नुभयो ।

नेकपा ६ नं. वडाका वडाअध्यक्ष श्रीधर महत्राले राजनैतिक शक्तिहरुले दोहोरो भूमिका खेल्न नहुने बताउनु भयो । नेपाली काँग्रेस ६ नं. वडा सभापति बुद्धि न्यौंपानेले नरपानीले जस्तै खाँचीकोटले पनि वातावरण संरक्षण गरेमा आफुहरुको साथ रहनेमा प्रतिबद्धता समेत ब्यक्त गर्नुभयो । राष्ट्रिय जनमोर्चा ७ नं. वडा खाँचीकोटका अध्यक्ष दिलदार हुसेनले खाचीकोटको चुनढुङ्गा उत्खनन् सधैका लागि बन्द गरेर वातावरणलाई सुरक्षित, संरक्षित, स्वच्छ र सुन्दर बनाएर खाँचीकोट र नरपानीलाई देशका उत्कृष्ट पर्यटकीय गन्तव्य बनाउनु पर्ने बताउनु भयो ।

नेपाली काँग्रेस ७ नं. वडा खाँचीकोटका प्रतिनिधि गोपाल प्रसाद भुसालले वातावरणलाई नोक्सान पु¥याउदा पर्यटक नआउने बताउदै सधैकालागी चुनढुङ्गा उत्खनन् बन्द गर्नु पर्नेमा जोड दिनुभयो । राष्ट्रिय जनमोर्चा ६ नं. वडाका अध्यक्ष पूर्ण बहादुर चँुदालीले पर्यटकीय गन्तव्यको विकास गर्न वातावरण संरक्षित हुनै पर्ने तर खाँचीकोटको उत्खनन्ले वातावरण खलबलिएको बताउँनु भयो । स्थानीय विद्यार्थी विष्णु थापाले पश्चिम भारतका पहाड भन्दा महाभारत श्रृंखला धेरै सुन्दर भएकोले त्यसको संरक्षण गर्नु पर्ने बताउँनु भयो ।

स्थानिय शिक्षक गणेश थापाको सन्चालनमा सम्पन्न कार्यक्रममा वातावरण अभियान्ता पदम केसीले विषयवस्तु प्रस्तुतिकरण गर्नुभएको थियो । कार्यक्रममा नेकपा, नेपाली काँग्रेस र राष्ट्रिय जनमोर्चाका स्थानिय नेता, पर्यटन र वातावरणका सरोकारवाला व्यक्तिहरुको उपस्थिति रहेको थियो । स्रोत : पदम केसी नरपानी

सनिवार अर्घाखाँचीमा थप ८ जनामा कोरोना संक्रमण ,संक्रमितको संख्या ६६७ पुग्यो (कुन पालीकामा कति संक्रमित बिबरण सहित हेर्नुहोस)

श्याम घिमिरे,मंसीर २१ अर्घाखाँची – अर्घाखाँचीमा कोरोना संक्रमितको संख्या ६६७ पुगेको छ । सनिवार सन्धिखर्क नगरपालीकामा ८ जनामा कोरोना संक्रमण पुष्टी भएसंगै जिल्लामा कोरोनाबाट संक्रमित हुनेको संख्या ६६७ पुगेको छ । संक्रमित मध्ये हालसम्म ६१० जना डिस्चार्ज भएका छन । अब जिल्लामा ४६ जना सक्रिय संक्रमितहरु आइसोलेसनमा रहेका छन् ।

जसमा सन्धिखर्क नगरपालीकामा ३८ जना,शितगंगामा ३ जना ,भुमिकास्थान नगरपालीकामा १ जना, मालारानी गाउँपालीकामा २ जना र छत्रदेबमा २ गरी जम्मा ४६ जना आइसोलेसनमा रहेको जिल्ला प्रशासन कार्यालय अर्घाखाँचीका प्रजिअ बिष्णु पौडेलले जानकारी दिनुभएको छ । संक्रमणका कारण हालसम्म १ जनाको आत्महत्या सहित ११ जनाको भने ज्यान गईसकेको छ ।

ज्यान गुमाउनेहरुमा सन्धिखर्क नगरपालीकाका ४ जना,शितगंगा नगरपालीकाका २ जना,भुमिकास्थान नगरपालीकाका २ जना,मालारानी गाउँपालीकाका १ जना र पाणिनी गाउँपालीकाका २ जना गरी हालसम्म ११ जनाको ज्यान गईसकेको छ ।

हालसम्म कुन पालीकामा कति संक्रमित बिबरण सहित हेर्नुहोस ।

सन्धिखर्क नगरपालीकामा ३०७ जना,
भुमिकास्थान नगरपालीकामा १२८ जना,
शितगंगा नगरपालीकामा १०३ जना ,
मालारानी गाउँपालीकामा ७८ जना ,
छत्रदेब गाउँपालीकामा ३० जना
पाणिनी गाउँपालीकामा २१ जना

मालारानी ३ खनदहमा सामाजिक सुरक्षा तथा व्यक्तिगत घटना दर्ता कार्य अनलाइन प्रणालीबाट शुभारम्भ,वडाबासीलाई सरल र सहज तरिकाले सेवा प्रवाह गर्न नयाँ अभ्यासको थालनी गरिएको वडाअध्यक्ष खनालको भनाइ

सन्धिखर्क एफएम मंसिर १९ – अर्घाखाँचीको मालारानी गाउँपालिका–३ खनदहमा सामाजिक सुरक्षा तथा व्यक्तिगत घटना दर्ता कार्य अनलाइन प्रणालीबाट बिहिबार एक कार्यक्रमका बीच शुभारम्भ गरिएको छ । वडा कार्यालयमा खिमानन्द खनाल र प्रमिला खनालकी छोरी प्रश्बी खनाललाई अनलाइन प्रणाली मार्फत जन्मदर्ताको प्रमाणपत्र प्रदान गरि शुरुवात गरिएको छ । पहिलो सेवाग्राही उनीहरूलाई अभिर र फुलमाला लगाएर सेवा दिइएको छ । वडाअध्यक्ष शोखाभर खनालले शुभारम्भ गर्दै अनलाइन प्रणालीबाट दर्ताको काम शुरुवात भएको बताए ।

वडाबासीलाई सरल र सहज तरिकाले सेवा प्रवाह गर्न नयाँ अभ्यासको थालनी गरिएको बताए । नेपाली कांग्रेस मालारानी गाउँ कार्यसमितिका सभापति समेत रहेका खनालले वडाको विकास र समृद्धिको लागि योजनाबद्ध ढंगले काम भैरहेको बताए । वडाका हरेक विकास योजनाका काम द्रुत गतिमा अघि बढेको र छिटो छरितो एवं प्रभावकारी ढंगले अघि बढाउँदै मालारानी गाउँपालिकाको वडा नम्बर ३ लाई विकासमा नमूना वडाको रुपमा उभ्याउन आफु निरन्तर लागि परेको बताए । वडा सचिव कमल चौहानले सेवाग्रहीलाई सरल र सहज ढंगले सेवा प्रवाहका कामलाई प्रभावकारी बनाइएको उनले बताए ।

छिटो छरितो ढंगले काम गर्न आफुहरु कटिबद्ध रुपमा निरन्तर खटिरहेको वडा सचिव चौहानले बताए । शुभारम्भ कार्यक्रममा कान्तिपुर दैनिकका उप–सम्पादक तथा नेपाल प्रेस युनियनका जिल्ला अध्यक्ष वीरेन्द्र केसी, वडा कार्यालयका कर्मचारी सुना पोखरेल, तारा पुन र भुवन खनाल लगायतको उपस्थिति रहेको थियो ।

राष्ट्रिय जनमोर्चाका सदस्य हर्कबहादुर सुनारको ८७ बर्षको उमेरमा निधन

गोपाल भट्टराई अर्घाखाँची मंसिर १९ – अर्घाखाँचीको भुमिकास्थान नगरकार्यपालिका सदस्य कृष्ण सुनारलाई पितृशोक परेको छ । राष्ट्रिय जनमोर्चाका नेता समेत रहनुभएका सुनारका बुवा हर्क बहादुर सुनारको बुधबार निधन भएपछि उहाँको परिवारमा पितृशोक परेको हो । दमको समस्यासंग लड्दै आउनुभएका ८७ बर्षिय हर्क बहादुरले गएराती आफ्नै निवास धारापानीमा मृत्युबरण गर्नुभएको परिवार स्रोतले जनाएको छ । दलित आन्दोलनका अगुवा तथा असल कम्युनिष्ट सदस्य हर्कबहादुरलाई राष्ट्रिय जनमोर्चाका केन्द्रिय सदस्य झविलाल थापाले पार्टीको झन्डा ओडाएर सम्मान सहित श्रदान्जली दिएपछि आजै गच्छेघाटमा दाहसंस्कार गरिएको राजमो जिल्ला सचिव बाबुराम पन्थीले जानकारी दिनुभएको छ ।

राष्ट्रिय जनमोर्चाका नेताहरु शेर बहादुर बि.सी.,सागर के.सी.,यमलाल पोख्रेल,नेकपा मसालका प्रवक्ता पशुपती ढकाल,जिल्ला अध्यक्ष थम्मन के.सी.,गोविन्द वि.सी.नगर प्रमुख रेसम थापा,उप–प्रमुख खडानन्द वेल्वासे लगायतको उपस्थितिमा सम्पन्न शोकसभामा बोल्दै नेता झविलाल थापाले पार्टीको कुशल सदस्य गुमाउनुपर्दा राष्ट्रिय जनमोर्चालाई अपुरणिय क्षति भएको बताउनुभएको छ । नेता थापाले स्वर्गीय सुनारले दलित आन्दोलन,समाज सुधार,राजतन्त्रको अन्त्य र गणतन्त्रको स्थापनार्थ ठुलो योगदान पु¥याएको भन्दै निधनप्रति दुःख व्यक्त गर्नुभएको छ । शोक सभाको संचालन राजमो उपाध्यक्ष गोपाल पौडेलले गर्नुभएको थियो ।

प्राथमिक उपचार आपतकालिन स्वास्थ्य सम्बन्धि अभिमुखीकरण कार्यक्रम सम्पन्न

प्रेमनारायण आचार्य अर्घाखाँची १९ मंसीर – अर्घाखाँचीको सन्धिखर्कमा समुदायमा आधारित स्वास्थ्य तथा प्राथमिक उपचार आपतकालिन स्वास्थ्य कार्यक्रम सम्बन्धि अभिमुखीकरण कार्यक्रम बिहिबार सम्पन्न भएको छ । नेपाल रेडक्रस सोसाइटी अर्घाखाँची शाखाको आयोजनामा सम्पन्न भएको कार्यक्रममा मन्तब्य राख्दै नेपाल रेडक्रस सोसाइटीका केन्द्रिय सदस्य तथा लिुम्विनी प्रदेश सभापति शम्भु प्रसाद पोख्रेलले प्रत्येक समुदाय र घरघरमा प्राथमिक स्वास्थ्यकर्मीको उत्पादन गर्ने रेडक्रसको योजना रहेको बताउनु भयो । उहाँले आपतकालिन अबस्था र महामारीको समयमा प्राथमिक उपचारनै पहिलो उपचार विधि हुने बताउनु भयो ।

सन्धिखर्क नगरपालिकाका नगर प्रमुख कमल प्रसाद भुसालले महामारीको निराकरण गर्न सबै पक्ष एक ढिक्का भएर लाग्नु पर्ने बताउनु भयो । महामारी र आपतकालिन अबस्थामा बिकासका काम भन्दा पहिलो प्राथमिकता जनतालाई बचाउनु पहिलो उदेश्य हुने बताउनु भयो । कार्यक्रममा सनिधखर्क नगरपालिकाका नगर उपप्रमुख ठाकुर कुमार बिक, अर्घाखाँची अस्पतालका प्रमुख डाक्टर कपिल गौतम, नेपाल रेड क्रस सोसाइटीका प्राथमिक उपचार महाशाखा प्रमुख शिवराज गौतम, जिल्ला सभापति कुशल भुसाल, कार्यक्रम संयोजक राजु राउन, जिल्ला स्वास्थ्य कार्यलयका राधाराम आचार्य, सनिधखर्क नगरपालिकाका स्वास्थ्य शाखा प्रमुख पुर्ण पराजुली, लगायतले मन्तब्य राख्नु भएको थियो ।

कार्यक्रम नेपाल रेडक्रस सोसाइटी अर्घाखाँचीका सभापति कुशल भुसालको अध्यक्षता, मन्त्री चन्द्रप्रसाद बन्जाडेको स्वागत मन्तब्य र उपसभापति राधा नेपालीको सञ्चालनमा सम्पन्न भएको हो ।

बिहिवार अर्घाखाँचीमा थप ८ जनामा कोरोना संक्रमण ,संक्रमितको संख्या ६५९ पुग्यो

श्याम घिमिरे, मंसीर १९ अर्घाखाँची – अर्घाखाँचीमा कोरोना संक्रमितको संख्या ६५९ पुगेको छ । बिहिबार सन्धिखर्क नगरपालीकामा ६ जना भुमिकास्थान नगरपालीकामा १ र मालारानी गाउँपालीकामा १ जना गरी ८ जनामा कोरोना संक्रमण पुष्टी भएसंगै जिल्लामा कोरोनाबाट संक्रमित हुनेको संख्या ६५९ पुगेको छ । संक्रमित मध्ये हालसम्म ६१० जना डिस्चार्ज भएका छन । अब जिल्लामा ३८ जना सक्रिय संक्रमितहरु आइसोलेसनमा रहेका छन् ।

जसमा सन्धिखर्क नगरपालीकामा ३० जना,शितगंगामा ३ जना ,भुमिकास्थान नगरपालीकामा १ जना, मालारानी गाउँपालीकामा २ जना र छत्रदेबमा २ गरी जम्मा ३८ जना आइसोलेसनमा रहेको जिल्ला प्रशासन कार्यालय अर्घाखाँचीका सहायक प्रजिअ बिक्रम थापाले जानकारी दिनुभएको छ । संक्रमणका कारण हालसम्म १ जनाको आत्महत्या सहित ११ जनाको भने ज्यान गईसकेको छ ।

रामचन्द्र पौडेल रिहा, सरकारले शक्तिको दुरूपयोग गरेको आरोप

मंसिर १७, काठमाडौं  : प्रमुख प्रतिपक्षी नेपाली कांग्रेसका वरिष्ठ नेता रामचन्द्र पौडेल रिहा भएका छन्। पक्राउ गरेको करिब ६ घण्टापछि पौडेललाई जिल्ला प्रहरी कार्यालय तनहुँले रिहा गरेको हो। उनलाई प्रहरीले तनहुँको व्यास नगरपालिका-१ तालघरेबाट नियन्त्रणमा लिएको थियो। रिहा भएपछि कार्यकर्तालाई सम्बोधन गर्दै पौडेलले केपी ओली नेतृत्वको सरकारले शक्तिको चरम दुरुपयोग गरेको आरोप लगाएका छन्। 

पौडेललाई जिल्ला प्रहरी कार्यालयको टोलीले बुधबार दिउँसो निषेधाज्ञा उलंघन गरेको आरोपमा नियन्त्रणमा लिएको थियो। पौडेल पुल उद्‍घाटनमा जाँदा सत्तारुढ नेकपानिकट राष्ट्रिय युवा संघले अवरोध गर्न खोजेपछि झडपको अवस्था आएको थियो। यसैबीच वरिष्ठ नेता पौडेलमाथि भएको धरपकड र गिरफ्तारीलाई लिएर कांग्रेस नेताहरुले आक्रोश पोखेका छन्। source:thahakhabar

रामचन्द्र पौडेललाई तत्काल रिहा गर्न कांग्रेस अर्घाखाँचीको माग,पौडेलप्रतिको दुव्र्यवहार र गिरफ्तारी सर्वसत्तावादको संकेत

२०७७ मङ्सिर अर्घाखाँची -नेपाली कांग्रेसका बरिष्ठ नेता रामचन्द्र पौडेललाई प्रहरीले गरेको गिरफ्तारी प्रति नेपाली कांग्रेस अर्घाखाँचीले निन्दा गरेको छ । जिल्ला सचिव विष्णु प्रसाद भुसालले एक प्रेस विज्ञप्ती जारी गर्दै सरकारले देखाएको निन्दनीय ब्यवहारको भत्सर्ना गर्दै तत्काल रिहा गर्न माग गर्दै अन्यथा उत्पन्न हुने परिस्थितिको सामनाका लागि तयार भएर बस्न सरकारलाई चेतावनी दिनु भएको छ ।

रामचन्द्रको पक्राउप्रति देउवाको आक्रोश : सरकारविरुद्ध देशव्यापी प्रतिरोध गर्ने

मंसिर १७काठमाडौं : नेपाली कांग्रेसका वरिष्ठ नेता रामचन्द्र पौडेललाई पक्राउ गरेपछि सभापति शेरबहादुर देउवाले त्यसको विरोध गरेको छन्। तनहुँमा पुलको उद्घाटन गर्न पुगेको नेता पौडेललाई प्रहरीले नियन्त्रणमा लिएपछि उनले रिहाइको माग गरेका हुन्। 

सभापति देउवाले बुधबार  विज्ञप्ति निकालेर तत्काल रिहाको माग गरेका छन्।  नेता पौडेलप्रतिको दुर्व्यवहार र गिरफ्तारी सर्वसत्तावादको संकेत भएको आरोप  लगाएका छन्। 

सरकारको यो निन्दनीय व्यवहारको भर्त्सना गर्दै तत्काल उहाँलाई रिहाइ गर्न, अन्यथा उत्पन्न हुने परिस्थिति सामनाका लागि तयार बस्न म सरकारलाई चेतावनी दिन चाहन्छु,’ उनले भनेका छन्।

वर्तमान सरकारको अधिनायकवादीको आकांक्षा को जग भएको यो घटनाप्रति कडा विरोध गर्दै अधिनायकवादी अभिष्‍टलाई पूरा हुन नदिन नेपाली कांग्रेस एकढिक्का हुने चेतावनीसमेत दिएका छन्। 

स्थानीय प्रशासनले लगाएको निषेधाज्ञा तोडेको आरोपमा प्रहरीले नेता पौडेललाई नियन्त्रणमा लिएको छ। तनहुँमा पुल उद्घाटन कार्यक्रमका क्रममा कांग्रेस र नेकपानिकट युवा संघबीच विवाद भएपछि निषेधाज्ञा जारी गरिएको छ। 

अर्घाखाँचीमा कोरोना संक्रमितको संख्या ६५१ , अब ३० जना आईसोलेशनमा,हालसम्म ११ जनाको ज्यान गयो

श्याम घिमिरे मंसिर १७ – अर्घाखाँचीमा कोरोना संक्रमितको संख्या ६५१ यथावत रहेको छ । संक्रमित मध्ये हालसम्म ६१० जना डिस्चार्ज भएका छन । अब जिल्लामा ३० जना सक्रिय संक्रमितहरु आइसोलेसनमा रहेका छन् । जसमा सन्धिखर्क नगरपालीकामा २४ जना,शितगंगा नगरपालीकामा ३ जना, मालारानी गाउँपालीकामा १ जना र छत्रदेब गाउँपालीकामा २ जना गरी जम्मा ३० जना आइसोलेसनमा रहेको जिल्ला प्रशासन कार्यालय अर्घाखाँचीका सहायक प्रजिअ बिक्रम थापाले जानकारी दिनुभएको छ । संक्रमणका कारण हालसम्म १ जनाको आत्महत्या सहित ११ जनाको ज्यान गईसकेको छ । कोरोनाका कारण ज्यान गुमाउनेहरुमा सन्धिखर्क नगरपालीकाका ४ जना,शितगंगाका २ जना,भुमिकास्थानका २ जना,मालारानीका १ जना र पाणिनीका २ जना गरी हालसम्म ११ जनाको ज्यान गईसकेको छ ।

अपाङ्गता भएकाहरु प्रतिको व्यवहारमा सकारात्मक धारणा ल्याउनुपर्नेमा सरोकारवालाको जोड

बसन्त श्रेष्ठ छापेली मंसिर १५ – अपाङ्गता भएकाहरु प्रतिको व्यवहारमा सकारात्मक धारणा ल्याउनुपर्नेमा सरोकारवालाले जोड दिएका छन । २९ औँ अपांगता दिवशको अवसरमा मालारानी गाउँपालिकामा अपाङ्गगता भएका व्यक्तीहरुको अधिकार सम्बन्धि अभिमुखीकरण कार्यक्रममा गाउँपालिका उपाध्यक्ष प्रमिला क्षेत्रीले अपाङ्गता भएकालाई अवशरसँगै सकारात्मक धारणा जरुरी रहेको बताउनुभयो । उपाध्यक्ष क्षेत्रीले अपाङ्गता भएकाहरु पनि अवसर पाएको खण्डमा उल्लेख्य प्रगति गरेको उदाहरण रहेको उल्लेख गर्नुभयो ।

बिकलाङ्ग वाल अस्पताल तथा पुनस्थापना केन्द्रको आयोजना, मालारानी गाउँपालिकाको समन्वय र श्रृजनशील अपाङ्गता सरोकार केन्द्रको सहकार्यमा भएको कार्यक्रममा मालारानी गाउँपालिका वडा नं ८ का वडाध्यक्ष नरेन्द्र कुमार बस्नेतले नीतिगत रुपमै मालारानी गाउँपालिकाले अपाङ्गता भएकाहरुलाई बिभिन्न अवसर श्रृजना गरिदै आएको बताउनुभयो । वडा नं ६ का वडाध्यक्ष खड्का प्रसाद भुसालले अपाङ्गता भएकाहरुको क्षेत्रमा पुनस्थापनाका लागि बजेट बिनियोजन गर्ने प्रतिबद्धता व्यक्त गर्नुभयो । वडा नं ३ का वडाध्यक्ष शोभाखर खनालले सामाजिक रुपमा उच्च समानको वातावरण श्रृजना गर्दै लगिने बताउनुभयो ।

गाउँपालिकाका योजना अधिकृत तथा सूचना अधिकारी नेत्र खनालले अपाङ्गता भएकाहरुको आवाजको बहिस्करणमा नपार्ने गरी गाउँपालिकाले अवसरहरुको प्रदान गर्दै आएको बताउनुभयो । साथै उहाँले नयाँ बन्ने कार्यालयका संरचनाहरु अपाङ्गमैत्री बनाउन थालिएको उल्लेख गर्नुभयो ।

कार्यक्रममा श्रृजनशील अपाङ्गता सरोकार केन्द्रका अध्यक्ष फर्सुराम पाण्डेले अपाङ्गता भएका व्यक्तीहरुको अधिकार तथा सवाल मागि प्रकाश पार्नुभएको थियो । सक्षम परियोजनाका पुनस्थापना सहायक रक्षा पाण्डे, नारायण खनाल लगायतले परियोजनाले गरेको कार्यहरु माथि प्रकाश पारेको कार्यक्रममा पत्रकार महासंघका जिल्ला सदस्य बसन्त श्रेष्ठले सहजीकरण गर्नुभएको थियो । परियोजनाले १८ वर्ष भन्दा कम उमेरका वालवालिकाको उपचार तथा पुनस्थापनाको क्षेत्रका काम गर्दै आएको छ ।

संघीयता धान्नै नसक्ने अवस्थामा देश पुगेको राष्ट्रिय जनमोर्चाकाे ठहर

गोपाल प्रसाद भट्टराई मंसिर १५-देशले अब संघीयता धान्नै नसक्ने अवस्थामा पुगेको राष्ट्रिय जनमोर्चा अर्घाखाँचीले ठहर गरेको छ । संघीयता धान्न लिइएको वैदेशिक ऋणले देशलाई थिच्दै गएको भन्दै राजमोका नेताहरुले अब संघीयताको भारी बिसाउने बेला आएको बताएका हुन् । राष्ट्रिय जनमोर्चाले देशब्यापी आयोजना गरेको संघीयता विरुद्धको कार्यक्रम अन्तर्गत आइतबार सन्धिखर्कको शान्तिबंगैचामा आयोजित सभालाई सम्बोधन गर्दै राजमो अध्यक्ष थम्मन के।सी।ले देशमा देखिएका धेरै समस्याको कारक संघीयता भएको जिकिर गर्नुभएको छ । समृद्ध मुलुक निर्माणको लागि संघीयताको खारेजी नै अहिलेको टट्कारो आवस्यकता भएको उहाँको भनाई छ ।

‘अहिले देशमा गम्भीर आर्थिक संकट पैदा भएको छ, वैदेशिक ऋण थपिँदै गएको छ, अब देशले संघीयता धान्न सक्दैन,अध्यक्ष के।सी।ले भन्नुभयो, यो उखेलेर फ्याँक्नुपर्छ । यसका लागि नेपाली जनता बेलैमा सचेत हुनुपर्दछ ।’ देश र जनता कोरोनाले थिंचिएका बेला सरकारका मन्त्रीहरु भ्रष्टाचारमा केन्द्रित हुनु दुर्भाग्य भएको भन्दै उहाँले आक्रोस पोख्नुभएको छ ।

फरक प्रसङ्गमा अध्यक्ष के।सी।ले नेकपा भित्र देखिएको आन्तरिक किचलोले देशलाई गम्भीर क्षतितर्फ धकेलेको भन्दै सत्तारुढ दललाई आन्तरिक सहमतिबाट निकास खोज्न आग्रह समेत गर्नुभएको छ । राजमो जिल्ला सचिव बाबुराम पन्थीको संचालनमा सम्पन्न कार्यक्रमलाई नेकपा मसालका जिल्ला प्रवक्ता पशुपति ढकालले मन्तव्य राख्दै सत्तारुढ दल कुर्सिको लडाइमा भुल्दा मुलुक अप्ठ्यारोमा परेको बताउनुभएको छ । सरकार बेलैमा सचेत नभए मुलुकलाई बिचौलिया र भ्रष्टाचारीले टाट पल्टाउने जिकिर गर्दै जनता जाग्नेबेला आएको समेत बताउनुभएको छ । संघीयता,कोराना भाइरस,राष्ट्रियता र भ्रष्टाचारका सन्दर्भमा सरकारले अपनाएको गलत नीति तथा कार्यक्रमका विरुद्ध राजमोले देशब्यापी विरोधको आयोजना गरेको हो ।

५ महिनादेखि बन्द भएको कार्यपालिका सुचारु

गोपाल प्रसाद भट्टराई मंसिर १५- अर्घाखाँचीको भुमिकास्थान नगरपालिकामा ५ महिनादेखि बन्द भएको कार्यपालिका आइतबारबाट सुचारु भएको छ । नुवाकोट स्थित नगर कार्यालयमा नगरप्रमुख रेसम थापा,उप–प्रमुख खडानन्द वेल्वासे र नगर प्रवक्ता बाबुराम पन्थी बिच भएको त्रिपक्षिय बैठकले बिवादमा आएका बिषयलाई आवस्यकता अनुसार सच्याएर जाने सहमती गरेपछि नगर कार्यपालिका आजबाट सुचारु भएको हो । नगर प्रमुख रेसम थापाले कार्यपालिका माइन्युटमा किर्ते गरेको आरोप लगाउँदै उप–प्रमुख वेल्वासे र नगर प्रवक्ता पन्थीको समुहले गरेको बिरोध सतहमा आएपछि भुमिकास्थान नगरपालिकामा गत असार २५ गतेदेखि औपचारिक कार्यपालिका बस्न सकेको थिएन ।

कोरोना कहरको बिचमा लामो समयदेखि कार्यपालिका अबरुद्ध हुँदा सेवा प्रवाहमा प्रभाव परेको र विकास निर्माणमा असर पर्ने अवस्था आएपछि आज बसेको त्रिपक्षिय बैठकले यस अगाडि आएका बिवाद र बिरोधका बिषयमा सच्चाएर जाने सहमती भएको नगर प्रवक्ता बाबुराम पन्थीले जानकारी दिनुभएको छ । खासगरि दुइवटा बैठकमा निर्णय भएभन्दा बढि बिषय समावेश भएको पाइएपछि हामीले बिरोध गर्नुपरेको हो,नगरप्रमुख रेसम थापाज्युबाट नियतबस त्यस्तो कमजोरि नगरेको भन्दै नगरपालिकाको अहितमा भएका कमजोरि सच्याएर जाने प्रस्ताव आयो नगर प्रवक्ता पन्थीले भन्नुभयो,त्यसलाई हामीले स्विकार गरियो र बन्द रहेको कार्यपालिका सुचारु गर्ने सहमती बनेको छ । उहाँले अगाडि थप्नुभयो,अब हामी नगरपालिकाको विकासमा एक ढिक्का भएर अगाडि बढ्ने छौं ।

यसैविच बन्द रहेको कार्यपालिका खुलेसंगै भुमिकास्थान नगरपालिकामा आजै कार्यपालिका बैठक समेत बसेको छ । बैठकले संघिय सरकारको सहयोगमा बन्ने १५ शैयाको नगर अस्पताल नुवाकोटको चिदिचौरमा बनाउने र भोली मंसिर १५ गते एक बिशेष कार्यक्रमको बिच सिलन्यास गर्ने निर्णय गरेको नगरपालिकाले जनाएको छ । संघिय सरकारले देशैभरका ७ सय ५३ वटै पालिकामा ५ देखि १५ शैयाको अस्पताल सन्चालन गर्ने योजना बनाएअनुसार भुमिकास्थानमा पनि १५ शैयाको अस्पताल निर्माण हुनेभएपछि स्थानियमा खुशियाली छाएको छ ।

अर्घाखाँचीमा कोरोना संक्रमितको संख्या ६४९ यथावत, ६१० जनाले कोरोनालाई जिते, अब २९ जना आईसोलेशनमा


श्याम घिमिरे ,मंसीर १४ अर्घाखाँची – अर्घाखाँचीमा कोरोना संक्रमितको संख्या ६४९ यथावत रहेको छ । संक्रमितमध्ये हालसम्म ६१० जना कोरोना संक्रमणमुक्त भएका छन । अहिले जिल्लाको सन्धिखर्क नगरपालीकामा २३ जना, शितगंगा नगरपालीकामा ३ जना, मालारानी गाउँपालीकामा १ जना र छत्रदेब गाउँपालीकामा २ जना गरी जम्मा २९ जना सक्रिय संक्रमितहरु आईसोलेशनमा रहेको जिल्ला प्रशासन कार्यालय अर्घाखाँचीका सहायक प्रजिअ बिक्रम थापाले जानकारी दिनुभएको छ । संक्रमणका कारण हालसम्म १ जनाको आत्महत्या सहित १० जनाको ज्यान गईसकेको छ ।

प्यानल तोडेर व्यवसायीको हितमा काम गर्ने चन्द्र ढकालको प्रतिवद्धता

मंसिर १४, काठमाण्डाै – नेपाल उद्योग वाणिज्य महासंघको वरिष्ठ उपाध्यक्षमा चन्द्र ढकाल विजयी हुनुभएको छ । महासंघको ५४ औ वार्षिक साधारण सभामा शनिबार भएको निर्वाचनमा निकटतम प्रतिद्वन्द्वी किशोर प्रधानलाई पराजित गर्दै ढकाल महासंघको वरिष्ठ उपाध्यक्षमा विजयी हुनुभएको हो । वस्तुगततर्फको उपाध्यक्षमा अञ्जन श्रेष्ठ र जिल्ला नगरतर्फको उपाध्यक्षमा दिनेश श्रेष्ठ तथा एसोसियटतर्फको उपाध्यक्षमा रामचन्द्र संघाई निर्वाचित हुनुभएको छ ।

महासंघमा जिल्ला नगरतर्फको मतको ५० प्रतिशत हिस्सा हुन्छ । ढकाल समूहमा कुल १ सय ५ मत खसेकोमा ढकालले ५२ मत र प्रधानले ५३ मत ल्याउनुभएको थियो । त्यस्तै ३० प्रतिशत हिस्सा रहेको एसोसियटमा ८ सय ९७ सदर मतमध्ये ढकालले ५ सय २२  र प्रधानले ३ सय ७५ मत पाउनुभएको थियो  । त्यसैगरी ६० जना कार्यकारणी सदस्य निर्वाचित हुनुभएको छ । 

निर्वाचित भएपछि वरिष्ठ उपाध्यक्ष ढकालले आफूले सबै व्यवसायीका प्रतिनिधित्व गरेको र आफ्नो जित भनेको व्यवसायीको जित भएको प्रतिक्रिया दिनुभयो । आफूले प्यानल तोडेर व्यवसायीको हितमा काम गर्ने उहाँले प्रतिवद्धता जनाउनुभयो ।

उहाँले भन्नुभयो, ‘मैले यो भन्दा पहिला पनि भनेको थिएँ । हामीहरुको पक्ष विपक्ष भनेको १३ गते साँझसम्म मात्रै हो ।  आजदेखि हाम्रो पक्ष विपक्षभन्दा पनि सबै निजी क्षेत्रको आवाज उठाउने हो । निर्वाचित हामी सबैले व्यवसायीका सम्बन्धमा एउटै आवाज उठाउनेछौँ भन्ने जानकारी गराउन चाहन्छु । निजी क्षेत्रले नियमनकारी निकायसँग गर्ने एड्भोकेसी हामीले गर्नेछौ । मेरो जित भनेको सम्पूर्ण व्यावसायीक साथीहरुको प्रतिनिधिको रुपमा भएको छ ।’

यस्तै एसोसियटतर्फको उपाध्यक्षमा विजयी रामचन्द्र संघाईले उद्योगहरुमा आइपरेका समस्या र श्रमिकको समस्या समाधानका लागि आफ्नो पहल हुने प्रतिक्रिया दिनुभयो । उहाँले निर्यातमुलक उद्योगमा सामेल भएको हुनाले स्वदेशी उत्पादनमा वृद्धि गरेर निर्यात बढाउनेतर्फ आफ्नो ध्यान केन्द्रीत हुने बताउनुभयो ।

जिल्ला नगरतर्फको उपाध्यक्षमा विजयी दिनेश श्रेष्ठले जिल्ला नगर वाणिज्य संघाई आफैंमा सवल र सक्षम बनाउनुको साथै व्यावसायिक ज्ञान वृद्धि लगायततर्फ आफ्नो पहल हुने बताउनुभयो । त्यसैगरी साना व्यवसायी र मझौला व्यवसायीलाई सक्षम र सवल बनाउँदै पूँजीमा पहुँच स्थापित गर्ने तर्फ आफ्नो प्रयास हुने उहाँले उल्लेख गर्नुभयो ।

वस्तुगततर्फको उपाध्यक्षमा विजयी अञ्जन श्रेष्ठले वस्तुगत संघको विश्वासमा आफूले निर्वाचन जितेकाले उनीहरुका हितका लागि काम गर्ने प्रतिवद्धता जनाउनुभयो । उहाँले लगानीको अवसर र वातावरणसँगै सुरक्षाको वातावरण मिलाउने कामका लागि विशेष पहल गर्ने बताउनुभयो । source:ujyaaloonline

उद्योग वाणिज्य महासंघको वरिष्ठ उपाध्यक्षमा चन्द्र ढकाल विजयी

मंसिर १३,काठमाण्डाै – नेपाल उद्योग वाणिज्य महासंघको वरिष्ठ उपाध्यक्षमा चन्द्र ढकाल विजयी हुनुभएको छ । हिजो भएको चुनावमा वरिष्ठ उपाध्यक्षका अर्का उम्मेदवार किशोर प्रधानलाई पराजित गर्दै उहाँ निर्वाचित हुनुभएको हो । नवनिर्वाचित ढकालले शेखर गोल्छापछि महासंघको नेतृत्व सम्हाल्नुहुनेछ । महासंघको विधानअनुसार वरिष्ठ उपाध्यक्ष नै अध्यक्ष हुने भएकाले अहिलेको कार्यकालमा गोल्छा र त्यसपछि ढकाल अध्यक्ष बन्नुहुने भएको हो ।

३० प्रतिशत मत भार रहेको एशोसिएटमा चन्द्र ढकालले ५ सय २२ र किशोर प्रधानले ३ सय ७५ मत, २० प्रतिशत मत भार रहेको वस्तुगतमा चन्द्र ढकालले ५९ र किशोर प्रधानले ३९ तथा ५० प्रतिशत मत भार रहेको जिल्ला नगरतर्फ चन्द्र ढकालले ५२ र किशोर प्रधानले ५३ मत ल्याउनुभएको छ । महासंघको वस्तुगततर्फको उपाध्यक्षमा प्रधान पक्षका अञ्जन श्रेष्ठ, जिल्ला नगरतर्फ पनि प्रधानपक्षकै दिनेश श्रेष्ठ र एसोसिएट्सतर्फ ढकाल पक्षका रामचन्द्र संघई विजयी भएका छन् ।। जिल्ला नगरतर्फको केन्द्रीय कार्यकारिणी सदस्य पदमा प्रधान प्यानलको वर्चस्व छ ।

काेराेना भाइरस : पहिलो चरणमा अमेरिकामा ६४ लाख खाेप वितरणको तयारी

मंसिर १०,काठमाण्डाै – संयुक्त राज्य अमेरिकाले पहिलो हप्तामा फाइजरले निर्माण गरेको कोभिड–१९ को खोप वितरण गर्ने योजना अघि सारेको छ । अमेरिकी नियामक निकायबाट आपत्कालीन प्रयोगका लागि स्वीकृति पाएलगत्तै सम्भवतः डिसेम्बरमा यो खोप पहिलो चरणमा ६४ लाख व्यक्तिमा लगाइने छ । 

अमेरिकी खाद्य तथा औषधि प्रशासन (एफडीए) को एक कमिटीको आउँदाे डिसेम्बर १० मा बस्ने बैठकले यसबारेमा निर्णय गर्नेछ । अमेरिकामा कोरोना भाइरसबाट सङ्क्रमित व्यक्तिको ज्यान गएकाे सङ्ख्या र नयाँ सङ्क्रमितको सङ्ख्या बढेका कारण पनि खोपलाई आपत्कालीन प्रयोग गर्नुपर्ने अवस्था सिर्जना भइसकेको विज्ञहरूले बताएका छन् । 

अमेरिकी सरकारको ‘अपरेशन वार्प स्पीड’ का प्रमुख अपरेशन अधिकृत जनरल गुस्ताभ पर्नाले डिसेम्बरको अन्त्यसम्ममा झण्डै खोपको चार करोड खेप (मात्रा) उपलब्ध भइ सक्ने बताएका छन् । त्यस तथ्याङ्कमा मोडर्नाले तयार पारेको खोप पनि समावेश छ । गएकाे हप्ता निकै प्रभावकारी रहेको भन्दै विवरण सार्वजनिक भएकाले मोडर्नाको खोपलाई पनि आपत्कालीन प्रयोगमा ल्याइने सम्भावनाका बारेमा छलफल भइरहेको पर्नाले बताए ।  

फाइजरको खोप निकै चिसो अर्थात् माइनस ७० डिग्री सेल्सियस तापक्रममा राख्नुपर्ने हुन्छ । त्यही कारण कम्पनीले १५ दिनसम्म खोपलाई सुरक्षित राख्न मिल्ने गरी विशेष भण्डारणको व्यवस्था मिलाएको छ । पर्नाले सबै अमेरिकी राज्यहरूलाई जनसङ्ख्याका आधारमा समानुपातिक रूपमा खोप वितरण गरिने पनि जानकारी दिए । सङ्घीय सरकारले कसलाई प्राथमिकता दिनुपर्ने भन्नेबारेमा सिफारिस गर्नेछन् जसमा सम्भवतः वृद्ध, उच्च जोखिम, र अग्रणी कामदारहरू रहने छन् ।  

राजसंस्था माग्दै पोखरामा जुलुस, गुन्जियो ‘श्रीमान गम्भीर नेपाली ….

मंसिर १०, पोखरा : पोखरामा बुधबार राजसंस्था पुनर्वहाली माग गर्दै प्रदर्शन भएको छ। देशमा गणतन्त्र आइसकेपछि हटाइएको राष्ट्रिय गान ‘श्रीमान गम्भीर नेपाली …’ गुन्जाउँदै राजसंस्थाको खोजी गरिएको हो। कार्यक्रममा सहभागीहरुले राजसंस्था, हिन्दू राष्ट्र, हिन्दू धर्मसहितको राज्य व्यवस्था माग गर्दै सभा गरेका थिए। त्यही क्रममा राजतन्त्रको समयमा रहेको राष्ट्रिय गान गाइएको हो। गणतन्त्र आउनुअघि नेपालमा चक्रपाणी चालिसेले रचना गरेकाो श्रीमान् गम्भीर नेपाली…सार्वजनिक समारोह र विद्यालयमा गुन्जिन्थ्यो। 

राजावादी र हिन्दूवादी भनिनेहरुले पनि सार्वजनिक कार्यक्रममा यो राष्ट्रिय गान नगाएको अवस्थामा पोखराबाट यसको सुरुवात भएको हो। राजवादीहरुको र्‍यालीपछिको कोणसभाका क्रममा आएका प्रयत्न श्रेष्ठले देशका लागि भन्दै श्रीमान गम्भीर नेपाली…गाएका हुन्। उनले त्यसपछि ‘रातो र चन्द्र सूर्य जंगी निशान…’ हाम्रो गीत गुन्जाए। नेपालमा अहिले व्याकुल माइलाले रचेको सयौं थुंगा फूलका हामी…’ राष्ट्रिय गान प्रचलित छ। पोखराको सभामा बोल्दै शिव सेना नेपालका केन्द्रीय अध्यक्ष अनिल बस्नेतले यो कार्यक्रम कुनै दलविरुद्ध नभइ देश बचाउन गरिएको जिकिर गरेका थिए। source:thahakhabar

नेपालमा कोरोनाका सक्रिय सङ्क्रमितको सङ्ख्या १६ हजार ६ सय ३९

मंसिर १०, काठमाण्डाै – नेपालमा कोरोनाका सक्रिय सङ्क्रमितको सङ्ख्या घटेर १६ हजार ६ सय ३९ पुगेको छ । गएको २४ घण्टामा तीन हजार एक सय ४० जना सङ्क्रमणमुक्त भएका छन् । योसँगै नेपालमा कोरोनामुक्त हुनेको सङ्ख्या दुई लाख सात हजार नौ सय ९८ पुगेको छ ।  यस्तै बुधबार एक हजार नौ सय ४८ जनामा कोरोना भाइरसको सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । योसँगै नेपालमा कोरोना सङ्क्रमितको कुल सङ्ख्या दुई लाख २६ हजार २६ पुगेको छ ।  गएको २४ घण्टामा नौ हजार दुई सय १० जनाको पीसीआर परीक्षण भएको थियो । यस्तै बुधबार कोरोना भाइरसको सङ्क्रमणबाट २८ जनाको ज्यान गएसँगै ज्यान गुमाउनेको सङ्ख्या एक हजार तीन सय ८९ पुगेको छ ।  

अर्घाखाँचीमा एकैदिन १७ जनाले कोरोना संक्रमणलाई जिते, अब १२ जना आईसोलेशनमा


श्याम घिमिरे
मंसीर १० अर्घाखाँची –

अर्घाखाँचीमा एकैदिन १७ जना कोरोना संक्रमीत निको भएर डिस्चार्ज भएका छन । बुधबार जिल्लाको सन्धिखर्क नगरपालीकाबाट १७ जनाले कोरोनालाई जितेर डिस्चार्ज भएको जिल्ला प्रशासन कार्यालय अर्घाखाँचीले जनाएको छ । कुल ६३१ संक्रमितमध्ये हालसम्म जिल्लामा कोरोना संक्रमणबाट मुक्त हुनेको संख्या ६१० पुगेको छ ।

अहिले जिल्लाको सन्धिखर्क नगरपालीकामा ९ जना र शितगंगा नगरपालीकामा ३ जना गरी जम्मा १२ जना मात्रै सक्रिय संक्रमितहरु आईसोलेशनमा रहेका छन भने जिल्लाका अन्य ४ पालीकामा सक्रिय संक्रमितको संख्या शुन्य रहेको जिल्ला प्रशासन कार्यालय अर्घाखाँचीका सहायक प्रजिअ बिनोद खनालले जानकारी दिनुभएको छ । संक्रमणका कारण हालसम्म १ जनाको आत्महत्या सहित ९ जनाको ज्यान गईसकेको छ ।

आईतवार सन्धिखर्कबाट ६ जनाले कोरोना संक्रमणलाई जिते, अब ४८ जना आईसोलेशनमा


श्याम घिमिरे
पौष २६ अर्घाखाँची- अर्घाखाँचीमा ६ जना कोरोना संक्रमीत निको भएर डिस्चार्ज भएका छन । आईतवार जिल्लाको सन्धिखर्क नगरपालीकाबाट ६ जनाले कोरोनालाई जितेर डिस्चार्ज भएको जिल्ला प्रशासन कार्यालय अर्घाखाँचीले जनाएको छ । कुल ७६८ संक्रमितमध्ये हालसम्म जिल्लामा कोरोना संक्रमणबाट मुक्त हुनेको संख्या ७०७ पुगेको छ ।

अहिले जिल्लाको सन्धिखर्क नगरपालीकामा १२ जना, शितगंगा नगरपालीकामा १ जना,भुमिकास्थान नगरपालीकामा २ जना,मालारानी गाउँपालीकामा ६ जना,पाणिनी गाउँपालीकामा १२ जना र छत्रदेब गाउँपालीकामा १५ जना गरी जम्मा ४८ जना सक्रिय संक्रमितहरु आईसोलेशनमा रहेको जिल्ला प्रशासन कार्यालय अर्घाखाँचीका सहायक प्रजिअ बिनोद खनालले जानकारी दिनुभएको छ । संक्रमणका कारण हालसम्म १ जनाको आत्महत्या सहित १३ जनाको भने ज्यान गईसकेको छ ।

हालसम्म कुन पालीकामा कति संक्रमित बिबरण सहित हेर्नुहोस ।

हालसम्म संक्रमितको संख्या (७६८ जना)
सन्धिखर्क नगरपालीकामा ३६९ जना
भुमिकास्थान नगरपालीकामा १३२ जना
शितगंगा नगरपालीकामा १०६ जना
मालारानी गाउँपालीकामा ८५ जना
छत्रदेब गाउँपालीकामा ४९ जना
पाणिनी गाउँपालीकामा ३३ जना

हालसम्म डिस्चार्ज हुनेको संख्या (७०७ जना)
सन्धिखर्क नगरपालीकाबाट ३४६ जना
भुमिकास्थान नगरपालीकाबाट १२७ जना
शितगंगा नगरपालीकाबाट १०३ जना
मालारानी गाउँपालीकाबाट ७८ जना
छत्रदेब गाउँपालीकाबाट ३४ जना
पाणिनी गाउँपालीकाबाट १९ जना

हालसम्म मृत्यु हुनेको संख्या (१३ जना)

सन्धिखर्क नगरपालीकामा ५ जना
भुमिकास्थान नगरपालीकामा ३ जना
शितगंगा नगरपालीकामा २ जना (१ जना आत्म हत्या सहित)
मालारानी गाउँपालीकामा १ जना
छत्रदेब गाउँपालीकामा ––––
पाणिनी गाउँपालीकामा २ जना

हाल उपचाररत (४८जना)
सन्धिखर्क नगरपालीकामा १२ जना
भुमिकास्थान नगरपालीकामा २ जना
शितगंगा नगरपालीकामा १ जना
मालारानी गाउँपालीकामा ६ जना
छत्रदेब गाउँपालीकामा १५ जना
पाणिनी गाउँपालीकामा १२ जना

पत्रकारिता क्षेत्रलाई धरासायी हुन दिदैनौ –अध्यक्ष आचार्य


श्याम घिमिरे,
पौष ६ अर्घाखाँची –
नेपाल पत्रकार महासंघका केन्द्रिय अध्यक्ष गोविन्द आचार्यले कोभिड १९ का कारण देशको अर्थतन्त्रमा ठुलो प्रभाव परेको भन्दै त्यसको प्रत्यक्ष असर मिडिया क्षेत्रमा पनी परेको बताउनु भएको छ । प्रेस काउन्सिल नेपालको आयोजना र नेपाल पत्रकार महासंघको संयोजनमा सोमबार सन्धिखर्कमा आयोजित पत्रकार आचारसंहिता र कोभिड–१९ ले मिडियामा पारेको प्रभाव’ विषयक अन्तरक्रिया कार्यक्रममा मनतब्य राख्दै अध्यक्ष आचार्यले यस्तो बताउनुभएको हो ।

आचार्यले कोभिडका कारण पत्रकारिता क्षेत्र आर्थिक संकटबाट गुज्रिएको भएपनी धरासायी हुन नदिने भन्दै अल्पकालीन र दृघकालीन योजना बनाई मिडिया सञ्चालन गर्नु पर्नेमा जोड दिनुभयो । उहाँले महासंघ पत्रकारहरुको साझा संस्था भएकाले पत्रकारको हकहित र अधिकारकालागी निरन्तररुपमा लडिरहने बताउनुभयो ।


यस्तै आचार्यले समानुपातिक विज्ञापन ऐन लागु गर्ने बिषयमा उठेको मुद्दा अब छिट्टै कार्यान्वयनमा आउने विश्वास पनि व्यक्त गर्नुभयो । सरकारले विज्ञापन बोर्ड बनाइसकेको र अब छिट्टै सबै मिडियालाई समानुपातिक ढङ्गले वितरण गर्ने भएकाले त्यो कार्यान्वयनमा आएपछि सबै सञ्चार गृहलाई सहयोग पुग्ने बिस्वास समेत व्यक्त गर्नुभयो । आचार्यले महासंघकै पहलमा कोभिडको बेलामा सञ्चारगृहले निष्काशन गरेका पत्रकारको पक्षमा लडेर केहीहदसम्म न्याय दिलाएको पनि स्मरण गराउनुभएको थियो ।

कार्यक्रममा प्रेस काउन्सिल नेपालका प्रमुख प्रशासकिय अधिकृत झबिन्द्र भुसालले सबै पत्रकार र सञ्चार माध्यमले आचारसंहिता पालना गर्नुपर्नेमा जोड दिनुभयो । भुसालले प्रेस काउन्सिलले पनी कोरोनाले प्रभाव पारेको मिडिया क्षेत्रमा सहयोग गरिरहेको बताउनुभयो ।


नेपाल पत्रकार महासंघ जिल्ला उपाध्यक्ष गणेश खनालको अध्यक्षता र सहसचिव अनिल नेपालीको संचालनमा सम्पन्न कार्यक्रममा सन्धिखर्क नगरपालिकाका मेयर कमल प्रसाद भुसाल, प्रमुख जिल्ला अधिकारी बिष्णुप्रसाद पौडेल, रामबाँण गुल्मका गुल्मपति अशोक क्षेत्री,प्रहरी नायब उपरिक्षक माधब बुढाथोकी, नेपाल रेडक्रस सोसाईटीका अध्यक्ष कुशल भुसाल लागायत पत्रकारहरुको उपस्थिती रहेको थियो ।

संसद विघटनको बिरोधमा सन्धिखर्कमा राजमोको बिरोध पर्दशन


श्याम घिमिरे,
पौष ६ अर्घाखाँची-
प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले आईतवार संसद विघटन गरेसंगै राष्ट्रिय जनमोर्चाले देशव्यापि रुपमा विरोध प्रदर्शन शुरु गरेको छ । सोही अनुसार राजमोले सोमबार अर्घाखाँचीको सदरमुकाम सन्धिखर्कमा जुलुस सहित बिरोध पर्दशन गरेको छ । राजमोले चुत्राबेसीको भक्तिटोल चोक र शान्तिबगैचा चोकमा कोण सभा सम्पन्न गरेको हो ।

समामा मनतब्य राख्ने बक्ताहरुले करिब दुईतिहाइ बहुमतप्राप्त सत्ताधारी दलभित्रको चरम गुटबन्दी, अन्तरविरोध र आपसी झगडालाई समाधान गर्न नसकेर जनताद्वारा निर्वाचित प्रतिनिधिहरुको संस्था प्रतिनिधि सभालाई विघटन गर्ने कार्य असंवैधानिक र अप्रजातान्त्रिक कदम भएको बताए । उनिहरुले यस प्रकारको गलत कार्यले मुलुक गम्भीर प्रकारको अस्थिरता र अराजकतातिर धकेलिने भन्दै यसको फाइदा प्रतिगामी शक्तिहरूले उठाउने भएकोले मुलुकमा विभिन्न साम्राज्यवादी शक्ति हावी हुनसक्ने कुरामा जोड समेत दिए ।

सभालाई नेकपा (मसाल) का जिल्ला प्रवक्ता पशुपति ढकाल,राजमो जिल्ला अध्यक्ष थम्मन केसी, जिल्ला सचिव बाबुराम पन्थी सुनार, राजमो सन्धिखर्क नगर समिति अध्यक्ष कमल प्रसाद घिमिरे,जिबनारायण खनाल लगायतले मनतब्य राखेका थिए ।